طلب مساعده [الأرشيف] - منتديات مكشات

مشاهدة النسخة كاملة : طلب مساعده

ركن العز

11/07/2013, 10:00 PM

اخواني انا ناوي اشتري جيب شروكي
2013 هل تنصحوني وهل هو جيد في الرحلات البريه
علما اني خبرتي بالجيوب محدوده؟؟؟؟

راعي الرود

11/07/2013, 11:11 PM

http://secrets7days.com/files/img/f6f101633f.jpg

تقصد نفس هذا ؟

جربته مع واحد من الشباب و سقته حلو الموتر ماهوب شين لكن عيبه زاويه الرؤيه من القزازه الاماميه خصوصاً من عند الاكتاف بسبب كبر حجمها تحجب عنك الرؤيه و تصير ماتشوف الا قدام و جزء بسيط من اليمين واليسار

و ثانياً البنزين يصرف صرف عالي جداً و التانكي حقه صغير

ثالثاً مكينته 6 سلندر 3.7 لتر في العزم لك عليه شوي لك التورك فيه جبار جربتها على مرقى نفود حاشره بالاول و رقاه لكن عيبه انه نازل جداً الموتر و ممكن يعلق فيك اي وقت

جوا المدينه مريح الموتر لكن الراكب الامامي المساحه بينه وبين الدرج ماهيب ذاك الزود يعني اللي سمين او بتركب واحد كبير بالسن ماراح يرتاح لا ركب قدام

بالنسبه لسعره حلو اذا اخذنا بعين الاعتبار انه سياره كروس اوفر

اذا طلعاتك تمشيه وترجع و معك عائله منت راعي كشتات بعيده ولا قنص ممكن يصلح لك

و من ناحيتي انصحك تفكر بجيب ثاني

بقيمته جديد تجيب لك باترول فتك 2008 نظيف هذا الجيب عز الخوي

ركن العز

12/07/2013, 08:23 PM

جزاك الله خير
وانا اقصد الشروكي العادي

يكفيني نظرة

12/07/2013, 10:13 PM

انا ماجربته لكن السياره اذا صارت جديده وخاليه من العيوب المصنعيه وتبي تخليها معك الى خمس سنوات استخر وخذها وبقول لك نقاط:
. لاتفكر تبيع لان سعرها بيطيح وزبونها قليل بالسوق والعلم عند الله ..
. السياره لو صار فيها مشكله قليل انتشارها يعني حط في بالك ممكن ماتلقى ورشه تصلحها بالراحه .
. اسأل عن توفر قطع الغيار واسعاره .
. جرب توقف احد بالشارع معه نفس السياره اللي تسأل عنها واسأله لأنه مجرب .
.حط في بالك احتمالية خرابها في موقع نائي بعيد ووش بتسوي وقتها؟

ابو البر

14/07/2013, 03:15 AM

ياخي اسمع الشور
اللي يشترونها الناس اشتر منها

واذا الدراهم قليله ومعزم على موتر جديد
فما عندي رأئي .

والله اني احنك وانا خوك من سيارات ما ياخذها الجمهور ....مجرد منظر فقط.

عاشق الvx

14/07/2013, 03:37 AM

اذا تقصد جراند شروكي 8 سرندل
توكل على الله موتر ممتاز جدا
خصوصا انك بتاخذه جديد ...

sgl2002

14/07/2013, 03:47 AM

راعي الرود

14/07/2013, 02:40 PM

جزاك الله خير
وانا اقصد الشروكي العادي

هذا الشروكي العادي و تغير شكله و صار قبيح الـ2014

يمكن قصدك قراند شيروكي ؟

حدد النوع اذا هو شيروكي فهو نفس اللي انا تكلمت عنه اسمه عندنا شيروكي و بالخارج يسمونه ليبرتي

عاشق الvx

15/07/2013, 12:16 AM

موتر خراباته واجد ولاتحصل من يصلحه ونشبه بالحلق وممكن يقطع بك باي مكان

الجيوب اللي ماورد مثلها جيوب شفها مع اهل القنص واهل البر اللي يقطعون مسافات بعيده

عليك بالباترول او اللاندكروزر وغيرها لاتسميه جيب

سلامتك يالغالي الشروكي ممتاز جدا الرجال بياخذه جديد
الي خرباته واجد وحراره وكهرب هذا طال عمرك
الي تشترية من المعارض موديله 2000 وحواليها
ومرهم ومجلود لين قال بس
وللمعلومية الشروكي يدخل اماكن ونقر لو دخل فيها راعي
السفاري واللاندكروزر تعلق ماطلعه الا ونش
وللمعلومية محاكيك معه لاندكروزر وما استعمل ولا يجوز لي شي غيره
لكن جربت الشروكي مع احد الاخوان وماينهضم حقه ابد
قوة ونشاط مايتقارن بأي جيب وخفة نفس تقول موتر سيدان
وللمعلومية شاص وقير القراند شروكي 2012
مبني على قاعدة عجلات جيب مرسدس
وانا من وجهة نظري الي لاهو راعي طلعات واجد للبر
وطلعاته بسيطه مثل الثمامه ومخيم وغيره
الشروكي خيار ممتاز له جدا ...