تحذير من شراء الدوج أو الرام

[ذيب الحجرة]

تحذير هام
من شراء الدوج أو الرام السبب لي اسبوع أتردد على الوكالة ماحصلو لي كرسي مكينة هذه وكالة توهقت وشريته لأن سعره مقارنة بالسيارات الأخرى أقل سعر ولكن عندما تحتاج الى قطعة غيار لن تجدها واذا حصلتها بعد عناء شديد تحصل قيمتها أضعاف مضاعفة .


نصيحة لوجه الله لا أحد يقرب الدوج أوالرام

[أبو جراح11]

فية سيارات
أنا استغرب من الناس كيف يشترونها
لآ وكيل سنع ولا موتر مكدة ولا يمسك سعرة ولا لة الا وكيل واحد وماعندة قطع غيار وماتلاقي في التشليح لة قطع وان جيت تبيعة قعد في كبدك
ومو كل ميكانيكي يعرف لة 00

[أبو هشام راشد]

جزاك الله خيرا


فية سيارات
أنا استغرب من الناس كيف يشترونها
لآ وكيل سنع ولا موتر مكدة ولا يمسك سعرة ولا لة الا وكيل واحد وماعندة قطع غيار وماتلاقي في التشليح لة قطع وان جيت تبيعة قعد في كبدك
ومو كل ميكانيكي يعرف لة 00

بعض الناس متورط وبعضهم يحب التميز :)

[التعـ King ـديل]

الدوج سيارات قويه ولكن احتكار الوكيل للقطع الاصليه وعدم السماح ببيعها خارج سور الوكاله بالاضافه الى عدم توفير القطع وسوء الخدمه جعلت السياره غير مرغوب فيها

[أبوسعد111]

اتركه عنك
ولاتقعد على رجاه
وطلب القطعة من موقع امازون
او إذا تعرف احد طالع لاحد دول الخليج يجيبها لك برقم الشاصية

موفق

[zzss]

اطلب القطعه من البحرين يقولون السعر رخيص عندهم حسب
ماسمعت ممكن تتصل على الوكيل اللي عندهم وتشوف السعر.

[ابوسليمان12]

ناظر وجه العنز و احلب لبن

[العطة]

السلام عليكم ورحمة الله وبركاته

هذا رابط موضوع شراء قطع غيار من النت
http://www.mekshat.com/vb/showthread.php?t=570258

وهذا رابط فيه مواقع بيع قطع غيار

http://www.sp.com.sa/Arabic/SaudiPost/ProductsServices/Pages/WaselAalamipopularstores.aspx


ابوعبدالاله

[راعي الرود]

الدوج تاريخها عريق و لو تسأل الشيبان عنها علموك

بس مشكلتها عندنا الوكيل التسويق عنده سيئ و القطع الاصليه محتكره عنده و ليته يوفرها

[راعي-الباث]

يارجال كلهم حراميه ونصابين
مثل الرابتر
الفورد رابتر 2012 و13 يجيبون فئة وحده اللي هي فل كامل
واذا جيت تاخذه ب250 يقولك تبي بغطاء صندوق ولا لا
طبعا الغطا فاشل لأبعد الحدود اذا قلت مابيه قالوا مخلص مافيه الا اللي بغطى ولو تبيه زياده 10

والضمان حقهم سيء لأبعد الحدود بحيث اذا رجعت لهم وخرب شي على الضمان يماطلون فيك ولا يصلحونه

اللي اشوفه كلهم حراميه وهي توافيق انت وحظك

[طواش]

كذا يستفيد المصنع يبيع السلعه بسعر مناسب ويستفيد من قطع الغيار الاستهلاكيه بحيث يجبرك بشراءها اضعاف السعر هذا الاحتكار بعينه وهو محرم في الاسلام وازيدك من الشعر بيت الموتر صنع اسرائيلي بغطاء امريكي

[qwertyu987]

صبر جميل والله المستعان، الدوج رام سيارة جبارة لكن وكيل فاشل وسيء

[دحيم الفزعة]

ناظر وجه العنز و احلب لبن

هههههههههههههاي

[يكفيني نظرة]

وقفت على الدوج؟
اغلب السيارات الحين زين اذا لقيت قطع لها بالوكاله ..

[ابوتركي qaz]

صدق الاول من شرى الدوج دج

[abo naser 1]

قالوها من سبقونا

ان اشهد ان الدوج دج راعية

[صقارمبتدئ11]

سبحان الله وبحمده سبحان الله العظيم

[درجلان الشمال]

قالوه الشيبان
الدوج دجوا اهله بااسبوع عجزوا عن التتن يشترونه

[بحر الاشواق]

الدوج سياره جباره واخذت مراكز متقدمه بالجوده لكن وش نقول بهل وكلاء

[بن نويشر]

والله يالرام عندي اطلق من السلفرادو والسييرا والـفورد F150
الله يهدكم بس !! وش تقولون ؟؟
المشكلة عندنا بمعنى الكلمة لا يوجد عندنا شي اسمه ((حماية المستهلك))
ولا الدوج لا يعلى عليه .. ولا تنسون ان الجيش الامريكي جهز الجيش العراقي ابان الحتلال بشاحنات الرام من دوج ..
كما ان هناك سيارة لا يعلى ومجربها لكن المشكلة في الوكيل مثل المتسوبيشي وللمعلومية البكب منها هي السيارة الاولى في سلطنة عمان وخاصة صلالة ..

[نجدي حجازي]

الدودج سيارات لا يعلى عليها لكن وكيلها ردي
وعلى فكره مالك شركة المتحده هو العيسائي وكيل ميتسوبيشي الي لاعب في حسبة سمعة ميتسوبيشي لعب

نفس الشي مع ميتسوبيشي قطعها محتكره وصيانتها غاليه
وفقك الله

[نجدي حجازي]

والله يالرام عندي اطلق من السلفرادو والسييرا والـفورد F150
الله يهدكم بس !! وش تقولون ؟؟
المشكلة عندنا بمعنى الكلمة لا يوجد عندنا شي اسمه ((حماية المستهلك))
ولا الدوج لا يعلى عليه .. ولا تنسون ان الجيش الامريكي جهز الجيش العراقي ابان الحتلال بشاحنات الرام من دوج ..
كما ان هناك سيارة لا يعلى ومجربها لكن المشكلة في الوكيل مثل المتسوبيشي وللمعلومية البكب منها هي السيارة الاولى في سلطنة عمان وخاصة صلالة ..



:good2::good2::good2:

أنا من عشاق الفورد ولكني احترم الرام كثيرا وكان الخيار الثاني لي بعد الاف 250 أو 150 لكن الي ردني عنه سمعة الوكيل والقطع