(نقاش) وش سبب ارتفاع اسعار السيارات مقارنه بالعشرين سنه السابقه؟

[راعي الرود]

السلام عليكم

حيهم كلن بأسمه


راجع من دوامي و زحمات و قلق و قعدت اعد السيارات اللي ماسكه سرا تبي تديور و قعدت اقسم و اطرح و اجمع كم اقيامهن :D باينه الفضاوه مره :p

المهم مالكم بالطويله ..

اسعار السيارات في الزمن تكاد تكون خياليه شوي للي دخله الشهري متوسط حتى انه مايقدر يشتري سياره كاش يالله يحوش له 4 سنوات و عساها تجيب سياره زينه
لا جلست مع الشيبان و قعدو يسولفون عن المواتر اول و كيف كانو يشترونها , الدداسن القديمه بالسبعينات كانت على 8 الآف كررررررت و الاولدزموبيل كانت بـ20 الف و حواليها و غيرها الكثير كان اللي يشتري سياره بـ30 الف هذا كاش و ماعاد يكلم احد
اخبر السفاري الـ96 جديد كان بالثمانينات مطلعينه من معارض النسيم فل الفل و الجموس كانت اسعارها مناسبه ما اتذكر بالضبط كم لكن ماتوصل لمواصيلها اللحين

وش سبب ارتفاع اسعار السيارات ؟ لدرجه انها وصلت اقيام خرافيه ؟

بسبب اليد العامله صارت تكلف المصنع اكثر من اول ؟
او المواد الخام ؟
او وش الاسباب بالضبط ؟

هل توافقوني الرأي ان سبب ارتفاع السيارات التقنيات اللي مالها لزمه ؟

الآن السيارات جميعها مجهزه بتقنيات سواءاً كاميرات و شاشات و رادار و رؤيه ليله و مساج و تبريد مقاعد و يطول الكلام عن المواصفات

هل هذا سبب الارتفاع ؟ .. طيب انت كـ شخص بيشتري السيارة هل تهمك هذي المواصفات بالدرجه الاولى ؟

المشكله فيه كثير من الناس يشتري سياره بمبلغ و قدره و تجلس معه سنين لكن ماعمره لمس الشاشه ولا يدري وشو النافقيشن وغيرها الكثير

ليش السيارات الآن صارت تتجه للرفاهيه و بدأت تتناسى الهدف الاول للسياره وهي انها مجرد وسيلة نقل لا اكثر ولا اقل ؟

لو معك 100 الف ريال حالياً ماتجيب لك جيب جديد مع انه مبلغ كبير يعتبر "بالنسبه لواحد كحيان مثلي" الله يرزقنا ويرزقكم :D


ماودكم السيارات ترجع مثل اول في بساطتها ؟ مكينه قير دفرنس و اطلق تقنيه كانت مثبت السرعه لا فيها لا كلافه ولا تكليف و شوفوها إلى اليوم وهي تكرف بالشوارع


هل تشوفون ان التقنيات الجديده مفيده فعلاً و اذا كانت مفيده هل تستاهل المبالغ الطائله هذي لدرجه ان اللاند اللحين يوصل سعره للـ290 الف للفكسآر ؟

بينما كان في سنه 2001 يوم اشتري موتر الوالد على 140 الف

الزياده صارت 150 الف ريال في 12 سنه ولو نسوق السيارتين كلها تؤدي نفس الغرض في البر ولا في الطرق المعبده بغض النظر عن التقنيات اللي قد لا يتقبلها البعض والبعض يرغبها وهذا سبب النقاش

حتى ولو عذرناهم وقلنا ان نظام التعليق ابتكار حديث و المكينه ابتكار حديث حسب رأيي سبب غير مقنع للزيادة بالاشكال الهائله هذي لدرجه انك تلقى بالمعارض سيارتين جدد بس ذي 12 وذي 13 و الـ13 تفرق بـ 10 الاف و تزود في بعض السياره ليش عشان بالاستماره يتغير رقم :D


عموماً عشان ما اطيل عليكم لكم المساحه كافيه للنقاش :D

[فتك08]

من الأسباب...

*جشع التجار و إحتكار الوكالات...

*الوكيل لايوفر السيارات إلا بالقطارة...يعني تبي سيارة إنتظر...

*البنوك و القروض الربوية و التأجير المنتهي بالتمليك جعلت الناس يشترون بدون

تفكير للمستقبل و كأن السيارة بنظرهم غاية و هي في الحقيقة مجرد وسيلة و أداة

نقل مهما زاد سعرها أو قل غرضها واحد...

*غسيل الأموال بسبب الكسب غير المشروع كالمخدرات و لهذا كثير من المعارض

أنشئت لذلك...

*عدم مقاطعة الوكلاء المجرمين الجشعين من قبل المواطنين مما دفعهم لرفع الأسعار

و الإستمرار على ذلك بسبب هؤلاء المطبلين....

و غيرها الكثير و الكثير...

[راعي الرود]

من الأسباب...

*جشع التجار و إحتكار الوكالات...

*الوكيل لايوفر السيارات إلا بالقطارة...يعني تبي سيارة إنتظر...

*البنوك و القروض الربوية و التأجير المنتهي بالتمليك جعلت الناس يشترون بدون

تفكير للمستقبل و كأن السيارة بنظرهم غاية و هي في الحقيقة مجرد وسيلة و أداة

نقل مهما زاد سعرها أو قل غرضها واحد...

*غسيل الأموال بسبب الكسب غير المشروع كالمخدرات و لهذا كثير من المعارض

أنشئت لذلك...

*عدم مقاطعة الوكلاء المجرمين الجشعين من قبل المواطنين مما دفعهم لرفع الأسعار

و الإستمرار على ذلك بسبب هؤلاء المطبلين....

و غيرها الكثير و الكثير...




لو الاسعار مرتفعه عندنا بس ممكن نلوم الوكالات والتجار

لكن لو تشوف اسعار السيارات بالخارج تلقاها مقاربه لاسعارنا

المصنع نفسه صار ينتج السياره بكلافه اعلى و المشكله ان التكلفه ثلاث ارباعها على وسائل ترفيه بالسياره او وسائل ثانويه

[ابوصالح3]

من الأسباب...



*جشع التجار و إحتكار الوكالات...


*الوكيل لايوفر السيارات إلا بالقطارة...يعني تبي سيارة إنتظر...


*البنوك و القروض الربوية و التأجير المنتهي بالتمليك جعلت الناس يشترون بدون


تفكير للمستقبل و كأن السيارة بنظرهم غاية و هي في الحقيقة مجرد وسيلة و أداة


نقل مهما زاد سعرها أو قل غرضها واحد...


*غسيل الأموال بسبب الكسب غير المشروع كالمخدرات و لهذا كثير من المعارض


أنشئت لذلك...


*عدم مقاطعة الوكلاء المجرمين الجشعين من قبل المواطنين مما دفعهم لرفع الأسعار


و الإستمرار على ذلك بسبب هؤلاء المطبلين....



و غيرها الكثير و الكثير...




بيض الله وجهك كفيت ووفيت وردك شافي


أحب اضيف اننا مالنا ظهر ومالنا قوة ولاناصر .... الفزعه للتجار علينا وحنا ضحية .... ولانعرف ثقافة المقاطعه ولانعرف نتكاتف ؟والا كان الشاص مايتعدى الا40 الف واطلق سياره ماتاصل 200 الف

[الربذي]

معدل الدخل امر طبيعي اول يومها ب5500 كانت رواتبهم الشهرية 350 ريال احسبها
والحين ب70 وروارتبهم 7000الاف
بين الدخل والمدخول
زمان عام 1403 اشتري الكرافت الحجم الصغير بنصف ريال ولان ب3 ريال زاد 600 بالمية
وقس عليه

[راعي الرود]

معدل الدخل امر طبيعي اول يومها ب5500 كانت رواتبهم الشهرية 350 ريال احسبها
والحين ب70 وروارتبهم 7000الاف
بين الدخل والمدخول
زمان عام 1403 اشتري الكرافت الحجم الصغير بنصف ريال ولان ب3 ريال زاد 600 بالمية
وقس عليه


اتفق معك على هالكلام و هذا السبب اللي خلاهم يتجهون للصناعه في دول شرق اسيا لرخص رواتب اليد العامله

لكن ماعلقت على موضوع الرفاهيه الزائده بالسيارات

و هل الاكسسوارات والمواصفات الزائده تهمك بالدرجه الاولى او ممكن تغض النظر عنها ؟

[qwertyu987]

السبب الرئيسي هو إرتفاع مواد التصنيع بسبب إرتفاع البترول
هذا هو السبب الحقيقي

أنظر الجدول

http://www13.0zz0.com/2013/06/10/10/224583903.png

http://www13.0zz0.com/2013/06/10/10/293053576.png

[عبدالله614]

انا ارجح سبب زيادة السعر لأضافة عشرات الأنظمة والمواصفات , لاكن بعض الأنظمة ضرورية جداً ولاتقدر
بثمن مثل نظام عدم الأنزلاق عند الكبح ونظام المحافظة على الثبات عند الأنحراف , هذين النظامين
لايعرف قيمتهما الا من كاد ان يهلك بحادث لولا لطف الله ثم تدخلها بالوقت المناسب , لو عدنا
للوراء قليلً واخذنا VXR موديل 2000 فل كامل كان سعره 180000 الف ريال لاكن مواصفاته
تعتبر مواصفات G مكينة 8 سلندر موديل 2013 بسعر 190000, بمعنى لاتعدو مواصفاته
عن ارباقين ومثبت سرعة وزنون وفتحة سقف ومقاعد جلد وبدون اي نظام يعني بأختصار
الفل كامل في عام 2000 هو الاستاندر في 2013 والسعر تقريباً بعد اسقاط مواصفات 2000
على مواصفات 2013 نجد ان السعر كما هو لم يرتفع

[ذيب زلفاوي]

كل شي ارتفع بالعالم كله وتعبر السعوديه من ارخص الدول حتى بالسيارات لانها لقلة الضرايب

الهايلوكس الفل كامل في استراليا باكثر من 200 الف لكن فيه مواصفات اكثر بس مهما كان الفرق مايستاهل

[راعي الرود]

السبب الرئيسي هو إرتفاع مواد التصنيع بسبب إرتفاع البترول
هذا هو السبب الحقيقي

أنظر الجدول

http://www13.0zz0.com/2013/06/10/10/224583903.png

http://www13.0zz0.com/2013/06/10/10/293053576.png



ياساتر والله شيء مهول ارتفاع البترول في زياده كل سنه

يعني بعد عشرين سنه قادمه اذا الله كتب لنا عمر بتصير السيارات بارقام فلكيه اذا الزياده هذي بتستمر :eek:

او اتوقع ان تصنيع السيارات بيتجه لاشياء اخرى بديله عن البترول زي الطاقه الشمسيه و غيرها اللي مفروض نستفيد منها كـ بشر بدال استنزاف الاموال

ليش سيارات الهايبرد ماتدخل عندنا بالسعوديه ؟

[راعي الرود]

انا ارجح سبب زيادة السعر لأضافة عشرات الأنظمة والمواصفات , لاكن بعض الأنظمة ضرورية جداً ولاتقدر
بثمن مثل نظام عدم الأنزلاق عند الكبح ونظام المحافظة على الثبات عند الأنحراف , هذين النظامين
لايعرف قيمتهما الا من كاد ان يهلك بحادث لولا لطف الله ثم تدخلها بالوقت المناسب , لو عدنا
للوراء قليلً واخذنا VXR موديل 2000 فل كامل كان سعره 180000 الف ريال لاكن مواصفاته
تعتبر مواصفات G مكينة 8 سلندر موديل 2013 بسعر 190000, بمعنى لاتعدو مواصفاته
عن ارباقين ومثبت سرعة وزنون وفتحة سقف ومقاعد جلد وبدون اي نظام يعني بأختصار
الفل كامل في عام 2000 هو الاستاندر في 2013 والسعر تقريباً بعد اسقاط مواصفات 2000
على مواصفات 2013 نجد ان السعر كما هو لم يرتفع


الـABS و التراكشن موجوده في السيارات من زمان ماهيب انظمه حديثه و فيه سيارات بالتسعينات فيها الانظمه هذي بس برضه ماوصلت للاسعار هذي

انا افضل السيارات اللي بدون انظمه زائده لدرجه اني حتى الدبل الالكتروني ما اطيقه

الكترونيات زياده = اعطال زياده

هل تتفق معي بهالكلام ؟

اعطيك امثله بسيطه .. السياره اللي تعليقها هيدروليك هل اعطاله مثل اعطال سياره تعليقها عادي ؟

القزاز الكهرب اعطاله مثل اعطال القزاز الهندل ؟

مكيف اللمس اعطاله مثل المكيف الفرار (اقصد بالاعطال لوحه التحكم فقط) ؟

هذي مجرد امثله فقط و فيه اشياء من اللي انا قلتها طبعاً محد يقدر يستغني عنها واولها القزاز الاوتوماتيك :D

بس امثله نستنتج منها ان كثره المواصفات و الالكترونيات بالسياره = حساسيه للعطل اكثر + صيانه مُكلفه

كلامي قابل للخطأ والصواب :D

[0راعي الجبيل0]

سبب الارتفاع هو ارتفاع اسعار المواد الخام بكل انواعها
فكم كان النفط وكم الان واسعار المعادن كم كانت اسعارها وكم الان
تكلفة الانتاج ارتفعت للضعف او الضعفين لهذا السبب
ببساطة تكلفة الطاقة لتشغيل كل المصانع من مصانع المواد الخام الى مصانع المنتج النهائي ارتفعت تكلفتها فطبيعي جدا ترتفع الاسعار
وايضا سعر صرف الريال او بالاصح الدولار لبقية العملات فهو ليس كمثل قبل عشرين سنة ورواتب الايدي العاملة ارتفعت ايضا
وكل هذه يدفعها المستهلك النهائي للمنتج فهو يدفع ارباح كل الشركات مرة وحده عند شراءه

كل هالارتفاعات بالاسعار تعتبر طبيعيه والحمدلله ان الجمرك عندنا بسيط والا لما قدر احد يشتري سياره
وكأقرب مثال الكامري 4 سلندر في الفلبين تكلف للمستهلك مايعادل 180 الف ريال سعودي بسبب الجمرك والضرائب

تم الإرسال من جهازي GT-I9300 بواسطة تاباتوك 2

[راعي الرود]

سبب الارتفاع هو ارتفاع اسعار المواد الخام بكل انواعها
فكم كان النفط وكم الان واسعار المعادن كم كانت اسعارها وكم الان
تكلفة الانتاج ارتفعت للضعف او الضعفين لهذا السبب
ببساطة تكلفة الطاقة لتشغيل كل المصانع من مصانع المواد الخام الى مصانع المنتج النهائي ارتفعت تكلفتها فطبيعي جدا ترتفع الاسعار
وايضا سعر صرف الريال او بالاصح الدولار لبقية العملات فهو ليس كمثل قبل عشرين سنة ورواتب الايدي العاملة ارتفعت ايضا
وكل هذه يدفعها المستهلك النهائي للمنتج فهو يدفع ارباح كل الشركات مرة وحده عند شراءه

كل هالارتفاعات بالاسعار تعتبر طبيعيه والحمدلله ان الجمرك عندنا بسيط والا لما قدر احد يشتري سياره
وكأقرب مثال الكامري 4 سلندر في الفلبين تكلف للمستهلك مايعادل 180 الف ريال سعودي بسبب الجمرك والضرائب

تم الإرسال من جهازي GT-I9300 بواسطة تاباتوك 2


كل التكاليف هذي من صنع الانسان ولا المواد الخام متوفره نفس توفرها في السنين الماضيه حتى استخراج النفط الآن صار اسهل بحكم التقنيات في الحفر لكن المواد الخام صارت شماعه حتى لراعين الطماط اللي مايخسر الا تراب "تكرمون" و مويه

طيب لو قلنا ان كلامك صحيح و ان المواد الخام هي سبب ارتفاع الاسعار

طيب ارتفاع اسعار الاراضي "شطحنا عن الموضوع:p" ؟

مع ان الارض لا تاكل ولا تشرب بس كذا تطير اسعارها , قبل سنتين شريت ارض كان مترها بـ 1800 و في سنتين زاد إلى 2900 ريال للمتر الواحد ؟!

الاسعار ترتفع لأن اللي بيدينهم المصلحه هم المتحكمين بالاسعار هذا رأيي

انا اقول ان السبب الاول لارتفاع الاسعار سواءاً نفط او غيرها سببها الانسان ولا المواد الخام بريئه

[مطر وربيع]

ضعف العملة له دور كبير في ارتفاع الاسعار
والتقنيات والكماليات الزايدة المصانع موفرة خيارات سوح ونص فل وفل وكلا برغبته
كثير من الناس مل من سياراتهم ويحبون التجديد وتجربه اخر التقنيات

[نجدي حجازي]

الاسباب باختصار
ارتفاع اسعار النفط
ازدياد الطلب العالمي على السلع والخدمات بكافة انواعها
التردي الاقتصادي لبعض القوى الاقتصادية في العالم
التوترات السياسية

[راعي الرود]

ضعف العملة له دور كبير في ارتفاع الاسعار
والتقنيات والكماليات الزايدة المصانع موفرة خيارات سوح ونص فل وفل وكلا برغبت
كثير من الناس مل من سياراتهم ويحبون التجديد وتجربه اخر التقنيات


بقتبس رد احد الاخوان


لو عدنا
للوراء قليلً واخذنا VXR موديل 2000 فل كامل كان سعره 180000 الف ريال لاكن مواصفاته
تعتبر مواصفات G مكينة 8 سلندر موديل 2013 بسعر 190000

اللحين السياحي صار بمواصفات الفل قبل عشر سنوات و بمبلغ مضاعف :D

يعني ملزوخ ملزوخ فل ولا سياحي :p

الآن البلا ان الستاندر صار يجي بمواصفات اكثر من ايام اول الستاندر ستاندر بمعنى الكلمه :D

[عبدالله614]

الـABS و التراكشن موجوده في السيارات من زمان ماهيب انظمه حديثه و فيه سيارات بالتسعينات فيها الانظمه هذي بس برضه ماوصلت للاسعار هذي

انا افضل السيارات اللي بدون انظمه زائده لدرجه اني حتى الدبل الالكتروني ما اطيقه

الكترونيات زياده = اعطال زياده

هل تتفق معي بهالكلام ؟

اعطيك امثله بسيطه .. السياره اللي تعليقها هيدروليك هل اعطاله مثل اعطال سياره تعليقها عادي ؟

القزاز الكهرب اعطاله مثل اعطال القزاز الهندل ؟

مكيف اللمس اعطاله مثل المكيف الفرار (اقصد بالاعطال لوحه التحكم فقط) ؟

هذي مجرد امثله فقط و فيه اشياء من اللي انا قلتها طبعاً محد يقدر يستغني عنها واولها القزاز الاوتوماتيك :D

بس امثله نستنتج منها ان كثره المواصفات و الالكترونيات بالسياره = حساسيه للعطل اكثر + صيانه مُكلفه

كلامي قابل للخطأ والصواب :D

تمنيت انك قريت ردي زين وفهمته , طبعاً انا ماقلت ان مانع الانزلاق ونظام المحافظة على الثبات
هو سبب الارتفاع المهول بالسعر , ماقلته هو عن اهمية هذين النظامين كاأمان وسلامة وحتى
لو زاد السعر لامشكلة طالما في شيء يساعدك على تخفيف وقع الحادث او تفاديه تماماً , نعم
هذين النظامين موجودين بالتسعينات لاكن على السيارات الفارهة فقط والسيارات الفارهة
بالتسعينات كانت الفل اوبشن مواصفاتها اقل من مواصفات اوريون فل في يومنا هذا
مثلاً لكزس ال اس م95 كانت 140000 والاوريون الان رغم انها تجهيزاتها اكثر
من الكزس الا ان سعرها 120000 ريال ,
نعود على الـ VXR لانك ذكرته بموضوعك , موديلات بداية 2000 كان الفل كامل خالي
تماماً من الأنظمة سواء انظمة امان او اوف رود وسعره 180000 الان فئة G محرك
8 سلندر فيه كل المواصفات الي في VXR 2000 فل وتقريباً بنفس السعر يعني
منطقياً سعر السيارة مارتفع نهائياً فقط ارتفع مواصفات الفئات ومن الطبيعي
يرتفع معها السعر بالنهاية الشركة ما حتزود انظمة بالمجان .
بالنسبة للأعطال بسبب التقنية طبعاً هي عادة تجي على الفل كامل وانت تقدر تشتري استاندر
وتريح راسك لافيها تقنية ولا هدروليك ولاغيره لاكن فيه ناس محتاجين التقنيات والانظمة
ومستعدين يدفعون عليها وكلً ورغبته والخيارات كثيرة والتقنية ماراح توقف
عند زمن معين راح تتطور وتستمر حتى يرث الله الارض ومن عليها

[sgl2002]

المشكلة ان عندنا قناعة ان زيادة الرواتب تخلي الاسعار ترتفع



مساكين ملعوب علينا


الرواتب مازادت الا مره وحده عام ٢٠٠٦

والغلاء في تزايد


واللي يقول ان اول كان رواتبهم ٣٥٠ ريال والسيارة ب٨ الالاف


عام ١٩٨٥ الهايلكس ب١٥ الف وكاله والرواتب كان اللي يشتغل ببنك راتبه ٢٥٠٠

والمعلم حول ٦٠٠٠

وقس على هذا كثير ... نفس رواتبنا الحالية



..................

خلك من هذا ، في عام ٢٠٠٢ الكامري وكاله ب٥٤ الف

ورواتبنا كان الفرق عن الحين مجرد ١٥٪ فقط



يعني مسألة الرواتب مالها علاقه بالغلاء ، الغلاء عالمي شامل والرواتب مالها علاقه