خيمه تنصبها في عشر ثواني !

[راعي عنيزة]

السلام عليكم

اثناء تصفحي لكتاب : راوئع الاحداثيات للاستاذ محمد الشلاش
لاحظت هذه الصوره فيها خيام خفيفه
http://ra3i.jeeran.com/tnt.jpg

وهذا تقريب للخيام
http://ra3i.jeeran.com/tnt1.jpg

الخيمه هذي سبق وشاهدتها في محل رحلات
وهي تسفط وتدخل في كيس ويكون شكلها دائره لا يتجاوز قطرها 75 سم وعرضها اقل من 10 سم

واذا اردت استخدامها تخرجها من الكيس وتجدعها بالارض وهي تنصب نفسها <== تدلعك :D
وما تاخذ اكثر من عشر ثواني وتكون جاهزه ومافيها لا اعمده ولا مواصير

ويكون مقاسها من الداخل مترين في مترين يعني تكفي شخصين من الوزن المتوسط او شخص واحد من الوزن الدب :p

وفيها بابين وراه شاش بحيث تقدر تخلي الباب شباك وما تدخل الحشرات

والارضيه بلاستيك وقماشها بلاستيك مدبل يمنع دخول الما والهوا


وسعرها حول 250 ريال

اعتقد انها زينه للشويين والي ما يستقرون بمكان معين بحيث تفكهم من غثا فك ونصب الخيام

وش رايكم ؟؟ تسوى من يتوهق فيها ولا لا ؟

[ابو عمر اللاحم]

الصرحه هالخيمة تصلح يحطونه برياض الاطفال يعلبون فيها وبس .. مع احترامي للآراء المعارضه .

ومشكور على جهودك اخي راعي عنيزة .

تحياتي ،،،

[الشيشاني]

يا اخي راعي عنيزه
:heart:

كيف الحال والاحوال النوع هاذا من الخيام ماتنفع عند ما (يهب الشمال) وايضآ عندما يروح ابا العطايا

(المطر) خاصه في الليل يصير شل (ابوك حط ابوك) يعني مطاقق على السيارات0 :mad:

ولك تحياتي 0 مع الاحترام والتقد ير :good:

[سيف السيف1]

هههههههههههههههههههههههههههههههههههههههههههههههههه ههههههههههههههههههههههههههههه
وزن الدب ذكرتني بواحــد من الربع:D :D :D الأخ ســوداني:D :D :D

[راعي عنيزة]

نهار
الشيشاني
ابو فارس

هلا بهم هلا وشرفتونا

من خلال ردودكم اعتقد ان الخيمه الامريكيه غير مناسبه لانه بارده ؟؟ :rolleyes:

طيب وش فيه بديل غير الخيام الباكستانيات والوطنيات الي فيها 24 ماصوره غير الثباتات :confused:
حشا الواحد طالع يطق مواصير مهب يكشت :p

دبرونا يالربع بخيمه خفيفه الوزن وسهله النصب :(

[القماري]

أخوي راعي عنيزه
مشكور وماقصرت على طرحك لموضوع الخيام ، بصراحة مثل ما تكرم به الأخوان ( مثل هذه الخيمة لا تصلح لدينا )
الدليل أني شريت خيمة أمريكية ( مشابهة للصور لكن أكبر منها وأجمل وسعرها 450 ريال من معرض القاضي بالشرقية ) ويوم أني ذهبت فيها للبر ( عطلة عيد الفطر ) وإلا الضحك من أخوياني على كيف كيفك :mad:
كان بالجو شوية هواء وصار كل وقتي أصلح جانب ويطير جانب ثاني قلنا يالله على الأقل لو نفوز بالظل داخلها ، ويوم جلسنا بالداخل إلا والحرارة تقول فرن أو حمام سونا :D وهم ما خلصت من الطنز .
من مميزاتها:-
- إنها خفيفة الوزن وتستطيع أخذها معك في السيارة.
- بها في الداخل كيس معلق لحفظ أدواتك الشخصية. :D
- بها سوسته ( سحاب ) يقفل مدخلها جيدا وبها نافذه كبيرة أيضا .
- تصلح أن تكون لعبة للأطفال

عيوبها ( عد وأغلط )
- تطير مع الهواء
- لاتثبت في الرمال الناعمة
- في الشمس داخلها يكون حار جدا وفي الليل بارد جدا
- تضيع شخصية الرجال بين أخوياه
- سعرها غالي
- لم ولن تصل لمستوى الخيمة العادية ( سواء البكستانية أو غيرها )
- لا تصلح لأن تطبخ بداخلها ( الأرضية مشبوكة بالسقف ببلاستك )

هذا والله أعلم ( من واقع تجربة مريرة )

[التغلبي]

ياراعي عنيزة الخيمة اللي أرفقت صورتها ممتازة شريتها للولد ومرة كشت مع شيبان معهم جيوب شاص للصمان المراد اذا جا الليل كل واحد منهم نام في صندوق موترة ويخلوني لحالي فى الارض حضي اني كنت جايب هالخيمة معي وقمت انوم ابها ووقتني من البرد والطل 0 طول ذيك الرحلة ادعي لولدي سعد يوم سمح لي أخذ خيمته

[حذام بريدة]

طيب واذا كان ربعك من فصيلة الوزن الثقيل (فيلة ) تاخذ خيمة لكل واحد !!!!!!!!!!!

[السافى]

اخوى راعى عنيزة
فية خيمة تعرف ب (حمار) او (جحيش) وذات مقاست مختلفة
ولا يبى لها شى واحد ينصبها
واترك عنك الخيام اللى تفشل
تحياتى

[الجمس]

اخوي راعي عنيزه
ما عليك من هاالعيارين( ماصدقوا على الله ) يلقون عليك طريق.

اخوك عنده خيمة صغيرة امريكيه شاريها قبل عشر سنين من محلات الفالح ب(450ريال) وش حليلها مساحتها يمكن 3×2 لها عامودين واحد في المقدمه واحد في الخلف (خلف الخيمه) وبينهن عامود تطقها في خمس دقايق هي واطنابها الصغيرات ارضيتها بلاستك وهي قماش قطن جربتها صيف وشتاء ومع الهبايب ولا فيه احسن منها ولا تنقط لو المطر 24ساعه ولا تحرك لانك جالس فيها مهما اشتد الهواء . وتشيلها هي واعمدتها بيد وحده.
كثير من الاخوان شافوها واعجبتهم وحاولوا شراء واحده ولكن بطل يوردها الماخوذ . احاول احط صورتها .

مع تحيات الجمس

[فرد حمزة]

راعي عنيزة :D

أقوووووول ياحمبيلك <-------- :D:D:D

[سيف السيف1]

ابو حمد بالنسبة لي وربعي نأخذ معانا خيمة حمار الله يكرمكم للحالات الطارئة فقط ولا ننصبها إلا اذا امطرت ..
واذا اخذت ارواق مهب شينه..

[العمدة]

والله ان سؤالي هو نفسه سؤال خويي راعي عنيزة


الخيام


الخربطات هذولي ماتصلح بجونا.....صقيع وإلا تحمسك الشمس حمس........حميسه

الحماره الله يعزكم أو الجحشه.......ممتازة لسهولة رواقه بس انه عشرة آلاف طن إذا أمطرت

والصغيرات أم مواصير على قولة رفيتزنا......تقل سباك أنا ومواصيري

أفيدونا:confused:

[راعي عنيزة]

شكرا للجميع على هذا النقاش الرائع وبعد انتهاء الاستفتاء اليكم النتائج :D

الرافضون والمعارضون والمتطنزون :p :
نهار , الشيشاني , ابو فارس , القماري , حذام بريده ، السافي ، فرد حمزه ، العمده

المؤيدون :
التغلبي ، الجمس

يعني 80% معارضين و20% مؤيدين

والله يستر لا يصير معنا بالمنتدى الاستاذ الشلاش همن يشوف بذا الموضوع شلون خيام ربعه صارت لعبة بزران :D

[جــلــمــود]

كسحه

:D :D

[نقا هشال]

مافيه مثل الخيمه اللي تثبت في السياره وباالذات في جيب الشاص

وكل المحلات في الغرابي تركبها

سريعة التركيب والفك ولاتاخذ مساحه لأنها تكون مثبته في جنب الشاص بعد التصفيط طبعاً00000000

[(طيرشــــلوى)]

ياحليلها تصلح يحطونها مع ملاعب الأطفال بهرفي؟؟؟؟؟؟؟؟؟؟؟؟

[قتال]

السلام عليكم ورحمة الله وبركاته ،،،

أخوي راعي عنيزة .. أقولك / اسأل مجرب ولا تسأل خبير ..

أنا كنت أضحك على اللي يستعمل هذه الخيمة في السابق ولكن بعد التجربة غيرت رأيي .. طلعت كشته مع الربع وماكان فيه مكان في السيارة ولا في مجال نشيل خيمه .. فجاب أحد الربع هذي الخيمة وقال لاتشيل هم .. وجبت أنا رواق صغير احتياطاً .. ولما أمسى علينا الليل ونزلنا جاب الخيمة وفتحها ودق مساميرها حولين أطرافها وبعض حبالها .. وكانت في قمة الروعة تحميك من المطر والهوا والبرد وكان حجمها 3.10 × 3.10 وتكفي لثلاث أشخاص مع العفوش مرتاحين .. لكن للأسف لا تستطيع الطبخ فيها .. وكل شي له عيوبه ومميزاته .. فالخيام الباكستانية لا تستطيع حملها في السيارة الصغيرة أو اللي بدون سلة وهذا غير فارق السعر الكبير بينهم .. كذلك فارق وقت وجهد التركيب والفك .. وإذا كنت لوحدك أو معاك واحد تخيل الوقت والتعب في فك وتركيب الخيمة الباكستانية .. ما أقدر أقول إلا ( كل شي مهم على قدر حاجته ) .


مع تحياتي

أخوك / قتال

[الشبارم]

اخي راعي عنيزه اخواني الاعزاء

السلام عليكم و رحمة الله و بركاته

حبيت اشارك في موضوعكم الطيب الذي نتمنا من الله ان يفيد به

لقد اشتريت خيمه الصراحه عندما ركبتها لاولا مره خذة مني حوالي خمس دقائق
قيمتها في المصنع 950
المقاس 4.50 في 4.50
الشكل هرمي
الاطناب 4
الارضيه مفروشه بلاستك
القماش الخارجي يقول المصنع ضد المطر
الاابواب 2 مع شبك
عدد المواصير 3 متلاصقه و 4 مقسومه اثنين
يتكون العمود الوسطي من الااتي
1- مواصير ثلاث تشبك في بعض و في الماصوره الوسطى يوجد مجموعه متكونه من
اربعه شناكير و حبل و قناره صغيرة يمر معها الحبل مشبوك في المجموعه (هذا عشان شد الخيمه)

طريقة التركيب

1- افرش الخيمه و دق الااطناب الي في الزوايا مع شد كل زاويه
2- قم بتركيب المواصير الثلاثه مع بعض ثم ادخل داخل الخيمه و رفعها
3 قم بتركيب المواصير الاربعه المقسومه الى اثنان كل اثنين سوا و من ثم تركيبها في المكان المخصص
لها في الخيمه و العمود الاساسي
4- قم بوضع الرجل في الحلقه الموجوده في اسفل الحبل و اضغط حتى تشد الخيمه
5- لقد انتهيت.

للاسف اخوني اخوكم غشيم ما اعرف ادرج صوار و لا عندي الامكانيه اني ادرج صوار
الخيمه من صنع مصنع القاضي في الدمام و اسمها عندهم البيرق

و للاخوه الموجودين في المنطقه الشرقيه يمكن شوف هذه الخيمه عند محل القناص في مخطط واحد و تسعون
على شارع الملك فهد " ابن خلدون" سابقاً .

و ياريت احد من منكم ياهل الشرقيه يرج صوارها

و لكم جزيل الشكر و اسف على الاطاله

للمعلوميه لقد اخذ كتابت هذا الموضوع مني اطول بكثير من نصب الخيمه.

اخوكم الشبــــــــــــــــــــارم

[hargan22]

والله فرق كبيرجدا بين 2002 و2009 في كل شيء الأسعار والفكر والقناعه

[راعي الصطحه]

لاعدمنااااااااااااااااك بالتوفيق

[الوادعي 2008]

ياشباب المكشات والمكاشيت انواع ..
فيه ناس كشتاتهم خفافي واذا هب عجاج او امطرت .. حط رجله للبيت :D ..
وفيه مكشاتيه احلى طلعاتهم اذا شاف المطر :l ..
وفيه منهو يطلع من صبح ويرجع مع الغربه يا بشعب ولا على البحر يبي العائله تاخذ راحتها من العبايه :good2: ..
وكل ناس لهم وضع خاص .. فكل واحد يأخذ اللي يناسبه ..
اما عن رأيي الشخصي .. فأشوف احسن ماجاز لي هو خيام الوسم .. :good: لاتقولون اسوي دعايه لهم :D مجرد رأي ..
-----------------
ولمن يريد الاطلاع .. رابط الدعايه في الاعلى يوضح كل استفسار عنها وعقبال الاخوان القائمين عليها مايشوفون
لنا :f وضع الاسعار :f .. وشكرا .. للجميع ...


.