دلوني الله يدلكم على الخير في هذا الشهر الكريم ويغفر ذنبكم آمين [الأرشيف]

مشاهدة النسخة كاملة : دلوني الله يدلكم على الخير في هذا الشهر الكريم ويغفر ذنبكم آمين

صوح الجبل

26/09/2006, 01:58 AM

السلام عليكم ياخوان ... ودي اشاوركم .... واخذ رايكم .... وشف افضل كفرات لشروكي .... ياليت يكون بالتفصيل .... يعني لرمل وش اللي يناسب ... ولزفلت ماهو الانسب ... وهل الكفرات الرمليه تناسب على الازفلت اذا كان مافيه مشقه .... سلمكم ربي .... وتقبل الله صيامكم وقيامكم آمين

عمار السفينه

26/09/2006, 02:22 AM

ولله يااخوي ماودي أتفلسف عليك

وانا مالي بالكفرات

لكن نرفع الموضوع

لعيونك ;)

غالي

26/09/2006, 04:01 AM

والله ياخوي كان معي شيروكي 1997
ومااركب له الا كفرات سوموتو الي من وكالة شاهين
وتبي الجد تجلس معي على 3 سنوات ورمل وخطوط مو ذيك بالحيل بس اسافر عليها للشرقيه
والله ماشفت منها لا صعرره ولا رجه ولا انسلخ ولاشيء ولله الحمد
لكن فيها عيب واحد
تراها تزلق مو مثل كفرات الشد بلد _ يعني يبيلك تنتبه كانك راعي سرعه ومساقط لانها تحذف بالموتر
والله اعلم وهذي تجربتي مع الكفرات
وركبتها مرتين عام 1999 تقريبا وغيرتها في عام 2002 ماجاء منها شيء بس خفت انها تنسلخ

تايوتا

26/09/2006, 09:58 AM

والله حسب ماقريت هنا من مشاركات بعض الاخوان الكفرات الامريكيه مثل نيشلان ودمنيتر حلوه وزينه

وخذيت بنصيحتهم قمت رحت للغرابي وطلبت كفرات النيشلان ومالقيتها المهم ركبت دميننر ماني متأكد من الاسم بس بجيبه لك المهم بصراحه حلوه ومريحه باخط بس ما جربتها بالبر الى الان بس اليوم ولا بكره بحول القوي انقز واجربها بس في الزفلت الله يكرمكم صراحه حلوه واعتقد ان فيه عضو اسمه ابو محمد يقدر يفيدك اكثر وفيه موضوع حلو بعد تلقاه بسم افضل كفرات على الجي تي تصويت ادخل وشف.
اتمنى اني افدتك واعذرنا على القصور.

ابو خطاب

26/09/2006, 01:09 PM

هانكوك 235/70/16 نفس مقاس شد البلد او خذ اعرض شوي 245/70/16 المقاس الاخير مايحتاج تنقص هواه بالرمل الطارف .. ولا هو سلك يعني لو نقصت الهواء ماراح يضر بنية الكفر على المدى البعيد.

الطير المهاجر

26/09/2006, 02:01 PM

مرحبا يارجال

أنا انصحك بالشواهين

وهذا الي يركبون رواعي الشيروكيات اكثر شي

لانه حق طريق وحق طعوس اما انا مركب كفرات كبيرة فما يصلح الا حق طعوس فقط

لانه في الطريق خطر جدا في حال ضرب علي واحد لان السيارة راح تطيح على جنب وتقلب السيارة
http://www.mekshat.com/pix/upload/images20/mk20297_chee.jpg (http://www.mekshat.com/pix/upload/images20/mk20297_chee.jpg)

تحياتي لك

m1m

26/09/2006, 04:40 PM

الصراحة ما جربت تغيير الكفرات للشيروكي

لكن من خبرة مع السفاري والباترول .. شاهين ممتازة جدا جدا .. لكل المناطق ..جربتها في عروق .. وجلد .. وخطوط .. وأطرف موقف حصل أن لدي كفر ( صعرر) وأنا في الطايف تقريبا .. وبحثت عن نفس المقاس في الطايف ومكة وما حصلت .. توكلت على الله ومشيت عليه إلى الرياض .. ولا قال أح :) كنت متوقع الأنسلاخ في أي وقت .. ولكن مشيت بسرعة 100 إلى 110 وما غيرته إلا في الغرابي في الرياض .

مع العلم أني كل اسبوع أضرب خط 400 كم وتجلس معي سنتين وأغيرها قبل ما تنمسح ولا حتى النص على شان الخط واحتياط

ابو-الوليد

26/09/2006, 08:39 PM

السلام عليكم ورحمة الله وبركاته

اخي الكريم صوح الجبل صدقني افضل مقاس للشيروكي هو 235/70/16 واذا بغيت لاتزيد عن مقاس 245/70/16 والسبب في هذي المشاركة:

تحذير هام في تركيب كفرات اكبر من المخصص للسيارة..! (http://www.mekshat.com/vb/showthread.php?t=56917)

وبالنسبة لنوع الكفر انا مركب هانكوك 235/70/16 خاص للجيوب وشكله حلو ومطبه خفيف زي ما قال الاخ ابو خطاب

يمكنك النظر لهذه المشاركة:

ما افضـل إطـارات للشـروكـي (http://www.mekshat.com/vb/showthread.php?t=52379)

واي خدمة انا حاضر..

تــــوني

27/09/2006, 12:31 AM

كويسة كفرات الشاهين على السيارات الخفيفه وتكد بس اذا ثقيله حدها سنه وتغيرها تفادياً لحدوث معارضات بس الرمل ما ترقى مثل الانواع الثانيه تزلق انصح حقيقتاً بكفرات دانلوب

والله يكتب لك الي فيه الصالح

التويو زين في الرمل كنه حراثه بس في الخط مزعج
الميشلان زين في الرمل بس على الخطوط يبي له هوا 40 بار وفي الحصى تخاف عليه جوانبه دلع بس خفيف وفي الخطوط ممتاز
الدانلوب على السيارات الكبيرة زين في الخطوط والرمل والديرة ولا صوت ولا شي وحتى في الحصى زين بس لاتقربها على السيارات الصغيرة لانه توج وج وتزعج الجيران مو تزعجك انت بس

صوح الجبل

27/09/2006, 03:16 AM

سلمكم ربي جميعاً ... والله لايحرمكم الاجر ..... ويضاعف حسناتكم في هذا الشهر الكريم .... آمين

تــــوني

27/09/2006, 11:29 PM

آمين 00000000