نقاش : يوكون VS اكسبدشن

[ذيب ولكن]

السلام عليكم ورحمة الله وبركاته


ايهما افضل من واقع تجربة اليوكون ام الاكسبدشن وكله القصير ؟


من ناحية النقاط التالية فقط :

1- التحمل والكرف ومايطلب قطع

2- توفر القطع واسعارها

3- التوفير بالوقود


والامور الثانية ما تهم مثل الشكل الخارجي والداخلي او يجيب قيمة عند البيع او غيره

افيدونا افادكم الله

[alata_2]

كبر الدائرة شوي..
و أضف مع خياراتك تويوتا سكويا..

[وطن العزة]

أشوف الإكسبديشن أريح لأنه من الخلف فريول وليس دفرنس كامل مثل اليوكن

لأني ركبت الاثنين سفريات ولا حظت فرق بسيط بينهم من ناحية الراحه


وبالنسبه للقطع والتحمل والكرف يفيدونك فيها ملاكها

[m3ax]

الاكسبديشن من ناحية القيمة ارخص من اليوكن والتاهو بمبلغ مو قليل

بكلمك عن الاكسبديشن بحكم معرفتي به واستخدامي له

اذا بتاخذ 2013 جديد فيه عيبين مصنعيين طلعت عند ناس وناس ما طلعت عندهم وكلها عيوب بسيطه تصلحها الوكالة وهي:
1- المساعدات تتفقع بسبب ضعف فيها وتغيرها الوكالة بمساعدات ثانية يقولون افضل.
2- فيه تهريب مويه من ماصورة صغيرة عند رجلين الراكب اعزك الله ويصلحونها لك وانت واقف بعد.

هذي هي العيبين الوحيدة في السيارة وباقي امورها احلى من العسل راحة ورساوة وهيبه بالذات اذا عليها جنط مقاس 20 مع العلم ان مكينته اقوى من مكينة اليوكن والتاهو ورغم حجم السيارة ولكنك بتلاحظ انها خفيفة نفس ولو تستخدمها بشكل يومي ما راح تتعب او تمل من كبر حجمها

استهلاك البنزين يمشيك التانكي تقريباً 700 كيلو وشوي ببنزين 95 حسب قوة دعستك

قطع الغيار عادية لا غالية ولا رخيصة ومتوفرة بكثرة سواءاً كانت في الوكالة او في محلات قطع الغيار مثل التقوى والعثيم والاكتشاف وطقتهم ..

الوكيل نوعاً ما جيد لكن يعيبه الزحمة الكبيرة والتأخير والسبب هو انتشار سيارات فورد في الثلاث سنوات الاخيرة بشكل غير مسبوق وللحين الوكيل ما واكب حجم المبيعات الكبير ولا زاد عدد فروع الصيانة مع انه حالياً اعتمد مراكز Quick Lane للصيانة الدورية في الرياض والشرقية واتوقع جده ومكة لكن لازال يحتاج لعدد اكبر عشان يفك الازدحامات اللي عنده.

طبعاً السيارة زي ما قالوا الاخوان اريح من اليوكن والتاهو بشي بسيط بسبب انها تعليق خلفي مستقل او فريولات والجمس والتاهو دفرنسات خلفية

ويفيدونك راعين التاهو واليوكن بمميزات سياراتهم وعيوبها ويعلمونك عن وكيل السيارتين

وانصحك قبل كل شي انك ما تشتري الا السيارة اللي انت راغبها وفي خاطرك لأنك لو شريت اي سيارة ثانية وانت مو راغبها صدقني ماراح ترتاح فيها ابداً وبتقعد توسوس وكل صغيرة وكبيرة تصير في السيارة بتحسسك انك تورطت في شراها واذا شريت السيارة حاول تنتظم على صيانة الوكيل حتى لو كانت قيمة الصيانة مرتفعه شوي لأنك ممكن تخسر مبالغ كبيرة بسبب غلطة عامل بنشر او اي عطل في السيارة ولو انك كنت تحت الضمان بيغيرونها لك بدون ما تخسر ولا هللة

http://www.ford4arab.com/vb/t65885.html

وسلامتك ..

[ذيب ولكن]

الله يعطيكم العافية

طيب الاكسبدشن حق كرف وتحمل مثل ما نقول ولا لا ؟

[m3ax]

الله يعطيكم العافية

طيب الاكسبدشن حق كرف وتحمل مثل ما نقول ولا لا ؟

السيارات الامريكية بشكل عام تتحمل كرف ومحركاتها كبيرة وقوية جداً

اكرفها زي ما تحب الأهم إنك تحافظ على الصيانة الدورية للقير والمكينة وغير كذا ما يبغالها شي

[abo-rashed]

الاكسبيشن من تجربه سياره جباره والفورد انعم واقوى من اليوكن والتاهو بفرق كبير

وبالتوفيق

[ناصح]

بالنسبة لأهل البر

فيه نقطة مهمة حبيت انبه عليها

وجهية اليوكون والتاهو نازلة وتحك في الدروب البرية

وعانى منها الكثير من ملاك اليوكون والتاهو

ولم اجد احد اشتكى من هذه المشكلة في الاكسبدشن

[التعـ King ـديل]

اليوكن والتاهو بشكل عام سيارات جباره ولكل منهم عيوب لان مافي شي كامل بالدنيا كما نعلم ان الكمال لله عز وجل

انا مااخفيكم لم يسبق لي تجربه اي من السيارات المذكوره ولكن من تجارب الناس والسوالف اللي اسمعها كما قال مشرفنا ناصح اليوكن يعيبه ارتفاعه ومشاكل الطرمبه حقت البنزين ،، نجي للاكسبديشن لحد الان ماسمعت عنه مشاكل الا مشكله الكهرباء واغلب حوادثه او انفجارات الاطارات الاماميه ينجم عنها احتراق بشكل ملحوظ والسبب مجهول لدي ولكن اتوقع سؤ في ترتيب اسلاك الظفيره

[بدوي جنوبي]

اليوكن والتاهو بشكل عام سيارات جباره ولكل منهم عيوب لان مافي شي كامل بالدنيا كما نعلم ان الكمال لله عز وجل

انا مااخفيكم لم يسبق لي تجربه اي من السيارات المذكوره ولكن من تجارب الناس والسوالف اللي اسمعها كما قال مشرفنا ناصح اليوكن يعيبه ارتفاعه ومشاكل الطرمبه حقت البنزين ،، نجي للاكسبديشن لحد الان ماسمعت عنه مشاكل الا مشكله الكهرباء واغلب حوادثه او انفجارات الاطارات الاماميه ينجم عنها احتراق بشكل ملحوظ والسبب مجهول لدي ولكن اتوقع سؤ في ترتيب اسلاك الظفيره




تصدق اول مره اسمع ان الاكسبديشن فيه مشاكل كهرب وسالفه أنفجار الاطارات :eek:
تأكد ممكن أشاعة .

انا بأذكر اللى عندى من معلومات عن السيارتين
اليوكن او التاهو المحرك نوع فورتيك اقوي بزيادة 10 أحصنه
اليوكن : 320 مع ميزة عمل 4 سلندر لتوفير الوقود
الاكس : 310 نوع المحرك تريتون كل سلندر 3بلوف وكتبت عن المحرك موضوع
يا محبي الفورد هل تعلم ان محرك ال Ford F-150 SVT Raptor (http://www.mekshat.com/vb/showthread.php?t=363699) ‏

نظام التعليق :
الاكس واليوكن في الامام نفس الشي قضيب لولبي
الخلفي لليوكن دفرنس كامل
الاكس نظام فريول (مقصات ) أفضل من ناحيه الراحه والرساوة (للجنط مقاس 18)
الجنط 20 قاسي شوي


الداخليه :
مراتب اليوكن او التاهو مريحه ولينه للمخمل
=== الاكس قاسيه قليلا لكن تعتبر صحيا أفضل ،،، طبيه يعني

مراتب الاكس اذا صفطها تصبح السياره من الداخل مستاويه كان مافي مراتب
اليوكن تكون بارزه وتضطر لأخراج المراتب الصف الثالث اذا اردت تحميل اى غرض

التكييف :
الاكس مو قد كذا ما عجبني بصراحه ياخذ فتره حتى يبرد ما ادرى عن السبب
اليوكن اتوقع افضل منه بالرغم انى ما جربته كثير

الشكل الخارجى
الاكس شكله وحش
التاهو مغرز عنده شكله جميل
اليوكن شكله قبيح تقول واحد صحى من النوم :D


نجى للمشاكل المنتشرة بين السيارتين
المشاكل المصنعيه المعروفة بين الناس وليست مشكله بسيطه ونعممها على اى سياره من نفس النوع لازم الواحد يفرق


قسم بالله يا شباب وانا محاسب على كلامى هذا
وليس لى اى مصلحه ،، ولا كره لأى شركة
لكن من باب الامانه

انا شريت اكسبديشن 2012 والحمد لله بكل قناعه من دولة الامارات الشقيقيه
طبعا قبل لأشترى ،، رحت سئلت واحد زميل عنده ورشة عشان أقتنع أكثر
وقلت له انا محتار بين سيارتين تاهو او أكس
قال خذ الاكس ولا تشاور حق كرف ومكده ولا فيه أعطال مصنعيه
اما التاهو مشاكل في المحرك والقير ،،
هذا غير مشاكل الكهرب اللى اسمع عنها وأدخلو رابطة اليوكن ورابطة الاكس واحكمو

وانا من عشاق الشفر والجى ام لكن للأسف فى الفتره الاخيره من بعد 2006
كثرة الاعطال

طبعا محرك اليوكن أقوى من ناحية القومة او الانطلاق
لكن محرك الاكس أقوى عند الجر او السحب او الطلوع مثلا هنا الفرق

القير :

كلها 6 تغييرات مع بعض المزايا مثل الاوفر درايف مع نظام التو هول (الزر الصغير في عصا القير )

عيوب الاكس اللى لاحظتها
دخول هواء خفيف على سرعات عاليه اذا كان الهواء قوي ومناطحك من الابواب الاماميه
المساعدات الاماميه تفقعت وغيرتها بلاش من الوكاله

النظام الصوتى والترفيه للسيارتين ممتاز
يميز الاكس نظام ساينك ،،،

والاجابه على اسئلتك :

من ناحية النقاط التالية فقط :

1- التحمل والكرف ومايطلب قطع
الاكسبديشن
2- توفر القطع واسعارها
ما عندى معلومه أكيده
3- التوفير بالوقود
اليوكن أفضل بسبب نظام عمل 4 سلندر فقط

[التعـ King ـديل]

تصدق اول مره اسمع ان الاكسبديشن فيه مشاكل كهرب وسالفه أنفجار الاطارات :eek:
تأكد ممكن أشاعة .


بقولك شي احد الزملاء صار له حادث واحترق وجه الموتر مع ان الحادث مو قوي مره والرجال مستعد اعطيك رقم تلفونه اللي معه 2009


ورجل شروا من عندي توفي هو و2 من ابنائه بسبب انفجار كفر ادى الى اشتعال النار في السياره الاب واحد الابناء توفو مباشره والابن الاخر توفي بالمستشفى بعدهم بااسبوعين وهو من حكى لنا الحادث واللي معهم 2011

[PATHFINDER 4]

بدوي جنوبي الله يسعدك
اجل اليوكن تقل واحد صاحي من النوم ههههههه

فيه نقطة احب اضيفها بخصوص الفليور في الاكسبدشن
اشوف انه عيب لانه اثبت فشله في كثير من السيارات مثل الارماداوالاكسبدشن الكفرات راح تكون مايلة وتسبب عطب في جزء من الاطار واسعار الجنط 20 مب رخيصة

[ابو فارس66]

للمعلومية فقط

مكينة الاكسبدشن 5400 والعزم 365 يعني اقوى من التاهو واليوكن

معي اكسبدشن ماعمري شفت كفره مايل وانا احمل فيه اغراض الدنيا

[كومبو]

لو كانت خياراتي فقط اكسبديشن ويوكن لاخترت الاكسبديشن
لكن لو كانت من ضمن خيارات السكويا فسآخذ السكويا طبعًا

[m3ax]

بقولك شي احد الزملاء صار له حادث واحترق وجه الموتر مع ان الحادث مو قوي مره والرجال مستعد اعطيك رقم تلفونه اللي معه 2009




ورجل شروا من عندي توفي هو و2 من ابنائه بسبب انفجار كفر ادى الى اشتعال النار في السياره الاب واحد الابناء توفو مباشره والابن الاخر توفي بالمستشفى بعدهم بااسبوعين وهو من حكى لنا الحادث واللي معهم 2011


والله ياخوك مدري وش اقول لك لكن السالفة ما دخلت مزاجي ..

مو تكذيب لك لا والله اعزك الله وان شاء الله انك من الصادقين ولكن السيارة فيها نظام فصل طرنبة البنزين في حال اصطدام السيارة وهذا النظام معروف في كل سيارات فورد وغير كذا السيارة ماخذة اعلى تصنيفات برنامج السلامة الامريكي ..

اتوقع الرجال اللي احترقت سيارته مشتري سيارة مستوردة لأن فيه سيارات كثير مستوردة يكونون موظبين الكهرباء حقتها توظيب كامل وغالباً يكون شغلها أي كلام ..

هذا طبعاً لو كانت الحوادث صحيحة والعهده على الراوي ..

[m3ax]

بدوي جنوبي الله يسعدك
اجل اليوكن تقل واحد صاحي من النوم ههههههه

فيه نقطة احب اضيفها بخصوص الفليور في الاكسبدشن
اشوف انه عيب لانه اثبت فشله في كثير من السيارات مثل الارماداوالاكسبدشن الكفرات راح تكون مايلة وتسبب عطب في جزء من الاطار واسعار الجنط 20 مب رخيصة

موتري اكسبلورر له معاي حدود 3 سنوات ونفس نظام الاكسبديشن فريول

صار لي سنه من غيرت الكفرات ولا فيها اي مسحية لا من داخل ولا من برى مع العلم اني احمل فيه بشكل دايم وراعي خطوط وطلعات بر ..

السر مو في الفريول ياخوك لكن السر في الصيانة الدورية ووزن الاذرعه والمقصات مع شوارعنا المحفرة لأنها تقص الحديد قص اجل وش بتسوي في الوزنية؟!

مع العلم إن اليوكن والتاهو لو اكلت فيها مطب وأنت محمل تضرب عليك الكارونة على طول مثل ما صار مع خالي مع ان موتره واقف في الكراج ولا يطلعه الا في السفر لكن الحين يبيله كارونه ولقاها عند الوكالة قيمتها 11 الف ريال

[الذئب الاليف]

ماشاء الله عليكم
معلومات ومناقشات مفيدة جداً
الله يجزاكم خير
صاحب اكسبدشن 2012
والحمدلله