المساعد الشخصي الرقمي

مشاهدة النسخة كاملة : زيادة عزم سفاري 1991 ؟ موتر وكالة


falcon 1
08/05/2013, 08:20 PM
السلام عليكم ورحمة الله وبركاته
مسيكم بالخير يالربع كيف حالكم عساكم طيبين

انا يا اخواني جيبي سفاري 91 ( مو مركب شي الموتر وكالة) حبيت ازيد عزمه وفزته ( من غير تغيير المكينه )

السبب : احيانا وحنه فالدعو الطيور ما شاء الله ما تعطيك مجال .. ولا عطيت الموتر, فزته مهي قويه وعزمه عادي ,


وش تنصحون يالقروم؟؟

جزاكم الله خير وبيض الله وجيهكم

تحياتي لكم
اخوكم
فالكن 1
abo naser 1
08/05/2013, 09:35 PM
السلام عليكم

أخوي اذا موترك بلد فيه أمور تزيد من العزم بدون أضرار ملموسة بس الأهم ان المحرك صافي ونظيف

الفرار / يخفف من فزة الموتر ويخف ويفكك من الرجة وبعض العرة الخفيفة
مراوح كهرب/ تزيد عزم الموتر خصوصاُ في الحر او النفود لأن المحرك متواضع اذا شبكت المروحة الميكانيكية يموت حيلة فيفرق معه وكذلك ترتاح من حنة المروحة الميكانيكة
قزوز رياضي/ قزوز بدل الأصلي له صوت تتلافه بدبة تكون كاتمة بدون صوت
نوعة الكفر والجنط/ عرض الجنظ والكفر يفرق مثلاً قارن جنط السفاري 97 الكروم الأصلي وجنط الهلل فرق كبير في الوزن

هذه الأضافات ليست عصا سحرية بس بحكم أن المحرك متواضع بالعزم فتفرق معه في السحب والخفة وسرعة الأستجابة وغير مكلفة أو مضرة بل فيها فائدة
مطر وربيع
08/05/2013, 10:39 PM
ديلكو الكتروني واسلاك وبواجي رياضية وهدرز سويدي ومراوح كهرب وفرارات واذا فلوسك زيادة حط عليها
كربريتر رياضي ادل بروك لكن لاتحط الحجم الكبير حتى لايشرق
وبعد هذه كله لاتحط زيادة ولا قطعة لانه لا يستجيب للتزويد الا زيادة بسيطة جدا ماتسوى الخساير الي فيها
التعـ King ـديل
08/05/2013, 11:08 PM
الحل عندي بعد الله سبحانه

اولا : تركب ديلكو الكتروني حق 2001 حجم 4500 مع الكويل حقه

ثانيا : تركب هدرز سويدي مع دبه يوكن شبه مفرغه وانتبه تركب مفرغه بالكامل

ثالثا : تركب فرارات الباترول البرازيليه السوداء مع جنوط الاستاندر وعندك عده خيارات للجنوط

جنط الباثفيندر السياحي - جنط الباترول السياحي - الهلل المبرز

رابعا : تختار لك كفرات خفيفه مثل الشاهين 245/16/85 او البالون هيرو 900

وراح تلاحظ فرق كبير بالصرفيه والعزم

انتبه تركب مرواح اذا السياره مافيها حراره ولا يغرك انه تخلي الحنه تخف او تزيد من العزم تراها لو تعطلت تكرهك نفسك
falcon 1
09/05/2013, 01:40 PM
جزاكم الله خير إخواني ، بيض الله وجيهكم على المعلومات القيمة
×صقر×
09/05/2013, 02:53 PM
تبي أحسن تشليح تشليح سيارات الكويت تاخذ شيء مضمون