المساعد الشخصي الرقمي

مشاهدة النسخة كاملة : ماهي تجاربكم في تضليل الزجاج الامامي للوقايه من حرارة الشمس


كرويف
07/07/2013, 02:18 AM
مثلما تعرفون او اكثركم يعرف
ان اكثر حراره تدخل للسياره هي من الزجاج الامامي
ماهي نصيحتكم بهذا الخصوص
هل اضع تضليل عازل اصلي 3M جيوشيلد وغيرها من الشركات
ام ان التضليل التجاري يؤدي الغرض
baaasss
07/07/2013, 02:40 AM
ظللت قبل يومين والى الان ما اقدر احكم على الفائدة
وبصراحه الشركات كثيرة والكل يمدح نفسه سواء بايع او شاري
لكن بالنسبة لي اخذت شركة مسويه عرض من موقع اسمه كوبون ادخل وتحصل دائما عروض على التظليل خذ العرض ولا تهتم باسم الشركة لان كل واحد يقول الزين عندي

لكن بشهادة الكثيرين في كول الاجود والافضل والاغلى ولو تلاحظ مايسوون عروض لان منتجهم قوي ومن قوته كثير يشكون ضعف ارسال الجوال واشارة القارمن بسببه!!!
ابوضاري2007
07/07/2013, 04:40 AM
والله ركبت تضليله عازل حراري بـ 120 ريال على لون السياره

والحمدلله اموره تمام لحد الان لي اكثر من شهر واليوم جاي من سفر ومشيت الساعه 3 العصر والحراره

ماتحس فيها
aboriyadh
07/07/2013, 07:02 AM
فيه مواقع عالمية تشتري منهم التضليلة مقصوصة جاهزة
حسب موديل و طراز سيارتك
و تركبها هنا بـ 120 او 150 ريال

طبعا الانواع الأجود تكلف بحدود 500 الى 700 ريال مع الشحن للسيارة السيدان
و للجموس و الجيوب من 700 الى 900 ريال
و التركيب يكلفك من 120 الى 180 ريال

نفس النوعية لو ركبته هنا ما راح تركبه اقل من 2500 ريال لو لفيت السعودية كلها

عندنا نصب و استغلال و هظم لحقوق المستهلك ماهي موجودة في إي بلد بالعالم

لكن حسبنا الله ونعم الوكيل فقط
digital99
07/07/2013, 01:22 PM
بعد تجربتي لتظليل
اشوف الشغله كلام فاضي (زينة لااكثر)
واذا ضربتها الشمس مباشرة وانت تلبس نظارة تشوف الوان
abahal
07/07/2013, 01:40 PM
افضل عازل حراره بالعالم حتى الان اسمه كريستالاين من شركه 3m
وبعده الفي كول الشفاف
سليل قروم
07/07/2013, 03:02 PM
ركبت عازل حراري وتعطلت كل الأجهزة اللي تعتمد على الاقمار الصناعية الين شلته فإنتبه من الشغلة هذي لأن كلهم يقولون هذا عزل حراري بس
aboriyadh
08/07/2013, 04:13 AM
ركبت عازل حراري وتعطلت كل الأجهزة اللي تعتمد على الاقمار الصناعية الين شلته فإنتبه من الشغلة هذي لأن كلهم يقولون هذا عزل حراري بس



اقدر اوفر لك عازل حراري 3m 3M cs - COLOR STABLE


او بنفس الجودة

مقصوص جاهز على مقاس سيارتك

شامل لكل زجاج السيارة

بحدود 850 الى 1000 ريال شامل الشحن إلى عندك


اما لو سيارتك حجم كبير مثلا : GMC XL

مثل الصورة التالية

https://lh3.googleusercontent.com/-_wEUufsb0lk/UdoN4uZa9jI/AAAAAAAAA5g/bK3VX7zP92U/s805/gmcxl.jpg

راح يكلفك بدون الزجاج الأمامي : مبلغ 1050 ريال شامل الشحن إلى السعودية


ارجو المقارنة مع اسعار الوكيل في السعودية




(CS)


.. مميزاته ..


1- معدل الحماية 55%
2- خآلي من المعادن (التظليله اللي عند باقي المحلات سوآء الزينه او الشركات فيها معادن)
3- أجهزة الـGPS شغاله تمام مافيها تقطيع



.. الأسعار ..


سياره كبيره (عائليه ) = 2200 ريال
سياره كبيره = 2100 ريال
سياره متوسطه = 1900 ريال
سياره سيدان (صغيره) = 1700 ريال






للمعلومية هذي اسعار 2012 :eek::eek:
سليل قروم
08/07/2013, 08:24 AM
اخوي انا ركتب عن جينسون بعد ماسألت اغلب الشركات وكانوا يقولون انهم الوحيدين اللي يركبون تظليل خالي من المعادن ولكن طلع كل هالكلام فاشوش
aboriyadh
08/07/2013, 11:33 AM
اخوي انا ركتب عن جينسون بعد ماسألت اغلب الشركات وكانوا يقولون انهم الوحيدين اللي يركبون تظليل خالي من المعادن ولكن طلع كل هالكلام فاشوش


الـ 3M مضمون و الفي كول يقولون مضمون ايضا
لكن الـ 3M الشركة نفسها تضمن عدم تأثيره على اشارة الاقمار الصناعية و شبكات الجوال
وهذا الضمان ساري بالولايات المتحدة هل توقع أن الضمان مجرد كـــــــــلام
هناك ما فيه تلاعب
SNIPER07
08/07/2013, 11:41 AM
ما ركبته قبل في الزجاج الامامي
PATHFINDER 4
08/07/2013, 07:49 PM
يازين التضليل ابو 60 ريال

مجرب
برادو 99
08/07/2013, 07:50 PM
يازين التضليل ابو 60 ريال

مجرب

صدقت والله
omar salman
08/07/2013, 07:53 PM
وعليك السلام ورحمة الله وبركاته
ركب العازل الأصلي الشفاف لو تدبله أبو 60 .
حزوبر
08/07/2013, 08:00 PM
ركبت فلم عازل على سيارتي لاند كروزر 2012 وسافرت عليه ولا احلا من كذا 250 وضمان سنه بالغرابي
عندهم تضليل اشكال وحتى 3m يجيبونه لك ب700 ريال
خل عنك المحلات الفخمة ، الغرابي وبسسسسسسسسسسسس