المساعد الشخصي الرقمي

مشاهدة النسخة كاملة : رايكم يهمنا وللفايده


باترول هدد
02/06/2013, 06:50 PM
أخواني حبيت اطرح هذا الموضوع امامكم ولكل يستفد

عندي شاص بيج 92 بدي سليم

ابي انفضه نفض وغير خطه إلى 99

توضيب تغيير دسك وصحن وفحمه وجميع القطع ابغيرها

وعندي اللون البدي باهت شوي مافيه لمعه ,

ابي منكم تنصحوني وش ابدا فيه وافضل ورشه بحائل وافضل سمكري لأن عندي الباب فيه تلحيم شوي ويحتاج وازنيه ,
وهل شيل الخط والتلميع وتركيب ربل للباب عند السمكري ولا عند محل التلميع

طبعا" المنطقه حايل

افيدونا ياهل الخبره
نجدي حجازي
02/06/2013, 07:26 PM
انصحك تبدا بالميكانيكا قبل الرش
ومادامك دافع دافع دور لك مكينة نظيفة برايي احسن من التوضيب
وبالنسبة للورشه يفيدونك اهل حايل عنها ان شاء الله

موفق
نجدي حجازي
02/06/2013, 07:27 PM
بالنسبة للربلات حقت البيبان يركبونها لك حقين الزينة
قد شريت ربلات وركبتها عند محل زينه
abo naser 1
02/06/2013, 10:11 PM
السلام عليكم

أخوي أول ابداء بالمكانيكا وبعدها وأخر شي الخارجي
هل انت بترش بوية + توضيب + تصون بطنة جلد مساعد + جنط كفر = ترا هذي تاصل 20 الف وطالع شغل زين

ولا تماهن بالشي كل شي يلحق بعضة لانك فاك فاك فراح تغير حتى القطع الي فيها نص عمر فا أنصحك الا اذا هاويه وماتبي غيرة بعه ومع دارهم التجديد تأخذلك موديل حديث ومجهز حتى بالطبق لو تبي وكاثر عرض شاص النيسان بعد محركه الجديد الربع يبيعون ويأخذون الجديد
واحد من الربع ماخذ 2006 نظيف ممشاه قليل مجهز من والى كهرب طبق كل شي دقت سلف فيه رفرف ب 54 الف
باترول هدد
03/06/2013, 12:40 AM
مشكور يابو ناصر

لكن قطع غيار التويوتا رخيص ماهو بغالي عندك الدسك والصحن والفحمه 1000 ريال وكاله

بالنسبه للبدي ابي اشيل الخط واسوي تلميع للبويا فقط
سيف وقلم
03/06/2013, 12:52 AM
الخطوط الظاهر أسعارها حول الألف جنب واحد
والبوية 3000 وفوق على حسب سمعة الورشة وشغلها