( للمناقشه ) بالنسبة للمراوح للباترول الفتك ( الكهرب )

[ونه 511]

السلام عليكم شباب منتدى مكشات :s
موضوعي هذا للفائده لا اقل ولا اكثر بالنسبة للمراوح الكهرب اللي تركب على الباترول الفتك :D
زبدة الموضوع حابين نستفيد من اللي ركب مراوح للفتك لتعم الفائده :good2: .
المطلوب نوع المراوح اللي ركبها + الحراره اللي تثبت عليه + المشاكل اللي دايم تصير هل هي من الكتاوت او التمديد او المراوح + ومن ركبها عنده .
نقطه مهم رجاءًً للي حاب ينصح ويقول لا تركب مراوح الله يجزاك الخير عارفين هذي النقطه .
وننتظر تفاعلكم مع هذا الموضوع

[المميـز]

:

كنت مركب على فتك ٢٠٠٢ مروحة جراند شروكي سرعتين
مركبها عند المهندس محمد العثيم ببريدة
الحراره كانت ثابته على الربع وثبوت الحراره على حسب رقم الحساس اللي يركبه لك
بس معروف حرارة الفتك على الربع فلذلك يركب حساس مايخليها تتعدا الربع
حصلي مشكله وحده بس .. السلك اللي كان راكب بدينمو المروحه ضرب
وقصيت طرف السلك ومديته من جديد لدينمو المروحه .. بعت الموتر وليتني اخذت منه المروحه :)

لان الفتك بالصيف مروحته تشبك بشكل مستمر تقريبا وحرارته تتعدا الربع بشوي
وعزم الموتر يطيح بسبب شبكت المروحه .. اللي يحصله يركب مروحه للفتك لايتردد

واذا فيه نوعيات جديده تركب على الفتك غير حقت الجراند شروكي ياليت نعرفها من المجربين

ومشكور على الموضوع المفيد

:

[فهد404]

السلام عليكم ورحمة الله
مسكين تقول عارف ما تبي نصايح لكن ركب وعساك ما تندم :eek:

[sgl2002]

شف وانا اخوك


مافيه شك ان المراوح الكهربائية منتازه من ناحية خفة الموتر وحفظ الحرارة اثناء الوقوف

لكن مع ذلك في بعض الاحيان ماتقدر تبرد الموتر خاصه بالنفود


بالنسبة لمراوح السوبارو ماتصلح ابدا ع الفتك لان رديتره جاي بالطول


لذلك افضل مروحة له هي حقت القراند شيروكي او الجمس اليوكن

[التعـ King ـديل]

بشكل عام المرواح على الفتك غير مجديه لانها تتعطل اكثر من الموديلات السابقه

يعني مرواح البلد وعساك تسلم

والكلام هذا من تجربه انا معي فتك بلد وواحد من العيال معه فتك عليه مرواح اضطر يضرب مشوار من دبي للرياض بدون مكيف بسببها

لانها ماتصلح للخطوط الطويله

[المميـز]

بشكل عام المرواح على الفتك غير مجديه لانها تتعطل اكثر من الموديلات السابقه

يعني مرواح البلد وعساك تسلم

والكلام هذا من تجربه انا معي فتك بلد وواحد من العيال معه فتك عليه مرواح اضطر يضرب مشوار من دبي للرياض بدون مكيف بسببها

لانها ماتصلح للخطوط الطويله



مراوح الكهرب حظوظ
كنت اتردد عليه اسبوعيا 800 كم وكانت ماشاء الله قد المهمه
لكن اذا طحت بالردي الله يعينك عليها وخراباتها
واللي معه فتك مروحه بلد لازم يصبر عليه فترة الصيف وبالشتاء عوض مافات :)

[شنطة عده]

لدي تعليق بالنسبة لمروحة الشروكي الكهرباء
انشهد انها قوية وجباره

[abo naser 1]

هل يتحمل الدينمو كل هذا التحميل 4 مراوح كهرباء مع التكييف لا أعتقد انه مجدية مع الوقت

التبريد في السرعات العالية هل فيه كفائة مثل المروحة الميكانيكية

[اسبيدر مان]

فيه عندك ايضا مروحه الكراون فكتوريا مروحه وحده وسرعتين واذكر سعره بالوكاله 700 ريال
لكن وجهة نظري انك تركب مروحتين حتى لو خربت وحده تمشيك الثانيه

والمروحه بحد ذاتها مو مشكله لان اغلب السيارات الجديده تجي ابمراوح كهرب لكن المشكله وين الي يركبها صح
بعض الكهربائيين يحط بلف درجة حرارته قليله بحيث تصير المروحه اغلب الوقت تشتغل مما يأدي لخرابها او خراب احد الاسلاك او الكتاوت بسبب الظغط المستمر
اعرف شباب مركبينهن على شروكيات وكل النهار تطعيس وفجر وامورهم زينه
وفيه واحد من الشباب مركبها على باترول مديل 1991 صالون ولهن اكثر من سنتين مع انه يتردد كل الشتاء من الرياض للقصيم هذا مع التطعيس
وسئلته مره ليش الحراره على النص وقالي اني اخطيت ركبت مراوح سوبارو لكن صغار بس اموره طيبه

[ونه 511]

..................

[العطاوي a511]

مافيه مراوح كهرب تنفع للفتك لاتتعب نفسك وتخسر فلوسك جربت جميع المراوح كلها لومينا سوبارو جراند شيروكي مع السرعه ترتفع كلها اذا كنت ماتتعدى 120 خذ الجراند شيروكي تمشي معك الباقي ماتنفع بالصيف شتاء بس بالصيف ترتفع اتكلم عن الفتك 4800 عادي وتماتيك موتري تماتيك قالو تركب ومضبوطه وطلع خرطي خساير على الفاضي

[ابوسند9]

وعليكم السلام
الزبده
بالشتاء لابس
بالصيف مع السرعه والنفود ترتفع
ميزتها بالوقوف يعني لو توقف بزحمه شهر ماعندك مشكله
والسوبارو افضل من حيث الامان