فزعتكم يا أهل مكشات

[أمجد]

السلام عليكم

مساكم الله بالخير

يا جماعة تكفوووون أبغى شوركم

أنا أبغى أشتري موتر (صغيرة) بحدود من 55 إلى60 ألف ومحتار بين هوندا أكورد مستعمل من 2005 وطالع وبين كامري من 2005 وطالع
طبعا فيه مواصفات تهمني مثل الجنوط وجير الاتوماتيك (مهم) وتكون 4 سلندر وفيه مواصفات كمالية مثل الفتحة ومراتب الجلد
وجاي داخل على الله ثم عليكم أبغى شوركم لا تبخلون علي

الله يسلمكم ويجزاكم خير

[بندر متعب]

والله ماني خبير لكن رايي الشخصي كامري زينه واشوف الناس تمدحها

بارك الله فيك

[أمجد]

جزاك الله خير وما قصرت
وأنا بانتظار المزيد من الآراء المسددة

[أمجد]

لا زلت أطلب المشورة
لا تبخلوا علي

[نمر بن حثلين]

شف ياخوي

منتب صاير ابخص من راعين اللموزينات

وشفهم كلهم معهم كامريات
لانه موتر يتحمل الكرف ومنتشر بكل مكان وقطع غياره بكل بقاله

[راعي المقانيص]

خذ الكامري وانحش عن الهوندا

الكامري ماليه السوق وقطع غيارها رخيص وتحصله باي محل وكل شخص يسوي لها صيانه والي فوق هذا كله انها من وارد تويوتا

والهوندا العكس تمامًا قطع الغيار ناااااااااااااااااااااااااااااااااااااار على غير سنع