المساعد الشخصي الرقمي

مشاهدة النسخة كاملة : سوال عن الهايلكس الدبل والفائده للجميع نحتاج ان نبحر في عالم الهلي الدبل


bobnan
25/09/2006, 08:25 AM
اخواني العزيزين مساكم الله بالخير

عندي سوال:

انا ناوي اشتري هايلكس دبل 2006غمارتين ودي اكمل السياره بمستلزمات بريه :

نبي الخبره منكم تكفون :

1_ وين افضل مكان يركب تانكي ماء بالرياض او الشرقيه
2_ وين افضل مكان يركب هنقل على صندوق السياره ويفتح مع الجنب
3_ وش افضل جنوط على الهايلكس خفيفه وانيقه مع الكفرات عمليه وليس زينه
4_ هل يصلح اني اركب دعاميه حديد - وهل يصلح اني اركب مساعدات ويايات للمطامر

اتمنى مكل قلبي ان اجد الرد وشكرا لكم كثير الشكر ياجماعه

اخوكم ابو بنــــــــــــــان
عريدان
25/09/2006, 12:55 PM
كل شيء ممكن بإذن الله بس أهم شي كمل (نصف دينك) قبل الهاي الدبل.
bobnan
25/09/2006, 01:11 PM
افا والله ليش يا اخوي شايفني ضايع يوم تقولي كمل دينك

اخي هذا المنتدا موضوع للفائده والاستعلام والاخبار رجاء انصح نفسك اولا

اتمنى التوفيق لك

ونكمل الموضع يا شباب
شبح الصحراء
25/09/2006, 07:51 PM
نصيحة انتظر موديل 2007 تراه قرب واذا اشتريته بإذن الله تلقى ما يسرك من الأعضاء أصحاب الهلي وهم كثيرون وبالنسبة للمساعدات لا انصح بتغييرها ولا اظن ان هناك يايات في الهايلوكس الجديدة أما الهنقلين فله مميزاته وله عيوبه واظن الغطاء الفيبر شكله مقبول جداً على الهايلوكس الجديدة وعملي أكثر من الهنقلين ولكنه أغلى بحدود 1800 للجديد على ما اظن ومن الممكن تركيب تانكي ماء ولكن احرص على الألمينيوم أو الستانلستيل وانصحك بتركيب تانكي بنزين أما الأماكن فهناك من يمدح ورشة الدفع الرباعي بالتخصصي وهناك من يمدح ورشة المواهب في الصناعية القديمة بالرياض .
تــــوني
25/09/2006, 10:35 PM
الاخ ابو بنان وصلك الرد على الخاص ولك اجمل تحيه
ومتى ما بغيت تجرب السيارة قبل لا تشتري انا جاهز والله يحييك في اي وقت
ولنا الشرف

اخوك توني
bobnan
26/09/2006, 09:29 AM
تحياتي العطره لك ياشبح الصحراء وياتوني والله بمعنى الكلمه ماقصرتو والله يحفظكم

انا ناوي هذه الايام اشتري هايلكس دبل ولكن صراحه مافيني حيل اصبر لموديل 2007 وبيصير اغلا2006

ولكن تسلمون واذا توصون على اي شي من الشرقيه والله انا حاضر
تايوتا
26/09/2006, 09:46 AM
اخوي مساك الله بالخير انت واشباب الله يعطيهم العافيه

انا شريت ولله الحمد 2006 دبل ال2007 ممكن تلقاه الحين في الوكالات بس انا اقول اذا انت بتستخدم خذ 2006 ليش لفرق السعر بين الموديلين استفد منه وبعدين المواصفات هيه مااختلف شيء اتمنى اني افدتك

ملاحظه( اخوك قصده ينصحك ولا قصده شي ثاني ولو انه مايحب لك الخير مانصحك الله يعطيك العافيه خل صدرك وسيع ترانا اخوانك ونعزك ونحب الخير لك , الله يجزاك خير الاخ الي نصح واسف لو تدخلت)
bobnan
26/09/2006, 12:58 PM
الله يبارك فيك يا تايوتا ويجزاك خير ويزوجك انشاء الله ام16

بالنسبه لهايلكس الدبل 2006 انا انشاء الله بتوكل على الله وابي اشتريه بمشية الله


توني ترى ماوصلني شي على الخاص الى الان بخصوص محلات تركيب الهناقل والتوانكي

ربي يحفظكم
شبح الصحراء
26/09/2006, 02:23 PM
وانا بعد يا توني يا ليت لو ترسل لي عن محلات التوانك والهنقل ودي اركب توانك ماء بس ابي الشغل الزين .
الربذي
26/09/2006, 03:05 PM
السلام عليكم
اخوي بوب نان
اولا اخونا عريدان ماغلط عليك فقط نصحك بان قال اكمل نصف دينك اي تزوج وانت الله يهديك قابات نصيحة لك بعصبيه واكيد انك فهمته غلط يعني سوء فهم
لان اخونا عريدان شخص محترم ولايمكن يصدر منه الا كل خير
فارجوا منك اخي ان تعتذر لاخزنا عريدان عن هذا الرد لانه مايستاهل هذا الكلام
ثانيا انا عاجبتني ولا بعدين احطها بموضوع مستقل ان شاء الله سبحانه وبعدين الفين 7 ماراح تتغير اكيد فقط خطوط ولاتنسى الصدام الامامي الي فيه معلاق ذبيحه وكل اغراض البر
وتبي نصيحتي خذلك 2005 اصبر واكد من 2006 بشهادة الكثير ولي عود باذن الله
تقبل الله منا ومنكم صيامنا وقيامنا
bobnan
26/09/2006, 03:12 PM
تسلم يالربذي على هل كلام الطيب وانا اعتذ لاخي عريدان واتمنى ان يقبل عذري

الله يبارك فيكم اجمعيا
فال الخير
26/09/2006, 03:28 PM
تبي النصيحه ياخوي أنحش عن الهايلكس تراه كسره نصيحة محب تراه تايلندي وبين انه مساك الله بالخير من يوم تشوفه هذا غير لو جربته وطاح بكبدك أسأل مجرب .................. تحياتي
bobnan
26/09/2006, 03:37 PM
لالالالالالا يافال الخير وش الي جاك منها يكفيك كلمت تايوتا

صراحه الشكل دمار ولكن افضل الموجد افضل بكثير من النيسان وغيره

لبغيت تبيع شيك بجيبك وحقت كد

والعلم عند الله ولكن نتوكل على الحي القيوم ونعم بالله

اشكرك على مشاركتك يالفال الخير
ابو ناصر2020
26/09/2006, 11:38 PM
من ناحية شيك فعز الله شيك 2006 رح سعر بلوكاله وشف اقيامه بمعارض ولا اكثر من يشري 2006
يبيع على طول وتر حتا الأن 11 هايلكس 2006 احترقة بسبب غلط مصنعي
وعقلك براسك تعرف خلاصك .
تــــوني
26/09/2006, 11:47 PM
ابو ناصر كان شبت مواترنا

الي ماله في الطحين يقول له عجين

يكفي انتشارها في كل مكان حتى الشركات شرت منها كميات كبيرة وما عندهم مشكله
يا كبتن ...
اذا جربت (ذيك الساعة تصير مفتي ) واذا ما جربت خلك في المدرج واتفرج !!!
تــــوني
27/09/2006, 12:01 AM
استغرب ما وصلت لك الرسالة مع اني مرسلها مرتين

عموماً السؤال
من ناحية الخطوط مريح بس انا معدل فيه شغلات كثيرة منها
اولاً : المراتب مغيرها (مراتب لكزس 400 كهرباء ودرج اوسط ومكان للكاسات )
ثانياً : ساحب منه ريشتين التحميل لاني ما احمل عليه ومقوس 7 سنتي وصاير مريح وقدام يايات ومايحتاج تغير مساعدات الي فيه زينه
ثالثاً : مركب شد(هنقلين ) يفتح من الجوانب ( اجنحة) ومن الجنب (صندوق ) في نفس الوقت بس الورشة الي سويته فيها ماهي مشهورة وداومت عندهم يومين عشان يظبطونه
والشراع تنزاني اخضر غامق ( جيشي ) عند ابو عبده
رابعاً : دعامية شاكوش , فاس , مسحات , معلاق ذبيحة , قواعد كشافات
خامساً : بطارية اضافيه تماتيك
سادساً : جنوط vxr وكفرات دانولب مع تفصيل جلبه للجنوط عشان الرجة لان فتحة
الجنط اكبر من الفلنجة
سابعاً : تانكي خارجي للماء سعت 120 لتر (جالون عادي يركب في الصندوق ) واذا ما احتجت له نزلته في البيت عشان ما يثقل على السيارة

والحمد لله جربته في البطانيج وجربته في الرمل وما يحتاج خذ رجال وخلك من قولة الي شبت وما شبت وبرابيس ها القيّاله ...
ملاعب الريح
27/09/2006, 12:12 AM
السلام عليكم ورحمة الله وبركاته

عندي سؤال للأخوان كم سعر الهايلكس الدفرنسين2006 ووش مواصفاتها ........

ومشكورين مقدماً

ملاعب الريح
bobnan
27/09/2006, 08:04 AM
الله يعطيك العافيه ياتوني على الرد التفصيلي الجيد

الشكر كل الشكر لك
bobnan
27/09/2006, 11:23 AM
سعره يالغالي السوبر2006 دبل 74000الف ظبعا بانزين

لك التحيه ولك الشكر
ملاعب الريح
28/09/2006, 07:03 PM
مشكور أخوي أبو بنان وما قصرت.........
bobnan
05/10/2006, 06:54 PM
الشكر للجميع يالربع
عريدان
01/11/2010, 01:08 PM
أخي بوبنان حياك الله وإنت معذور من قبل ، ولأني ما قريت إعتذارك إلا اليوم وشف بعد أربع سنوات فأنا أحييك وأرجو أنك شريت الهايلكس ، وأرجو انك تزوجت بعد ... وخاصة انه مر أربع سنوات على إقتراحي لك بالزواج .... وأيضاً لأني أنا أخذت هايلس دبل 2010 ( خليجي) عجبني من بعد ما قرأت موضوعك بأربع سنوات وأرجو إن إقتراحي أعجبك وسويته وعقبال ألاربع سنوات؟؟؟ أخوك عريدان