المزيون ابي رايكم وش اركب له لكزس ولا VX-R

[قرناس حائل]

السلام عليكم ورحمة الله وبركاته


اذكرو الله يالربع العين حق وتجي من واحد ساهي
ماشاءالله تبارك الله


http://www.mekshat.com/pix/upload06/images/2013/05/mk27510_7.jpg

http://www.mekshat.com/pix/upload06/images/2013/05/mk27510_8.jpg


هذا موتري باترول 1996 كلبليتر اشتغلت فيه العام الماضي شغل واحد قناي ماهو بياع وتعبت على الشغل الزين والحمد لله طلع بأحلى حله واكثر مما توقعت وكان شغلي فيه على مراحل والحين وصلنا للمرحله الاخيرة اللي هي ( المحرك ) طبعاً هو عليه مكينه شد بلد وابي اركب وحده من ثنتن

يا مكينه اللكزس
أو
مكنه VX-R الـ 5.7

ارجو من اهل العرف والخبره المقارنه بين هالمحركين فقط لان الامريكي رافضه جمله وتفصلاً وياليت تكون المقارنه عامه بكل شي القوه والتحمل والسعر

طبعاً بعد الجزم على احد المحركين بركبها بالامارات لذلك لا حاجه لذكر الاسعار بالسعودية خابرين ربعنا واسعارهم :)

تحياتي للجميع

[A6LAL]

عندك مكينة الـ VX-R أقوى من الكزس عزم و تورك ..
و كلهن فيه تحمل ، بس المشهور ان الكزس تتحمل الجور بقوووة ..

أنا افضل الكزس الصراحة .. :good2::good:

من ناحية السعر الـ VX-R أغلى ..

من ناحية الشغل اقترح عليك تشتغل هنا ، لان اللي بالامارات يشتغلون كراسي المكينة شغل ابوكلب ..
و التحويلة يبدا القير يقر .. يعني لو بتشتغل هناك بتضطر انك تلقط بعض الاشياء هنا ..

عندك ابو يارا و المسلم و الخطيب و الحمد كلهم يشتغلون الكزس و كل واحد احسن من الثاني ..

اعتقد ان اسعارهم :
ياخذون مكينة البلد حقتك و تزود تقريباً 11 الف و حولها ..
بس شغل عليه الكلام .. :good2:

[sgl2002]

ان طعتني ركب مكينة شاص ٢٠٠٩ بس خلها كربريتر عشان ماتدخل في شغل الحساسات والكمبيوتر والشغلات هذي

مكينة قوية وعزمها قوي وصيانتها سهله

الفكسار مكلفه واللكزس التورك حقها ضعيف

ولو تركب هنا احسن عشان لو تطلع مشكله او شي تكون قريب

[سيف العلا]

افا ميبيلها لكزس ونا اشهد ومجربه هي وال اس وراه بشوي

[دحيم الفزعة]

ان طعتني ركب مكينة شاص 2009 بس خلها كربريتر عشان ماتدخل في شغل الحساسات والكمبيوتر والشغلات هذي

مكينة قوية وعزمها قوي وصيانتها سهله

الفكسار مكلفه واللكزس التورك حقها ضعيف

ولو تركب هنا احسن عشان لو تطلع مشكله او شي تكون قريب



الحمد لله لقيت واحد يوافقني على فكرتي


صدقت فعلآ ليت الواحد إذا بغى يرهم يفكر في المستقبل وحاجته للصيانه


صحيح ان مكينة الشاص موب مثل قوة الفكسار واللكزس لكن كسبت أنك تضرب عليه دروب وأنت مرتاح بالك ولا تتخسر عليه صيانه وقلق

[بن نويشر]

وللناس فيما يعشقون مذاهب
دامك طلبت الراي فأقول لك ما يلي:
اولا: الله يطرح في موترك البركة .
ثانياً: اعتقد ان المسئلة مكلفة وتحتاج إلى انك تحسبها صح .
ثالثاً: موديل السيارة (مع احترامي) قديم جداً وبذل المال في مثل هذا الموديل تحتاج الى تفكير .
رابعاً: ان كنت مصمم على الفكرة (فسئلوا اهل الذكر) اسئل من هم مختصين في مثل هالامور من ميكانيكيين لهم خبره في مثل هذا المجال ، مع احترامي المسئلة ما هي خبط لزق .
بس عندي سؤال لو سمحت : ما الحكمة من هالفكرة ؟؟

[AbdulAZiz M]

ركب مكينة لكزس مع سوبر تشارج في ورشة تل مرعب بالإمارات وريح راسك

مكينة تتحمل وفي الخط مالها طراد

والسوبر شارج بيرفع عندك التورك بشكل طيب جداااا

مكينة الفي اكس ار غاليه جدا وما فيه احد بيركبها لك

[abo naser 1]

السلام عليكم

وانا أخوك اسئل مجرب ولا تسئل طبيب اذا موترك استخدام يومي وسفر وكشتات فأنصحك خلك على البلد بغض النظرعن الأعطال الترهيم يلزمك تدبيل مساعدات وقلب عامود التوازن الأمامي وبعدها المطب يروع يحلل الشاص والقيادة كأنه تريله توازنه وليونته ورساوته الي انت خابر أكتب عليها السلام

قاعدة ثابته لا مكينة فكس ولا لكزس ولا امريكي ولا غيره كل مازاد قوة المحرك زادت الأعطال من تعشيق وقير ومن صوف ومن كوارين ومشاكل الكلتش

محاكيك جهزة موتر مثلك بس ربع محرك LS1 وركبت أفضل القطع من ميكانيكا الى تنجيد الى كفرات وتربيط وبعد الترهيم اسوق الموتر نشاط مهبول بس لو تكشت عليه صمان او وعرة اشرطك الآم الظهر والفقرات والدسك بعد هذا وانت السواق مبسوط بالنشاط فمبالك بالراكب

في الأخير تحسفت على بعض الأضافات للموتر مثل تنجيد غالي ومراتب وكالة وجنوط وشغلات زي كذا لأن استخدامي صار للنفود فقط او اطلع اخذ لفتين في مخطط صاد ونبرد الكبد ويرجع للبايكة بالعربي ليتني مقصصه ومخففة ومخلية سحب

وبالنسبة لأبتعادك عن محرك الأمريكي الحمد لله له حول السنتين ما حطيت الا 500 ريال قيمة طرمبة ماء تجاري و وبلف وسبرنق مستخدم بعد ويجية جلد الله به عليم وحرك الفكسار يجي 4.7
هذا الي يرهم ومعروف اما الفك الجديدة 5,7 مايرهمونها وغاليه بالحيل
وعلى العموم لاهي ولا لكزس تصف مع الأمريكي في جميع الاحوال والي يقولك الكزس تمشي مع الأمريكي فتأكد الامريكي حاطه بخامس والكزس بثالث او رابع

[أبو براك 511]

ركب مكينة لكزس وريح نفسك
مايحتاج لها سؤال

[bad boy]

اخوي خله على شد وكالته احسن لك
تسلم من قره بالقير او كلتش محترق او الكهرب محتاسه
وسالفة انك ترهم بالامارات نصيحه لوجه الله لاتقرب لكراجاتهم
لا شافوك سعودي الله لا يوريك انواع النصب

[كومبو]

طيب ليش ما تركب مكينة فتك ؟

ترى خبرتي في الترهيم صفر

[أب رحي]

وعليكم السلام ورحمة الله وبركاته


اولا الله يعطيك خيره ويكفيك شره ويحفظه لك...
ثانيا احب اقولك ركب مكينة لكزس مافيها كلام...

اتمنى لك التوفيق.
وتقبل مروري.

[ابو فهد...]

لكزس وانت مغمض مايبيلها كلام لي ثلاث سنين زي الحلاوه
والاغلب الي رافضين الترهيم كلهم ماشتغلو عند واحد مظبوط او انهم رهموا امريكي او سامعين كلام مهب مظبوط

[التعـ King ـديل]

ماشاء الله تبارك الله ،، الله يطعمك من خيره ويكفيك شره

نصيحه اخو ومجرب غير مكينه الفتك على هالبدي لا تدور مكلفه ولكن مكينه جباره وتتحمل وتطبق على موترك بدون لخبطه

واذا صامل على وحده من هالمكاين فيه واحد بالرياض يشتغل اللكزس ب 15000 بدون الرجيع والرجيع حسب نظافته ينزلك من السعر

اذا بغيته راسلني وامورك طيبه ،، اما الفكسار لاتقربها ابدا على بدي الباترول متعبه وثقيله

[صبحية البراري]

أخوي خذ نصيحه مني ركب مكينة vtc 4800 اقوى من الكزس والفكس ار وعلى طول تركب بدون تحويله و خرابيط بس انه غويليه

[نفداوي]

انا مركب مكيتة لكزس طبعا افضل من البلد في السرعه القوه (بس مهوب واجد ) الحراره انسها البنزين اقل صرف ااموتر اخف بس&&&&& خلال سنه اربع طرنبات بنزبن وكل مارحة للبر سببلي ازمه نفسيه اجيبه سحب لقرب خط وبعدين السطحات تاخذه وفي الرباض مرتين سطحات طبعن الخراب واحد طرنبة البنزين اللي في التانكي واغير اصلي مره فكسار مره فتك مره لكزس ولان فيه ب ي م BEM وبعدين خارج الرياض والقصيم ماتلقى ورشه
انصحك بالبقاء على البلد مع تركيب مراوح كهرب

[قرناس حائل]

طيب يا جماعه الفتك اقوى من اللكزس والـ vxr ؟
ياليت اهل الخبره يرتبونها من حيث القوه و الصبر و السعر كلاً على حدى

القوه :

1_
2_
3_

الصبر :

1_
2_
3_

السعر :

1_
2_
3_

ولكم مني جزيل الشكر

[ابو هاجسس]

الفتك نفس قوة الفكس آر

بس الفتك ميزته يركب على موترك سلام سلام بدون قروشه .
هذا اذا كنت تبغا شغل نظيف ولا همك السعر .

[عاشق الvx]

مشاء الله تبارك الله
الله يباركلك في موترك
لكن يالغالي وش تقصد بمكينة اللكزز ؟
هل تقصد الـ4 لتر (مكينة ال400) لانه هي الي اشوفها عالباترول دايم
او تقصد اللكزز الجيب ؟
اذا تقصد الجيب مكينة الفكسار واللكزز وحده كلهن 5700
واذا تقصد الـ400 مافي مقارنه بين هالمكينتين
مكينة الـ400 قيمتها تتراوح من الـ4000 وحواليها
وقيمة مكينة الـ5700 ماتقل عن الـ30,000
هذا غير التقنية والتورك والاحصنة و........
لكن اذا ميزانيتك حلوه عندك مكينة الفتك تراها ممتازه على بدي موترك
وتركب على الكراسي بدون ترهيم وادائها فوق الممتاز ,,,
موفق.......

[التعـ King ـديل]

الفتك نفس قوة الفكس آر

بس الفتك ميزته يركب على موترك سلام سلام بدون قروشه .
هذا اذا كنت تبغا شغل نظيف ولا همك السعر .


مع احترامي لردك :good2:

الفتك 280 حصان تورك 47 سعه 4800 سته سلندر

الفكسار 240 حصان تورك 43 سعه 4700 ثمانيه سلندر

الفتك بالنشاط مافي مثلها بالقوه مافي مثلها ولا تقارن بالفكسار ،، كان عندي باترولين واحد مسقط عليه فتك والثاني فكسار اللي عليه الفتك كرفته كرف الويل سفريات ومقاومات ومراقى وكل اللي بالخاطر واللي عليه الفكسار يوم ابيعه مابعد كمل التمرين حقه مامشى معي الا 500 مدري 600 كيلو وجاب لي المرض ثقيل دم :D

[(سكود)]

تبي النصيحه لاتجيب لنفسك ضغط ومشاكل اترك مكينة السياره عليها وطعني حتى وقت البيع ويعرفون ان مكينتها مرهمه مايرغبونها وش تبي في مكينة الفكسار واللكسس تبي تطير يعني لو تمشي 180 بالبترول تعتبر تهور ونتحار فما بالك بمكينه اللكزز والفكسار خله على شغل وكالته قبل الندم

[التعـ King ـديل]

اذا تبي عزم لموترك حلو ركب اللي اقولك عليه

هدرز سويدي + ديلكو الكتروني حق 4500 مع الكويل حقه + فرارات برازيليه + كفرات بالون وجنوط هلل + نزل الموتر شي بسيط

اذا مافرق معك بالصرفيه والعزم انا ماافهم

[Abo gssar]

اذي تبي استخدام يومي نصيحة لاترهم شي وذا تبي زيادة عزم عليك بتزويد مكينة البلد فقط يعني هدرز فلتر اسلاك بواجي ومن هذا القبيل .
اما اذا تبي موتر تطعيس وتبي تلعب فيه فأنا اشوف انك تشوف موتر غير اللي معك لانك تعبت عليه مثل ماتقول ماينفع انك تخليه للجلد والهربدة ..
هذا اللي حبيت اقوله والله يوفقك

[سلاطين]

السلام عليكم ورحمة الله وبركاته
أخوي خذ كلام مجرب اللكزس تركيبها اللحين ب18000 الف والله ماتستاهل هالسعر خط ماشاء الله نفود وتطعيس خايسه جداااا غير الخرابات اللي بتطلعلك من دزق وكلتش وطرمبة بنزين وقرة قير

الفتك غاليه بس تستاهل . تركب على نفس الكراسي يعني لاتحويله ولاكلام فاضي غير انها في البيع تجيبلك سعر حلوووو وقوه في الخط والطعوس سعر تركيبها اذا بكمبيوتر بلد 25000 الف

الفكسار مشاكلها في الكهرب والكمبيوتر أفضل تبتعد عنها أبرك

مكينة الشاص او الجكس اذا بتركب ركب موديل قديم من 2000 الى 2007 راس واحد حلوه وتورك حلو خط وطعوس بس فيها مشكله وحده الكارتير حقها قريب من الدفرنس لازم ترفع المكينه والكبوت عشان مايضرب الكارتير وبتكلفك حدود 20000 الف بس حلوه وتكد بصراحه


أتمنى لك التوفيق

[مدهوش]

القوه :

1_ الفتك
2_ الفكسار
3_ اللكزس

الصبر :

1_ الفتك
2_ اللكزس
3_ الفكسار

السعر :

1_ الفتك - غالية
2_ الفكسار - اقل
3_ اللكزس - اقل بقليل


خذها وانا اخوك من واحد مغربلته هالأمور والله لا يخسرنا ولا يخسرك ...

[x.ls1.x]

شف يا اخوي الفتك ماتقارن بهالقراشيع ابد من لكزس وفكسار , مكينتك بتعديل بسيط مسح راس وبوردنق وهدرز وتلقيطات بسيطه تطلع على المكاين وباقل تكلفه .. اما فتك ولا ادخل عالم الامريكي والي يقول الامريكي راعي قروشه ابصم بالعشر انه يلاحق هرج العالم ولا جرب مرهم ابد وبالتوفيق..

[CAM 7]

فتك افضل واخف ع الموتر

[abo naser 1]

يميز مكينة الفتك انها تركب بدون تحويلة وقوتها جبارة على أساس انها 6 سرندل طولي وهذا مايميزها
(والتحويلة ومجموعة الكلتش هي أهم نقطة للترهيم وأكبر سبب للمشاكل)

صحيح سعرها غالي بس فيها اذا بعتها لحالها لها زبونها لو تبيع الموتر وهي عليها عطوك حقها
ومميزتها تصلح لجميع الأستخدامات