ياشباب وش أقوا وأفضل البترول ربع(السلقه)أو الكبسوله

[أبو داحم]

يا شباب نوي أشتري سياره وش أقوا وأفضل البترول ربع(السلقه)أو الكبسوله:confused:

[جــلــمــود]

السلام عليكم

اخي ابو داحم

الكبسوله = لاند كروزر ربع يعيبة المبالغة في سعرة ( فوق الثمانين ‍‍‍‍!!! )
وعدم الرساوة في الخط بصورة لافتة
وعدم الراحة والمطب الاقشر وانعدام وسائل الراحة
وسريع الانقلاب شكل خارجي قديم جدا ( منذ عام 85 ) لم يتغير
ولكنه والحق يقال يحمل محرك قوي جدا بالمقارنة بحجمة
محرك ( 4500 CC ) + بخاخ
وكذلك له عزم قوي جدا وقدرة سحب قوية ..

الباترول ( السلقة ) ستاندر = سعر معقول راحة معقولة
رساوة نسبية على الخط
اتساع من الداخل
وسمعة أن 2003 يحمل محرك ( 4800 CC ) + بخاخ V6
منظر خارجي عصري ومعقول
ولكن تبقى مشكلة صرف البنزين اعلى من الاند كروزر نوعاما
تجده مستعمل بأسعار معقولة جدا .

والخيار الاخير لك يا عزيزي ابو داحم


أخوك جــلــمــود

[نجمة سهيل]

مشكور اخوي ابو داحم على طرح الموضوع الي يخصني وصراحه سبقتني بطرحه الله يعطيك العافيه.فعلا ياشباب الباترول الستاندر سعره 68000في شركة الحمراني والSGL بـ 83950 وطبعا الفرق بين الستاندر والSGL هو الدرايش تماتيك +التخشيب+الجنوط وبعد هذولي يجي الفل كامل وسعره 102900وطبعا الفرق بينه وبين الSGL الفتحه والدعامات .وانا امس في شركة الحمراني الاحد9/12/1423هـ
وركبت الفل كامل والله مافيه فرق عن الSGL الا الفتحه وبعدين الفل كامل مايجي مراتب جلد .وبالنسبه للمكينه قوتها 4500هذا كلام واحد من الموظفين الي في الشركه يقول ال2003 الربع مكينته4500 اما الصالون4800 .وصراحه الSGL يجي في المرتبه الثانيه بعد الفل كامل والفرق بس الدعامات والفتحه وياخذون عليك زياده مايقارب18950؟؟وهذا الفرق طبعا مبالغين فيه زياده .وبالنسبه للفتحه اركبها في السليمانيه ب3000والجلد اقرب محل تنجيد .ينجد عليه جلد وخلصنا . اما اللاندكروزر الربع الي يسمونه((كبسوله)) فيه القوه والسعر المناسب الفل كامل منه لقيته عند معرض الصقر ب810000 .بس مشكلته انه يكسر ظهرك بالبر وشكله ماهوب هذاك الشكل الي مثل السفاري وبسرعه ينقلب والميزه الثانيه الي فيه البنزين اقل صرفيه من الباترول.بس انا عندي لكم الحل يالربع بالنسبه لصرفية البنزين .عندي طريقه تقلل الصرفيه وتزود من نشاط الموتر((تزوج قوته)) وهي انك تقطع اللي حق الشكمان وتركب فيه فلتر .وادع لي هذي الطريقه مجربه .واعرف واحد من الشباب معه اسوزو عبا بنزين فل بعنيزه ومسك خط الرياض على طول يمشي الطبلون180كم ويوم وصل للرياض طبعا هذا الكلام يوم الثلاثاء الصبح.جلس معه الموتر ماعباه الين يوم الخميس. لاحظتو الفرق؟.وفي النهايه احب اوضح شي مهم وهو ان السفاري مشكلته يتفكك بسرعه ماهوي مثل التايوتا يتحمل . وشـــــــــــكــــــــــــــــــراً.

[(طيرشــــلوى)]

الأخ جلمود محرك الباترول4800ccماهو V6 لازال رأس واحد حسب علمي . وتقبل تحياتي

[جــلــمــود]

والله يا اخ طير شلوى اعتقد انني سبق و ( وتزت ) بكبوتة اول ماجى متغير الـ 4800 واتذكر اني شفت راسين كاني مانيب واهم

الا كاني ( وايز ) بموتر ثاني الله اعلم

على العموم اخ طير شلوووى انت ابخص والضاهر اني واهم

تقبل تحياتي يا خلفهم



:D

[الاجودي]

خذ نصيحة مجرب باترول باب واحد والباقي خرابيط

هذا اذا تبي المديلات الجدد يعني 2002/2003

اما القديم مادري عنه

[ابوفهـــــــد]

لا يهون عليك التايوتا ابد وكان ماصد قتن اطلع من بيتكم واسئل اقرب يماني واذا ماقال لك القيب اتايوت لايعلى عليه ياخي فهو بحق المهم عليك بالجيب الربع او على قولك الكبسوله وبعدين الباترول مريح جدا بس مايصبرمثل الربع واكثر صـــــرفيه بانزين وخراباته كثيره ولا يمسك قيمته ويتكسر قوائمه الي عند القزاز اذا كنت راعي طرد وقطاع غيار التايتوتا متوفر ورخيص وزي مايقولون عقلك براسك تعرف التويوتا





اخوك الشريطي" المجرب"

[سلطان مكة]

السلام عليكم ورحمته الله وبركاته000000اما بعد
فالاخوان الله يعطيهم العافيه قالوا الحق الكبسولة مافي زيه اذا انك راعي مقانيص اما النيسان جيب خطوط وراحه الكبسوله صحيح انه يدمر الظهر لكن يتركب مساعدات او يايات جبريل والصلاه على النبي بعدين اقتصادي مايصرف بنزين ولاقطع غيار والله كان عندي واحد جلس معاي ثمانيه اشهر ومقناص كل اسبوع تقريبا وبعدين وين في الحرار والله اشتريته ب46000 بس نظيف موديل 94 وبعته ب46200 والله العظيم في الطائف وانا انصحك بالكبسوله والراى الاول والاخير لك وسرهااااااااااااا اقرب حرة

[أبوسليمان]

تويوتا

لا تبعد عن التويوتا
سياره لك ولزمن ولزمن الي عقب الزمن الأول
وأعتقد مافيه زي رزت الشاص والربع بالبر والرمل

تحياتي
أبوسليمان

[الاجودي]

الي يبي المختصر المفيد


اليبي يشتري ويبيع ياخذ تايوتا لانه ((عملة ))

اما الي يبي ياخذ يستعمل

ماله الا زعيم الدفع الرباعي باترول