المساعد الشخصي الرقمي

مشاهدة النسخة كاملة : ورشة تطبق مراوح سوبارو


فتى دآورد
11/05/2013, 10:33 AM
السلام عليكم ورحمة الله وبركاته

يا الربع لاهنتم ابي ورشة تركب مراوح سوبارو "بالرياض" " الموتر جيب باترول 96". ونبي الورشة رخيصة وشغلة حليو. لأني كلمت احد الورش المشهورة قال اركبها لك بـ 1200. !!!!!!!!!!! مش معقول. كنا نركبها ب600
عاشق البيكال
11/05/2013, 11:28 AM
عندك التويجري بالقصيم ممتااااااااااااز اتوقع سعره بحدود ال 700

الرياض ماعرف
فتى دآورد
11/05/2013, 11:49 AM
شاكر لمرورك وبيض الله وجهك بس خبرك وانا اخوك القصيم بعيدة
5200
11/05/2013, 12:54 PM
شوف هذا الموضوع

http://www.mekshat.com/vb/showthread.php?t=493278
zzss
11/05/2013, 01:27 PM
فيه مروحه تبريدها قوي شفتها على سيارة واحد من الشباب
وأقوى من مروحة السوبارو ممتازه للحراره يقول جربتها بالطعوس
والمكيف شغال ماتتعدى الحراره الثلث حتى لو شديت على المكينه
ويركبها في ورشته تكلف1500ريال.
حجازي20
11/05/2013, 09:39 PM
والله انا عندي كهربائي بالمدينة يقولي اركب لك مراوح مكسيما القطع بشغل يده حول 700 ريال

بس بصراحة انا ماني مقتنع بالفكرة
دحيم الفزعة
12/05/2013, 03:09 AM
السلام عليكم

في عنيزه محلات كهربائيين مختصين بالمراوح

موقعهم بالصناعيه إسأل عن ورشة الحسون للسمكره الكهربائيين جنبه

توقف موترك وبعد ساعه يخلص

التكلفه ٦٠٠ ريال شامل المراوح وكل شئ

مع الضمان شهر
راعي الرود
12/05/2013, 07:52 AM
بالريآض آخبر ابو عبدالله اللي بمحطه السعوي مدري هل هو مازال موجود خبري به قبل 5 سنوات اخر علمي به

مكانه مخرج 16 متجه شرق ابتل لين تشوف على يدك اليسار محطه السعوي هو موجود فيها

بس تأكد من الشباب قبل لأني مبطي ماجيته يمكن تغير مكانه

ماشاء الله عليه تركيب شغل وكاله ماتشوف ولا سلك و جلست على موتري المراوح 4 سنوات ماغيرت لها حتى فيوز !
سالم محمد
12/05/2013, 05:49 PM
مراوح السوبارو تجي نوعين صغيره وكبيره ؟ صح ولا انا غلطان
والافضل الكبيره
فتى دآورد
13/05/2013, 12:49 AM
الحمدلله تم تركيبها عند أبوريم " سليمان الخطيب " شاكر جهودكم يالربع
خبايا انسان
13/05/2013, 01:21 AM
الحمدلله تم تركيبها عند أبوريم " سليمان الخطيب " شاكر جهودكم يالربع
بكم ركبتها ؟ ؟

ووش نوعها


وهل هي الكبيره ام الصغيره
sgl2002
13/05/2013, 01:28 PM
والله حتى انا ودي اركب مراوح سوبارو لكن سمعت انها مع الجور والسرعه ترتفع الحرارة
فيصل التميمي
13/05/2013, 01:31 PM
اخوي ياليت تقول لنا كم كلفت المراوح وهل التركيب شامل كل شي
zzss
13/05/2013, 05:31 PM
والله حتى انا ودي اركب مراوح سوبارو لكن سمعت انها مع الجور والسرعه ترتفع الحرارة

اخوي انا ذكرت عن مروحه شفتها مرهمه على شيروكي رانجلر 6سلندر حقة سياره
المانيه موديل جديد تجي مروحه وحده لها سرعات اللي مركبها يقول جربتها بالطعوس والمكيف شغال ومع الجور والتدعيس ماتتعدى الحراره الثلث سعرها غالي بس تفرق عن مراوح السوبارو بالقوه.
sgl2002
13/05/2013, 07:14 PM
^^^

بس ممكن ماتضبط مع رديتر الباترول ٩٩ لان حجم الرديتر كبير بشكل ماتتصور ومروحة وحده ماتكفي لتغطيته كامله
zzss
14/05/2013, 12:21 AM
^^^

بس ممكن ماتضبط مع رديتر الباترول ٩٩ لان حجم الرديتر كبير بشكل ماتتصور ومروحة وحده ماتكفي لتغطيته كامله

على آخر الصيف الماضي ومع بداية البراد مريت على راعيها ولقيته شغال فيها
قلت وش عندك قال صرت أحمي السياره ولاتقوم الحراره وركبت بلف الحراره
ولا استفدت كثير وخليت الكهربائي يركب لي حساس عشان يوازن الحراره
ويتحكم بتشغيل المروحه.
سوبر VTC
14/05/2013, 02:12 AM
^^^

بس ممكن ماتضبط مع رديتر الباترول ٩٩ لان حجم الرديتر كبير بشكل ماتتصور ومروحة وحده ماتكفي لتغطيته كامله

احد الربع مركب سوباورو ع باترول صالون م99 من سكان الرياض
مركبهن له حول ال10 سنين و الامور تمام
ابو فهد...
16/05/2013, 01:54 AM
sgl2002 يركبون مرحوتين كبار انا مركبها لي ٣سنين على باترول سلقه ٩٩ زينه وابرد من مرواح البلد وتحس الموتر خفيف وتروح الحنه وماشفت منها الا كل خير مشاكل بس ركبها عند واحد مظبوط وخل معك فيوز احتياط بالسياره ويركب لك فيوز لكل مروحه يعني فيوزين و فاصل داخل لو لا قدرالله خرب شي
فتى دآورد
16/05/2013, 04:19 PM
آسف على التأخير ركبتها بـ 950 عند سليمان الخطيب واللي يبي رقمه. يقولي بس ويبشر
ابو فهد...
16/05/2013, 09:44 PM
sgl2002 يركبون مرحوتين كبار انا مركبها لي 3سنين على باترول سلقه 99 زينه وابرد من مرواح البلد وتحس الموتر خفيف وتروح الحنه وماشفت منها الا كل خير مشاكل بس ركبها عند واحد مظبوط وخل معك فيوز احتياط بالسياره ويركب لك فيوز لكل مروحه يعني فيوزين و فاصل داخل لو لا قدرالله خرب شي

غلطت فوق كتبت مشاكل وهي مافيه مشاكل
التعـ King ـديل
17/05/2013, 01:57 PM
الحمدلله تم تركيبها عند أبوريم " سليمان الخطيب " شاكر جهودكم يالربع


دخلت للموضوع بقولك رح لابو ريما ،، خبري فيه جيد بس سعره ارتفع كان 600 - 650 على حسب الموتر بس هالكلام من 3 سنين يوم كان بالورشه مع ابو صالح ،، الحين مدري وين راح
ابوسند9
17/05/2013, 10:45 PM
دخلت للموضوع بقولك رح لابو ريما ،، خبري فيه جيد بس سعره ارتفع كان 600 - 650 على حسب الموتر بس هالكلام من 3 سنين يوم كان بالورشه مع ابو صالح ،، الحين مدري وين راح


اخوي كنج
ابو ريم استقل عن ابو صالح التركي
موقعه صناعية مخرج 18 قبل تقديرات المرور وانت متجه شمال ب 100 متر ع اليمين
فهد2012
21/10/2013, 03:42 PM
عطونا رقمه يا ناس

انا رحت ومالقيت احد .... انتم متأكدين !!!!!!!!!!!!!!!!!!!!