المساعد الشخصي الرقمي

مشاهدة النسخة كاملة : مشكلة في قير فورتشينر تماتيك


أبو محمد هوبا
02/06/2013, 11:17 AM
السلام عليكم ورحمة الله وبركاته

يا جماعة الخير فزعتكم

اليوم الصبح غيرت زيت قير الفورتشينر 2009 6سرندل ماشي 140000

الزبدة اني يوم طلعته من الورشة حسيت ان العزم نااايم
ويوم مشيت عليه صار ما يغير للخامس

الوكاد ان صدري ضايق وانا توني شاري السيارة بعد

اشيروا علي يا جماعة
أب رحي
02/06/2013, 11:43 AM
عليكم السلام ورحمة الله وبركاته


شوف أخوي المفروض ماتغير زيت القير إلا بالوكاله...
بس بما إنك غيرت الزيت برا الوكاله الله يكون بعونك...
الله يسلمك بقولك شي حصل معي عندنا سوبر بان 2004 رحت وغير زيت القير برا الوكاله
الموتر سار عزمه ضعيف ( نايم على قولتك) رحت ومسكت فيه خط...
وكانت طريقتي في السواقه اني ازيد الدعسه بس شوي شوي على الخفيف
كل 5 دقايق ازيد الدعسه شوي وبعدها رجع الموتر نفس ماكان...
توكل على الله وامسك فيه خط بس نفس ماقلت لك عطه الدعسه على الخفيف لاتعطيه على الجامد...

الله يكون بعونك...
وتقبل مروري...
أبو محمد هوبا
02/06/2013, 01:46 PM
شكرا لردك يا أب رحي

لكن وش حل تعليق النمرة على الرابع ؟

لاني ما اقدر امسك خط الا وهو ينقل للخامس
أبو محمد هوبا
02/06/2013, 11:14 PM
ما فيه احد كد صار له مثل كذا من اللي شاهدوا الموضوع
أَبوابراهيم
04/06/2013, 09:10 PM
اذا منتب مسرع فوق 120 مافيه اي ضرر نهائيا على القير في النمرة 4 .. الى اذا اساسا القير فيه مشكلة فطبيعي مع الوقت تتفاقم

رديت عليك في الرابطة بشكل تفصيلي عن المشكلة :)
أبو محمد هوبا
10/06/2013, 12:04 PM
السلام عليكم
أبشركم يا شباب القير زبط معي
راحت الفصلة اللي كانت فيه بعد استخدام ٣ ايام
اما النقلة للخامس فراحت بعد ما فصلت البطارية ١٠ دقايق
هذا الحل اللي اتخذته والى الآن القير ماشي تمام
الله يتمم عليه
وشكرا لكم جميعاً لكل من شارك والله يجعله في موازين اعمالكم