المساعد الشخصي الرقمي

مشاهدة النسخة كاملة : ياأصحــاب ال (( vxR و GxR )) بحــثت وسـألت ولم أعــرف أين ...


خيام الندم
29/09/2006, 03:44 AM
السلام عليكم .. أرجو أن تكونو بخير ... بأختصار : بحــثت وسألـت عن الورشــه التي تفــصل السرعـــــــــــه !!
للفكس أر أو الجي أكس .. لكــي يمشــــي الجـيب طبلونـــه ومايفصل ! ولم أحصل على أي نتيجه .. وذهبت لمحل 4500 بالرياض في الربوه وأعــتذروا وذكرو أنهم متخصصين فقط بالهايلكــس ... فهــل يوجـــد بالرياض ورشـــه تلغــــــي الفصلــــــه للفكـــــس أر والجي أكس ووصف الورشه أو تلفونها أن وجد... مع الشكــــر الجزيل لكم
.................................................. .............................................
غالي
29/09/2006, 04:13 AM
انا مااعرف بس نصيحه
ياخي انا معي جي اكس ار
وربي ان سرعت وهديت تحمدت ربي ان ربي ستر علي
تراه جيب واسرع شيء للأنقلاب لو ينطق كفر
والحوادث فيه واجد
واستغفر الله من انطق عليه كفر تقلب وتوفى الا من رحم ربك
انصحك نصيحة اخو
خله على شد بلده والله يستر تراه مايأهل احد يسرع فيه
اخوك غالي
بركان
29/09/2006, 04:20 AM
استعذ من الشيطان
واعلم بانه لم يوضع عبثا
لقد وضع لتنبيهك عند تجاوز السرعة
وكم من منا فقد حبيبا بسبب السرعة
السرعة قاتله
انها تقتل في غفلة
واعلم ان السرعة شريك في كل حادث
حفظنا الله واياك ومن تحب من كل مكروه.

رجاء راجع قرارك
فالمصلحةلك لك ولاحبابك.
ابو مرهش
29/09/2006, 04:25 AM
السلام عليكم ورحمة الله وبركاته ...

بالنسبة للفصلة انا مجربها على Gxr 2004 قير عادي وطبعا فصلة الكروزر فصلة قير وتقدر تفتحها انك تنزل تحت السياره وبتشوف سلك بالقير افصله وبيفتح معك الموتر واذا تبي العداد بعد مايتحرك افتح علبة الفيوزات وفك فيوز العداد تلقا مكتوب عليه Meter

ملاحظة: بعد ماتفك سلك الفصله بالقير بتولع عندك لمبة المكينه وهي طبيعيه وتروح لارجعت السلك
ابوظبي 987
29/09/2006, 04:59 AM
السلام عليكم ورحمه الله وبركاته

الاخ ... خيام الندم...... مساء الخير


اولا اذا عندك VXR يوجد جهاز يشبك مع كمبيوتر السياره يفصل الكتمه او التبنيده ويضل عداد السرعه ماشي
وسعره = 700 درهم او 750

وفيه جهاز ثاني واسمه unchip ( يوني شب) هذا له وظيفتين

1 - يفتح التبنيده او الكتمه ويضل عداد السرعه ماشي

2 - يزيد من قوه الاحصنه من 10 الى 15 تقريبا

والunchip يركب في كراج متخصص ويتم فحص السياره على الداينو

سعره = 3000 درهم

ما انصحك تركب سويتش لفصل السرعه بالنسبه للVXR لانه مضر للقير و المكينه


ثانيا واذا عندك GXR نفس اللي ذكرته اعلاه يركب

وبالنسبه لسوتش فصل السرعه للGXR عادي مافيه مشاكل


ملاحظه : هذي الاشياء عندنا بالامارات بس وين عندكم بالسعوديه ما اعرف انا حبيت اشارك في الموضوع للتوضيح

ارجوا اني وصلت لك المعلومه



مع تحياتي
ابوفواز
29/09/2006, 06:38 AM
السلام عليكم ياخوي
تعوذ من ابليس ياخوي
ترى السرعة مافيها خير
تبي تسرع ومعك جيب
مايصير
160
والله يستر
وتراك غالي ياخوك علينا
والله يستر عليك
ابوجرحين
29/09/2006, 07:16 AM
السلام عليكم ياخوي
تعوذ من ابليس ياخوي
ترى السرعة مافيها خير
تبي تسرع ومعك جيب
مايصير
160
والله يستر
وتراك غالي ياخوك علينا
والله يستر عليك

طول بالك وهدء من رووعك انتبه انتبه
لاتسرع فالسرعه ندامه
اذا انت بايع نفسك ترى والدينك واخوانك وعيالك
واخوانك الاعضاء مهم بايعينك
ترى الرووح غاليه

اخووكــ
ابوجرحين
مع الزعيم
29/09/2006, 02:24 PM
السرعة قاتله ياخيام الندم الله يحفظك وكل مسلم وتذكر أن السياره مرتفعه ولا تصلح للسرعات العاليه
ابو عادل1
29/09/2006, 02:51 PM
اخوي خيام الندم
السلام عليكم ورحمة الله وبركاته وبعد
لا ازيد على ماتفضلوا به الاخوان ولكن اؤكد على ماذكروه واقول
تعوذ من ابليس والسرعة مافيها خيرواعلم بان منبه السرعة لم يوضع عبثا اذ انه وضع للتنبيه عند تجاوز السرعة
والله يسترعلينا وعليك ويحفظنا واياك والمسلمين
وترى لك احباب انت غالي عليهم وعسى الله لايفجعك فيهم ولا يفجعهم فيك
لاتسرع فالموت اسرع
فتى شنه
30/09/2006, 03:50 AM
السلام عليكم ورحمة الله وبركاته ...

بالنسبة للفصلة انا مجربها على Gxr 2004 قير عادي وطبعا فصلة الكروزر فصلة قير وتقدر تفتحها انك تنزل تحت السياره وبتشوف سلك بالقير افصله وبيفتح معك الموتر واذا تبي العداد بعد مايتحرك افتح علبة الفيوزات وفك فيوز العداد تلقا مكتوب عليه Meter

ملاحظة: بعد ماتفك سلك الفصله بالقير بتولع عندك لمبة المكينه وهي طبيعيه وتروح لارجعت السلك



مرحبا اخوي طيب الدبل حق الجيب مايفصل لانه فيوز يضرب شورت والى عصى الدبل حق موترك


لكن المشكله لا صار فل كامل قير عايدي اقصد الفكسار وهيدروليك كيف ينفصل ذا


لكن اللي عندي علم فيه الوحيد من الفكسار اقصد 8 سرندل من 98 الى 2007 يطق سرعه 200 وهو يضحك

موديل 98 هو الللي موهوب صاحي لا فصله ولا هم يحزنون والى يرجع الذاكره شوي الى عام 1418 نزلوا اعلانات اللي معه

جيب 8 سرندل وارد عبداللطيف جميل او الخليجي او الاثنين ان ماخانت الذاكره صار فيها مشاكل في القير خرابات

ويوم نزل التسعه حطوا عليه الفصله لانه طلع طياره 8سرندل ومفتوحه الفصله صار الحمل على القير وضره

سلام
هاوي الله
01/10/2006, 01:48 AM
فيه مهندس في الخرج يفصل الفاصل حق السرعه بس موديل 2000 - 2001 فقط يعني يفصل الفاصل والإنبير ( العداد ) شغال &

الظاهر بـــ 400 ريال &

يفصل برقم سري عن طريق الكمبيوتر &
خيام الندم
01/10/2006, 07:03 PM
السلام عليكم ...... شكر عام لجميع المشاركـــــين والناصحـــــين ... وشكر خاص ل عود حي وأبو مرهش وفتى البران ...
أخي عوود مع الاســـف ليس لدينا ماذكرت بالسعوديه !!!!! شي يقهر ولانقارن بكم !!!!
أخي فتــــى : ياليتك تذكر أسم الورشه اللي بالخرج أو تلفونهم أو وصفهم !!!!! مع الشكر لك ...
منتعش
01/10/2006, 11:35 PM
يابن الحلال
أدحر الشيطان
تراك غالي عندنا
هاوي الله
02/10/2006, 04:21 AM
ورشة الجزيره ( معروفه على مستوى الخرج ) كهربائي الجزيره ( تركي الجنسيه ) على زاويه تفتح جنوب وشرق ( أذكره قبل سنه ) &
حـاتـم
02/10/2006, 05:04 AM
السلام عليكم

أخوي الغاالي ولايهونون الربع

الفصله مثل ماقال اخوي ابو مرهش

فالقير سلك تفصله

واحب اعطيك ببعض الملاحظات

الاندكروزر ما ضنتي يوصل الـ220


وأقولك ليش

حنا عندنا هدد 2006

عليه بعض التعديلات وهي :
1/فلتر.
2/هدرز كامل 3بوصه.
3/مروحه في الفلتر تقوي دفع الهواء.
4/بواجي دينسو الضغط العالي.
5/اسلاك بواجي رياضيه.
6/دبه يوكن.
--------------------------

يعني مانقصه الا المراوح الكهرب عن التكميل

ومع ذلك مايجيب ال200 دايم مع انه فاك الفاصل الا اذا فنزله ومره جاب اكثر شي 210 وفيها.

هاذا وهو معدل فكيف بالموتر الوكاله

وايضا واحد من ربعي معه فكسار 2004
عليه فلتر ودبه رياضيه ومراوح كهرب وفاك الفاصل

ومع ذلك مايجيب الـ220

.-------------------------------

والسرعه مهيب زينه وانا اخوك

وشكرا لك

أخوك / حاتم
الكونترولCONTROL
02/10/2006, 06:04 AM
للتذكير فقط ....
في احد الردود : و إذا تبي العداد ما يتحرك .... الخ !!!!!!
===========================
يقول أبو القاسم صلى الله عليه و سلم : (( من غشنا فليس منا ))
===========================
هاوي الله
02/10/2006, 10:47 AM
السلام عليكم

أخوي الغاالي ولايهونون الربع

الفصله مثل ماقال اخوي ابو مرهش

فالقير سلك تفصله

واحب اعطيك ببعض الملاحظات

الاندكروزر ما ضنتي يوصل الـ220


وأقولك ليش

حنا عندنا هدد 2006

عليه بعض التعديلات وهي :
1/فلتر.
2/هدرز كامل 3بوصه.
3/مروحه في الفلتر تقوي دفع الهواء.
4/بواجي دينسو الضغط العالي.
5/اسلاك بواجي رياضيه.
6/دبه يوكن.
--------------------------

يعني مانقصه الا المراوح الكهرب عن التكميل

ومع ذلك مايجيب ال200 دايم مع انه فاك الفاصل الا اذا فنزله ومره جاب اكثر شي 210 وفيها.

هاذا وهو معدل فكيف بالموتر الوكاله

وايضا واحد من ربعي معه فكسار 2004
عليه فلتر ودبه رياضيه ومراوح كهرب وفاك الفاصل

ومع ذلك مايجيب الـ220

.-------------------------------

والسرعه مهيب زينه وانا اخوك

وشكرا لك

أخوك / حاتم

أخوي حاتم ولا يهونون الربع

أنا معي هدد 2006 ( اليحيى ) مشاءالله عليه مهوب صاحي ولا عليه أي تعديل لا هدرز ولا غيره يصفق الــ 190 براحة الراحه والمكيف شغال والله إني أهدي وأرفع رجلي من البنص قبل يوصل 190 عشان الفصله واثبته على 190 زي السلام عليكم( كفرات شد بلد ) وانا متوقع إني لو أفصل الفصله عن طريق الكمبيوتر بيصفق 210 بالراحه &

الحين كفرات بالون سيام تاير 900/16/6 غاط ويجيب 190 يعني 200 بالسيارات الثانيه ( عشان البالون) وسلامتك &
إذكروا الله يالربع لا إله إلا الله &
ابو راجي
02/10/2006, 10:55 AM
يجيب طبلونه ....... لا حول ولاقوة الا بالله
مع الزعيم
02/10/2006, 02:50 PM
ياشباب خافوا الله فيه ولا تعلمونه الطريقه ترى أهله يبونه وحنا بعد نبيه وهو أنشالله بيتراجع عن طلبه وخاصه حنا بقابلة الشتاء والامطار والخير نبيه يمبصط معنا إذا الله طول بعمره وأكيد هو طير بر ويحب ذا الأمور
حـاتـم
02/10/2006, 07:02 PM
اخوي فتى البران

لا اعلم عن موترك لكن هاذي عده لاندكروزرات اعرفهم وكلهم

مايجيبون ال220

واعرفهم شخصيا

صحيح ان الموتر يجيب الـ190 بس يعوق بعدين هاذا والله اعلم

وشكرا

أخوك / حاتم
مرقاب الشرق
02/10/2006, 10:52 PM
الله يكفينا الشر انا ماتعديت 140 ومره خربتها ل160بس ياخوي ورنا عيال الهون ابرك مايكون .
هاوي الله
03/10/2006, 01:18 AM
اخوي فتى البران

لا اعلم عن موترك لكن هاذي عده لاندكروزرات اعرفهم وكلهم

مايجيبون ال220

واعرفهم شخصيا

صحيح ان الموتر يجيب الـ190 بس يعوق بعدين هاذا والله اعلم

وشكرا

أخوك / حاتم
هلا بك اخوي حاتم

أنا كان معي Gxr 2003 بريمي وحده 180 وبعض بعض المرات يجيب 190 بالعافيه وعزمه مااااش &

معلومه : ترى ضغط زيت المكينه له دور بالسرعه والعزم وصرفية البنزين & وكل مازادت الحراره كل مانخفض ضغط الزيت وبذلك يؤثر على السرعه ...الخ &
تــــوني
03/10/2006, 07:43 AM
سرعة سيطان ......... مافي كويس

بعدين موت ... والا كسر راس .... بعدين نام سرير كلو عمر....


الله اكبر ...