اخواني الغالين : اش افضل زيت للجيب اللاند كروزر

[خارج الأقواس]

كما في العنوان ولكم الشكر

[al-jree7]

اذا كان موترك من ٢٠٠٨ وفوق

اي نوع بشرط يكون لزوجة 5w-30

[شنطة عده]

الزيوت متقاربة جداً والفرق في الاسم وليس في المحتوى
الترا7 من افضل الزيوت في السوق
بشرط يكون من محلات معروفة لان الزيوت اغلبها مغشوشة
وبخاصه زيوت البناشر

[خارج الأقواس]

الزيوت متقاربة جداً والفرق في الاسم وليس في المحتوى
الترا7 من افضل الزيوت في السوق
بشرط يكون من محلات معروفة لان الزيوت اغلبها مغشوشة
وبخاصه زيوت البناشر

اشكركم جميعا ..
-----
طيب ياغالي وش المحلات المعروفة مثل إيش ولك الشكر

[zzss]

سيارتك موديلها يعتبر من الموديلات الجديده نوعا ما ومكينتك سعرها غالي بالتوضيب
أو بالتشليح عشان كذا الأفضل لك استخدام الزيوت الصناعيه السنتثيك لزوجتها
من30-5 وطالع الزيوت هذي بالغالب توصل 7000كم واللزوجه لاتزال فيها والبعض
يمسها الى10000كم حسب المحافظه ولاتقارنها بالزيوت العاديه ولزوجتها تجي خفيفه
لكن تستمر فتره ولاتتأثر بسرعه عيبها غلاء أسعارها عند البناشر لكن سمعت
انها أرخص عند محلات الجمله وأهم شئ اختر النوعيه الجيده.

[كومبو]

اذا كان موترك من ٢٠٠٨ وفوق

اي نوع بشرط يكون لزوجة 5w-30

++++++++++++++1

وأنا معك لأي نوع سيارة تايوتا أو لكزس أو ديهاتسو

[كاشت بالبر]

خير الأمور أوسطها

15W40 أو 10W40

اذا تبي تستخدم 15W40 فيه زيتين باللزوجه هذي :

1) الترا سفن 15W40 .. يمكن ما تلقاه إلا عند بترومين اكسبرس أتوقع أغلب اللي عند البناشر 10W30 و 20W50

2) موبيل سوبر XHP لزوجة 15W40 .. بتلقاه عند البناشر العلبه بـ 14 ريال تقريبا

[كومبو]

خير الأمور أوسطها

15W40 أو 10W40

اذا تبي تستخدم 15W40 فيه زيتين باللزوجه هذي :

1) الترا سفن 15W40 .. يمكن ما تلقاه إلا عند بترومين اكسبرس أتوقع أغلب اللي عند البناشر 10W30 و 20W50

2) موبيل سوبر XHP لزوجة 15W40 .. بتلقاه عند البناشر العلبه بـ 14 ريال تقريبا





اللزوجة 10W40 غير موصى بها في دليل المالك

[كاشت بالبر]

اللزوجة 10W40 غير موصى بها في دليل المالك

طيب معليش وش نوع سيارتك وكم موديلها وحجم المكينه ؟ عشان تفيد الناس اللي معهم مثل سيارتك
وياليت الله لا يهينك ولو تكرمت تصور لنا اللزوجه الموصى بها وجدول لزوجة الزيت في دليل المالك حق سيارتك

يعني اذا اللزوجه 10W40 غير موصى بها في دليل المالك ؛ أجل وش اللزوجه الموصى بها ؟ ياليت تذكرها أتمنى وضحت الفكره

لأن اللزوجه المناسبه تختلف من سياره لأخرى ؛ بسبب إختلاف المكاين وتصميمها وحجم مسارات الزيت والطرمبه ومقدار خلوص فضاوة السبايك و الخ... بعضها تستخدم 20W50 وبعضها 15W40 أو 10W40 وبعضها 10W30 أو 5W30 .. وإذا استخدمت لزوجه غير مناسبه ممكن تقلل عمر المكينه مثلا لو سيارتك تحتاج زيت ثقيل وتعبيها زيت خفيف كذا بيأثر عليها سلبيات

أنا بكتالوج سيارتي هوندا أكورد 2006 مكتوب :
http://store2.up-00.com/Nov12/pgQ83781.jpg

ما قدرت أحط الصوره بالموضوع لأنها كبيره جدا وراح تخرب تنسيق الموضوع .. عشان كذا حطيتها برابط لحال

اللي أعرفه

أن كل ما زاد خلوص ( فضاوه ) السبايك ( تحتاج زيت لزوجته أعلى يعني أثقل عشان يحمي السبايك وعشان الزيت يملئ هذه الخلوص وتكون طبقة الزيت قويه ولا تنعصر بسهوله )
والخلوص أو الفضاوه .. طبيعي أنها تزيد مع التآكل يعني مثلا فيه فرق بين سياره نظيفه ماشيه 10 آلاف مثلا .. وبين سياره ماشيه 200 ألف

أيضا السياره اللي تستهلك زيت كثير ؛ مع الزيت الثقيل يقل الإستهلاك

أنا كنت أبحث كثير بالإنترنت و من مده طويله سواءا بالمواقع الإنجليزيه أو العربيه .. ألين صدّع راسي

لكل شيء سلبيات وإيجابيات ومافيه شيء كامل إلا الله سبحانه

الزيت الثقيل 20W50 :
- مشكلته ما يتوزع بسرعه خصوصا بالشتاء
- ما يوصل الأجزاء المتحركه بأعلى المكينه بسرعه خصوصا بالشتاء
- يقلل عزم السياره شوي
- يزيد إستهلاك البنزين شوي بنسبة 50 كيلو تقريبا أو 100 كيلو كحد أقصى ( مقارنة بالزيت الخفيف 10W30 )
+ أتوقع يعطي حمايه أفضل ويطيل عمر المكينه لأن طبقة الزيت تكون سميكه وغليظه .. مقارنة بالزيت الخفيف تكون الطبقه أرق وأضعف
+ إذا عندك إنخفاض بضغط الزيت .. الزيت الثقيل يزيده

الزيت الخفيف 10W30 :
- مشكلته أنه خفيف بالصيف ( الزيت معروف أنه يثقل بالبروده ويسيح ويخف بالحراره )
- ممكن ما يحمي المكينه بالشكل المطلوب على السرعات العاليه والـ RPM العالي أو الأحمال العاليه مثلا تسحب سياره مغرزه أو محمل عفش كثير أو الخ... لأن الزيوت الخفيفه تكون طبقة الزيت أضعف وأرق والسبايك أو الأجزاء المتحركه ممكن تعصر الزيت بسهوله ويصير إحتكاك بين الأجزاء المتحركه
- طبقة الزيت أرق وأضعف
+ عند بداية تشغيل السياره والتحميه .. يتوزع الزيت بشكل أسرع من الزيت الثقيل
+ يحسن عزم السياره مقارنة بالزيت الثقيل 20W50
+ يقلل شوي صرفية البنزين نسبه بسيييطه بمقدار تقريبا 50 أو 100 كيلو

ولكن بعض شركات الزيوت تدّعي بأن الزيوت الصناعيه أو التخليقيه Fully Synthetic .. بأن طبقة الزيت أفضل وأقوى من الزيوت الخفيفه العاديه

التحميه مهمه وضروريه ؛ أما اللي يدق سلف ويمشي ويدعس للسياره على طول = الله يعين المكينه عليه .. راح يقل عمرها بشكل كبير

بالنسبة للتآكل لا بد منه .. خصوصا اللي يستخدم السياره بشكل قاسي ويضغط على المكينه ( سرعة عاليه جدا أو كثرة المقاومات و RPM عالي - تفجير المكينه بالطعوس - يدق سلف ويمشي ويدعس للسياره )

أهم شيء بأنك تستخدم اللزوجه الموصى بها بكتالوج السياره ؛ أو لزوجه قريبه منها

وأيضا الزيت مع الوقت والإستخدام تقل اللزوجه .. يفضل تغيير الزيت كل 5 آلاف وفلتر الزيت كل 10 آلاف مع فحص مستوى الزيت كل 1000 كيلو خصوصا في السيارات اللي تنقص زيت

[راعي الأثماد]

انا أرى زيت تويوتا هو الافضل

هم اللي يغيرونه في الوكالات ..