أفضل كاتم في السوق يالنشاما ؟ [الأرشيف]

أبومزنة

26/09/2006, 02:14 PM

أبي رايكم ياشباب عن أحسن قدر ضغط موجود في السوق :confused:

سمعت عن تيربو باخشوين

وعن seb الفرنسي

وكاتم السيف الصيني

وغيرها

ماهو أفضل نوع ؟؟؟

ولكم جزيل الشكر والعرفان...

ساقان

26/09/2006, 02:35 PM

بالنسبه لي استعمل بالبيت سب الفرنسي وبالبر كاتم السيف
والسلام

أبرق الشقيقة

26/09/2006, 02:36 PM

السلام عليكم ورحمة اللله

كل عام وانت بخير
الكاتم وانا اخوك الصيني لا تعداه رخيص وكويس على قولتهم (( حمار كده )) وانتم ببكرامه وما فيه مكان ما بزخ به ولا به الى العافيه الى الحين يتستس والله ماتقول قد طاح والكبير ال 20 للتر شاريه قبل فتره ب 120 ريال اررررررررخص الله يديم الرخص والصغير بترااااااااااااب الدراهم والظاهر انه هو الي يقول اخوي السيف مادري لكن هو صيني ومتوفر كثيييييييييير

اقولك الكلام وانااخوك من واقع تجربه وتجربه بحته بالحيــــــــــــــــــــــــــــــل وانشاللله ماتندم
وجهة نظر من واقع تجربه

وانشالله اني اكون وفيت وكفيت .

تحصله متوفر في أغلب محلات المواعين والله ناصح لك وانا خوك
والله يوفقك
بامان الله

كحيلان 11

26/09/2006, 02:46 PM

التربو ما مثله
بس ما يعيبه غير سعره الغالي
واسأل مجرب

مسافر1

26/09/2006, 03:02 PM

في اعتقادي ..
أن سب الفرنسي هو أفضل الموجود ..
وذلك من خلال تجربه له ولغيره ..

فل اوبشن

26/09/2006, 08:08 PM

لاتعدى سب الفرنسي ...

ساقان

27/09/2006, 02:26 AM

انا لاحظت الصيني ينقص الماء بنسبه كبيره عن السب لكن بالنسبه لسعره مايعتبر عيب

sal7

27/09/2006, 03:20 AM

أستخدمة الساب و أستخدمة الصيني وارد بادريق القديم و الاكسبرس
و الله الصيني أفضل ولا بالفرق و بس يعيبه لو وضعته على الحطب
مباشره يضره مع الزمن أما الفرنسي (الساب و الاكسبرس) حطه على أكسجين ما يدري
و أعتقد عيب الفرنسي صغر بلفه يطلع البخار كله مقارنه ببلف الصيني
و أعتقد الصيني أفضل من كل النواحي (ما فيه كامل ألا وجهه سبحانه)
رأي شخصي لا أجبر أحد على الاخذ به

تحياتي

kaaaatm

27/09/2006, 03:22 PM

السب وبس.........

الكهف1

27/09/2006, 04:50 PM

سب
لايعلا علية

الجندي2005

28/09/2006, 01:43 AM

الصيني والحق هلك

اطلال نجد

28/09/2006, 01:46 AM

صيني-السيف

قسوره2006

28/09/2006, 01:55 AM

التربو ممتاز بس زي ما قالو الشباب يعيبه غلاه

والصيني السيف جيد ورخيص

خير الأمور اوسطها

السب وبس بس ترى فيه منه نوعين نوع معدن وهو الطيب ونوع اقل منه اتوقع انه استيل اسأل عن النوعين وخذ اطيبها

السب وبس

السب ولا تشاور

السب وشكر متواصل للجميع

كادر

28/09/2006, 11:41 AM

السب سعره مناسب بس انتبه لحاجتين
الاولى لاتأخذه الا استيل - الالمنيوم تلقاه ارخص لو يعطونه لك ببلاش لاتأخذه
الثانية خذ حاجتك يعني بتلقا الفرق بين الاحجام مامن ذاك الزود اذا حاجتك سته لتر خذه ولوكان الفرق بينه وبين الثمانية قليل (عني افضل الستة لتر لانه يخدم الاثنين والثمانية اشخاص)
تحياتي

kaaaatm

28/09/2006, 02:54 PM

اخوي قسورة

الاستيل أفضل بكثير من المعدن

اذ ان سعر الاستيل 9 لتر بـ 450 ريال

والمعدن بـ 250 أو 350 ريال

هذه تسعيرته عند وكيلة الحميضي

kaaaatm

28/09/2006, 02:57 PM

اخوي SAL7

صغر بلف السب هذه ميز وليست عيب لانه اول مايطبخ الرز او المرق داخل يتستس

مو مثل الصيني الي يجي بلفه كنه حصاة لو افلق بها راس واحد كان خيطوه 17 غرزة
وكبر بلف الكاتم يثقل خروج الهواء ولذلك يطبخ الرز داخل ثم عقب خمس دقايق يبدأ يتستس.............

راعى ثادق

28/09/2006, 03:02 PM

الاخ ابو مزنه السلام عليكم ورحمة الله وبركاته تبى احسن كاتم ومجرب ولا تسال عن غيره ولايوجد منافس له هو الالمانى فسلر موجود عند محلات سليمان العمار فى اسواق العويس با الرياض نصيحه مجرب

نمر بن حثلين

28/09/2006, 03:06 PM

لا تتعدى السيف الصيني

ممتاز وبقيمة قدر واحد من سب تشتري عشر قدور من نمونة قدر السيف !

ALBDRANE

30/09/2006, 09:15 PM

بصراحة جربت السيب ثمان سنوات وممتاز بس حسافة توديه للبر يوم جا يوم واضيعه في الطايف لا وسطه قطمة رز أبو كاس خمسة كيلو توني فاكه يوم عودنا للرياض وندوره ما لقيناه .... المهم قمنا وشرينا قدر السيف 11لتر سبعين ريال وقلنا العوض ولا القطيعه واشوف انه ممتاز وسلامتكم

قسوره2006

01/10/2006, 10:28 PM

اخي الكريم >> Albdrane <<<< هل السب الي معك

استيل او معدن وايهما افضل حسب التجربه

ارجو الرد لكي تعم الفائدة للجميع

قسوره2006

01/10/2006, 10:34 PM

اخي العزيز >>>> Kaaaatm <<<<

شكرا لك على النصيحه

بس يا اخي الكريم ان استشرت وسأل مجربين كثير واستشرت صاحب المحل ولا عندي مشكل في القيمه قلت له ابي اطيب كاتم قالي التربو ونصحني في السب وذكر لي نوعين منه المعدن والاستيل وقلي خذ المعدن ولا تشاور وخت 12 لتر كبير صراحه بس على نصيحتك ومشورتك ومن واقع تجربتك بشري سب اخر استيل 6 لتر ولا تزعلى وتشكر الف شكر على التوضيح والنصيحه لا اخوانك وهل المعدن بطال

منتعش

01/10/2006, 10:43 PM

حي الله أخوي الغالي
من تجربة الصيني حق السيف أفضل
وسعره معقول مقارنة بالفرنسي والألماني

بس ياليت إذا شريته تعبيه موية وتخليه يغلي

نقى بنبان

02/10/2006, 02:37 PM

بالنسبة للصيني حليل وزوين ورخيص، ولكن المشكلة في خاماته: نوعية المعدن مهمة:no: .
اما فيسلر الالماني اشتراه احد الزملاء وما مدحه، يمكن انه يصلح للبيت فقط:confused: .
السيب الفرنسي ممتاز، وفرق المعدن عن الستيل واضح: ان كانك تحط صلصة وطماط (حامض) فالستيل اصح، وان كان رزك ابيض وماه مرقة اللحم عليك بالمعدن:good: .
اما ملك قدور الضغط فهو التيربو الالماني وارد باخشوين لايعلى عليه
:good: :good:

الصحة تشترى بالمال

أبومزنة

06/10/2006, 03:31 PM

تيربو(باخشوين)وبس

والله يعطيكم ألف عافية...

kaaaatm

07/10/2006, 03:36 PM

يا شباب انا يوم اني امدح السب تراه من واقع تجربه

وهذا لايعني ان التيربو اسوأ من السب بل افضل لكن السب ممتاز

نص الليل

10/10/2006, 10:03 AM

ياخوي سلمك الله ولا يهونوا الآخرين أنت تبغاه للبر يعني مافي داعي للتكلفه مادام الصيني يفي بالغرض
واذا كنت تبغى اللي يكد على طول وعليه استخدام مستمر فمثل ما قال راعي ثادق عليك بفسلر وبعده سب أما التيربو فهو غالي جدا

kaaaatm

10/10/2006, 02:03 PM

اخوي نص الليل

السب افضل من بفسلر بكثييييييييييييييييييييييييييييييييييييييييييييييي يييييير

لكن التيربو افضل منهم كلهم لكنه غالي

ابوعلي7

10/10/2006, 03:14 PM

انا لاحظت الصيني ينقص الماء بنسبه كبيره عن السب لكن بالنسبه لسعره مايعتبر عيب
-------------------------------------------------------
انا ماجربت الصيني ( استخدم سب ) لكن اذا كان الصيني يبخر ماء زي ماقال اخونا ابو ملاك فهذا يعني انك لازم تزود الماء ، يعني نص الطعم راح زيادة على انه بهالطريقه ياخذ وقت اطول

عين المها

11/10/2006, 04:05 AM

السلام عليكم

لا تروح عن seb الفرنسي والأفضل أن يكون من النوع القديم
نصيحة مجرب

kaaaatm

11/10/2006, 02:26 PM

اخوي ادري ان راسك داخ من كثر الارآء

لكن عليك بالتجربه وهو انك تطلع مع ناس يطبخون بالكاتم وتشوف وشو نوع الكاتم

هواوي

11/10/2006, 04:03 PM

التيربوا رقم واحد

ثم سب
ثم الصيني
ثم الايراني

التيربوا هو اكثر شي استخدمه في البر لانه ما يخرب وان خرب فتصليحه سريع جدا والي عندي 12 لتر و8 لتر او انه 9 ناسي والله

السب هو الي ممتاز في البيت وخاصه الاستيل والي عدي 12 لتر

اما الصيني فو حلو وانا لي شهرن استخدمه بشكل مكثف ولكن صراحه انا خايف من المعدن حقه اخاف يكون مضر لان بعض القدور تسبب امراض خطيره منها السرطان كما سمعت

فاتمنا ان نجد من يشرح لنا ماده كل من الكواتم انفه الذكر

اما الايراني فجربته مره وحده جابه لي احد الاصدقاء من البحرين هديه وهو بيضاوي الشكل ولكن ابعدوا عنه فرغم انه جديد فبغا ينفجر علينا وخربت الجلده حقد الغطا رغم اني مشيك على كل شي قبل الطبخ ولكن ما تحمل الحراره وعلى فكره كان مقاسه 19 كبير جدا

عموما تيربوا واذا لقيت تيربوا القديم الي مكتوب على العصا المانيا الغربيه بلانقليزي طبعا فاشتره لو تبيع موترك

نقى بنبان

18/10/2006, 04:33 PM

اسعار التيربو:

12لتر 660 ريال من محل العمار او السيف بالعويس

Abu Saad

18/10/2006, 04:44 PM

السب الفرنسي (بشرط ان يكون بدون فلسفة) لان فيه بعض الموديلات طريقة تركيب الغطاء وراس الكاتم غريبة ومعقدة .
يعني السب الطبيعي طبعا ستيل اللي غطاه يكرب من فوق وراسه يقشع ويركب فوق تحت فقط....سعره معقول وممتاز ..
شارع السبالة غربي الشارع المحلات اللي على يمين وترى اسعارهم تفرق من 20 الى 40 ريال !
والسلام عليكم.

بدون مقدمات

18/10/2006, 05:24 PM

الصراحه ياشباب

افضل الانواع الروسي القديم عند الوالد من 15 سنه والى الان وهو ممتاز
لو يباع بالف كان شريته

والوالد يقول انه شاريه ب200 9 لتر
بس دورته ولا لقيته:(

kaaaatm

18/10/2006, 06:28 PM

اخوي نقا بنبان التيربو اللي تقوله بـ 660 ريال هو 9 لتر عند وكيله باخشوين في البطحاء وهذه تسعيرة الاسبوع الماضي

واما 12 لتر فهو بحول التسع ميه

معذرة على المخالفه

نقى بنبان

21/10/2006, 02:29 PM

اخوي كاتم

لك الشكر ملاحظتك صحيحة وانا وهمت بين 12 لتر و9 لتر,
مع الصيام ....الميموري لك عليه بعض الساعات:( ,
لكن وجود امثالك من الافاضل:good: يبعث الاطمئنان.
مرة اخرى اعتذر عن الخطأ.

abalawi

21/10/2006, 02:55 PM

SeBالفرنسي لان قطع الغيار متوفرة والاصلي بعد أما الايراني أو الصيني أول ماتخرب فيه الجلدة وقطع غيار مافية وكيل

الراعـي

22/10/2006, 12:03 AM

يمدحوووون الصيييني .. وترى الحياة تجارب شي يمكن يناسبك ولا يناسب غيرك ووو شي يناسب غيرك يمكن ما يناسبك

kaaaatm

22/10/2006, 05:55 AM

اذا كنت راعي مكده عليك بالاصلي (( تيربو - سب))

واما اذا كنت من هالناس اللي (( يطبخ كل شهرين نص مره يعني كل اربع شهور مره)) خذلك الصيني ارخلك

أبومزنة

02/11/2006, 07:10 AM

نــقـــى بــنـبـان ... أنت أحـسـن واحـــد :good:

وأنـا الـلـي بـعـدك عـلـى طـول ;)

سداااااح

02/11/2006, 09:39 AM

1- التيربو وهو الافضل بدون منازع يعيبه الغلى فقط
2-السب الفرنسي بعد التيربو مباشره
3-السيف يميزه سعره و
ملاحظه بالنسبه لي جربت
التيربو وميزته معدنه ثقيل والقاعده متينه يعني تطفي عليه ما يبرد بسرعه مقارنتة بغيره وهاذا تاركه للبيت فقط
السيف ممتاز للبران ويودي نفس الشي
وكلهم ممتازات
بالنسبه لقطع الغيار
متوفره للجميع

الـدلـيـل

02/11/2006, 04:20 PM

التربو
والسب
عليك بالغالي

الرهدن

02/11/2006, 04:40 PM

عليك بالصناعات الأوروبية وبس00
ومنها 00
الفرنسي ( سب ) أو الألماني ( فسلر ) إن كان الدراهم متوفرة00 ولايقربك الألمنيوم(المعدن)لأنه يسوي طعم مع الأحماض 00
وقد قرأت في أكثر من دراسة أنه يتكون من ذلك مادة مسرطنة00

.

المعزب

03/11/2006, 06:56 PM

السيف الصيني والحق أهلك
بعدين كل قطع غياره متوفرة في جميع المحلات وبعشرة ريال

ALBDRANE

24/11/2006, 01:47 AM

للبر لاتاخذ الا صيني السيف

عزووووز

24/11/2006, 07:49 PM

الصيني لا تعداهـ

نوماس سدير

25/11/2006, 04:16 PM

اذا كنت راعي مكده عليك بالاصلي (( تيربو - سب))

واما اذا كنت من هالناس اللي (( يطبخ كل شهرين نص مره يعني كل اربع شهور مره)) خذلك الصيني ارخلك

هذا الكلام اللي يجمد على الشارب ...

اللي طلعاته موسمية .. الصيني ولا أحلى ولا يقدر حتى يفرق بينهم ...

أما اللي دايم مرافقه الكاتم ... فالسب خير رفيق له ولا بالفرق مع الصيني والفرق واضح للي راعي طلعات واجد

وسيع صدر

one love 4u

02/12/2006, 01:43 AM

مشكورين على هالموضوع

أبي قدر ضغط يخدم وممتاز وآمن وش تنصحوني؟ أبيه لإستخدام البيت
وكم لتر أخذ لعائلة من 8 أشخاص؟

ووكيل شركة Seb الفرنسية فين مكانه بالمدينة المنورة؟

وشكراً

cruise

02/12/2006, 12:30 PM

وش رايكم بالقدور الايرانية؟؟

cruise

02/12/2006, 12:31 PM

وش رايكم بالقدر الموضح بالصورة...

http://www.city-love.com/up/Pictures/citylove/82f4442604.jpg (http://www.city-love.com/up/Pictures/citylove/82f4442604.jpg)

البرنس الاول

02/12/2006, 11:15 PM

التربو لا يعلى عليه ياشباب ماهو علشان سعره غالي نتركه لانه مايتغير أبد....أما السيف الصيني فهو يفقد الماء بكثره مع الاستعمال المتكرريصبح قدر عادي ؟؟؟؟؟؟بعدين فيه أحد سأل من أين يصنع الصيني؟؟؟؟؟؟؟ بكل بساطه من مخلفات حديد السيارات وحديد التسليح ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟

يحيى الثبيتي

05/02/2010, 07:43 PM

ماشاءالله تسلم اختي ياعين ابوي وبيض الله وجهك كفيتي ووفيتي ونتيجة100%الله يطول عمرك وغفر الله لك ولوالديك وعليك بالعافية ...وبنتظار جديدك اختي الكريمة...تحياتي لك:good2: :good2:

http://www.mekshat.com/vb/images/frames/15_cdr.gif