بخصوص اسعار السيارات

[ريف الخوي]

بشرونا .. وش الجديد بخصوص نزول الاسعار ؟

[ريف الخوي]

عطوونا العلووم

[ابو محمد السهلي]

حدث ولاحرج عن النزول / في المستخدم /////اما الجديد / نزل فيه شوي على سبيل المثال الجكس ار فل الفل عبد اللطيف٢١٤ اصفار بعد كان ٢٢٨ هذا اللي اعرفه

[ريف الخوي]

منقووول للفائدة
السيارات اللي أعرف إن أسعارها نزلت أو عليها عروض ..

1 . الجمس السييرا ( الونيت ) Z71 الغماره دبل حجم 1500 كان سعره 126000 ريال و نزل 122000 ريال و الآن عليه عرض 116000 ريال موديل 2013

2 . هونداي أكسنت ستاندر ( قزاز كهرباء و قير تماتيك مكينة 1400 ) كان سعرها 47000 ريال و نزل 45000 ريال و الآن تباع في المعارض 43000 ريال موديل 2013

3 . الكيا سيراتو ستاندر ( قزاز كهرباء و ثير تماتيك مكينة 1600 ) كان سعرها 53000 ريال و نزل 49000 ريال و الآن تباع في المعارض 46000 ريال موديل 2013 - ملاحظة : الشكل القديم ( موديل 2013 دفعتين و شكلين )

و هذي السيارات أنا سألت عنها في المعارض الأسبوع الماضي بتاريخ 15 / 6 / 1434 و ما عندي علم بعد هذا التاريخ عن أسعارها هل زادت أو نقصت أو كانت عليها عروض و انتهت .. و الله أعلم

[فاسيلي زايستي]

السلام عليكم
والله يا اخواني مريت المعارض ولا شفت نزول في الاسعار بالعكس السوق العرض قليل وفي يدين الشريطيه يعني نار من خلال خبره في المعارض نصيحه
1-لاتشتري من اللي ملبق السياره وحاط الرقم ((شريطي ))
2-لاتشتري من المعرض الا اذا كان صاحب المعرض معرفه ((تصدقون لقيت سيارات تقعد في المعارض ب7 و6 شهور مانباعت ولاعنده مشكله المعرض مثلا ((هايلكس 2010 دبل ب85 الف والا الان على الحد))!!
3-اشتر من اللي يلفون بالسيارة بس افحص لو ان البايع (( ابوك)) اسلوب مبالغه !!
4- افحص عند كارتك لو كنت في معارض النسيم احسن من فحص البريدي البريدي اخذ سمعه اول الحين مش ولا بد فحصهم

[نايس × كول]

ما فهمت هذا كيف

والله يا اخواني مريت المعارض ولا شفت نزول في الاسعار بالعكس السوق العرض قليل وفي يدين الشريطيه يعني نار من خلال خبره في المعارض نصيحه
1-لاتشتري من اللي ملبق السياره وحاط الرقم ((شريطي ))

[هايل العتيبي]

والله سمعت ان الجكس ار الجديد بـ206
مادري هل صحيح

[مالك سلمي]

اخواني قبل اقل من شهر رحت للبريمي وحصلت جي اكس فل ب 214الف 2013

[هبوب النود]

السيدان يبداء النزول قبل الجيوب

الاكورد والكامري والاوريون نزلت نزول بين مثلاً الكامري من ٩٧ الى ٨٣

الجيوب راح تلحقها وهذا رد اعجبني لاحد الاشخاص في موقع اخر انقله لكم ودعواتكم


من بداية السنه والين ينزل ومحافظ البنك الياباني يستهدف سعر ١٢٠ ين مقابل الدولار وذلك لتحفيز التصدير لاجل تنشيط الاقتصاد الياباني يعني باقي نزول تقريباً ٢٠٪ للين ولكن متى يتحقق الله اعلم يمكن خلال ستة شهور

ج/٢ النزول لكل السيارات اليابانيه هوندا تويوتا متسوبيشي نيسان واتذكر قبل شهر ونصف قريت مقابله مع وكلاء السيارات اليابانيه في الامارات منشور في موقع اسمه منتدى الامارات الاقتصادي وكان وقتها انخفاض العمله ١٠٪ فقط وذكروا انهم راح يسوون عروض وخلافه بسبب هذا النزول اما اذا استمر الين في الانخفاض راح تنزل الاسعار رسمي
الهوندا نزل سعرها والكامري مثل ووو والنزول واضح لكن الجيوب بسبب الاقبال عليها لازال الوكلاء متمسكين ونزولها بسيط ولكن راح تنزل وانت شفت كيف ال gxr 8 سلندر نزل من ٢٢٨ الى ٢١٠ تقريباً

ج/٣ مدة الانتظار لأن الاسعار تهبط بعد هبوط الين والشركات المستورده توقع عقود لمدة ثلاث شهور وبعضها ستة شهور يعني على شهر ستة ميلادي تكون العقود الجديده والاسعار الجديده بأذن الله وراح اضرب لك مثال

قبل شهرين ونصف احد الزملاء اشترى سفاري ٣٢٠ حصان رقم ٢ موديل ٢٠١٣ وكان سعره وكاله ٢١٥ والمعارض ٢٠٠ والان تشوف سعره ١٨٥ واقل

[ياسر بن صالح]

الله المستعان

[فرخ قطا]

ياليت ينزلن اسعارهن اليوم قبل بكرا

خل العالم يشرون

[ابو محمد السهلي]

شفنا صور للجيب ١٤ اذكان انه كذا عزالله ان الشكل القديم ماينبغا بريال

[مجبور اسامحك]

ابومحمد ياليت تنزل الصور ولا رابط الصور ولاعليك امر

[النافعي]

[CO"]LOR="Red"]شباب كم سعر الجيب الربع المستعمل الحين لاني ناوي على واحد وابي اعرف اسعارها
[/COLOR

][/SIZE]

[ابو شموخ لمار]

كبر الوساده اذا انت تحرى النزول. . الاقتصاد الياباني منهار من زمان والوكلاء قاعدين يعوضونهم من ظهورنا ، خذ عندك مثال :- تذكر الفياضان المدمر الذي اجتاح اليابان من بكرا طوالي رفعوا الوكلاء ١٠٠٠٠ ريال بحجة ان المصنع تضرر وأنه راح يوقف التصنيع وأصلاً المصنع خارج اليابان ( قال ايش دراك انه كذبه قال من كبره) ثانياً: الوكلاء يرفعون سعر الجيب ربع مليون وينزل ٣٠٠٠٠ مايعتبر نزول لأن الوكيل يستفيد اكثر من المصنع ثالثاً: حسب اتفاقية التجاره العالميه نظام عالمي انه راح تنقل جميع مصانع السيارات اليابانيه والامريكيه والكوريه الى الصين بعد عام ٢٠١٥ بهذه الحاله يمكن يحصل النزول كونها تصنع بالصين

[التعـ King ـديل]

السلام عليكم
والله يا اخواني مريت المعارض ولا شفت نزول في الاسعار بالعكس السوق العرض قليل وفي يدين الشريطيه يعني نار من خلال خبره في المعارض نصيحه
1-لاتشتري من اللي ملبق السياره وحاط الرقم ((شريطي ))
2-لاتشتري من المعرض الا اذا كان صاحب المعرض معرفه ((تصدقون لقيت سيارات تقعد في المعارض ب7 و6 شهور مانباعت ولاعنده مشكله المعرض مثلا ((هايلكس 2010 دبل ب85 الف والا الان على الحد))!!
3-اشتر من اللي يلفون بالسيارة بس افحص لو ان البايع (( ابوك)) اسلوب مبالغه !!
4- افحص عند كارتك لو كنت في معارض النسيم احسن من فحص البريدي البريدي اخذ سمعه اول الحين مش ولا بد فحصهم


اوافقك بكلامك وخاصه النقطه رقم 4 البريدي اخذ سمعه على الفاضي وانا اشوف ان الغروب افضل :good2:

[أنصر نبيك]

حدث ولاحرج عن النزول / في المستخدم /////اما الجديد / نزل فيه شوي على سبيل المثال الجكس ار فل الفل عبد اللطيف٢١٤ اصفار بعد كان ٢٢٨ هذا اللي اعرفه





والله سمعت ان الجكس ار الجديد بـ206
مادري هل صحيح

ولا نزول ولا يحزنون الجي اكس آر فل الفل ب 235 ريال ينطح ريال

وهذا الدليل
http://www.toyota.com.sa/modelsprices.asp?model_id=11

[الصخرة]

ولا نزول ولا يحزنون الجي اكس آر فل الفل ب 235 ريال ينطح ريال

وهذا الدليل
http://www.toyota.com.sa/modelsprices.asp?model_id=11

خلك من موقعهم وشف المعارض والوكالة

لاندكروزر الصخرة في الوكالة 222ألف
ولاند كروزر الفل وصل حتى 212 ألف في المعارض طبعا V8

وكل المعارض تبي تصرف اللي عندها كلن يقول اشتر وبخفض لك حتى سعر التكلفة

واتوقع GXR V8 راح يكون سعره دون 200 الف


المستعمل

GXR V8 2012 سعره 185 تقريبا الفل طبعا
بعد ماكان قبل ثلاث الشهور ماينزل عن 205 الآلف