وين القى محل تنجيد نفس الي بالصورة

[فتك 32]

http://haraj.com.sa/112436729/نيسان_باترول2012_الدرجه_الثالثة_للبيعقير_عادي/


سلام عليكم ورحمة الله وبراكاته
الاخوة اعضاء منتدا مكشات المحترمين
اما بعد
ابي انجد سيارتي بس مالقيت القماش الزين وسيارتي مراتبه جلد ابي قماش نفس السيارة الي بالرابط مريت الغرابي وماحصلت عندة مريت الغشام الي بالسلي مالقيت عندة
واحد قالي ماتلقى الى في قطر

وتقبلو تحياتي ،،،

فتك 32
:)

[بوعبدالعزيز84]

وعليكم السلام ورحمة الله وبركاته
هذا شمواة ومتوفر عندنا بالشرقية بس اللون مادري بتحصل نفس الدرجة ولالا لاني قبل فترة كنت ادور رصاصي للجي الاستاندر مالقيت

[فتك 32]

ابي بالرياض

[التعـ King ـديل]

مر على الكثيري اللي بمربع الشباب بالغرابي كل شي بالتفصيل يسويه لك

[فتى الوادي]

الجديد جديد وزين في كل شيء .

[تميم2222]

هذا شغل النافوره. شكله. بالقصيم.

[ابو البر]

خذ العلم
محل تنجيد المقصوره
بصناعيه الموسى على شارع العروبه

اشوف عنده سيارات فخمه مثل سيارتك و ينجدون بجلود طبيعيه

حتى وراء المحل مصلخ:D

[ابوسند9]

وعليكم السلام
اخوي فيه وضاح لا نافوره والاغيرة والمحل له اكثر من اربعين سنه شغله فن في فن وصاحب المحل سعودي والمحل متواضع لكن اذا رحت له شف الكتالوجات للسيارات اللي مسويها ,,اسعاره غاليه شوي بس تنجيد لك وللزمن وشغل زي الوكاله

[صالح ابو لمار]

والله من رايي تدق على صاحب الموتر وتساله وين نجد موتره ..

لكن سمعت عن واحد بالشرقية ممتاز ..

[أطلال نجد]

محل وضاح بالرياض موقعه الصناعية القديمة خلف مسجد العويضة

في الحقيقة أنا ما جربت شغلهم لكن أشوف عندهم سيارات فخمة منها جيوب لكزس

[فتك 32]

شكرا على تفاعلكم احتمال اروح للشرقية بالعيد تركب من هناك
ولكم الشكر

[Abo_Faisal_506]

اخوي اذا كنت تبي شواء
مليان بالغرابي انا مركب عند السماعليل شواء ماليزي تصيل لفورد رح وشفه

[هاوي]

تلقاه عند السليمان في الغرابي ويحطون الخط الحواف لون ثاني على كيف كيفك

[Ibrahim44]

وضاح بصناعيه القديمه لاتتعداه

[راعي منيفه]

رحت لوضاح ابي انجد موتري باترول بحط شامواه قالي انجد لك الموتر كامل بعد الخصم ٧٠٠٠ ريال وانجد لك المراتب والبس لك الارضيه بعد الخصم والقردنه وحب خشوم ٤٠٠٠ ريال ولا اشتغلت عنده غالي هاذي تجربتي معه والموضوع انا متابعه لاني بنجد الفتك ان شاء الله

[أمير بخلاقي]

فيه محل بصناعية السلي بالرياض يفتح المحل جنوب على البرحة اللي فيها المسجد الكبير اللي بالصناعية معروف ينجد تنجيد وكالة بالذات المراتب القماش ولكن الجلد مادري عنه
اللي بالمحل اندنوسي او فلبيني لانهم كلهم يتشابهون من تسال عنه يدلونه حقين التنجيد انا جبت له بليزر قال انجده 1500 ريال نفس حق الوكالة

[القرناس 0]

اخوي هذا بقطر يسمونه المحترف شف انقشه الي بل وسط اتحدا احد يزبطها بسعوديه رح قطر ينجدلك كامل 800 ريال

[على كف القدر]

النافورة عنيزه تخصص مخمل شغل صح ومرتب ومضمون توي منجد موتر باترول حوض 2012 عنده

[تربة الشمال]

اخي الحبيب رح للغرابي تبي تحصل عند شركة الاسماعيل لزينة السيارات