كيف نرفع الهلي

[جلمود 83]

سلام

شباب انا كل يوم تقريبا يدور براسي فكره وهي هل هو ممكن اننا نرفع الهلي العادي ( الغمارتين الدفع الخلفي ) بنفس رفعة الدبل منه

سؤالي هذا لانه عندي سواق سوداني ما شاء الله عليه علامه ماعمره صدم في اللفه جنب البيت ولا خرب المساعدت و الفرامل لفورد رينجر 98 اوه صح نسيت وصدمني وانا واقف بسيارتي فله

المهم بصراحه خرابات الفورد زادت شوي يعني جوزات علويه وهوبات اماميه ب 2400 غير ثلاجة مكيف ب 1800 غير الجير وتوضيبه

فا فكرت اني ابيع الفورد ( بكل اسف ) واذا ربي سهلها جبت له هايلكس غمارتين الجديد بس مضايقني شي واحد وهو ارتفاعه يجي واطي منخفض كثير عكس الدبل و ارتفاع الدبل منه مناسب جدا فاقلت استشيركم
بالمناسبه سمعت ان سعره بالحراج الكرت ب 53الف . <-- ادري ان الموتر باسمي بس كثيره عليه

لو علي جبت له دينه ولا وايت اصرف بس خلونا نشوف رأيكم و اقتراحاتكم

[شبح الصحراء]

هههههههههههههههه :p هذا على قولتك ما يصلح له إلا دينا ، اظن احسن طريقة ترفع فيها الهلي بدون ما تحوس فيها هو انك تركب جنوط 16 وكفرات ارتفاع 75 ملم وراح تحس بفرق ، ولو يركب عليها جنوط 17 ركبها .

[غضنفر]

ما يبيلها سؤال الله يهديك
اسال اي ولد في ابتدائية بالقصيم ويعلمك
2005 وتحت يرفعونه بتقليب العمدان
2006 وفوق يرفعونه بكعكات

[جلمود 83]

اها

الله يخليك كعكات همممم

انا كنت اتكلم عن شي افضل او خلنا نقول محترف اكثر كنت افكر اني استخدم مساعدات وسست الدبل هذا قصدي و الكلام عن ال 2006

[غضنفر]

الله يصلحك المساعدات ما ترفع السيارة
و 2006 يجي يايات من قدام وسست ورى
الي فهمته من كلامك انك تبي ترفعه من قدام ولا
وارتفاعه من الخلف مناسب جدا ما يحتاج ترفعه اكثر
المشكلة من قدام

[جلمود 83]

انا اتكلم شغل وكاله

بمعنى شي احطه وانساه مابي اشياء اقعد اشيل همها