المساعد الشخصي الرقمي

مشاهدة النسخة كاملة : اذا ضاع المقتاح الذكي... ما الحل؟!


baaasss
07/07/2013, 02:33 AM
السلام عليكم ورحمة الله وبركاته... وبعد

ودي اطرح موضوع للنقاش حتى نستفيد كلنا ونقترح حلول لمشكلة المفتاح الذكي.
بحمدلله وفضله شريت باترول 2013 بعد طيب الذكر اليوكن 2005, الباترول الجديد وغيره من السيارات الجديده معها مفتاح ذكي والمفتاح الذكي عبارة عن ريموت يفتح ويقفل الابواب ويشغل السيارة بالزر بمجرد قربك من محيط السيارة هذي فكرة مبسطة عن المفتاح الذكي.

زبدة الموضوع .. ايام اليوكن كنت ناسخ مفتاح احتياطي وحاطه في مكان سري خارج السيارة عشان لاقدر الله اذا ضاع المفتاح وخصوصا في البر.. يصير هذا جاهز للاستخدام..

الان مع المفتاح الذكي ماني عارف وش اسوي.. لو اخلي ريموت احتياط في السيارة معناته ان السيارة جاهز للاقلاع والاستخدام لاي شخص!

اقترح علي احد الزملاء اني احط الريموت من دون بطارية بحيث اني احط الريموت في مكان والبطارية في مكان اخر.. واذا حصل وفقدت المفتاح اللي معي يكون هذا جاهز بمجرد اني اركب البطارية واتوكل على الله,, لكن نبهني لنقطة اخرى اللي هي...


هل اذا الريموت ما فيه بطارية يفقد البرمجة او لا ؟؟؟!!!

موضوع حبيت اناقشه معكم ونناقش الحلول والاقتراحات..
المميـز
07/07/2013, 09:08 AM
:

اذا لقا الريموت البطاريه يدبرها
ان شاء الله يفيدك من هو يملك وجرب نفس المفتاح ونستفيد

:
VTC-209
07/07/2013, 01:54 PM
عليكم السلام ورحمته الله وبركاته
حياك الله اخوي
ميزة المفتاح الذكي باذن الله ماراح يضيع الا اذا طلعته من مخباك
لانه ما راح تطلع الا اذا تبي تغير ملابسك او تقفل السيارة وتفتحها او تشغيلها من بعد
بااختصار تنسى المفتاح تشغل او تطفي لانه غالب الوقت في مخباك
وكل السيارات الي تعمل بمفتاح ذكي بحال اذا انتهت البطارية
يوجد مدخل تدخل فيه المفتاح الذكي غالبا يكون قرب فتح الكبوت وتشتغل معك السيارة وقفل الابواب يكون بالمفتاح وبهذه الطريقة باذن لله ماراح تتوهق
امل ان يكون شرحي واضح
والله الموفق
ابوكشتات
07/07/2013, 04:08 PM
يوجد مدخل تدخل فيه المفتاح الذكي غالبا يكون قرب فتح الكبوت وتشتغل معك السيارة وقفل الابواب يكون بالمفتاح وبهذه الطريقة باذن لله ماراح تتوهق
امل ان يكون شرحي واضح
والله الموفق[/QUOTE]

معليش اخوي اذا ماعليك امر وضح اكثر شوي .
baaasss
07/07/2013, 05:03 PM
يعطيكم العافية على المشاركة...

بانتظار مشاركات وحلول ومقترحات!
.. PATROL ..
07/07/2013, 05:04 PM
لا اخوي ماتفقد البرمجة انا معي سيارة فيها مفتاح ذكي

وخلصت علي البطارية ورحت اقرب محل ساعات وغيرتها ويشتغل تمام لابرمجة ولا شي

اتمنى اني افدتك
VTC-209
08/07/2013, 01:09 AM
http://youtu.be/yznoUPulWDU
ابحث بال يو تيوب
طريقة تشغيل السيارة بعد نفاذ بطارية المفتاح الذكي
شرح واضح بالفديو
كل الشكر لصاحب المقطع
baaasss
08/07/2013, 02:04 AM
عندي في الباترول ما حصلت المدخل حق المفتاح!!!
اذا احد يقدر يفيدنا عن مكانه بالضبط او يصوره لنا.. وله خالص الشكر.
الصخرة
09/07/2013, 05:24 AM
بالنسبة للبطارية إذا فضت أو حتى لو ما فيه بطارية السيارة تشتغل .....

كل ما عليك تمرير الريموت عند زر التشغيل ورجل على الفرامل وستلاحظ أنه تحول للون الاخضر زي العادة شغل وامش ......



لكن مدري هل إذا ترك الريموت بدون بطارية لمدة طويلة جدا تتأثر البرمجة أم لا.