تفكير مشتت ما بين الشاص 9 و 13 !! [الأرشيف]

حبل الوريد

28/06/2013, 05:31 AM

السلام عليكم ياخواني لي كم يوم ممتر حراجات نص السعوديه :(
ادور شاص 9 او 8 فل "ونش + دفلك "بدون رفرف لكن اسعارهم فووووق
الناس ما تهرج حدر الميه للي ممشاه دون الـ160
بينما 11 فل بنفس السعر وارخص
والحقيقه اني متحير ما بينهن اقول اجيب لي فطيمي 13 واريح راسي !!
علماً اني قد جرب الـ 10 بعد تغيير المكينه ممشاه بالنفود " ردددي "
مقارنه بالموديلات السابقه ،، فما اعلم هل محركات الـ 13 طراء عليها تعديلات او تحسينات او لا
ارجو كل من مر وعنده علم لا يبخل علي

ابوعبدالله 93

28/06/2013, 08:44 AM

يخوك اناانصحك تاخذ من 2009 وتحت او شي دعسته سلك وثاني شي 4500 اما 10 و13 دعسه كهرب وممشاه بالنفود ردي ومكينته 4000 زي الفورتشنر والبراود والافجي وبعدين الشاص سعره مبالغ به بالحيل اخذ لي شاص نيسان فل كامل ب98 الف اريح وارسى بالخط وثلاجه وساعة صدر وياي وكلش زين به

رجل المرور

28/06/2013, 09:46 AM

الله يكون بعونك انا والله صار لي قبلك هالموقف قبل سنه وجلسست فوق ثمان شهور ويالله وبالله حصلت مطلوبي ... بالنسبه للسوالك 13 فيه تغيرات لامافيه تغيرت المكينه والقير نفس ال 10 ,, والله يكتب الي به الخير لك

بحرالقلزم

28/06/2013, 02:52 PM

في رأيي القديم افضل
وخصوصا فل يعني ونش ودفلوك ضروري
الله يوفقك ويرزقك الموتر النظيف

التعـ King ـديل

28/06/2013, 03:28 PM

خذ 2006 واذا تبي الشكل الجديد لا تتعدى 2009

مع اني اضم صوتي لصوت ابو عبدالله واقولك خذ نيسان فل كامل احسن منهم كلهم

ماء نوفا

28/06/2013, 09:21 PM

عليك بالدديد لاتفكر بغير الخحيد اﻷولات مضت عليهن السنين وحنا عيال اليوم

حسن الشمالي

29/06/2013, 11:54 AM

عليك بالدديد لاتفكر بغير الخحيد اﻷولات مضت عليهن السنين وحنا عيال اليوم

الرجال يقصد عليك بالجديد

sgl2002

29/06/2013, 12:59 PM

والله انا جربتهن كلهن

٢٠٠٩ افضل بنواحي واقل مشاكل

والجديد فيه حقه ويعجبك بعد

والنصيحه لاتحط فلوسك بمديل قديم مكروف ومفصول عداده وملعوب فيه وكل شوي تصلح

طق لك شبه وكاله يعني خذ ٢٠١٣ استخدام قليل

fate

29/06/2013, 04:53 PM

يارجال ان كانك بتسمع كلام الناس والله ان تضيع
انا مجرب القديم ومجرب الجديد
الداخلية والديكور الجديد كنك في جكسار
العزم الجديد اقوى بواجد من القديم
صرفية البزين الجديد اقل
عدد علب الزيت الجديد اقل
المهم انت وش اللي في راسك وتوكل على رب العالمين وخذه ولى عليك من احد

المثال

29/06/2013, 08:48 PM

السلام عليكم

والله اني لك من الناصحين لوجه الله , انا كان معي تويوتا شاص 2010 ويعيبه انه شبه معدوم العزم في الرمل وهذا من تجربه حقيقية وعلى فكره انا بدوي دائماً في البر وبعد معاناة بعته وشريت نيسان شاص فتك 4800 والله انه فرق مابين السماء والارض ومرتاح له جداً وقيمته معقوله اخذت 2012 فل كامل بـ 106000 فقط وعيبه التحميل قليل نسبياً حملت عليه 20 كيس شعير وماشي كويس . والسيارة يايات وراء وقدام ومريح بشكل خيالي في البر كأنك على VXR ماهو شاص .

ابوسند9

29/06/2013, 11:32 PM

وعليكم السلام
اخوي انا مع اخوي المثال
لايضيع عمرك اشتر فتك شاص وابسط عمرك وش تبي با الغرابيل والمناقز والاصوات
واذا انت راعي تحميل ركب ياي استرالي وحمل اللي تبي

رسلان الوايلي

29/06/2013, 11:56 PM

اخوي الشاص النيسان الجديد افضل من ناحيه القوه
وبعض المميزات والعيوب انه يتكسر بسرعه وفي البيع ينزل كثير
بعكس التايوتا
وانا انصحك بالشاص التايوتا الجديد

بومالك

30/06/2013, 01:22 AM

هلا بك اخوي اخوك راعي تويوتا والله ماافك الا تويوتا اخارهن 2011

ماش لا يهمك راعي الزفلت يمدحه لكن مثلي ومثلك راعي البر يسبه وبقوه وانا هالحين ابشرك لقيتي موتري بشاص النيسان

2013 أول مره اشري نيسان جديد سعر معقول ونشيط

والله التويوتا له معزه ونغمه عندي لكن الشكوى لله صنعوه لغيرنا الي عندهم البنزين غالي لأنه وضعو فيه نظام vvi نفس

الموجود بالكامري والهلكس يعني المكينه ماتقوم تدعس والا ماتدعس البنزين موزون على احتياج المكينه له كله للتوفير وليس

للطرب حتى الجمس ماسلم البساتم ماتشتغل كامله الاحسب الدعس

حبل الوريد

01/07/2013, 01:52 PM

يمال العافيه يالاجاويدالنيسان مشهود له بالقوه مع واحدن من الربع والراحه بعد
لكن اه عذروبين التفكك وما يجود سعره

لكن وش رايكم بـ٢٠٠٦ ماشي ٢١٣ ونش دفلك بدي محركات شرط
كم يسوى " استعمال شايب "

ذيب زلفاوي

01/07/2013, 06:04 PM

يمال العافيه يالاجاويدالنيسان مشهود له بالقوه مع واحدن من الربع والراحه بعد
لكن اه عذروبين التفكك وما يجود سعره

لكن وش رايكم بـ2006 ماشي 213 ونش دفلك بدي محركات شرط
كم يسوى " استعمال شايب "

الموتر عمره 7 سنين وتسعاره نار

انا ماجربت النيسان بس بصراحه مواصفاته وسعره يحمسس

قيمته من 98 الى 102 حسب المواصفات ومكينة فتك

راعي الرود

01/07/2013, 06:56 PM

الصخرة

01/07/2013, 07:32 PM

http://im29.gulfup.com/2012-08-22/1345659132331.jpg

عطي الله :)

ثلاجه و دفلوك و تانكيين و مكينته 4800 VTC

جربه قبل لا تستعجل يمكن يجوز لك .. تراه موتر طيب بحكم اني جربت موديله السابق و كان ديزل ماشاء الله متماسك و لا يرده شيء مابقى مكان ما سيرت عليه شمال وجنوب غرب وشرق لين بعته و الجديد اطيب مكينه و يايات يعني تندح عليه تقل راكب لكزس ماشاء الله , ينفع لراعي التمشي بالبران و المكاشيت اما اهل التحميل و الحلال ماهوب نافع لهم بسبب الياي

انا مع اخوي راعي الرود......

من تجربة صديق لي كان مثلك يدور على 2009 ولا حصل وشراء من الفطيمي بالإمارات 2013 فل كامل .....

ويسب السيارة في العزم يقول مهيب مثل القدام علما انه كان معه 2006 وقبله كذا شاص....

وكان ناوي على الفتك النيسان لكن اللي معه في الرحلة غلبوه ونصحوه بالشاص التايوتا..

وما تغير شيء يذكر عن 2010 في المكينة والقير

واخيرا استخر ربك وتوكل على الله ......

SHEDET36.GM

01/07/2013, 07:55 PM

السلام عليكم ورحمة الله وبركاته
اخوي ما ادري بكم سعره الشاص الجديد الفل كامل بس اتوقع ما فيه دون 150 هذا على حد علمي يوم كنت ادور لي جيب
اذا انت تبي الراي ولا هو نقص بحق الشاص والله ما احط القيمه فيه ما دام موجود عطي الله تندرا وقيمته جديد انا شايفه في القصيم 2012 اصفار 145 الف بلوحاته. هذا اول شيء ثاني شي القوة المكينه 5.7 v8 trd
انا من ناحيتي اشوفه اقوى وارخص من الشاص ومنظر دامك راغب الغمارة الوحدة .
وترا هذا رأي ولا قصدي شي وتراها نصيحه تقبل تحياتي والله يوفقك في اللي تبي

عاشق الشعبيات

01/07/2013, 08:23 PM

نصيحتي لك خذ لك شاص 2009 وتحت مكينة 4500 وأنحش عن مكينة الديزل 4000 الغبية

أو خذ لك عطايا سبلا بليهان شاص الفتك واترك عنك مطاريس التويوتا

راح زمان التويوتا وانتهى والآن زمان الفتك وبس

سعر 2013 فل كامل بــ 100 ألف ومركب ومواصفات وعزم لا يقارن بأي مكينة وقير ودبل ودفرنسات جبااااااارة

ما ينقصها غير اليايات الأسترالية وتحمل عليه اللي تبي

وهذي صور للشاص الفتك وتحميله وتوثيق بالصور للي يقول إن الشاص الفتك ما يحمل
http://www.mekshat.com/pix/upload05/images251/mk130975_img_1706.jpg

http://www.mekshat.com/pix/upload05/images251/mk130975_img_1937.jpg

http://www.mekshat.com/pix/upload05/images251/mk130975_img_2177%201.jpg

http://www.mekshat.com/pix/upload05/images251/mk130975_img_2178%201.jpg

بالتوفيق يالغالي

sgl2002

01/07/2013, 11:39 PM

عليك بالشاص النيسان

واللي يقول يتفكك انا كل استخداماتي باترولات من الاشكال الجديده ٩٨ وفوق

ولا شفت من التفكك اللي يطرونه ؟!

والله اني استخدمت شاصين تويوتا وانا ترفع الضغط في البر وتكرهك الطلعه من المناقز وقرقعه الصندوق والتعليق الدايم وثقل القومة بالنفود والخطر اللي باي لحظه يقلب

مع ان عزمها ممتاز في الجلد والزفلت والتحميل

ال بريمي

02/07/2013, 09:14 AM

والله وانا اخوك انا معي شاص 2011 له سنتين ولاخليت به محل لانفود ولاجبال يشهد الله انه موتر يجمل
والحين ناوي على 2013 الدفعه الاولى بريمي

صديق كلم رفيق

02/07/2013, 11:04 AM

ابن عكاش

02/07/2013, 01:39 PM

السلام عليكم
بالنسبة للشاص فمن وجهة نظري الشاص التويوتا الجديد غالي غلا مسرف مع ان سمعته مهي زي اول وعندك الشاص النيسان رخيص وقوة مكينه ومريح
عيبه مايشيل لأنه ياي وشكله مقبول ليش ماتجربه بما ان سعره معقول وانتبه تاخذ ثلاجه لأنها مضيق السيارة وانت فيك فيك بتشتري ثلاجه بر

صياد الجبل

02/07/2013, 05:10 PM

اذا على التحمل في الشاص النيسان

يركب ياي استرالي ويحمل مثل مايبي

ابوسند9

02/07/2013, 08:26 PM

الشاص الجديد مايرده شي شرط انك ما ترحمه ، زال انه شاد بنمره والله مايعوقه شيء هالكلام عن تجربه ...

اما القديم ما انصحك فيه مستخدم ومكروف ولا عاد تدري عن نظافته ، اشتر جديد لنج وانصحك بالرفرف كانك تبي الراحه .

اما النيسان يكفيك شكله تقول ددسن ههههه شكله قبيح ، غير انه وهالكلام من شخص مجربه وباعه يقول ركبت كفرات بالون تسع ميه يقول عيا يتعدى 160 ههههه واضح ان المكينه جباره ههههه

انصحك وانا اخوك اشتر شاص رفرف ونش دفلوك 2013 واحرص يكون الدفعه الثانيه لانهم يقولون كبسوا مسمار الثلاجه اللي سبب مشاكل في بعض الشيصان ..
والله يا الغالي اللي اعرفه ان الفتك اذا ركب له بالون يمشي طبلون عكس كفرات شد بلد
اما قولت ما يرده شي الشاص التايوتا عساه يشيل نفسه ومع ذا صعب جدا انه يمشي ممشى الفتك لاخط ولا بر وش جاب الياي للسست
وهذا رابط فتك عليه بالون
http://www.youtube.com/watch?v=ERkAmjZUrOg

صياد تميم

03/07/2013, 02:55 AM

والله النيسان مجرب فتك موديل 2002 ماشفت منه ومن كل النيسان خير خرابات وبس فابعد عن النيسان نصيحه تراء الشاص مهوب شين الجديد رايحين عليه لربع الخالي وسالك مشاء الله

ابن كديميس

03/07/2013, 02:56 PM

والله يا الغالي اللي اعرفه ان الفتك اذا ركب له بالون يمشي طبلون عكس كفرات شد بلد
اما قولت ما يرده شي الشاص التايوتا عساه يشيل نفسه ومع ذا صعب جدا انه يمشي ممشى الفتك لاخط ولا بر وش جاب الياي للسست
وهذا رابط فتك عليه بالون
http://www.youtube.com/watch?v=ERkAmjZUrOg
غريبه التويوتا 2012 يطلع اقوى من 2009
مع ان البعض يسبون عزمه .
الفتك طيب بس شكل التويوتا وتصميمه احلا .

ماء نوفا

05/07/2013, 04:58 AM

والله يا الغالي اللي اعرفه ان الفتك اذا ركب له بالون يمشي طبلون عكس كفرات شد بلد
اما قولت ما يرده شي الشاص التايوتا عساه يشيل نفسه ومع ذا صعب جدا انه يمشي ممشى الفتك لاخط ولا بر وش جاب الياي للسست
وهذا رابط فتك عليه بالون
http://www.youtube.com/watch?v=ERkAmjZUrOg

فيه فرق بالمشي النيسان دحدره ومديوره لاكن الشاص التايوتا يكون واقف تمامآ بعدين يقوم وهاذي ماهي من صالحه

سيف الحمالي

06/07/2013, 08:00 AM

الشاص النيسان موهب طيب للرجال راعي التحميل لان السست حقته ردديه

سيف الحمالي

06/07/2013, 08:03 AM

وغير كذا قطع غياره نااار

ابوحسام9

06/07/2013, 02:42 PM

يارجال خلك من المديل القديم وقتة راح خذلك شاص تايوتا جديد ذيبان هيبة ومنضر وقوة وقلة صرف بنزين وزيت ومثل مقال المثل يدلك على الخيل اثمانها مراح تندم اقول عن تجربة ولله عندنا بالشمال نكدهن بالبر وثبتن وجودهن ياخوي رح للبدو وهل البر مايحط دراهمة الاباشاص التايوتا اضمن واريح نفسيا

hamad4499

07/07/2013, 05:06 AM

اخذ 2013 تويوتا بكره في موديل 2014بيغرون فيه اسطب ولا مرايه ويطيرون 13 في العجة ويصير اغلا من الجديد طبعنا يالسعوديين دايم نرفع من القديم كن الي صنع السيارات مات
😂😂😂😂😂😂😂
ولا اخذ موديل 84 حديدة اقوى ومافيه كمبيوتر
هههههههههههههههه

ابوحسام9

07/07/2013, 02:46 PM

صدقت والله دايم انفكر بالمديل الي اقدم لو يغيرون مواصافات شكلية راح يرتفع المديل الي قبلة انا اذكر يوم جاء مديل 2000 الناس قامو يسبونة ورتفع سعر مديل 99 يقولون هذا ياي وبخاخ مايصلح وكذالك يوم جا مديل 2007 ارتفع 2006 ويوم جا مديل 2010 ارتفع 2009 وحنا على هطريقة مانحب التجديد بس اطمنك يا 2010 راح يرتفع سعرك ههههههههههه

ماجد202

18/07/2013, 12:59 AM

تبي نصيحتي ، القديم انتهى وولى زمانه ،، تاخذ واحد قديم وغالي كلها مية الف ويخبط عليك ، خذ جديد لأن اكثر وقلت على الاسفلت تمشي ، راح بالممشى ، وقوة عزم واقتصاد بالبنزين ،، النفود متى تروح له ؟
بالشهر مرة ،، فما يمكن تخلي نفود تروح له بالشهر مرة وتترك الخط الطويل اللي راح يتعبك ،، الحين البر اصبح عبارة عن مخططات ،، تعال شف التيسية عندنا كيف قطعتها الخطوط من كل جانب ، انت تحتاج موتر يريحك بالطريق ،، موفق يالغالي عليك بالجديد واترك التفكير بالقديم ، القديم ولى زمانه

((ابوملاك))

18/07/2013, 04:26 AM

اقسم بالله العلي العظيم اني توي بايع ٢٠١١ ب ٩١ وباللعنه بعته ومشتري ٢٠٠٤ بنفس القيمه

صح الجديد اقل صرف بنزين وزيت وازين بالخط

لكن والله بالنفود والبر انه مهو موتر كل ممشاك بواحد ينفقع قلبك من صوت المكينه تتف بواحد

اذا تبيه كشخه عليك بالجديد واذا تبي استعمال وكرف عليك بالقديم ولا يهمك اللي يقول نيسان اذا تبي تكد وتجور على الموتر يكفيك هذا يجي ونش ودفلوك قدام وورا والباترول يجي دفلك ورا فقط بدون ونش

صديق كلم رفيق

18/07/2013, 05:25 AM

مسألة القوه

ماراح اقول لكم الجديد قوي واننا قطعنا به الربع الخالي ومن هالكلام

خلونا نفترض ان القديم اقوى من الجديد زين

لكن السؤال هل الجديد سيء لدرجه من قو مايبالغ بعض الناس في ذمه انك تعتقد انه مستحيل يمشيء في النفود

الحيل الهلي الدفرنس شوف عيني في ام دكه تعطي دروب مايصدقها عقل ، هل هي اقوى من الشاص ؟؟؟

طيب الهلي الدفرنسين واحد من جماعتنا يقنص عليها للربع الخالي ولا ردته عن مكان ويمدحها بالنفود ، تبي تصدق ان الهلي وصلت للربع الخالي ادخل اليوتوب وراح تلقى مقطع لناس قانصين عليها الرمله ، فهل ابو اربع سرندل اقوى من الشاص ؟؟؟

الشاص الجديد الشريطيه عذربو به لدرجه انهم خلوووووه كامري ولعبوا لعبتهم حتى يصرفون القديم ونجحوا في هالشيء وللاسف بعض الناس يردد بدون تجربه ..

الخلاصه : القديم اقوى من الجديد ــــ لكن الجديد فيه حقه من القوه والنشاط + اكشخ + اسرع + اوفر بنزين زيت + اريح مراتب .

هبوب ال شمال

18/07/2013, 06:29 AM

السلام عليكم ورحمة الله وبركاته
اخواني إن الله اكرمنا بالعقول عن البهائم
وسالفة القديم عملي وقوي ويرقى الجبل .......وغيره مانختلف عليها
لاكن سالفة ان الجديد عزمه ضعيف وموب عملي وغيره من الخزعبلات
فهاذي كذبة شريطية صدقوها ضعاف العقول ومع الخيل يا شقرا
وبالنسبة للمكينه الجديدة اقوى وصبورة وعزمها يفوق القديم بفارق كبير وغيره من المميزات الاخرى
اما سالفة مسامير الثلاجة وغيرها من الخرابيط فهاذي كذبة شريطييييييييييييييييييييييييييييييييييييييييية
انا خويي معه شاص المكينه الجديدة كارفة ما يعرف الزفلت ماشي 260000الف كم ولا يعرف الا زيت وبنزين
ويقوم على 2009 و2006 ويقوم على VXR 4700 بعد

وسالفة ان القديم اقوى وغيرة من الخرطي فهاذي كذبة شريطية بصراحه احييهم عرفوا يلعبونها عليكم

( المقصود من كلامي جيب الشاص فقط )

sgl2002

18/07/2013, 06:31 AM

^^^^

ماتبين المشاكل الا بعد ٢٠٠ الف ، تعرف وش معنى القديم

fate

18/07/2013, 08:24 PM

يارجال والله ووما يحلف بالله كذاب
اني معي 2012 على وكالته وواحد من الربع معه 2009 ولاحظ ان عليه هدرز وفلتر بعد
والله انه في نفود وخط وقومه اروح عليه
واخرها امس متسحرين في النفود ويوم جينا بنمشي الفجر
وقفنا تحت عرق ودعسنا مع بعض انا ركبت العرق وهو ديور قبل ما ياصل راسه

((ابوملاك))

18/07/2013, 08:26 PM

^^ موتر خويك به بلا

اقسم بالله اشره على بعض ردود الناس اللي ما يعرفون يثمنون كلامهم

انا حلفت لكم وماني ملزم بالحلف ومن حلف لكم بالله فصدقوه

شريطيه وبدون تجربه ومدري ايش انا بعت ال ١١ وشريت ٤

ورح المعارض شف اسعار الجديد والقديم

انا ماقلت هالكلام الا لانه من استشارك دخل في ذمتك وهذي ذمه مه. بس تمدح عشان معك جديد

جرب هذا وجرب هذا مهو شغل مراهقين اقوم عليه رح نفود شف وش يسوي بك لا من صار هذا سواق وهذا سواق

sgl2002

18/07/2013, 09:33 PM

^^^

مجهول انا مصدقك لاني مجرب ٢٠٠٩ و ٢٠١٠

ونفس كلامك بس ماهو معناه ان الجديد شين مره

وانا اكثر ماكرهني ببيعته انه ثقيل بالنفود وجيت اسحب واحد يالله طلعته بالثقيل والاول والدعسه كلها

وعلى فكره اذا انت راعي نفود لاتدور غير الباترول ولا تحكم الا لامن جربته فتره

ودفلك امامي وونش مايستاهل ادفع فرق ٦٠ الف عشان اشتري تويوتا
والنيسان مايحتاج دفلك
والونش يتركب

ابوتركي1010

18/07/2013, 10:02 PM

نيسان فخرا لكل أنسان ،،،،،،، خذلك شاص نيسان جديد صدقني راح تنسى التويوتا الي يقسم الظهر تحياتي لك والله الي يدلك على الزين الي يطيب خاطرك

fate

18/07/2013, 10:44 PM

يا مجهول وش اللي شغل مراهقين!!!!
بعدين اللي يبيع الجديد ويشتري القديم وش يسمى شغله شغل مراهقين وهياط ولاشغل عاقلين

fate

18/07/2013, 11:01 PM

وانا اللي قلته للرجال شي مجرب وبيني وبين ربعي اللي معهم من القديم وهو اللي يحكم
لانه صاحب الموضوع ويدور الشور وغيره يعطيه النصيحه فقط
لاني اشوفكم انت وكم عضو قلبتوها تعقيب كل ماحد قال شي خطيتوه وشككتو في كلامه

راعي منيفه

18/07/2013, 11:47 PM

اشتر الجديد دامك خسران خسران وبالنسبه لتجربتي اول مره اشري موتر غير التايوتا اول العالم وهو فتك صالون ٢٠١١وجلد ماشاء الله فالبرر فالصيف مقناص بندق والشتاء مقناص طير وطررد ماشفت التفكك الي يطرونه وبالنسبه لك اخوي اشتر اخر موديل سوا نيسان ولا تايوتا اجدد واضمن والدعوى مكاشيت ومقانيص موب رالي وسباقات بالتوفيق

((ابوملاك))

19/07/2013, 03:17 AM

يا مجهول وش اللي شغل مراهقين!!!!
بعدين اللي يبيع الجديد ويشتري القديم وش يسمى شغله شغل مراهقين وهياط ولاشغل عاقلين

لا شغل عاقل وفاهم البرلو انت عارفن البر ماقلت مراهقين وهياط انا مجرب الجديد والقديم ويحكم اني راعي بر القديم افضل ميه مره لاطلعت البر وجربت انت تعرف معنى كلامي

وانا من استشارن دخل بذمتي ولو قلت خذ قديم واترك الجديد ماداخلن بمخباي ريال بس هذي ذمه

واسالك بالله هل امتلكت شاص جديد وشاص قديم 9 وتحت ولا بس كذا ماجربت

هبوب ال شمال

19/07/2013, 03:59 AM

لو انت عارفن البر ماقلت مراهقين وهياط انا مجرب الجديد والقديم ويحكم اني راعي بر القديم افضل ميه مره لاطلعت البر وجربت انت تعرف معنى كلامي

وانا من استشارن دخل بذمتي ولو قلت خذ قديم واترك الجديد ماداخلن بمخباي ريال بس هذي ذمه

واسالك بالله هل امتلكت شاص جديد وشاص قديم 9 وتحت ولا بس كذا ماجربت

ممكن يالطيب تعلمني ليه فضلت القديم على الجديد

وش اللي بالجديد فرقته بالمكينه والقير (انت يامجهول) عن القديم وخلاك تبيعه وكم مشى معك من كيلوا الجديد ؟

((ابوملاك))

19/07/2013, 04:08 AM

والنيسان ما اقول انه غير جيد ولا اقول يتفكك بس التحميل مهو زي الشاص لكن كا استعمال ما احكم لاني ماجربته

والشغله مهي تعقيب اللي جربته ونصيحه اخويه القديم هو يبي نصيحه ما قال اللي عنده موتر فلاني يمدحه

((ابوملاك))

19/07/2013, 04:09 AM

ممكن يالطيب تعلمني ليه فضلت القديم على الجديد

وش اللي بالجديد فرقته بالمكينه والقير (انت يامجهول) عن القديم وخلاك تبيعه وكم مشى معك من كيلوا الجديد ؟

الجديد 2011 مشى معي 90.000 ومطلعه وكاله على يدي

والقديم توه مشى معي 7.000

هبوب ال شمال

19/07/2013, 04:21 AM

وش اللي بالجديد فرقته بالمكينه والقير (انت يامجهول) عن القديم وخلاك تبيعه

((ابوملاك))

19/07/2013, 04:33 AM

كيف يعني فرقت عن المكينه ؟

الموتر كله متغير

الدبل اقوى باشواط هذاك دبله مثل قله لان هذاك جنزير وهذا تروس

المكينه الاول ممشاي بالنفود كله بواحد لا اعطيته ثاني يبدا يكن ويترتر لين ارده واحد

اما القديم ما شاء الله اقدر اقومه بثاني بالنفود

انا ترا مثلك يوم كنت بشري جديد قلت لا كلام شريطيه واشاعات قلت مهي معقوله اليابانين يسوونه

لكن طلع العكس

المشكله الجديد قيره اكبر واقوى من مكينته غير متطابقه والدعسه كهرب

fate

19/07/2013, 04:35 AM

لا شغل عاقل وفاهم البرلو انت عارفن البر ماقلت مراهقين وهياط انا مجرب الجديد والقديم ويحكم اني راعي بر القديم افضل ميه مره لاطلعت البر وجربت انت تعرف معنى كلامي

وانا من استشارن دخل بذمتي ولو قلت خذ قديم واترك الجديد ماداخلن بمخباي ريال بس هذي ذمه

واسالك بالله هل امتلكت شاص جديد وشاص قديم 9 وتحت ولا بس كذا ماجربت

ابشرك معي 2012بريمي من فضل ربي سبحانه
اما القديم قد جربته مع رفقي ما فرقت بينه وبين اللي معي الا في سرعة قبول الدعسه فقط

((ابوملاك))

19/07/2013, 04:40 AM

طيب جرب الجديد والقديم قبل الطعس عطه واحد واحرص ان الكفرات نفس بعض ونفس الهواء عشان نكون ادق

وطق الدبل

وعطه واحد لا قربت الطعس عطه ثنين وشف هذا وين يوصلك وهذا وين

fate

19/07/2013, 04:41 AM

وبحكم انك فاهم وراعي بر
ترى الجديد لاطاح في يد سواق ماعاد يرده شي
لافي نفود ولاخط

((ابوملاك))

19/07/2013, 04:43 AM

انا مجرب ياربي لك الحمد والجديد والله يالله يشيل روحه لا حملت وبالدبل

اما القديم والله اني امشي بدون دبل

fate

19/07/2013, 04:46 AM

وبعدين ترى الجدد تمد اكثر من القدام
واذا بغيت تاكد من كلامي وقف الثنين تحت طعس وكلهم ب1 وشف من اللي بيوقف قبل الثاني

fate

19/07/2013, 04:52 AM

هههههههههههه ياله يشيل عمره والله قويه
وانا اخوك الريجيل قنصو عليه وماخلو محل الاوجوه
بس شكل الجديد اللي كان معك فيه بلى

sgl2002

19/07/2013, 05:01 AM

^^^

كلام مجهول صحيح

وانا اكثر ممشاي نفود

جربت الشاصات 2009 و 2010 وكاله القديم والجديد ، وكلهن ماعجبوني وراعي النفود مايبرد خاطره بالممشى كثر الباترول

لكن ان جيت للصدق الشاص القديم افضل والله مع اني ما اداني الشاص التويوتا ولا بتعصب لاحدهن
لكن الحق ينقال

الجديد يبرد عزمه بسرعه ، والقديم يشد عمره ولا يطيح عزمه
الجديد دبله مرض ماهو قوي، والقديم من تعطيه الثقيل يقفز قبل تدوس
الجديد مشاكله واجد لانه اعتماده ع الكمبيوتر والحساسات اكثر وما تبين خراباته الا مع تقدم عمره ، والقديم مافيه شي ابد وكله ع بعضه حساس هواء فقط لاغير

sgl2002

19/07/2013, 05:05 AM

لكن اعيد واكرر ترى الشاص الجديد ماهو بالسوء اللي يتوقعونه الناس وعزمه ممتاز ويبرد الخاطر لكن القديم اقوى

fate

19/07/2013, 05:14 AM

اما عاد الباترول حالته صعبه
البنزين يشربه شرب الهيم والعزم مولي وانواع الخرابات

صديق كلم رفيق

19/07/2013, 05:17 AM

8
8
ماقلنا شيء القديم اقوى والمكينه 4500 جباره وعمرها طويل ، لكن الاعتراض على المبالغه في سب الجديد وتصويره انه كامري حده زفلت بس . .

هبوب ال شمال

19/07/2013, 05:21 AM

اما عاد الباترول حالته صعبه
البنزين يشربه شرب الهيم والعزم مولي وانواع الخرابات

يالطيب نيسان ما فيه زيها بس عيبها وكيلها مايوفر قطع الغيار عكس تايوتا
وكيلها موفر كل ما تشتهيه الانفس عكس الحمراني حسبي الله علية
وشاص نيسان قوي وحليو وعيبه شفط البنزين وشكله لك عليه موب زي الشاص الشاص اجمل

fate

19/07/2013, 05:21 AM

اذكرو الله وصلو ع النبي
وعموما يالربع كلن على كيفه ومشتهاه
ولاكن الرجال شاورنا وعطيناه ما عندنا

صديق كلم رفيق

19/07/2013, 05:25 AM

اللهم صلي وسلم على نبينا محمد وعلى اله وصحبه اجمعين ...

ماقصروا الاعضاء تفاعلوا مع الموضوع ، وكلن ادلى بدلوه وعبر عن تجربته ....
والرأي الاخير لك يا صاحب الموضوع ...

تصبحون على خير ..

sgl2002

19/07/2013, 01:00 PM

اما عاد الباترول حالته صعبه
البنزين يشربه شرب الهيم والعزم مولي وانواع الخرابات

هههههههههااااي

الله يالدنيا صار الباترول اللي يشفط بنزين ،

والله مايشفط البنزين كثر الشاص التويوتا والمجربين يعطونك العلم وخصوصا عام ٩٩ اذكر المعاناه وماطفر بنا الا هو وشفطه للبنزين ، لدرجة ان اكثرهم يشري الشاص ومايطلع عليه والا ياخذ ديزل

اذا الشاص الجديد نعبيه ب70 ريال تانكيين ويالله يكمل 600

والباترول تعبيه ب50 ريال تانكيين ويوصلك 650

وين الصرفيه ،؟

عاد وش لون لو بتكلم عن الشاص القديم اللي التانكي الواحد يمشيك 250 فقط وعلى سرعه 140

الواحد لابغا يحكم يحكم عن تجربه ماهو بالسمع بس

المسافرالقديم

19/07/2013, 06:01 PM

من يوم عرفت السيارات واي شكل جديد ينزل يبدون الناس تسبه والقديم يرتفع وفي الاخير يتضح ان الجديد هو الزين وفيه تقنيات احسن ..
يمكن ع الورق الشاص القديم اقوى من الجديد ، بس حتى لو كان الجديد اضعف الاكيد ان ان شاء الله بيقضى لزومك في البر او في المدينة .
لو الموديل اللي تبيه 2011 او 2012 بنقول ما عليه ، لكن موديل 2009 ، يعني له خمس سنوات ، يعني احسب حسابك بتشتريه بسعر غالي وتبدا ترقع فيه وتصلح فيه لن القطع اكلت عمرها الافتراضي

محسن اليامي

19/07/2013, 06:27 PM

^^^^^^

انا اتفق مع كلام اخوي sgl2002
بحكم تجربته للشاصات باترول ونيسان وموديلات مختلفه

محسن اليامي

19/07/2013, 06:28 PM

^^^^^^

انا اتفق مع كلام اخوي sgl2002
بحكم تجربته للشاصات باترول ونيسان وموديلات مختلفه

fate

19/07/2013, 10:19 PM

هبوب ال شمال

20/07/2013, 12:45 AM

((ابوملاك))

20/07/2013, 03:04 AM

طيب الحوض التانكيين الباترول كم ياخذ

صياد الجبل

20/07/2013, 08:53 AM

يامطيب التســـعه بعد رقم الالفين .. يبعد هموم القلب لادق ســـــلفه

بنزبنه الممتاز خمسه وتسعين .. واسبير تحت الشاص واسبير خللفه

اليا تساوا الخط في نظرة العين .. دق الجرس وانفك صمام بلللفه

يضرب صحاري معاليها عناوين .. ارضن وساع ولابها جبال صللفه

سفاري959

21/07/2013, 01:08 AM

[QUOTE=sgl2002;9514864]هههههههههااااي

الله يالدنيا صار الباترول اللي يشفط بنزين ،

اذا الشاص الجديد نعبيه ب70 ريال تانكيين ويالله يكمل 600

والباترول تعبيه ب50 ريال تانكيين ويوصلك 650

اجل االباترول اقل صرفيه من الشاص ههههههههههههههه
والله انك ضحكتني الله يسعدك ياشيخ
لونك قلت اقل صرفيه من الشاص القديم يمكن تمشي اما الجديد كثرلي منها
ياخوي والله اني افلل التانكيين ويمشيني حول1000 كيلو طبعا شاص 2012 ماشاء الله
ورفيقي معه ربع باترول 2008 ويحلفلي انه يشفط شفط الويل يقول الامنه مشاني 350كيلو
هذا هالحين اقصى ما عنده ووانا اخوك والله اني اقدر الباترول لاكن الحق حق

يالغالي فرق بين الفتك و4500 انت تقول خويك معه

باترول ربع 2008 هذا 4500 ومعروف مكينه 4500

عزم بارد وصرف بنزين لكن الفتك افضل بالبنزين والقوه

ماشاء الله واعرف ناس مجربين الشاص النيسان الجديد

بالعكس يمدحونه في البنزين وفي الراحه والنشاط

وكل السيارتين زينات وتقوم باللازم تظل مسأله اذواق

ورغبات ولكن ياصاحب الموضوع والله اذا تبي رأيي وش

تبي بالشواص كلها لا راحه ولا ركاب خذ بقيمته جيب

صالون سواء تايوتا او نيسان شل المراتب الأخيره وخله

عفش وتانكي وتستفيد راحه ووسع الشاص للشخص راعي

الحلال اللي يحمل دايم اما مكاشيت والله جيوب الصالون

اريح وابرك

بالتوفيق للجميع

مشتل الحظ

21/07/2013, 08:42 AM

اخوي اذا كنت معزم على الشاص 2009 ترا خوي عنده واحد للبيع في الامارات ونش و دفلوك سلق بدون رفرف بيج

قاهر البدن

21/07/2013, 09:02 AM

يابن الحلال خذ 13 وخل التسعه

ساهر حايل

21/07/2013, 09:18 AM

هاه شريت موتر يالحبيب :) ههههههههههههههههههههه والله ادري لحسوك الشباب , المهم ماهو قصور بالأخوان الشاص الجديد لايعلى لاتقرب القديم ووين بتروح يعني النفود والجلد الددسن والهايلكس وصلنهن ودقنهن دق ماهو شاص , اما النيسان نصيحة اخو لاتقربه واذا على القوه والراحة والنشاط عليك بالتويوتا تندراء لاشاص ولا فتك ..

وانت احكم بنفسك من ناحية التويوتا والنيسان كل 560 شاص تشوف نيسان الشيوخ ابخص :)

والله يكتب لك الخير فيما تختار ولاتفوت ريحة الوكالة وانا اخوك

ساهر حايل

21/07/2013, 09:21 AM

شف النشاط لابغيت النشاط

http://www.youtube.com/watch?v=4ETCpPYgXjw

جيبي جايزلي

22/07/2013, 05:38 AM

لا تتردد اخوي مكاتب تاجير السيارات ماليه البلد استاجر السياره اللي ناوي تشريها واستعملها كم يوم جازتلك كان بها ما جازتلك دور غيرها واترك عنك قال فلان وفلان شين يجوزلك مايجوز لغيرك وشين يجوز لغيرك ما يجوزلك انتهى وبالتوفيق ان شاء الله