بخصوص تنسيم الكفرات

[katab]

السلام عليكم ورحمه الله وبركاته

اخواني احب استفسر من اهل الخبره عن كفرات البوالين
بهذلتني بهذله بالتنسيم
لازم كل ثلاث الى اربع ايام امر البنشر وازود هواها

قالو لي فك الكفرات من الجموط ونظفها ، فكيتها ولا فاد

قالوا لي عبها هواء وخلها واقفه فتره

عبيت الكفرات الى ضغط 70 وخليت الموتر واقف شهر ولا نفع

الكفرات من نوع بالون ماكس اكسس 900 فيتنام

الجنوط هلل

هل من حل لها ؟؟؟ والمشكله ان الكفرات توها جديدة .

[السناعيس .f16]

وعليكم السلام ورحمة الله وبركاته

اسمع اخوى مشكلت
1.ممكن ينسم مابين الجنط و الكفر (الحل)(تروح لبنشري ينظفه لك ويرجعه لك مثل اول )
2.ممكن الجنط في من اول تنسيم
...........................................
اذا انت تبي تريح مخك عب سطل كبير ماء و غنطس فيه الكفر و شف وين مكان التنسيم

[ابو انس111]

الماكسس الفيتنامي ما لها حل
هذا وضعها
انا جربتها على باترول جنط ١٦
ولا ارتحت الا بعد تبديلها بهيرو
ما ينقص ملي .

[صدى الصمان]

الماكسس الفيتنامي ما لها حل
هذا وضعها
انا جربتها على باترول جنط 16
ولا ارتحت الا بعد تبديلها بهيرو
ما ينقص ملي .

الهيرو كم سعر الكفر ووش صناعتها ياخوي؟؟

[ابو انس111]

اعتقد انه تايوان ، غير متأكد
و انا شريتها ب ٧٠٠ ريال
الظاهر ف الرياض ارخص

[عنزي من نجد]

نفس الطريقة معي في الماكس الفتنامي كل ثﻻثة ايام ﻻزم تزوده فيه نوع هندي يقولون انه زين بس انا ماجربته اسال احد مجربه وسعره حول الفتنامي

[الليل السرمدي]

عزالله هالمشكله واجهتني مع الماكسس الفيتنامي انا كل يومين اعبيه هواء الله يبهذله لكن لازم نجرب غيره ونشوف ﻷن هالفيتنامي ماينفع بريال خااااايب

[ابو حمود 511]

حتي انا كل يوم اعبيه هواء مـــافي حــل

[برق البروق]

تبون تدعون لي يالربع فيه طريقتين

1 / فيه بخاخ في الرماية يسد الشقوق البسيطه اللي في الكفر عبه بالكفر بس لاتكثر بس لازم الكفر يكون منسم مره وانفخه وشف الفرق

2 / لانفخت الكفرات زين جب سيلكون اسود وحط بين شفة الجنط والكفر مكان التنسيم دايم وامسحه بمنديل بس اهم شيء يعبي الفراغ اليل بين الجنط والكفر

ودعواتكم والله اعلم

[ذيب شراوة]

السلام عليكم

اول ماركبت البالون وجنوط الهلل صارت معي هالمشكلة
بس بكفر واحد
كل بنشري مريته ولا لقوا له حل
اخر شي مريت بنشري حاط بالورشة بانيو يعبيه مويه ويحط الكفر فيه

واكتشفت ان المشكلة ان الجنط مشقوق ......... ايه الجنط مشقوق من الوسط وينسم

[عنزي من نجد]

اللي يبغى يتاكد التنسيم من وين يمر محل الطيار لهم فرع بمخرج ١٥ شرق مسجد الراجحي وإلا على شارع خالد بن الوليد بالروضة انكاس سابقا بين مخرج ١٠و١١ وعندهم حوض مويه وبستم يضغط الكفر بجنطه وسط الحوض وتعرف وين مكان التنسيم واذا يتصلح يصلحونه ويعطون ضمان بس أنهم غالين شوي