المساعد الشخصي الرقمي

مشاهدة النسخة كاملة : اسفل السياره (( صدى)) وش الحل فيه ؟


ابونايف الروقي
01/10/2006, 02:35 PM
السلام عليكم
شباب عندي مشكله ضربني عج وشال البويه الي اسفل السياره الي على الدفرنس والحديد الي تحت ومع الوقت صار عليه (( صدى )) وش الحل فيه ؟
بو خليفه
01/10/2006, 02:36 PM
وضع عازل من زيبارت
ابونايف الروقي
01/10/2006, 02:39 PM
شكرا بو خليفه على المرور عازل من زيبارت كم سعره وكيف طريقته وهل فيه ضرر على السياره ؟
almohandis
01/10/2006, 03:08 PM
فيه محلات التلميع ( تلميع السيارات ) وهي كثيرة مرة لأن زيب آرت ممكن غالي
أنا سويت سيارتي ( فورد) من بطنها بهذه المادة المخصصة للصدأ ب حوالي 200 ريال، ولها الحين 3 سنوات زي العسل..
ابونايف الروقي
02/10/2006, 01:59 PM
شكرا المهندس على الرد بس هل فيه ماده معينه شي افضل من شي والا كلها زي بعض ؟
الربذي
02/10/2006, 02:37 PM
وعليكم السلام
هلا انا مثلك دورت وحربثت وانا في الورشه قلت لعامل الورشه عنه قال عليك بزيت النارجيل عليه رسومات جوز الهند واشتراه لي نم الباقاله بخمسة ريال وركبه ببخاخ الديزل وبخ من تحت وتصدق اختفى الحلى او الصداء بس كان خفيف مره
يعني ماهو اكل من الحديد بس علو وجه الحديد من تحت
يقول هو اللي نستعمله عندنا في الحديديه باليمن ضد الصداء
almohandis
02/10/2006, 04:08 PM
الأخ p52
لا أعرف أنواع مختلفة لكن المحل اللي سويت عندهم إن كنت بالرياض على طريق الملك عبدالله وأنت متجه غرب تعدي طريق الملك عبدالعزيز وتمسك الخدمة لين يجيك قبل شارع العليا وكالة الحاج علي رضا لصيانة السيارات قبلها فيه محطة وعندها محل للتلميع.
الطير المهاجر
03/10/2006, 01:11 AM
ياجماعة يقول لكم الدفرنش والحديد الي تحت

ماقال الصدام والانوار

الي يقوله رح زيبارت

والي يقوله لمع

انا عندي الحل : رش السيارة من تحت وخلاص

تحياتي
almohandis
03/10/2006, 01:59 AM
أخوي الطير المهاجر وش فيك زعلان؟؟
اقرا الرد رقم اربعة لي وتعرف انك جيت مستعجل شوي..
شبح الصحراء
03/10/2006, 04:13 AM
انا حصلت لي نفس المشكلة كنت طالع البحر ومن زود اللقافة دخلت السيارة بماء البحر المالح وبعد كم يوم انتشر الصدأ تحت السيارة وعلى الدفرنسات والسسته خصوصاً ، رحت للبقالة واشتريت اربع علب بوية بخاخ ثنتين احمر وثنتين أسود ونزلت تحت الموتر وصبغت أماكن الصدأ باللون الأحمر(يقال أن اللون الأحمر يحمي من تكون الصدأ) ثم بعد ذلك رشيت هذه الأماكن باللون الأسود .

يا ليت من يملك خبرة بهذا الموضوع يفيدنا .
ابو فهد 1
03/10/2006, 06:08 AM
هلا والله مافي زي زيت المحروق

ادهن تحت السياره زيت محروق يروح الصدى ويلمع تحت الموتر ... وانا مجربه .

والسلام عليكم...
تــــوني
03/10/2006, 06:56 AM
زيت النارجيل زين زي ما ذكر الاخ الزبدي ولا ازود عليه بحرف

والله اعلم
الربذي
03/10/2006, 11:54 PM
هلا توني جزاك الله خير ماشهد معي الا انت مشكور اخوي وفعلا بصراحه حسيت بالفرق وايضا الزيت المحروق بس ياهو يحوس السيارة حوووووووووووس الصداء ازين منه !!!!!!!!
المتليك
04/10/2006, 12:21 AM
فيه علب غار تباع في محلات الزينه العلبه 15 ريال
حاول ترشها بهذا الغار
الدبل الثقيل
06/10/2006, 06:35 AM
زيت النارجيل مايكون مما يوضع في الأكل ويكون نعمه يجب احترامها ؟
راعي الهـــدد
06/10/2006, 06:42 AM
اخوي بي اثنين وخمسين الله يكفينا شر البي اثنين وخمسين

نصيحه


توجه لمحل السنيدي


وعندهم بخاخ للصدأ فعال

وممتاز للصدا


اذا دخلت المحل تحصله يمين على طول اول ماتدخل


قوي ونفاذ


دمت طيبا ومعافى
راعي الهـــدد
11/10/2006, 07:36 PM
اخوي بي 52

ماعاد رديت علينا وش صار لك

عطنا وش سويت وش نهاية الموظوع

حطيت شي او صلحة الصدى

ارجو الرد

بانتضار ردك على احر من الجمر هههههههههه
ابونايف الروقي
27/10/2006, 06:50 PM
شكرا راعي الهدد واسف اني ما رديت لا كن الى الان ماسويت في الموتر شي .
راعي الهـــدد
28/10/2006, 12:25 AM
والله انك على بالي واني كل يوم ادور ردك

الله ييسر امرك
شبح الصحراء
29/10/2006, 02:23 AM
وعليكم السلام
هلا انا مثلك دورت وحربثت وانا في الورشه قلت لعامل الورشه عنه قال عليك بزيت النارجيل عليه رسومات جوز الهند واشتراه لي نم الباقاله بخمسة ريال وركبه ببخاخ الديزل وبخ من تحت وتصدق اختفى الحلى او الصداء بس كان خفيف مره
يعني ماهو اكل من الحديد بس علو وجه الحديد من تحت
يقول هو اللي نستعمله عندنا في الحديديه باليمن ضد الصداء
طيب ينفع ارش زيت النارجيل على المكينة مباشرتاً ؟؟ وش رايكم؟
ظبياني
29/10/2006, 02:46 AM
تحذر من الزيت المحروق مجرب عندنا في المغاسل في الصناعيه في ابوظبي ... صحيح بيخلي السياره كنها جديده لكنه راح ياكل عليك الربلات اللي تحت السياره كلها ويقطعها بعد فتره . نصيحه عليك بمادة الزبرت ما عليها خوف ومضمونه . حتى ان اكثر الشباب لما يشتري سياره جديده سواء شاص او vxr هل البر خاصه يرشها بالماده هذي ولونها يجي على ما اذكر اسود وسعره في حدود 1500 الى 3000 . خاصة جو ابوظبي رطوبه بشكل عام
وحسب علمي شركة التويوتا عندكم ترش .. لكن يرشون ورشهم حلو ماعليه كلام بس اول اسبوع من الرش راح تذبحك الريحة ومع الوقت تخف ( على ذمة الراوي )

دورت لك في المواقع الاجنبيه بعض الصور اللي تبين كيف كان قبل الرش وبعده وانت احكم .

هذي تبين قبل الرش
http://h2southtexas.com/tech/images/rust_01.jpg

وهذي بعد الوجه الاول من الرش
http://h2southtexas.com/tech/images/rust_02.jpg

وهذي بعد ضرب البوليش ( اللمعه )
http://h2southtexas.com/tech/images/rust_03.jpg

تابع ولاحظ الفرق
http://h2southtexas.com/tech/images/rust_04.jpg


عسى اني قدمت لك الخدمه اللي تفيدك وتفيد الجميع .. وانا بيني وبينك ناوي ارش السياره عندي بالزبرت الرطوبه يا خوك كلت السيارات من تحت .

اخوك / ظبياني
شبح الصحراء
31/10/2006, 01:32 AM
أشكرك يا الظبياني على هذه المعلومات المفيدة جداً وعلى التوضيح بالصور . بارك الله فيك .
ابونايف الروقي
31/10/2006, 09:02 AM
الى الان ما سويت شي في الموتر ...