المساعد الشخصي الرقمي

مشاهدة النسخة كاملة : نزول اسعار السيارات


المنيعي1
26/05/2013, 01:00 AM
السﻻم عليكم ورحمة الله وبركاته
سمعت ان السيارات نزلت اسعارها وان الجيوب نزلت بحدود 10000 الى 8000
ولكن الغريب اني بعد مروري بالمعارض اليوم حصلت نفارا 2013
نص فل خطوط ب 55 الف وانا قبل اسبوع سأل عنه يقولون ب 70 الف يعني معقوله تنزل 15 الف خﻻل اسبوع.

والله شي حلو ويونس اذا كل السيارات نزلت بشكل هذا شيء طيب
GSMNGY
26/05/2013, 01:02 AM
الله يسمع منك
خبايا انسان
26/05/2013, 03:47 AM
انا سمعت ان الدولار في ارتفاع , واذا ارتفع الدولار ارتفعت قيمة الريال السعودي لانه مرتبط بالدولار << الزبده كل مارتفع الدولار كل مارخصت الاسعار
ابشرو بالسيل
26/05/2013, 11:46 AM
الأسعار نازله وبقوه ولله الحمد ، أسبوع تقريبا في المعارض لبيع سيارة لخالي هايلوكس جديده تقريبا
الحقيقه لاحظت نزول غير طبيعي لكل السيارات ، العروض بالهبل ولا احد يشتري
الله يرخص الأسعار. على المسلمين
حمزةعبدالمطلب
26/05/2013, 11:10 PM
الله يبشركم يا اخواني
التعـ King ـديل
26/05/2013, 11:47 PM
الله يسمع منك
راعي الأثماد
27/05/2013, 10:38 AM
ودنا ونبي الاخبار الحلوة ..

بس ما أظن تطول نزولها ...
فتك ب ص ع
28/05/2013, 12:33 AM
اصبرو ابيع سيارتي بعدين تنزل براحتها ههههههههههه
صبحية البراري
28/05/2013, 10:19 AM
كلام صحيح بنسبه (لبعض السيارات) الربع كان سعره بريمي اول مانزل 135 والحين 125 ووارد اليحيى 115
اتجاه السحاب
28/05/2013, 11:44 AM
جكسار ٢٠١٣ رقم ٣ بـ ٢١٤ ألف منقول جاهز
معارض بريدة أمس..
اتجاه السحاب
28/05/2013, 11:47 AM
الله يرخص الأسعار
عقووول
29/05/2013, 05:18 AM
واحد من الربع معه جيب لكزس كريمي 2007

قبل شهر سيم 175 الف

وقبل عشر ايام سيم 162 الف

وكلها بمعارض النسيم
MEMo_o
29/05/2013, 07:53 AM
اول مره ارد في قسم السيارات :D


الزبده موديلات 2014 وصلت


وبتلاحظو السيارات الي اسعارها نار نزلت



امس شفت في الجريده عرض على رنج سبورت 2013 وبدي كت رياضي مكينة v8 سوبر تشارجر 510 حصان حول ال 295 الف


وش نزل سعره اني اتذكر واحد من الشباب عليه بداية السنه حول ال 350الف


الزبدته في تصفية على موديلات 2013


والي فلوسه على قده يروح يشوف يمكن يلاقي عروض وخصومات :D



وانا بنفسي سالت على ريو هاتش باك 2013 قبل الخصم 63 الف بعد الخصم 54 لو كاش
وكثير من الشركات مسوية عروض وخصم لي موديلات 2013
وسلامتكم :f
AMAZ
29/05/2013, 10:05 AM
السبب في ضعف القوة الشرائيه لدي المجتمع ما عاد فيه فلوس الكل تورط في قسط او ايجار منتهي بالتمليك
ابوفهد الشريف
29/05/2013, 11:18 AM
امس انا مكلم معرض اليحى للسيارات
جيب لكزس فل الفل كان ب 385 الف امس يقول تعال خذه ب 355
ال GX فل الفل تماتيك ونش انا مطلعه من عندهم ب 200 الف امس يقول سعرة 192

عسا السيارات تنزل وعسا العقار ينزل الله كريم
فرغالي
29/05/2013, 04:09 PM
الخبر الصحيح نعم السيارات في نزول والسبب نزول سعر الذهب والعمله اليابانيه ورتفاع الدولار
طبعن الى بيروح المعارض بيشوف الاسعار في نزول وفيه فرق بين السعر الي قبل فتره والى الان
لكن يعض المعارض ماتبي تبين الحقيقه علشان تمشي السيارات الى عنده
فرخ قطا
01/06/2013, 05:43 PM
اليوم سعر الشاص ونش ودفلك ٢٠١٣ سعره ١٣١ والي بدون ونش وبدون دفلك سعره ١١٦ طبعاً وارد اليحيى


اشهد ان اليحيى كسح السوق بنزول اسعاره


وشفت معرض البحر العربي
الفل ب ١٤٤


والسلق ب ١٢٦


شوفوا الفرق اعوذ بالله
ابوو عبدالله
01/06/2013, 05:49 PM
معارض بريده يقولون لنا شهر ونص مافيه حركه نهائيا لا بيع ولا مشترى
N.m.a
01/06/2013, 08:34 PM
الله يعدل الاسعار ان شاء الله
وتكون في متناول اليد
قناص الحوى
01/06/2013, 09:20 PM
الله يجعلها تضرب القاع والأرض ولا عاد تقوم عساها للخساير والفلس أكلو العالم قيمة السيارة قيمة أرض صارت السيارة الجديدة حلم مثل السكن الله لايربحهم لاهم ولا أهل العقار والبناء والحلال
فيكس
02/06/2013, 01:17 AM
الله يجعلها تضرب القاع والأرض ولا عاد تقوم عساها للخساير والفلس أكلو العالم قيمة السيارة قيمة أرض صارت السيارة الجديدة حلم مثل السكن الله لايربحهم لاهم ولا أهل العقار والبناء والحلال


أعوذ بالله .. إتق الله في كلامك .. و في المسلمين ..

ما يجوز الحكي بهالشكل والتعميم على الناس ؟؟


الله ينورنا ولا يزودنا جهل ..
أبو ليال
02/06/2013, 01:48 AM
الله يعوض على المسلمين ويرذل كل مستغل وطماع فكم من واحد متضرر من نزول الاسعار اللي عنده سيارة ماخذها بدين واقساط ونزول سعرها بيقصم ظهره اما التجار لو نزلت اكثر بيعوضون خسارتهم بأي شكل من الاشكال ما عليهم خوف الضحية المستهلك في ارتفاع او نزول هو المتضرر
BDER-C1
02/06/2013, 02:02 AM
ان شاء الله تعود حملة خلوها تصدي من جديد وتساند حملة ايقاف شراء الاراضي

فعلا المواطن اصبح مثقلآ بالديون والمزعج هو ازدياد المؤشر بكافة السلع


يبي لنا وقت ويصبح وعي المجتمع هو المتحكم بالسلعه وليس التاجر
قناص السلم
07/07/2013, 05:01 AM
شكرا جزيلا على الخبر
abo naser 1
07/07/2013, 08:16 PM
فعلاً المعارض مافيها حركة أبد دخلت بموتر يوم الجمعة والسبت الماضي مافية من يسوم مع انه من المواترالمطلوبة
الشهابة
08/07/2013, 01:22 AM
السلام عليكم ..

صحيح فيه نزول ملحوظ في أسعار السيارات و خصوصاً الجديدة و عروض كثيرة من وكالات السيارات و من الموزعين شركات و معارض .. و على حسب كلام معقب في المرور كان يخلص لي موضوع نقل لوحات إن الشغل صار أقل الفترة الحالية و لكن ممكن على كلامه يكون بسبب الإجازة أو دخول رمضان و الله أعلم ..

مثال على النزول و تغير الأسعار .. إعلان في واحد من مواقع بيع السيارات المشهورة عن عروض خاصة على نوع من السيارات الجديدة الكورية الصغيرة و المنتشرة كان سعر الفل كامل منها حوالي 65000 ريال و عليها عرض 57000 ريال و الموديل 2014 و الفرق حوالي 8000 ريال عن السعر الأصلي و السيارات بحسب الإعلان جديدة و ما فيها أي عيب
المنيعي1
08/07/2013, 01:51 PM
اللهم زد وبارك
طبعن زيادة في النزول وليس اﻻرتفاع
أبو جراح11
08/07/2013, 02:28 PM
يارب تنزل زيادة لين يصير الشاص فل كامل ب50000
بس وين ثقافة المستهلك
والله لو أجتمع ثلث الشعب على المقاطعة لفرضنا أسعارنا كما نريد
مجيمر1
09/07/2013, 08:44 AM
الحمدلله الوضع يبشر بخير
f 16
09/07/2013, 09:36 AM
اهم شي لايجون هالمطافيق ويروحون يشرون بعد نزول 10% -15%
اصبروا الصبر زين لان المتوقع نزول اسعار السيارات من 30%- 35%
وخاصة ان 2014 قريب وينزل بالسوق
(هذه المعلومة يفيدك عنه اكثر الاقتصاديين)
تميم2222
10/07/2013, 02:03 PM
النزول القوي. صار بتويوتا.
ص ح ل2009
10/07/2013, 03:40 PM
الله كريم ان شاءالله
أبو جراح11
10/07/2013, 10:47 PM
اهم شي لايجون هالمطافيق ويروحون يشرون بعد نزول 10% -15%
اصبروا الصبر زين لان المتوقع نزول اسعار السيارات من 30%- 35%
وخاصة ان 2014 قريب وينزل بالسوق

(هذه المعلومة يفيدك عنه اكثر الاقتصاديين)


ماذبحنا الا أصحاب الشركات
الي في أستغلو حملة خلوها تصدي
واشترو سيارات كثيرة
مثل شركة تأجير السيارات الي صاحبها موسوي نفسة ذيب
عمومآ أتوقع بحول الله تعالى هذة المرة المقاطعة تجيب نتائج أفضل
يكفيني نظرة
10/07/2013, 11:58 PM
الله كريم مع اني مغبون بموتر ولله الحمد على كل حال لكن ودك الضعوف يشترون الجديد مع ان الجديد اغلبه صار رديئ..
الدرق
11/07/2013, 08:29 PM
يا جماعة الخير .. جاني الخبر أمس

واحد من أخوياي شري مرسدس لجده قبل سنة 384 ألف بانوراما 2013

وأمس بايعها 250 ألف

والله ما صدقت

الخسارة حول 130 ألف في سنة واحدة

قلت له والله إنك مجنون

قال والله إنها ماجابة إلا 220 ألف وجدي يقول بييييع قبل تنزل زيادة
ابوعقيل81
12/07/2013, 01:50 PM
الي يصير ان الموديل اذا صار جديد يكون غالي , وشوي يبون يصفونه عشان بينزل الجديد وينزلون سعره .

مو نزول بالاسعار لكن نزول موديلات كل فترة ينقص قيمة الموتر .
أنصر نبيك
14/07/2013, 12:36 PM
أتمنى أحد يسدح لنا هنا أو في موضوع مستقل هذا النزول بذكر السعر السابق والحالي
يعني جيب الهدد سعره قبل شهر 174 الف فكم نزل ؟
الجي اكس آر كان سعره .... وبعد النزول صار سعره ...
وهذا موقع أسعار عبد اللطيف أشوف انها تزيد ولا تنقص
http://www.toyota.com.sa/modelsprices.asp?model_id=11
كرويف
14/07/2013, 02:35 PM
امس انا مكلم معرض اليحى للسيارات
جيب لكزس فل الفل كان ب 385 الف امس يقول تعال خذه ب 355
ال GX فل الفل تماتيك ونش انا مطلعه من عندهم ب 200 الف امس يقول سعرة 192

عسا السيارات تنزل وعسا العقار ينزل الله كريم

عقب ماكان ب 420 الف
تميم2222
20/07/2013, 05:27 PM
يالربع هي لعبه من المعارض وسوقو لتويوتا وقامو يضربون في ظهور العالم بتفاق مع شركه تويوتا نفسها. هذا كل الموضوع. خذو الهبره. الرياجيل وافلحو
أبو جراح11
20/07/2013, 05:48 PM
في حالة وجود مقاطعة حتى ينزل 2014 ويستمر شهر في المستودعات
اتوقع يكون النزول قوي جدآ
abahal
21/07/2013, 12:50 PM
الشرهه مو عليهم

الشرهه على الي يشتري تايوتا اسعارهم مبالغ فيها
الشهابة
21/07/2013, 11:18 PM
آخر الدلائل على النزول الغريب و المفاجئ لأسعار السيارات

إعلان في موقع بيع سيارات عن عروض خاصة

شاص نيسان موديل 2013 فل كامل جديد خليجي بـ 99 ألف ريال

دفلوك و ثلاجه مكينة 4800 فتك و قزاز كهرباء و القير عادي

العرض بالصور و أرقام الإتصال و تم التأكد بالإتصال على الرقم الموجود و أكد العرض

بصراحه ما أعرف كم كان السعر القديم قبل التخفيض و نسيت أسأل صاحب الإعلان
تربة الشمال
22/07/2013, 01:30 PM
الله يرخص قوت المسلمين
abadi_ksa
22/07/2013, 08:49 PM
آخر الدلائل على النزول الغريب و المفاجئ لأسعار السيارات

إعلان في موقع بيع سيارات عن عروض خاصة

شاص نيسان موديل 2013 فل كامل جديد خليجي بـ 99 ألف ريال

دفلوك و ثلاجه مكينة 4800 فتك و قزاز كهرباء و القير عادي

العرض بالصور و أرقام الإتصال و تم التأكد بالإتصال على الرقم الموجود و أكد العرض

بصراحه ما أعرف كم كان السعر القديم قبل التخفيض و نسيت أسأل صاحب الإعلان

شف هالاعلان راح يعجبك النزوول الغريب بالشاص النيسان :D
http://haraj.com.sa/112415066/%D8%B4%D8%A7%D8%B5%D8%A7%D8%AA_%D9%86%D9%8A%D8%B3% D8%A7%D9%86_%D8%B9%D8%B1%D8%B6_%D8%A7%D8%B3%D8%A8% D8%B4%D9%84_2013_%D8%A7%D8%B5%D9%81%D8%A7%D8%B1/
العطاوي a511
21/08/2013, 12:27 AM
الشرهه مو عليهم

الشرهه على الي يشتري تايوتا اسعارهم مبالغ فيها
والله انك صادق
العطاوي a511
21/08/2013, 12:33 AM
لقيت هاذا الخبر قبل شهرين هاذا تاكيد ان الاسعار بنزول الله اكبر


http://www.al-madina.com/node/454357/%D8%AA%D8%B1%D8%A7%D8%AC%D8%B9-%D8%B7%D9%81%D9%8A%D9%81-%D9%81%D9%8A-%D8%B5%D8%B1%D9%81-%D8%A7%D9%84%D9%8A%D9%86-%D9%8A%D8%AE%D9%81%D8%B6-%D8%A3%D8%B3%D8%B9%D8%A7%D8%B1-%D8%A7%D9%84%D8%B3%D9%8A%D8%A7%D8%B1%D8%A7%D8%AA-%D8%A7%D9%84%D9%8A%D8%A7%D8%A8%D8%A7%D9%86%D9%8A%D 8%A9.html
إبريلي
17/09/2013, 12:32 AM
شي طبيعي تنزل خاصة مويلات 2013 يصير على الجديد عرض ولتفريغ المستودعات لاستقبال موديل 2014
ولكن شوفو موديل 2014 خاصة بالجيوب سعرها بيكون مرتفع مره .
سيف نجد_
17/09/2013, 10:38 AM
خلاص فلسنا! تطلع تنزل ماعاد فيه بح!!

الله يخلي الصيني سيارة للمدارس من فوق الفلاح ابن الادغال السواق وانتهينا!

الحمدلله الاخوه المقيمبن جراد المستعمل قضو عليه بالكامل والحمدلله ربي أنعم عليهم مع زيادة الاسعار الي صايره حتى اليماني حق البنشر رفع 100% يعني ان شاء الله بنشوفهم مشخصين بموديلات 2014 وحنا نشري القديم من بعدهم

الحمدلله الله يديم وجودهم وافكارهم الجهنميه :)

Sent from my GT-N7100 using Tapatalk 2
مساير الجو
17/09/2013, 07:25 PM
ابوجميل مسوي خصم على الكرلا 13 الف
واليارس 10 الاف
بس كله تصريف وتمهيد للموديل الجديد خاصه اذا الشكل راح يتغير.
سيف نجد_
17/09/2013, 07:59 PM
ابوجميل مسوي خصم على الكرلا 13 الف
واليارس 10 الاف
بس كله تصريف وتمهيد للموديل الجديد خاصه اذا الشكل راح يتغير.

اوه صح ايه اخس موديلين تصميم وقيادة عنده! الاكسنت من الشكل الاخير برقبة الكورولا!!

لكن بقولك شغله ونيت ميتسوبيشي اعلى مواصفاته مع محرك 6 سلندر ودبل ارضي وداخليه اجمل اي موديل تويوتا لا وجير اوتو عادي ب85الف!!!!

خلوكم ورى ابو جميل تحبون الي يمص دمكم!! اهم شي الخط صح؟

Sent from my GT-N7100 using Tapatalk 2
نجم المجره
17/09/2013, 08:41 PM
أنا وصاحبي قبل يومين إشتراء هايلكس 2013 دفعه آخيره أربع و ثمانين الف وتسع مئه ريال 86900 ريال
s5556l
18/09/2013, 02:22 PM
أنا وصاحبي قبل يومين إشتراء هايلكس 2013 دفعه آخيره أربع و ثمانين الف وتسع مئه ريال 86900 ريال

عربي دا يا مرسي!!
سيف نجد_
18/09/2013, 02:32 PM
عربي دا يا مرسي!!

خخخخخخخ، هازا سديق انا روهي زيب هايلوكس من هازا وكيل


خليهم مبسوطين اليوم ونيت الميتسوبيشي ال6 سلندر ودبل وغمارتين ب85الف وداخليته ابدع الف مره من الهيلي لكن المشكلة الخطوط تسحر القلوب وما بالجيوب هههههههههههههههههههههههههه

Sent from my GT-N7100 using Tapatalk 2
كومبو
18/09/2013, 09:55 PM
لكن بقولك شغله ونيت ميتسوبيشي اعلى مواصفاته مع محرك 6 سلندر ودبل ارضي وداخليه اجمل اي موديل تويوتا لا وجير اوتو عادي ب85الف!!!!


Sent from my GT-N7100 using Tapatalk 2

نزل في 2008 ولا مشى سوقه !!

ومع ذلك منذ 2005 إلى 2013 الهايلوكس هو الأكثر مبيعًا على فئة البيك أب في السعودية
لهذام
18/09/2013, 10:16 PM
اليحيى عنده تخفيضات على مواتره
المعرض اللي بالدمام
إبريلي
19/09/2013, 01:26 AM
الحكم على نزول سعر السيارات متى بيكون ؟
اذا نزل الموديل الجديد الي هو 2014 وكان سعره نازل هنا نقدر نحكم
اما الحين مانقدر نفسر ان سعر موديل 2013 انه السيارات نزل اسعارهن
لانه له تقريبا سنه نازل بسوق شي طبيعي بيكون عليه عرض لتفريغ المستودعات واستقبال موديل 2014 وبعد هذا كله شووووفو كم سعره بيكون مرتفع مررررره. الله يعين ويكفينا غلا الاسعار.
ذيب شرعان
19/09/2013, 09:15 AM
الله كريم ان شاءالله كل شي ينزل
سيف نجد_
19/09/2013, 10:04 AM
نزل في 2008 ولا مشى سوقه !!

ومع ذلك منذ 2005 إلى 2013 الهايلوكس هو الأكثر مبيعًا على فئة البيك أب في السعودية

غسل امخاخهم بال تايوتا

Sent from my GT-N7100 using Tapatalk 2
كومبو
19/09/2013, 11:15 PM
غسل امخاخهم بال تايوتا

Sent from my GT-N7100 using Tapatalk 2

أبد متى ما شفت أي سيارة استمرت 5 سنوات الأولى على فئتها بالمبيعات ’ أنا أول شراي حتى لو كان وانيت المازدا
سيف نجد_
20/09/2013, 08:57 AM
أبد متى ما شفت أي سيارة استمرت 5 سنوات الأولى على فئتها بالمبيعات ’ أنا أول شراي حتى لو كان وانيت المازدا

العالم صجوني على الكامري من عرفت الدنيا وفي مره تهورت وشريتها الله لا يعيد الشر ندمت على كل ريال اندفع فيها (موديل 2011) والله انها خرده وسيئة جدا ولا تسوى ريال فوق ال63الف وشاريه كرت يقال اني بروق فاشله سيئة المفروض ما تتصنع والقطع 5 شهور عشان شمعه امامي يمين وشهر عشان رفرف يمين وييين والعالم دعس ورى جميلوه خقه خياليه وليه؟؟؟

ما اقول الا البصيره ضايعه حايس السوق حوس اجل وكيل سيارات يصير شريك لمصنع من ظهر زباينه! لا و وين بالسعوديه الي حجمها حجم ولاية او اقل من ولايات امريكا الي عددها فوق ال50

ايه صح ابد ما يبالغ بقيمة قطعه وأسعار سياراته

كمبرسر كورولا ب3500 لييييييييه تجيب ثلاجه الكترونية او سبليت 32 الف وحده بريموت! او ............. مهب كمبرسر مضخه تعمل بدوران المحرك لايكون فحماتها الماس وحنا ما ندري؟

Sent from my GT-N7100 using Tapatalk 2
رحال7
20/09/2013, 06:48 PM
الذي اعرفه ان أسعار جميل تعتمد على قيمة الين الياباني فاذا نزل الين مقابل الريال او الدولار فسعر البيع ينزل ،،اذا النزول في العملة تماسك او نزل اكثر سترون سعر اقل في الشحنات القادمة حتما!!!!

ليس من مصلحتهم الإبقاء على الأسعار الحالية لموديل 2013 لانه بعد نزول 2014 لا يشتري احد موديل 2013 !!! ورطه............
والله اعلم
سيف نجد_
20/09/2013, 07:25 PM
الذي اعرفه ان أسعار جميل تعتمد على قيمة الين الياباني فاذا نزل الين مقابل الريال او الدولار فسعر البيع ينزل ،،اذا النزول في العملة تماسك او نزل اكثر سترون سعر اقل في الشحنات القادمة حتما!!!!

ليس من مصلحتهم الإبقاء على الأسعار الحالية لموديل 2013 لانه بعد نزول 2014 لا يشتري احد موديل 2013 !!! ورطه............
والله اعلم

للاسف ماله علاقة واحد الاعذار الثلاثة المشهورة!



Sent from my GT-N7100 using Tapatalk 2
كومبو
21/09/2013, 04:44 AM
العالم صجوني على الكامري من عرفت الدنيا وفي مره تهورت وشريتها الله لا يعيد الشر ندمت على كل ريال اندفع فيها (موديل 2011) والله انها خرده وسيئة جدا ولا تسوى ريال فوق ال63الف وشاريه كرت يقال اني بروق فاشله سيئة المفروض ما تتصنع والقطع 5 شهور عشان شمعه امامي يمين وشهر عشان رفرف يمين وييين والعالم دعس ورى جميلوه خقه خياليه وليه؟؟؟

ما اقول الا البصيره ضايعه حايس السوق حوس اجل وكيل سيارات يصير شريك لمصنع من ظهر زباينه! لا و وين بالسعوديه الي حجمها حجم ولاية او اقل من ولايات امريكا الي عددها فوق ال50

ايه صح ابد ما يبالغ بقيمة قطعه وأسعار سياراته

كمبرسر كورولا ب3500 لييييييييه تجيب ثلاجه الكترونية او سبليت 32 الف وحده بريموت! او ............. مهب كمبرسر مضخه تعمل بدوران المحرك لايكون فحماتها الماس وحنا ما ندري؟

Sent from my GT-N7100 using Tapatalk 2

مهما تعيب في الكامري أو الكورولا , سأرد مثل ردي السابق إذا استمرت سيارة غيرها أن تكون في صدارة المبيعات في السعودية لمدة 5 سنوات على التوالي أنا أول واحد يشتريها , حتى لو كانت مصنعة بحي السويدي
سيف نجد_
21/09/2013, 07:40 AM
مهما تعيب في الكامري أو الكورولا , سأرد مثل ردي السابق إذا استمرت سيارة غيرها أن تكون في صدارة المبيعات في السعودية لمدة 5 سنوات على التوالي أنا أول واحد يشتريها , حتى لو كانت مصنعة بحي السويدي

ما عليك سمعت بينزلون خطوط جديده للكامري :D

Sent from my GT-N7100 using Tapatalk 2
نجم المجره
21/09/2013, 11:52 AM
أنا وصاحبي قبل يومين إشتراء هايلكس 2013 دفعه آخيره سته و ثمانين الف وتسع مئه ريال 86900 ريال
--------------------------------------------
أنصر نبيك
21/09/2013, 09:31 PM
المشاركة الأصلية كتبت بواسطة نجم المجره http://www.mekshat.com/vb/images/buttons/viewpost.gif (http://www.mekshat.com/vb/showthread.php?p=9621740#post9621740)
أنا وصاحبي قبل يومين إشتراء هايلكس 2013 دفعه آخيره سته و ثمانين الف وتسع مئه ريال 86900 ريال

ممكن تقول لنا وش مواصفاته GL أو GLX أو دفرنسين فل كامل
سيف نجد_
03/10/2013, 06:38 AM
هياا خذو هايلوكس 4سلندر ب109 الف !!!!!!

موضوع جديد بالمنتدى ههههههههههههههههههههه

Sent from my GT-I9505 using Tapatalk 2
عزوز 2005
03/10/2013, 11:14 AM
اهم شي لايجون هالمطافيق ويروحون يشرون بعد نزول 10% -15%
اصبروا الصبر زين لان المتوقع نزول اسعار السيارات من 30%- 35%
وخاصة ان 2014 قريب وينزل بالسوق
(هذه المعلومة يفيدك عنه اكثر الاقتصاديين)
كلام سليم 100%