استفسار: وين احصل صيانه ونش ورن في الرياض

[طير آلفلآء]

[CENTER]السلام عليكم
كيف الحال
لو سمحتو عندي ونش ورن امريكي
ويشتغل واسمع صوته لاكن ما تدور المكره شكله فارط ولا مدري وش فيه
على العموم وين احصل محل صيانه يصلح ويضبطه
ويركبه لي على السياره لاندكروز 2010
وبكم
سئلت سوافي قال ما عندنا صيانه
وذكرو لي محل 4x4في شمال الرياض يا ليت تعطونا رقمه ومكانه بالضبط
واكون لكم من الشاكرين
واسفين على الاطاله
/CENTER]

[أبوسعد111]

وعليكم السلام ورحمة الله
أعتقد
بتحصل له صيانه عند الوكيل لشركة WARN السليماني فرع الغرابي أو السليمانيه
وهذا موقعهم على النت
http://alsulaimani.com.sa/ar/
أتصل بهم تأكد

بالتوفيق

[ابوسليمان12]

راسلني علا الخاص اعطيك جوال رجال سوري شغلته صيانة ونوش صلح ونش سيارتي حق شدبلد

[طير آلفلآء]

السلام عليكم

بحثت وسئلت ولا حصلت الي ابي :(وحبيت افيدكم:good2:
عشان ما تتعبون مثلي :mad:

رحت ودورة صيانه للونش السياره _ورن

كلمة سوافي قال ما عندنا
رحت ل4×4 الي في العروبه ما عنده
يركبون على السياره بس ما عندهم صيانه

وكلمة السليماني وهذا رقمهم :014091425

الي في الغرابي قالي عندنا قطع بس صيانه
يمكن تحصل صيانه في فرع المرسلات بعد اشارة محلات الجوالات
بيجيك على اليمين
وقالي يركبونه لك كلش من عندهم ب 1000ريال
وعطاني رقم واحد عنده صيانه للونش في النسيم

اسمه خالد :0508877719

كلمته وقال تعالي اصلحه لك يقول قريب عند المعارض


وبالنسبه لمحل 4×4 موقعه ؟

خل مستشفى الملك خالد للعيون على يمينك وابتل لين
يقطع عليك التخصصي ديور وارجع بعد كيلو ونص تقريبن
بتحصله على يمينك في محطه مهجوره جنب محل تلميع الي على الشارع مسكر
ادخل جوا في المحطه بتحصل لهم فتحه مع ورا
وهذا رقمهم :0532558958
وصراحه احس محلهم نايم ما عندهم زباين زي اول
ولا فيه الا ثلاث عمال


حبيت اريحكم :D
ويا ليت تدعون لي :)
وان شا الله افيدكم بما يستجد :good2:

[sgl2002]

اخوي اسال اقرب راعي سطحه يعلمك ع طول

[mesfr1]

فيه قير صغير في الجهه العلويه من الونش اذا كان ملفوف للخلف فانه يفصل التروس لتتمكن من سحب الواير بواسطه اليد رجعه للامام وجرب وبالتوفيق.

[ابو البر]

حبيت اشارك بالموضوع لأهميته لأغلب الكشاته
الأخ طير الفلا ما قصر واعطاكم معلومات مهمه وانا بضيف علشان اللي يبحث عن صيانة ونش سواء من الأخوه اعضاء مكشات او من الزوار الكرام
بالنسبه للأخ المذكور في رد الأخ (طير الفلا ) فا أنا رحت عنده للورشه بالنسيم وما قصر الرجال وباين عليه راعي خبره ومتمكن واسعاره معقوله اسمه (خالد ) وهاذا رقمه 0540489380
وايضا يوجد فني اخر لأصلاح الونشات ولاكن الحقيقه ما رحت له لأنه بعيد عني وموقعه في الصناعيه القديمه في اخر شارع الأمير سلمان وهاذا رقمه 0508111977 واسمه فيصل .

وارجو من الجميع اثراء الموضوع لأهميته واضافة كل مايفيد من كل النواحي سواء معلومات محلات الأصلاح او اي معلومه لها علاقه با أصلاح الونشات والله الموفق .