أيهما أفضل FJ - DURANGO

[الملك 704]

بعد تفكير عميق قررت إقتناء سيارة SUV وقد وقع إختياري مابين


TOYOTA FJ


http://image.motortrend.com/f/9522213/112_0612_suvoty_02z%202007_toyota_fj_cruiser%20fro nt_view.jpg
و

DODGE DURANGO


http://autocar-zone.com/images/2012/01/2012-Dodge-Durango-SXT-AWD-Angular-Front-Image.jpg

نبدأ بالـ FJ


طبعا حسب إمكانياتي راح اخذ ستاندرد

قيمته 126500 >> مبالغ فيه

قير يدوي دفع رباعي طبعاً

المرايا الجانبية تحكم يدوي

صفين مقاعد (5 ركاب)


نجي للدورانجو

راح يكون SXT طبعا 6 سلندر

هناك فئتين 4X2 و 4X4

أكيد بأخذ الدفع الرباعي لان سعره 116000 ريال تقريبا

الدفع الخلفي 100000 ريال

مواصفات الدفع الرباعي

مقاعد مخمل نوافذ ومرايا كهربائية كشافات 3 صفوف مقاعد (7 ركاب)

قير اوتوماتيك

دفع رباعي مستمر AWD

شاشة عرض معلومات

------------------


نلاحظ أن فيه فرق في السعر بين الـ FJ و الدورانجو

تقريبا عشرة الاف ريال


ولكن

الدورانجو يتفوق في المواصفات والكماليات قليلا


والـ FJ رغم إمكانياته المحدودة وسعره المرتفع إلا أن حسنته الوحيدة تبقى شعار تويوتا والوكيل وتوفر القطع



ما يهمني هو


سيارة عملية وتكون من فئة SUV متوسطة الحجم << يعني لاحد يجي يقول لي اكسبدشن والا تاهو



صورة داخلية للـ FJ


http://image.motortrend.com/f/auto-review/4x4-torture-test-2008-toyota-fj-cruiser-high-tech-meets-old-school/10011932+cr1+re0+ar1/2008-toyota-fj-cruiser-interior.jpg



صورة داخلية للدورانجو


http://img1.findthebest.com/sites/default/files/844/media/images/2012_Dodge_Durango_SXT_1_411885.jpg



وسلامتكم

[طير حوران]

انت انسان راعي بر والا ديرة من وجهة نظري لو تزود دراهمك وتاخذ اتماتيك عز الله انك تنبسط موتر كد ومد اسئل مجرب والا شف لك مستخدم ٢٠١٣ استخدام حشمة تحصل سعره نازل وانت وخيارك وموفق خير بأذن الله

[الملك 704]

انت انسان راعي بر والا ديرة من وجهة نظري لو تزود دراهمك وتاخذ اتماتيك عز الله انك تنبسط موتر كد ومد اسئل مجرب والا شف لك مستخدم ٢٠١٣ استخدام حشمة تحصل سعره نازل وانت وخيارك وموفق خير بأذن الله


عفواً ما فهمت عليك

انت تبيني أخذ إف جي قير تماتيك ؟

[الملك 704]

عموما أنا أحب طلعات البر بس سيارتي الحالية ماتسمح


طلعت مرة وغرزت خمس ساعات والمشكلة مافيها شناكر << مكان اربط فيه واير أو حبل

[المميـز]

:

المقارنه اللي انت مسويها من صالح الدورانجو
وعلشان تقرر لازم تحدد احتياجاتك من السياره
وانت ماسويت مقارنه بين السيارتين من ناحية الاستخدام

الاف جي حق مكده الى ١٠ سنوات ان شاء الله قدام مع المحافطه عليه
وحق بر ووعر وديرة ويخدمك في كل الظروف

الدورانجو يكد معك ولكن اتوقع بعد خمس سنوات تبدأ بمشروع خطه لصيانته
ومايخدمك بالوعر والبطانيج مثل الاف جي

فإذا كان استخدامك خفيف وطلعاتك للبر خفيفه خذ الدورانجو بشرط انك ماتفكر بالبيع لان سعره ماراح يمسك فيه

واذا تبي موتر شيك وكد خذ الاف جي

واذا تبي تضيف خيار ثالث انصحك بالفورتشنر
فل كامل ومواصفات روعه وبمحرك قوي وسعره ١٣٤ الف

وعليك بالاستخاره بعد الاستشاره
والله يكتب لك اللي فيه الخير

:

[m3ax]

ارشح الاف جي مع اني اكره شي اسمه تويوتا لكن اذا كان الخيار بينه وبين الدورانقو فأنا ارشح الاف جي وبقوة الا اذا كنت رجال محافظ ومنت راعي كرف فالامريكي بشكل عام بيغنيك عن السيارات كلها

قبل كل شي أخوي مر على وكالة المتحدة حقت الدودج وشوف اسعار قطع الغيار لأني سمعت من ناس كثير انها غالية بشكل فاحش لذلك مر عليهم قبل ما تتوهق وتأكد من اسعار القطع

[شقردي]

الا فجي قيمته جديد قير عادي بين ال ١١٥ وال ١٢٠ موديل ٢٠١٣
الفورنتشر قيمته جديد فل كامل ماعدا الجلد والمرتبه كهرب ب ١٢٢ قير اتوماتك القير العادي ارخص بحدود ٣ الى ٤
طبعا الفل يعني الفورنتشر ستاندر ٦ سلندر راح يطلع عليك رخيص مرة طبعا موديل ٢٠١٣
والاف جي بعد قيمته حليلة بس غريبة مدري من وين جبت السعر ١٢٦ ستاندر يمكن هذا اول ماطلع

[شقردي]

اضافة الى كلامي السابق ترا اسعار السيارات في هبوط قوي يعني في خلال اسبوع تلقا السعر نازل شوي وهذي الاسعار الي طرحتا تو قبل يمكن ٣ ايام يعني اسعار جديدة جبتها لك لحد يقص عليك انتبه

[أب رحي]

السلام عليكم ورحمة الله وبركاته


أنصحك ياأخوي بـ الأف جي سعره أغلى لكن بالمقابل يتحمل أكثر
وقطع غياره متوفره ومتى ماتبي تبيع ماينقص من سعره كثيير
بموجب انه تيوتا والتيوتا ماشاء الله في الخليج أسعاره مايحتاج نتكلم عنها.

بالتوفيق يالغالي.

[نجدي حجازي]

ترا الدورانجو ممتاز بس مظلوم عند الناس
انا نسيبي شاري دورانجو من امريكا موديله 2009 وكاده كد ويطلع عليه للبر ويكشت به ويدخل شعبان وما خالف ماشاء الله

بس اسمعه يشتكي من قطع الغيار الاستهلاكية ويقول انها غالية شوي ونادرا يلقاها في الصناعية ولا محلات قطع الغيار
لكن كا استخدام ماقد شكا منه ابدا ويسافر عليه ويروح ويجي علما بان مكينته V8 هيمي وفيه قوه خيالية ما شاء الله

أما الاف جي فهو موتر كفو وما يحتاج اتكلم عنه لكنه مايصلح لبو العيال لاني احس انه شبابي بزياده ولا فيه ذيك المساحه ورا ولكنه خيار جيد مقارنه مع الدورانجو اذا اخذنا في الاعتبار الوكيل والصيانة وقطع الغيار

انا انصحك بالافجي في حالة كنت عزابي او عايلتك خفيفه فقط
ولا الدورانجو ممتاز خصوصا الثمانية سلندر قوي لا اله الا الله

باضيف لك خيار ثالث وهو :
الاكسبدشن تراه حول هالاقيام وموتر ممتاز

موفق

[الملك 704]

صراحة زادت حيرتي


في السيارات يمدحوا الـ دورانجو


وهنا fj




وكلامهم هناك مقنع من ناحية دورانجو

وكلامكم برضو مقنع من ناحية الـ Fj


يارب إهدني لما فيه الخير

[ابتكار]

اول شي عليك بالأستخارة وترى ( ماخاب من استخار وماندم من استشار)
ثاني شي شف توفر قطع الغيار واسعارها وسهولة صيانتها (توفر مهندسين عارفين صيانتها السيارة)
ثالثا اذا انت راعي بر شف ملأمتها للبر من ارتفاع كافي ووسايل سحب او جر (شناكير) وابتعد عن الدبل المشبوك على طول خذ اللي له قير دبل او زر (لانة احتمال يضعف عزم السيارة فالخط ويعجل بخراب الكرونية)
رابعا شف السعر بعد الأستخدام وش كث يطيح منة
واهم شي مد رجلينك على قد لحافك

[نجدي حجازي]

صراحة زادت حيرتي


في السيارات يمدحوا الـ دورانجو


وهنا fj




وكلامهم هناك مقنع من ناحية دورانجو

وكلامكم برضو مقنع من ناحية الـ Fj


يارب إهدني لما فيه الخير


شف ياخوي وفقنا الله واياك
انا يوم تكلمت عن الدورانجو يشهد الله اني قلت الكلام الي اعرفه وسمعته من نسيبي
لكني ذكرت لك في الوقت نفسه ان يعاني مع القطع الاستهلاكية الي احيانا ما يلقاها الا في الوكاله أو بعض محلات قطع الغيار وهي قليله

ولهذا قلت لك الاف جي خيار ممتاز خصوصا ان قطع غياره متوفره اكثر وصيانته سهله ووكيله قوي وخدمات الصيانه عنده ممتازه

وانا رشحت لك الاف جي في النهاية لكني ذكرت انه شبابي بزياده ومايناسب ابو العيال

اسأل الله ان ييسر لك مافيه خير لك ويبعد عنك كل مافيه شر
وعليك بالاستخاره

[has-120]

اشتر اف جي
وانت مغمض
وأبشرك الحين فيه عروض بالاسعار
سعر القير عادي تانكيين 115 الف تقريبا
وكذلك سعر القير اوتو + دف لوك = خليجي وارد الفطيم ب 115 الف
http://www11.0zz0.com/2013/05/28/11/972034043.jpg
http://www11.0zz0.com/2013/05/28/11/521998393.jpg
http://www11.0zz0.com/2013/05/28/11/616328418.jpg

[الملك 704]

اشكر لكم إهتمامكم


لكن

هل الـ fj ينفع لعائلة من 4 أشخاص

طبعا طفلين وأمهم وأنا

على مدى 6-8 سنوات بيخدمني

[الملك 704]

ياليل البعارين



شوفوا على حظ

الـ fj بيتوقف انتاجه 2014


المصدر

http://www.fjc-mag.com/latest-news/is-the-end-in-sight

http://fleet.toyota.com/availability.asp

ليه كذا بس ؟

[نجدي حجازي]

ياليل البعارين



شوفوا على حظ

الـ fj بيتوقف انتاجه 2014


المصدر

http://www.fjc-mag.com/latest-news/is-the-end-in-sight

http://fleet.toyota.com/availability.asp

ليه كذا بس ؟

بالعكس ما اشوف انه عذروب يمكن يرتفع سعر المستعمل منه زي ما صار في سيارات ثانية
مادام العائلة الكريمة ام وطفلين بارك الله لك فيهم اشتر الاف جي وريح بالك

موفق ان شاء الله

[ابو فهد...]

شف اخوي الدرانجو فخم وحلو بس ما انصحك فيه قطع غياره نار ولا تلقاها وكيل زفت وعند البيع يطيح من سعره واجد ولو صار شي لاقدرالله تبي قطعه من التشاليح منتب لاقي وغير كذا حوسه وكمبيوتر وحساساته على طول يخربن مايعوقن

اما الافجي اقل من الدراجو بالفخامه بس يفي بالغرض وزود قطعه متوفره ما اقولك رخيصه ولا غاليه متوسطه تقريبا واشوفه اصبر من الدراجو واقل حساسات وحوسه واهم شي انه منتشر يعني بغيت شي والا شي راح تلقاه ان شاء الله بسوهله والكل يعرفله
انا من راي توكل على الله وخذ اف جي
شفهذا يحذر من المتحده وكيل الدرانجو
http://www.mekshat.com/vb/showthread.php?t=578671

[AbdulAZiz M]

ما اتوقع احد بيقارن بين الإثنين لانهم من فئتين مختلفه

الدورانجو يقارن بالبرادو لأنهم من فئة luxury suv

بينما الاف جي يقارن بالرانجلر

الإف جي يتميز مثل ما قالوا الشباب بالاعتمادية وقلة الإعطال او انعدامها بحسب استخدامي له من عام 2008 وحتى الان ،، الحمد لله

توفر قطع الغيار ووجود بدائل لقطع الغيار ،، مثل قطع غيار البرادو تركب وفحمات الفورتشنر وامور ثانيه كثيره

توفر تانكيين توصل إلى 160 لتر ولمسافة 1000 كم واكثر

وجود قفل دفرنس خلفي ووجود نظام اللإلتصاق النشط a-trac في فئة القير العايدي والفل كامل

لا مجال للمقارنه لعشاق الرحلات البريه :)

[شنطة عده]

:



المقارنه اللي انت مسويها من صالح الدورانجو
وعلشان تقرر لازم تحدد احتياجاتك من السياره
وانت ماسويت مقارنه بين السيارتين من ناحية الاستخدام


الاف جي حق مكده الى ١٠ سنوات ان شاء الله قدام مع المحافطه عليه
وحق بر ووعر وديرة ويخدمك في كل الظروف


الدورانجو يكد معك ولكن اتوقع بعد خمس سنوات تبدأ بمشروع خطه لصيانته
ومايخدمك بالوعر والبطانيج مثل الاف جي


فإذا كان استخدامك خفيف وطلعاتك للبر خفيفه خذ الدورانجو بشرط انك ماتفكر بالبيع لان سعره ماراح يمسك فيه


واذا تبي موتر شيك وكد خذ الاف جي


واذا تبي تضيف خيار ثالث انصحك بالفورتشنر
فل كامل ومواصفات روعه وبمحرك قوي وسعره ١٣٤ الف


وعليك بالاستخاره بعد الاستشاره
والله يكتب لك اللي فيه الخير


:



سجل عندك
+1

[AMAZ]

بقولك شي الناس يقولون الواحد يوم يشتري يبي يبيع... الاف جي يوم تفكر تبيعه في اي وقت زبونه جاهز وما ينزل كثير خصوصا لما تقدم السيارة.. الدوج.... اعرف انك مجرد تاخذه ناقص من سعرة 20 الف.. مع مرور الوقت... ما تحصل احد يقولك بكم...
قطع الغيار... الدوج محتكر وقليل المحلات التي تؤمنه وبعض القطع غير موجودة بالوكاله اصلا
الاعطال جميع السيارات معرضه للاعطال لكن اعطال الدوج معقده....
وبقولك لا تغرك وقفته عند الوكاله وسكبته والشاشه الي هم حاطين تراه راس مالها 2000 ريال تركب شاشه وع كاميرا خلفيه . لاي سياره.
انا ارشح لك الاف حي... مكده ولما ما يعجبك السيارة تبيع بحدود راس مالك. وللمعلوميه تراى فيه خيارات سيارات مانت بملزم على الف جي مر على فورد وغيرها

[الموسوي]

الدوج مواتر طيبه لكن وكيلها دمار
خلك على الاف جي ارجى واحسن

يكفيك اذا احتجت قطعه ولا شي ما يقالك احتر اسبوع ولا اسبوعين
غير كذا زبونه سهل وبيعته لا بغيت تبيع سريعه وبمبلغ زين عكس الدودج الي زبونه نادر

موفق

[ابن العين1]

صوتي للـ FJ

خذه و انت مغمض

[abo naser 1]

السلام عليكم

فيه ناس كثير تعشق التغيير والنادر فلذلك تجدة كل خيارتة سيارات غير شعبية ونادرة وذلك نتيجة سوء الوكيل او الشركة الأم

عن نفسي جميع الخيارين سيئة لاكن لاتعدى FG شعبي وعملي يتحمل واعتمادي ويرضيك با البيع حتى تكاد تبيعة براس ماله
لآكن انصح نصيحة اخ ابعد عن الوكالات الغير شعبية دام امورك المادية وسط واشتر راحتك في الصيانة والقطع وطول عمرالسيارة وعند البيع مواتر الناس تدورك ومواتر ودك بولاعة تشب فيه مايجيب ربع قيمته وزبونه يسد نفسك
واذا رزقك الله بالحلال لا تناظر X6

[الملك 704]

والله يا جماعة الخير

الدورانجو مواصفات حلوة جدا وسعر احلى

لكن الوكيل زي الشوكي في الحلق


الاف جي مشكلته في الباب الخلفي وعدد الركاب خمسة فقط



لانو في حال اني بسافر ومعي عائلة من 7 أشخاص الدورانجو اريح



طيب البرادو 6 سلندر كم سعره ؟

[الملك 704]

-Sfm3lB2Lv0

قبل شهرين غرزت في نفس المكان هذا خمس ساعات !!!

[الموسوي]

اخوي نسيت اقولك شي مهم
اذا نفسك تحدك على الدوج ليش ما تجرب وتمر توكيلات الجزيره وتشوف الاكسبديشن كني لمحت واحد من الاخوان عرضه عليك كخيار

الاكسبدشن ماهو بعيد عن هالاسعار وموتر خدوم ومواصفاته حلوه ووسيع ومكينته تجمل
ان بغيته خط ولا بر ما قال لا

[أطلال نجد]

السلام عليكم و رحمة الله

أخوي أنا من رأيي توسع خياراتك و لا تحصر نفسك بين سيارتين فقط
عندك البرادو و الباجيرو و الفورد و نيسان باثفايندر و الاكستيرا و الشروكي و السوزوكي .. جميعها من فئة الدورانجو تقريباً
قارن بين كل هذه السيارات من ناحية الأسعار و المواصفات و الاعتمادية
الوكيل لا تفكر فيه كثير لأنك ما شاء الله بتأخذ سيارة جديدة و لن تحتاج للوكيل بإذن الله إلا في حالات نادرة
و رأيي بأن الأف جي لا تناسب احتياجاتك طالما طلعاتك للبر خفيفة و قريبة و عندك أسرة و طفلين ما شاء الله و احتمال يزيد عدد أفراد الأسرة واحتمال أيضاً تحتاج إلى خادمة هذا غير أن مقعد الصف الثاني في الأف جي غير مريح و متعب للعائلة عند الركوب وفي السفر ولا يوجد به تكييف خلفي مستقل وقتها ستجد نفسك مضطر لبيع السيارة و البحث من جديد عن سيارة أرحب و أريح


بالتوفيق

[الملك 704]

الاكسبديشن كبير مرررررة وخيار مو بطال اصلا وسبق وحطيته في بالي


بس الدورانجو اعجبني عشانه متوسط ومواصفاته رائعة

الاكسبديشن اقل فئة دبل ماغير دركسون ومسجل ومكيف !!

[ll qnas ll]

اخوي نسيت اقولك شي مهم
اذا نفسك تحدك على الدوج ليش ما تجرب وتمر توكيلات الجزيره وتشوف الاكسبديشن كني لمحت واحد من الاخوان عرضه عليك كخيار

الاكسبدشن ماهو بعيد عن هالاسعار وموتر خدوم ومواصفاته حلوه ووسيع ومكينته تجمل
ان بغيته خط ولا بر ما قال لا

.



كلامممك صح وأنا واحد أأيد كلامك +1


.

[ابن العين1]

إذا نويت على الدورانجو
فأعتقد أن أخوه الجراند شيروكي أفضل منه بكثيييير

لأنهم يتشاركون الشاصي و المحرك

[الملك 704]

^
^
^
أشكر لك مداخلتك وكل من سبقك



لكن الشيروكي شكله مدري كيف ؟؟ مو عاجبني زي الدورانجو

[الملك 704]

وعلى فكرة

الدورانجو 2014 القير بيكون زي الرام


فرار


كما في الصورة

http://media.caranddriver.com/images/13q1/509127/2014-dodge-durango-r-t-center-console-photo-509198-s-1280x782.jpg (http://www.cafe-hbal.com/vb/Cafe-hbal47962/)


بس ما ادري في كل الفئات او فئة واحدة

وهل هو عملي . ؟؟

[الملك 704]

أشكر كل من أدلى برأيه هنا


فقد صرفت النظر عن الـ fj

وقررت إنتظار دورانجو 2014



وربنا يكتب لي مافيه الخير