ياأهل حايل ويا أهل القصيم وياأهل السعودية الكرام [الأرشيف]

مشاهدة النسخة كاملة : ياأهل حايل ويا أهل القصيم وياأهل السعودية الكرام

محمد بن راشد

29/09/2006, 03:34 AM

السلام عليكم ورحمة الله وبركاته

أخوكم محمد بن راشد يرحب بالجميع

سلمكم الله بغيت أحداثيات ومواقع تستاهل الواحد يكشت فيها في القصيم وحائل وأذا كانت مناطق حولها وعلى قولتهم قريب بدو يعني تبعد عن المناطق اللي ذكرتها 200 300 400 >>>100000<<<لحد أيصدق كيلو مافي مشاكل أغير الوجهه لكن أنا رايح أبغي البراد والمطر والروض والشعيب والطبيعه الحلوه الموجوده عندكم الله ليغير عليكم بس ياليت بالأحداثيات لو سمحتــــــــــــم
أخوكم

مسافر1

29/09/2006, 05:22 AM

وقت الربيع بإذن الله أبشر بالخير من الجميع ..
وكل مكان حسب الوقت فليتك تعطيى الأخوة الكرام الوقت لمعرفة المكان المناسب ..
لكل كل شكر وترحيب في بلدك الثاني ..

&{أبوعـمـر}&

29/09/2006, 05:42 AM

القصيم (الغضا) يستاهل الكشته فيه طعوس وفيه تأجير دبابات ومكانه من البدائع على القبعيه بتل لين المحطه تصير يمينك رح يسار طريق عنيزه لين تشوف العالم وان ظيعت اسئل قل وين الغضا.

محمد بن راشد

29/09/2006, 06:01 PM

مسافر1 هلابك يالغالي وشاكرلك عالرد السريع وأنا سلمك الله باجي في أجازة العيد وأبغي المكان اللي فيه البراد والحيا وأذا عندك أحداثيات لاتبخل علي يالغالي :)

بوعمر مرحبابك وشاكرلك وأنا سلمك الله من قطــــــــر ومادل ألا بالجارمن أذا في أحداثية أكون لك من الشاكرين :D

الشقردي

30/09/2006, 02:46 PM

اذا تقصد عيد الفطر القريب
الله يجيب الخير مأظن الارض تربع ولكن اذا تبي رح جهة الدهناء خاصة اذا ركد الهواء بيصير الجو ممتاز.

أما اذا ودك بالربيع لو تأجل جيتك الى شهر 12 أو 1 ميلادي أفضل لك

محمد بن راشد

30/09/2006, 05:59 PM

اذا تقصد عيد الفطر القريب

الله يجيب الخير مأظن الارض تربع ولكن اذا تبي رح جهة الدهناء خاصة اذا ركد الهواء بيصير الجو ممتاز.

أما اذا ودك بالربيع لو تأجل جيتك الى شهر 12 أو 1 ميلادي أفضل لك

مرحبا الشقردي أسم على مسمى سلمك الله الدهناء وين شمال ولا جنوب وأتمنى لو تكون هناك أحداثيه لو تكرمت

;) شاكر لك ياغالي ;)

الشقردي

01/10/2006, 02:22 PM

من شرق
ممكن وانت جاي من الدمام متجه للرياض تعترضك عروق حمراء (قريب من مخرج رماح أو سعد قبل الرياض بـ150 كلم تقريبا) هذي امتداد عروق الدهناء خلاوي وماحولك أحد أبد.
ولكن في نظري ان العنوة لهذي الاماكن وخاصة انك بتجي من بعيد ماتستاهل (في هالوقت بالذات) الا اذا عندك شغل أو انت مثلا تبي العمرة برمضان وانت راجع ودك تسمر لك لليلة من ليالي العيد هناك.فمناسب جدا
لأن زي ما أنت عارف ان الجو عندنا متقلب ويمكن ينقلب عجاج وغبار في لحظة والله ما تسوى عليكم.تنحاس طلعتكم

معليه طولت عليك الهرج.

معدي المرقاب

02/10/2006, 05:35 PM

الله يحييك اخي في بلدك الثاني
وبشر بعزك عين فراش وعين غطا سير علينا في بالقصيم ومالك الا الاماكن الزينه الى تستاهل العنوه.
اي خدمه الرجاء الاتصال 0555345588
اخوك معدي المرقاب

أبوأحمد98

02/10/2006, 07:35 PM

8
8
ونعم والله بالرجال

محمد بن راشد

03/10/2006, 06:04 PM

الشقردي جعلك سالم عالوصف بس أنا طال عمرك أبغي البراد يعني ماعندك مشاكل لو المكان بعيد وأبغي أروح بعيد ياشمال حول حفر الباطن ورفحا ولا شمال غرب حول القصيم وحايل في هاذي المناطق الموجوده عندكم :good:

معدي المرقاب الله يحييك ويسلمك يالغالي أذا باجي القصيم أولآ طمعان بشوفك ومخوتك معانا ومعرفت الرجال اللي مثلك مكسب لي يالغالي ورقمك عندي يابعدي :)

أبوأحمد 89 والنعم بحالك الله يحييك ويسلم غاليك يابعدي :)

ابومرتاح

04/10/2006, 11:46 AM

الجو هناك ابرد من الدوحة ولا يوجد رطوبة اخوي محمد بن راشد ............واذا تبي الشور خل روحتك تمشي .....من الرياض على القصيم على حايل وبعدين اذا تبي تشمل بعد تروح صوب العلا والمدينة بعد خوش اماكن .........والصراحة احلا منطقة بغير قصور بباقي المناطق هي حايل ...........شعبان وجبال واذا بغيت النقيان والطعوس قريبة ....صوب قنا وجبة ..........وعندك بعد صوب طريق المدينة قفار والغزالة بعد خوش اماكن ..............

الدهماني

04/10/2006, 12:35 PM

الاخ محمد بن راشد

الجو بعد العيد راح يكون جميل في المساء

( لكن )

في من ترتفع الشمس وفترة الظهيرة راح يكون حر

دير بالك

انا في السنة الماضية طلعت لمنطقة شمال بريدة قريبة من شري

في المساء الجو ولا أروع لكن الظهر يكون الجو حر إللا في الظل

محمد بن راشد

05/10/2006, 06:27 PM

أبو مرتاح مرحبابك يالغالي والله أذبحتنا الرطوبه ونبغي المكان البارد ... حياك الله :good:

الدهماني ترا الجو برد يابعدي وأكيد أنا مناطقكم الشماليه بارده ;) شاكرلك يابعدي

محمد بن راشد

08/10/2006, 01:09 AM

يالربع وين الأحداثيات .......... :confused:

طلو

08/10/2006, 01:03 PM

يالله انك تحييه تعال ومالك الا ديار البراد والارانب وهذا رقمي 0556685058 ابونايف

والله يحييك من ممشاك الا ملفاك

راع القصيم

09/10/2006, 05:05 PM

ثاني العيد يبدأ مهرجان مزاين حرب ,,,, تمشيه وامسيات شعريه وبرامج

الموقع / قبل ماتصل قبه ب10كيلو تقريبا على اليسار

تروح وترجع بالسلامه

راع القصيم

09/10/2006, 05:08 PM

ثاني العيد يبدأ مهرجان مزاين حرب ,,,, تمشيه وامسيات شعريه وبرامج

الموقع / قبل ماتصل قبه ب10كيلو تقريبا على اليسار

تروح وترجع بالسلامه

محمد بن راشد

09/10/2006, 06:31 PM

يالله انك تحييه تعال ومالك الا ديار البراد والارانب وهذا رقمي 0556685058 ابونايف

والله يحييك من ممشاك الا ملفاك

مرحبا طلو تحريبها يالغالي وجعل من جابك الجنة ورقمك عندي يابعدي ومعرفت الرجال اللي مثلك مكسب لي :good:

لك خالص أمتناني

مدهوش

10/10/2006, 02:04 PM

وش غضاه يا بو عمر خل عنك الغضا يقول يبي يكشت ويدور الربيع وليس يبي يطعس بجنب الديرة يعني توصف له فياض التيسية والبساتين والحوايا وليس الغضاء

ولـد الدوادمي

10/10/2006, 02:24 PM

اخوي محمد لن راشد طيب ليش ماتروح للجنوب والله ان تنبسط وبراد وامطار

وكاني تبي ديارنا نجد تعال بالربيع شهر 12 وابشر بالي يونسك وانخوك

معدي المرقاب

12/10/2006, 04:58 PM

يمحمدبن ؤاشد نحن ندحوك لحفل مزاين ابل قبيلة حرب بالقصيم ابتداء من اول ايام العيد حتي اليوم السادس .
واليك هذا الرابط وفيه خرطة القصيم وموقع المزاين((خب النقع)) علما انه توجد هنكاك اماكن جميله للتنزه واليك الخريطه

حتى للذي لا يعرف القصيم ولم يسبق له زيارتها

http://www.qubh.com/harb5.jpg (http://www.qubh.com/harb5.jpg)

وتقبلوا فائق تحياتي مع تحيات اخوكم معدي المرقاب

F34666

15/10/2006, 02:33 AM

الاخ محمد بن راشد موسم الامطار مابدا ولايوجد ربيع الان وعلوم الاماكن الزينة مابعد بينت انت حدد مالذي تريد بالضبط هل هو جو معتدل او اماكن طلعة يوم واحد او مكان الربيع وهذا يكون بعد هطول الامطار انا موجود بالرياض اي خدمة راسلني على الخاص اعطيك الجوال والجيب جاهز اذا تبي

ابو ناصر2020

15/10/2006, 02:53 AM

هلابك يالغالي معني شره على بعض اهل قطر بس ماهي مشكله امر ويش تبي من الأحداثيات.

ابو ناصر2020

15/10/2006, 02:57 AM

وهاذي احداثية خب النقع N25.25.431
E043.58.649
واسفين على القصور.

محمد بن راشد

15/10/2006, 04:36 AM

راعي القصيم تسلم ياغالي عالوصف الطيب وماقصرت وأنشاالله أن كنت مشارك فالمزاين أنك أتفوز وتعزمني :D شاكر لك

الحابور وسع خاطرك على بوعمر بامر عليكم في ذيك اللطعوس الزينه وباتعشى عندكم وبكمل طريقي لأجل أعيونكم ;) تسلملي

ولدالدوادمي سلمك الله كنت في أبها شهر 7 ميلادي وشفت اللي يسر الناظرين وكنت معا العايلة وألحين أجازتي 6 أيام ومعاي رجاجيل مثلك وشرواك وأبغي أروح شمال أبغي البراد من عقب الرطوبة يالغالي :( لاعدمناك

معدي المرقاب لك جزيل الشكر عالتوظيح يابعدي وجزاك الجنة :good: الله يسعد أيامك

F34666 جعل من جابك الجنه وماقصرت ويكثر من أمثالك وأنا سلمك الله بغيت البراد وخاطري أروح شمال أيقلون كل ما أشملت جاك البراد والحيا وسلمك الله أن كان جيت الرياض لازم أني أشوفك يالغالي

أبوناصر 2020 مابه أقصور وتسلم على لأحداثيه وأنا حاظر بلي تامربه بالنيابه عن أهل قطــــر كلهم شتبي بعد ;)

الله يجزاكم خير ياأهل المملكه عوايدكم الكرم والطيب والشكر للجميع

ابو ناصر2020

15/10/2006, 05:53 AM

مايمرعليك عدو اجل مدم الدعوه وصلة عليك اجل مااقدراقول شي وامر وشتبي من المواقع انا جاهز بلاحداثيات
تبي ربيع تبي الأرطاء السمر الشعبان الفياض وش هواك امربس تبي تقنص .

راعي الكيف

15/10/2006, 06:27 AM

اخوي محمد ...

حياك في ملفاك وبين ربعك .. ابركها من ساعة شوفتك والله ..

بس وانا اخوك ماكنك مبكّر حبتين ؟؟ ... يعني ترا الربيع والاجواء اللي عليها الكلام توها ماجت ... وان كان قصدك تمشية فحياك عد نجوم السما ..

وان بغيت اي استفسار ... رسالة بالخاص ... وابشر بعزّك يالغالي

محمد بن راشد

16/10/2006, 02:22 AM

أبوناصر2020 ( تبي ربيع تبي الأرطاء السمر الشعبان الفياض وش هواك امربستبي تقنص ) يابوناصر2020 ولي يسلمك بغييييييت البراد وأنكان في حيا وروضآ طيب أرسلي الأحداثيات يابعدي :good:

راعي الكيف الله يحييك ويرحبك أنا سلمك الله كل سنه أكون شمال عندكم حول النعيريه ليييييين منطقة درب اللأبل ومن شرق حول الحد العراقي وأكون في وقت الخير والحيا بس عندي أجازة في هالعيد وأبغي أستغلها وأنا خوك وبغيت أوصل حايل والمناطق اللي حولها لأني مابعد جيتها يابعدي :p

أبو محمد

17/10/2006, 07:30 PM

الله يحيك يالغالي والشباب ما قصرو معك ويا شباب الرجال يبي إحداثيات موب توصيف يعني اللي عنده إحداثيات يعطيها الرجال وسلامتكم

محمد بن راشد

22/10/2006, 12:41 AM

الله يحيك يالغالي والشباب ما قصرو معك ويا شباب الرجال يبي إحداثيات موب توصيف يعني اللي عنده إحداثيات يعطيها الرجال وسلامتكم

بوعزوووووووووووز أنت ماعندك أحداثيات

شاكرلك

سكّين

23/10/2006, 05:07 AM

تسانك تبي البراد والمطر رح جنوب

وتسانك تبي الربيع اصبر لك شهرين وبـ نجد