المساعد الشخصي الرقمي

مشاهدة النسخة كاملة : باثفايندر الجديد أو إكسبلورو أو برادو .....أبي الشور


بن محفوظ
25/09/2006, 03:58 AM
السلام عليكم
أبي الشور من أهل الشور شرواكم ودي أشتري موتر دفع رباعي ومحتار بين المواتر اللي ذكرتها
فما أدري من يتوفر لديه معلومات عنها خصوصا في المريح منها في البر لأن الله يشفينا وإياكم الموتر
القاسي في البر يضر أعصاب الجسم عندي خصوصا اللي يأثر عليه لو الممشى في الحزم تلقى يديك
كنك وهي على الدرقسون وأنت تمشي بسرعة 20 كأنك ماسك دريل ..... ليتي ألقى الراي تكفون
الأعصـــــار
25/09/2006, 09:01 PM
أرشح الباث فايندر الجديد شكله أرهابــــــــــــــــــــــي
ملاعب الريح
25/09/2006, 09:31 PM
أرشح البرادو............
عقاب طويق
25/09/2006, 11:24 PM
أرشح الباث لانه انسيابي ويجمع بين السياره الجيب والسيدان ولا تمل منه لان الجيوب الثانيه اللي تكون عاليه تخليك بعد فتره تمل وودك بسياره سيدان . بعدين الباث تحس انه مدروس بذكاء ومستغلين كل زاويه فيه وبعدين جبار وقوته فضيعه وعن النعومه يكفيك انه نيسان اللي محركاتها تفوز بجوائز عالميه كل سنه وجيرها الاتوماتيك تقول جير Bmw صدقني ماني عميل للحمراني ولاكني مغرم بالباثفاينر ومازال عندي موديل 2001 زى العسل تدري الى وين وصلت فيه مارايح تصدق .. الى جورجيا من بعد تركيا .
غضنفر
26/09/2006, 12:02 AM
عقاب طويق
ما شاء الله عليك مخلص لموترك مثلي
الا علمني ولا عليك امر كم ماشي الباث بتاعك<SCRIPT type=text/javascript> vbmenu_register("postmenu_500304", true); </SCRIPT>
جلمود 83
26/09/2006, 12:17 AM
شوف الاكسبلورر افضل امان واتظف الامريكي

البرادو احس انه ممل وثقيل

الباث الجديد بصراحه اليم و اعرف واحد يطلع بر خفاف مدحه وانا مغرم فيه بعد

القرار لك بس انا عندي فكره خذ كل واحد للتجربه ( تست درايف ) وامش فوق عيون البس وابتل عليها وشف نسبة الهزه
منتعش
26/09/2006, 12:37 AM
أنت شاورت وباقي عليك الأستخارة
والله يكتب لك الخير .
بن محفوظ
26/09/2006, 03:13 AM
ألف شكر وتحية للجميع وما قصرتوا يامال العافية...

والصراحة رحت اليوم وتفحصت الباثفايندر الجديد وهو اللي أعجبني من بين المواتر وجامع البر والديرة
خصوصا منا راعين الرملة والشمال حدنا خمسين كيلو عن الخط
الله يكتب الي فيه الخير ويجعلنا وإياكم مباركين .
salehhd
26/09/2006, 04:50 AM
السلام عليكم

اختيار جيد

وافضل انك تشوف جيب باجيرو من متسوبيشي ترى يمدحونه بالحيل قوي وراسي وحق كرف
sal7
26/09/2006, 12:14 PM
هلا أخوي

أستغرب من بعض الناس أنه لا سأله أحد عن شيء يفتي على حبه لشيء مجمل
الواحد منا لازم يتحرا الدقه
في الوصف من الناحيه الميكانيكيه و الشكل و المركب........إلخ

أخوي الاكسبلور و الباثفاندر يشتركون في نظام التعليق المنفصل (و هو النظام مريح جداً وهو نفس
نظام السيارات الصغيره عموم و نفس الـ مرسدس و الـ Bmw الدفرنس اللي قدام و اللي ورا ليس
قطه واحده و أنما 3 طنجه وهي اللي به الكارونه و ذراع أيمن مفصلي و ذراع أيسر مفصلي)
وهو اريح شيء أنك لا ضربت مطب من جهه مايتحرك الموتر لان كفرات الجهه اللي من عنده
المطب ترتفع وتنزل و الموتر ثابت و أحتمال 50 % التأثير

ألا أن المحرك في الباثفاندر يضعف من الناحيه سعة المحرك 3500 سي سي و الاكسبلور 4000 سي سي
بس السعه اللتريه مب لازم نشوفه عند العزم و عدد الاحصنه و اتوقع إن الباث أفضل من هذه الناحيه لان عليه قومه توحش

المركب أخوي المركب في هذه اتوقع لازم تجربهن لان من الصعب تحكم على موتر فيه تعليق منفصل من دون ماتجربه
لان التعليق يوفر أقصى درجات الراحه لراكب أنا ركبت الاكسبرور مع ولد عمي واحد مراتبه عضله شوي
أما الباث أنا ركبت القديم ولم أجرب الشكل الجديد و كان الشكل القديم مريح جداً

أما من ناحيه أخرى يتفوق الباث وهو أن الاكسبرور ما تقدر تشبك الدبل يدوي هو من روحه يشبك
يفصل من روحه

الشكل أنا أفضل الباث شكل جميل و موديل جديد

انا استبعد البرادو لرفعه و لا يشترك معهم في الراحه ولا في النظام المنفصل وهو يشترك مع الباث في سعة المحرك
و البرادو أحتمال كبير أنهم يغيرون شكله
و الباث فيه مشكله أو عيب شرعي وهو كثير الصرفيه مقارنه مع غيره


من وجهة نظري القصيره جداً و بالنسبه لي أفضل الباث أما أنت فـ بالخيار للحين يمكن تحصل بهن شيء
ما يجوزلك

تحياتي
الطير المهاجر
26/09/2006, 02:15 PM
مرحبا

انت اذا كنت من النوع الي يغير سيارته كل سنة او اثنين

فمن الطبيعي انك تاخذ برادو لانه مثل مايقولون تاخذه وعندك شيك في مخباك متى مابغيت البيع

سعره مايطيح في السوق

اما اذا تبي تدلع وتتكي وتدخل البر وتطلع وكأنك ماطعست فخذ الاكسبلورر

اما اذا تحب الخفيف والطعوس بحماس وروعة والخفة في الطريق فعندك الباثفايندر

وانت على قد فلوسك روح ودور السيارة الي تناسبك

تحياتي لك
لبرتي
26/09/2006, 02:34 PM
باثفايندر الجديد حلو وقوي جداص مكينتة 4000

بس أفضلك دور لك واحد مستعمل طايح من سعره شوي لان الوكالة مبالغين في سعرة مره
عقاب طويق
26/09/2006, 11:59 PM
ردا على اخوى Black Path الموتر ماشي 203000
بن محفوظ
27/09/2006, 12:12 AM
شكرا أخوي sal7 على المعلومات الشافية وافي الله يبارك فيك

شكرا الطير المهاجر
شكرا آخر لفة
غضنفر
27/09/2006, 12:49 AM
ما شاء الله
تــــوني
27/09/2006, 01:06 AM
اول شي بسم الله على اعصابك يا بن محفوظ

شف الاكسبلورر تراه زين ومجربه واحد عندنا يمدحة كثير ووسيع
ومريح

والله يكتب لك الصالح ولا خاب من استخار
ابوهتون
05/10/2006, 12:27 PM
بصراحه انا اشجعك على الاكسبلورر..لانه اوسع واريح وسعره مناسب.
عريدان
05/10/2006, 11:04 PM
الاكسبلورر والباثفايندر الجديد تعليقهم غير جيد في الرمال أما البرادو فممتاز ومن ناحية إطارات الجميع فهي غير مريحه يعني صخرية بزياده.
محسن اليامي
06/10/2006, 10:02 AM
أسمع يابن العم ترى الباترول لين في البر وزين وقوي
تكفون
06/10/2006, 01:01 PM
شوف ولا تشاور أحد

لا وشيك في المخبات ........ والسعر ماينزل أبد ...............وقوه ومتانه وعزم ....

طبعا بيكون جيب برادوا ...... صدقني والله ثم والله أنك لن تتحسف عليه ... موتر على اسمه ....

وإذا كنت نويت البرادوا عليك بالبازعي .... عندهم مواصفات خياليه ....
الربذي
07/10/2006, 12:05 AM
السلام عليكم
اخي الباث 2006 غير مجديه خصوصا في النفود ادخل على الساحات العربيه وشف ساحة السيارات موضوع لنجم فانتوم عن تجربه 2006 الباثفيندر روعه موضوع شيق متكامل (والكامل وجه الله جل وعلا ))
تتعلق بالرمل ولاتطلع الا بجر خصوصا النفود حتى في امريكاء اثنا التجربه عانوا من تلك المشكله
imksa
09/10/2006, 01:55 AM
الرجال شكله شرى الله يبارك له

انا توي ماخذ باث فايندر 2006 وبعد ما اخذته قريت الموضوع هذا في الساحه

http://alsaha.fares.net/sahat?14@159.SNcug8zwulm.0@.2cc17cef

بصراحه ضاق صدري ( شوي ) لكن الموتر عاجبني وهالمشكله مو قويه يعني اذا بتمشي على الطعوس ما عندك مشكله بس اذا انت بتطامر الله يعينك


فمان الله
الكوسه
09/10/2006, 02:29 AM
السلام عليكم...
والله ياخلفهم انت استخر واهم شي لايهمك هرج الناس اللي يناظرون الشكل قبل التجربه
وعلشان ماتبزع وتورط انا شوري عليك تنشد وتسال ناس معهم موتر زي اللي تبي مثلا رفيق لك معه باثفندر 2006 قله وشرايك فيه وعلى طاري الكسبلورر بصراحه ماضمن الامريكي صح انه على ماقال مكينه ومريح بس لاخرب عليك تبي تشلز بصل وثوم وكراث على الاقل التايوتا والنيسان تعرف وش عذروبهن وش اللي يبي يخرب عليك وانت استخر واشر الي ترتاح عليه
وسلامتكم...
imksa
09/10/2006, 01:49 PM
فيه معايير لاختيار السيارة ساعدوني في وضعها ،، يوم جيت اشتري السيارة تفاجأت بحاجه ،،، سعر الارمادا = سعر الباث فايندر كلهم 113000 ،،، فاحترت كثيرا الى أن قيض الله لي رجال شار علي بشور طيب قال لي ( شف حاجتك ولا عليك من الناس ) وفعلا

كانت حاجتي سياره صغير ( لانها بتكون سيارتي الشخصية وما عندي غيرها )

دبل عشان استمتع بالبر و السيل :) ( الله يغيثنا )

عيالي 4 صغاار الكبير 11 سنه فلا احتاج سياره كبيرة

متعقد من الفتحة من يومي صغير ودي بسياره فيها فتحة ولا قد امتلكت سياره فيها فتحة الا الان ( ولله الحمد )


فمن هذا المنطلق :):) احط هذي المعايير

ميزانية الشخص

عدد افراد الاسرة

عدد مرات خروجه للبر

الاماكن اللي يروح لها

واللي عنده زود يحطه


فمان الله
عبـــد الله
09/10/2006, 02:07 PM
السلام عليكم

أولاً و أخير التوفيق بيد الله و أتمنا ذلك للجميع

ثانياً لا تتعدى تايوتا أنا معي جيب برادو و أمس كنت في الوكلاة شريت منهم قطع بين الدبل والقير بقيمة (22 ريال ) و هذي من ميزات

تايوتا غير ذلك من المتانة و الجودة و القوة ( 6سرندل ) و الفخامة.

و سألني واحد من الجيران و كان بيشتري كامري و فريت راسة لين إشترا برادو فل كامل

و بصراحة البرادو يتميز بميزات لا يعرفها إلى من جربها و أنا أقارن الفل كامل بالفيكس أر من ناحية المواصفات والراحة و أسأل

مجرب.

أختم بأنه حتى وقت البيع ما رح يطيح يعني مثل ما يقولون شيك.