المساعد الشخصي الرقمي

مشاهدة النسخة كاملة : ترهيم الهايلوكس 2003 ديزل والتوربو


رحال الغربية
24/09/2006, 03:34 PM
الحمد لله إننا بلغنا رمضان وبدأنا فى صيامه

موضوعى هو عن الهايلوكس الديزل 2003

أحد سمع إن الهايلوكس الديزيل الدبل له توربو

الحمد لله وبفضل من الله ونعمة منه تم ترهيم الهايلكس ديزيل دبل بتوربو وتم ذلك فى خلال أربعة أيام بعد جهد وأترككم مع الصور

http://www.mekshat.com/pix/upload/images20/mk14707_1dsc00288.jpg

http://www.mekshat.com/pix/upload/images20/mk14707_1dsc00283.jpg

http://www.mekshat.com/pix/upload/images20/mk14707_1dsc00286.jpg

http://www.mekshat.com/pix/upload/images20/mk14707_1dsc00291.jpg

http://www.mekshat.com/pix/upload/images20/mk14707_1dsc00292.jpg

http://www.mekshat.com/pix/upload/images20/mk14707_1dsc00293.jpg
ابو شلش
24/09/2006, 03:53 PM
ماشاء الله

بس ليه ماتفك الصدام اللي قدام

ولو تاخذ 2006 ديزل تجي تيربو وكالة

وشغل مضبوط
غضنفر
24/09/2006, 05:42 PM
الله الله
ونش وصدامات و تيربو ودنيا
يا ويل البر منك
شبح الصحراء
24/09/2006, 06:33 PM
ما شاء الله عليك يا رحال الغربية والله انك فنان الحين معاك سيارة بر تحطها على يمناك :good2: الله يطعمك من خيرها ويكفيك شرها ، ما قلت لنا وشلون صار عزم الهلي بعد التيربو؟ وبعدين يبيلنا تقرير كامل عن موترك مدعم بالصور :good: .
رمو77
24/09/2006, 07:04 PM
وش التربو جهاز والا لي وال وشو

وبعدين وش اخبار العزم بعد ما حطيت التربو

وهل يصلح يركب على العادي موديل 2001
ابو ناصر2020
24/09/2006, 08:50 PM
كفو على الترهيم بصراحه انجاز لان الديزل مأذكر احد سو او رهم به شي
بس ترالعزم بيطوف على 2006 الديزل لان الديزل2006 مكينته 2500
اما موترك 2800 وتيربو الله يستر الله يطعمك خيره ويكفيك شره .
رحال الغربية
25/09/2006, 05:46 PM
مشكورين على الردود

والحمد لله والشكر لله العزم ماشاء الله تفوق على 2006 الديزل دبل فى السرعة والعزم فقط هناك مشكلة الصوت زاد تضخمه

ألأخ شلش الصدامات خاص للهايلوكس دبل 2003 ومكلفنى أكثر من 12 ألف ريال تبينى أرمى شغلى كله وأروح أكلف من جديد علشان توربو ويكون فى علمك إن موديلات 2003 إللى 2005 يمدحون مكينتها الديزل


ألأخ black path الحمد لله على نعمته

الأخ شبح الصحراء إن شاء الله التقرير بعد مقناص الطيور

ألخ رمو77 ماظنيت ذاك بنزين على ماعتقد وهذا ديزل

ألأخ أبو ناصر مشكور على الخبر إن كنت أنا أول شخص أرهم الهايلوكس الديزل بتيربو أللهم آمين
رمو77
25/09/2006, 06:59 PM
السلام عليكم
شكرا على الرد
لكن كم كلف عليك وهل يركب على الهايكس الديزل الي مهوب دبل واقل من موديل 2001
وكيف فرقت العزم
رمو77
26/09/2006, 06:27 PM
وين رحت يا اخوي ورا مارديت
سيد النشاما..
26/09/2006, 06:55 PM
ماشاء الله
الله يطعمك من خيره ويكفيك شره
عريدان
26/09/2006, 10:05 PM
يارحال الغربيه هل تغير شيء في البساتم ام لا لأن ترهيم تربو على المكينه بدون أخذ حساب التبريدوالحراره أعتقد بيسبب مشاكل. أرجوا الرد سريعاً.
رحال الغربية
27/09/2006, 01:28 AM
السلام عليكم
شكرا على الرد
لكن كم كلف عليك وهل يركب على الهايكس الديزل الي مهوب دبل واقل من موديل 2001
وكيف فرقت العزم

والله مالى خبره فى موضوع 2001 لكن أكيد إن له توربو هذا موقع الشركة اللى طلبت من عندهم التوربو وعلى العموم هو مكلفنى من غير التركيب حد 10 الاف ريال

http://www.capa.com.au/prices_turbo.htm#turbo_diesel

ألأخ سيد النشاما أللهم آمين

ألأخ عريدان نعم حسبت حسابها وخاطبت الشركة وعطيتهم مواصفات المكينة وهى 3L 2800CC وأكدوا لى أن المحرك له توربو من الشركة الأم موجود عندهم ومركب على سياراتهم فى أستراليا لكنه ضعيف شوى وله توربو مرهم من شركة متسوبيشى ويتحمله المكينة وقوته أفضل ومايحتاج تغير البساتم أو الشنابر فقط الأبزوز والصندوق موجود كل ماتحتاجه من أصغر قطعه إلى التوربو والأبزوز

أرجو أن أكون قد أجبت عن أسئلتكم والعذر والسموحة لأن تواجدى على النت محدود
رمو77
27/09/2006, 07:31 PM
الله لا يهينك وماقصرت

لكن عندي سؤال

فيه واحد بيجيب لي تربو من باكستان وتقريبا سعره1000 فقط السؤال هل فيه شئ لابد لي من تغييره عند تركيبه
رحال الغربية
27/09/2006, 10:06 PM
الأخ رمو 77
أولا تأكد أن التوربو له تبريد مائى Intercold
ثانيا تأكد إن له تزييت يأتى من داخل المحرك إلى التيربو ومن ثم إلى المحرك
ثالثا هل هو يتوافق مع نوع المحرك لديك
رابعا هل له وكيل بحيث يمكنك طلب أي قطعة طبعا بالمراسلة
وخامسا هل يضمن الوكيل التيربو
سادسا التيربو الكامل يجيك مع الأبزوز ومواصير الزيت ومواصير الماء والوجيه والشكمان وليات الهواء وتكون متوافقه مع سياراتنا لأن سيارات البكستانيين جهة يمين مثل سيارات الأنجليز وحنا جهة الشمال مثل بقية العالم

أرجوا أن أكون قد أفدتك

وفيه مثل يقول ( كل رخيص بخيص )تأكد وأنا أخوك ترى الباكستانيين شغلهم صناعة محلية ماهو مثل الأستراليين
الدبل الثقيل
27/09/2006, 11:53 PM
كم استغرقت القطع الى ان وصلتك ؟
رحال الغربية
03/10/2006, 03:59 AM
كم استغرقت القطع الى ان وصلتك ؟

أسبوعان ويتم الشحن عن طريق الخطوط السنغافورية
الوشاح
03/10/2006, 02:10 PM
مشالله شغل عدل :good:

كان معي ديزل 2001 وكنت افكر اركب تيربو بعد البحث وجدت بأحد المواقع الاستراليه تيربو مصنع من نيسان للهايلكس ( تناقض ) ويركب للمكينه 3l

سعره 3600 ريال من غير الشحن

الي صار اني خيرت .. بيكلف اكثر من 5000 والنتايج مادري عنه ولا شفت احد ركبه

* * *

مبروك التيربو الله يعطيك خيره ويكافيك شره

ابسألك عن الحراره زادة ولا انخفضت ؟

اهم شي انتبه لمبرد التيربو لازم شغله يكون تمام لايعدم عليك التيربو

بالتوفيق دائما وابدا

ـتحـيتـي لكـ
رحال الغربية
06/10/2006, 02:23 PM
نعم الحرارة زادت فقط عند إستخدام التيربو فى السرعات العالية وبعد وقت طويل

والله يوفق الجميع