يا شباب من يفيدنا عن تمير و الشوكي ؟؟ (مهم جدا)

[العليمي]

اقول يا الشقرديه من عنده اخبار او يعرف احد في تمير وما حولها هل ،اخضرت الارض هالأيام والا ما فيه شي تكفون نبي منكم ردود. وشكراّ

[نقا هشال]

انا يااخوي جايها قبل شهر تقريبا اللي هي بعد ايام آخر سيل جاالمنطقه بسبوع

مريت التنهات مليانه مياه والارض مبذره ومريت الشوكي غدرانه مزبره وارضه مبذره

ابذار طيب بس عاد ماادري هاالايام اخاف ضره البرد لاكني ابتأكد وارد عليك ياغالي.

[العليمي]

الله يعطيك العافيه . و ما تقصر ، والله لا يهينك ( وباقي الشباب) انك تعطيني الخبر الاكيد.

[وضح النقا]

~


والله يالعليمي ماجينا الشوكي من تالي لكن يقول لي ثقه ان الشوكي فيه خضار يستاهل من يكشت فيه وخصوصا في أعلى الشعيب جهت الشعب (المخاشر)..

[العليمي]

جــــــــــــــــــــزاك اللــــــــــــــه خيــــــــــــــــر و ما قصرت .

[راعي بر]

اطيب الربيع اللي حولك هو الشوكي

شف الله يسلمك انا جيت الشعب ونزلت على الشوكي ثم نزلت على التنهات اطيب ما شفت الشوكي وفيه خضار ولكن ما يتقارن ابد بربيع الشمال وخضارالشوكي توه انا انصحك تجيه بعد ما يربع زين .

واي معلومات انا انشاء الله ما راح اقصر

[العليمي]

مشكور . وهذي عوايدكم ما يجي منكم ابد قصور.

[الخادم]

اخوي العليمي

المنطقة كلها مابة ربيع يذكر و لكن العوض بالصحبة الاخيار يايلي يحبهم قلبك الله يجب الخير انشاء الله 0


اخوك
الخادم