الوليدي1
30/05/2013, 09:54 AM
قدر الله علي وشريت فورد 2008
السلام عليكم
اخواني ابي استشيركم في الفورد
فايف هندرد 2008
او فورد تورس اللي تحولت الي فايف هندرد بقدرت قادر
http://www.mekshat.com/pix/upload05/images253/mk189806_878.jpg
قصتي اني كنت ابي سيارة صغير للسفر
وكنت مخطط اشتري كامري لكن نصحوني ابعد عن الكامري بسبب انها تنسرق من اجل التفحيط
وكل ما شاورت في سيارة طلعوا لي عذاريب حتى انتهينا للفورد
رحت للصالة اسال عن الفورد ولقيت ابن حلال مدح في نوع جديد اسمه فورد تورس
من كثر ما اعطاني من مواصفات حسيت ان السيارة راح تناسب في الجو والبحر والبروممكن تكون غواصة عند الضرورة
المهم قلت اشاور قال ممكن ماتجلس الي بكرة اوعا تفوتك ياباشة
قلت طيب اسحب فلوس واجيك بكرة قال ليه تغلب نفسك اتصل عن طريق الهاتف المصرفي وحول في الحساب وانت جالس في المكتب
المهم ماطلعت حتى دفعت 47 الف
واخذت المحروصة اليوم الثاني مع مصحف وسيدي قران وتعليقة اية الكرسي
قلت ما شاءالله اصحاب دين
كانت البداية البعد عن الصالة حتى لا اجيب العيد من كثرة الازرار
ووقفت بعد ما شاهدت الحرارة في النصف وقلت بدايه ماهي طيبة وقفت السيارة واتصلت على اخوية يجي ياخذني
قلتله ارتفعت الحرارة فجاه قل خلها تبرد ونرجع لها بعدين ونعرف السبب يمكن مافيها زيت او الماء قليل
اتصلت على مكانيكي قلتله الحرارة ارتفعت وتوي مطلع السيارة قال اكيد البلف ما يفتح واغلب السيارت الجمركية كذا
راح اشتر بلف من الوكالة اصلي وجبها عندي
رحت اشتري بلف وطلب الاستمارة وجلس ساعه يحوس وفي الاخير قال السيارة ملها قطع عندنا قلت الله يبشرك بالخير
قل وش نوع سيارتك قلت يقول صاحب المعرض فورد تورس قام واحد ثاني وطلب الاستمارة من جديد
وثم طالع فيه وقال كيف حالك قلت بخير قال اخبارك قلت طيب توقعت انه يعرفني المهم قال هذي استمارة جمس وين استمارة الفورد
المهم راح نتجاوز التفصيل في هذا المشهد بسبب كثرة الاحراج
دورت في المحفظة وطعت بطاقة ثانية المشكلة كل البطاقات تتشابه ماتفرق بين الاستمارة والرخصة وبطاقة الاحول
المهم اعطاني البلف بحوالي 65 ريال
وقال سيارتك فورد فايف هندرد 2008 مو فورد تورس مثل ما قال لك صاحب الصالة قلت ما اعطاني المصحف من فراغ
وتوكلت على الله رحت اخذت السيارة وعلى المكانيكي قال خلها تبرد وخير
وبعد ما ركب البلف وزاد ماء مقطر والحمدلله الحرارة تمام وبعد خمس دقائق رجعت للنصف قلت اقلك رجعت الحرارة من جديد
شاف الحرارة قال قصدك انها ارتفعت كذا المره الاولى قلت ايه قال الله لا ... عاد يمون لي معه سبع سنوات
بعد ما خلص ضحك قال الفورد كلها زي كذا قلت انت اللي تقول اشتر بلف ووو قال انت اللي تقول ارتفعت الحرارة فجاة
المهم رحت من عنده وانا في نصف هدومي وطبعا دائم قبل التحريك لازم انزل واقفل الكبوت بسبب ان زر الكبوت مثل زر الجنط في سيارتي الاولى
اسحب وينفك الجنط لكن هنا اسحب وينفتح الكبوت الجنط ضغط فقط وينفك
المهم قلت اسافر اشوف السيارة تجمل او لا بعد الاحراجات اللي مالها داعي لكن طلع عندي مشكلة ان النور في الليل ضعيف
والنور اول ما احطها في الدي يشتغل ليل ونهار رحت لصاحبي المكانيك قال رح عند فلان وخلة يقصل النور بالكمبيوتر
رحت جلست عشر دقائق بعد ماشبك اجهزته وطلب 100 ريال وانفصل النور الي مع التعشيق
ورحت محل الزينة وطلبت نور قال عندي نور يصلح لك لكنه غالي 1000 زنون قلت ركبه
الصراحة بعد ما اخذت جولة بالنور اصبحت اشوف الفنايل الداخلية للي قدامي لكن توقعت انهم جميع ماخلو دعوة
رجعت محل الزينة وطلبت يخلي العالي فقط
جهزت الشنطة ومتجة من تبوك الي جدة لتجربة السيارة والحمدلله السيارة راسية وماعليها كلام وفي طريق الرجعة مخالفة بسبب الانوار اول مره ادري ان عليها مخالفة
وبعد تبوك قلت اروح الاردن وبعد العودة الي تبوك قلت اغير الزيوت واكشف على السيارة
لكن قابلني صاحب لي نصف شريطي في محل تغيير الزيت ومن كثر ما طلع عيوب فيها تصافقت ركبي
قلت ما اعطاني صاحب الصالة اية الكرسي وسي دي القران عبث
المهم قلت انا سافرت وجيت والسيارة ماعليها كلام قال انحش وانا خوك نزلة قبل تخرب عليك قطعها نار ومدري تحصلها او تتصور جنبها
وسوست واليوم الثاني نزلتها الحراج وجاني صاحبي نصف الشريطي وجلس معي في السيارة وكل ماجاني احد قال سيمت قلت لا
كم حدك مالي حد وش فيها من عيوب قلت والله مافيها شي لكن يقولون قطعها غالية ويمكن مالها قطع ويهرب الزبون
وصاحبي يدقني ويقول لا تقول قطعها غالية ماراح يشتريها احد قلت انت اللي تقول وما ابي احد يدعي عليه مثل مادعيت انا على صاحب الصالة
جانا واحد اجودي ونفس الكلام قال انت رحت الوكالة وسالت قلت لا قال من يقول مالها قطع قلت هذا ويقول غالية
قال وانا خوك قطع الفورد كلها غالية وموجودة واغلى شي الابواب والكبوت والشنطة لكن القطع المكانيكية متوفرة ولاهي غالية بالحيل
قلت لصاحبي وش ريك قال انا اشتريها منك بـ 30 الف قلت خاف ربك توي مطلعها بـ47 على الاقل خلها 35
قال اللون الاسود مو مرغوب والجربوكس قيمته حدود العشرين لو جاه شي
قلت توكل على الله قلبت مخي وكرهتني في السيارة وما تبي تعطين على الاقل سعر مناسب
المهم يا اخواني والله اني محتار ابيعها او استخدمها
السيارة فحصتها وكالة ولا فيها شي والشي الوحيد اللي غيرته بلف الحرارة
لكن محتار اواصل استخدامها او ابيعها بخسارة 17 الف لصاحبي
ابي شوركم ونصيحتكم
السلام عليكم
اخواني ابي استشيركم في الفورد
فايف هندرد 2008
او فورد تورس اللي تحولت الي فايف هندرد بقدرت قادر
http://www.mekshat.com/pix/upload05/images253/mk189806_878.jpg
قصتي اني كنت ابي سيارة صغير للسفر
وكنت مخطط اشتري كامري لكن نصحوني ابعد عن الكامري بسبب انها تنسرق من اجل التفحيط
وكل ما شاورت في سيارة طلعوا لي عذاريب حتى انتهينا للفورد
رحت للصالة اسال عن الفورد ولقيت ابن حلال مدح في نوع جديد اسمه فورد تورس
من كثر ما اعطاني من مواصفات حسيت ان السيارة راح تناسب في الجو والبحر والبروممكن تكون غواصة عند الضرورة
المهم قلت اشاور قال ممكن ماتجلس الي بكرة اوعا تفوتك ياباشة
قلت طيب اسحب فلوس واجيك بكرة قال ليه تغلب نفسك اتصل عن طريق الهاتف المصرفي وحول في الحساب وانت جالس في المكتب
المهم ماطلعت حتى دفعت 47 الف
واخذت المحروصة اليوم الثاني مع مصحف وسيدي قران وتعليقة اية الكرسي
قلت ما شاءالله اصحاب دين
كانت البداية البعد عن الصالة حتى لا اجيب العيد من كثرة الازرار
ووقفت بعد ما شاهدت الحرارة في النصف وقلت بدايه ماهي طيبة وقفت السيارة واتصلت على اخوية يجي ياخذني
قلتله ارتفعت الحرارة فجاه قل خلها تبرد ونرجع لها بعدين ونعرف السبب يمكن مافيها زيت او الماء قليل
اتصلت على مكانيكي قلتله الحرارة ارتفعت وتوي مطلع السيارة قال اكيد البلف ما يفتح واغلب السيارت الجمركية كذا
راح اشتر بلف من الوكالة اصلي وجبها عندي
رحت اشتري بلف وطلب الاستمارة وجلس ساعه يحوس وفي الاخير قال السيارة ملها قطع عندنا قلت الله يبشرك بالخير
قل وش نوع سيارتك قلت يقول صاحب المعرض فورد تورس قام واحد ثاني وطلب الاستمارة من جديد
وثم طالع فيه وقال كيف حالك قلت بخير قال اخبارك قلت طيب توقعت انه يعرفني المهم قال هذي استمارة جمس وين استمارة الفورد
المهم راح نتجاوز التفصيل في هذا المشهد بسبب كثرة الاحراج
دورت في المحفظة وطعت بطاقة ثانية المشكلة كل البطاقات تتشابه ماتفرق بين الاستمارة والرخصة وبطاقة الاحول
المهم اعطاني البلف بحوالي 65 ريال
وقال سيارتك فورد فايف هندرد 2008 مو فورد تورس مثل ما قال لك صاحب الصالة قلت ما اعطاني المصحف من فراغ
وتوكلت على الله رحت اخذت السيارة وعلى المكانيكي قال خلها تبرد وخير
وبعد ما ركب البلف وزاد ماء مقطر والحمدلله الحرارة تمام وبعد خمس دقائق رجعت للنصف قلت اقلك رجعت الحرارة من جديد
شاف الحرارة قال قصدك انها ارتفعت كذا المره الاولى قلت ايه قال الله لا ... عاد يمون لي معه سبع سنوات
بعد ما خلص ضحك قال الفورد كلها زي كذا قلت انت اللي تقول اشتر بلف ووو قال انت اللي تقول ارتفعت الحرارة فجاة
المهم رحت من عنده وانا في نصف هدومي وطبعا دائم قبل التحريك لازم انزل واقفل الكبوت بسبب ان زر الكبوت مثل زر الجنط في سيارتي الاولى
اسحب وينفك الجنط لكن هنا اسحب وينفتح الكبوت الجنط ضغط فقط وينفك
المهم قلت اسافر اشوف السيارة تجمل او لا بعد الاحراجات اللي مالها داعي لكن طلع عندي مشكلة ان النور في الليل ضعيف
والنور اول ما احطها في الدي يشتغل ليل ونهار رحت لصاحبي المكانيك قال رح عند فلان وخلة يقصل النور بالكمبيوتر
رحت جلست عشر دقائق بعد ماشبك اجهزته وطلب 100 ريال وانفصل النور الي مع التعشيق
ورحت محل الزينة وطلبت نور قال عندي نور يصلح لك لكنه غالي 1000 زنون قلت ركبه
الصراحة بعد ما اخذت جولة بالنور اصبحت اشوف الفنايل الداخلية للي قدامي لكن توقعت انهم جميع ماخلو دعوة
رجعت محل الزينة وطلبت يخلي العالي فقط
جهزت الشنطة ومتجة من تبوك الي جدة لتجربة السيارة والحمدلله السيارة راسية وماعليها كلام وفي طريق الرجعة مخالفة بسبب الانوار اول مره ادري ان عليها مخالفة
وبعد تبوك قلت اروح الاردن وبعد العودة الي تبوك قلت اغير الزيوت واكشف على السيارة
لكن قابلني صاحب لي نصف شريطي في محل تغيير الزيت ومن كثر ما طلع عيوب فيها تصافقت ركبي
قلت ما اعطاني صاحب الصالة اية الكرسي وسي دي القران عبث
المهم قلت انا سافرت وجيت والسيارة ماعليها كلام قال انحش وانا خوك نزلة قبل تخرب عليك قطعها نار ومدري تحصلها او تتصور جنبها
وسوست واليوم الثاني نزلتها الحراج وجاني صاحبي نصف الشريطي وجلس معي في السيارة وكل ماجاني احد قال سيمت قلت لا
كم حدك مالي حد وش فيها من عيوب قلت والله مافيها شي لكن يقولون قطعها غالية ويمكن مالها قطع ويهرب الزبون
وصاحبي يدقني ويقول لا تقول قطعها غالية ماراح يشتريها احد قلت انت اللي تقول وما ابي احد يدعي عليه مثل مادعيت انا على صاحب الصالة
جانا واحد اجودي ونفس الكلام قال انت رحت الوكالة وسالت قلت لا قال من يقول مالها قطع قلت هذا ويقول غالية
قال وانا خوك قطع الفورد كلها غالية وموجودة واغلى شي الابواب والكبوت والشنطة لكن القطع المكانيكية متوفرة ولاهي غالية بالحيل
قلت لصاحبي وش ريك قال انا اشتريها منك بـ 30 الف قلت خاف ربك توي مطلعها بـ47 على الاقل خلها 35
قال اللون الاسود مو مرغوب والجربوكس قيمته حدود العشرين لو جاه شي
قلت توكل على الله قلبت مخي وكرهتني في السيارة وما تبي تعطين على الاقل سعر مناسب
المهم يا اخواني والله اني محتار ابيعها او استخدمها
السيارة فحصتها وكالة ولا فيها شي والشي الوحيد اللي غيرته بلف الحرارة
لكن محتار اواصل استخدامها او ابيعها بخسارة 17 الف لصاحبي
ابي شوركم ونصيحتكم