استفسار ضروري

[الدوسري2010]

اليوم رحت لعبداللطيف جميل ابي اشتري انوار لسيارتي جي اكس ار v8 2009 وانصدمت بسعرها انا ابي سعر النور نفسه بدون شمعات النور معدوم عندي من العجاج المهم تدرون كم قالي السعر (( 5741 )) بعد الخصم هذا بدون الشمعات ماتلاحضون ان السعر يغبن احطه حوالي 5700 بنور وهو سألني هل هو زنن ولا لا انا اللي اعرفه ان الجيوب الجديده كلها زنن وش السالفه ليه هالسعر السؤال هل احد منكم غير نوره وبكم ؟؟ وشكرا

[هدد9007]

فيه حل ويكلفك 100 ريال للشمعتين من غير ماتغير وانت تقول مرملات يعني لايمنع من التجربه انا جربت والحمدلله راضي كامل الرضاء وودي فوق الميه اعطيه يوم شفت النتيجة انا اعرف محل بالقصيم وبالرياض الغرابي مايخلاء فيه محلات تفك الشمعه وتفك البلاستيكه ويفصلهن عن بعض بجهاز تقريبآ نفس فكرت الاستشوار بس ينتج حرارة عاليه بحيث يلين السيلكون بين البلاستيك والشمعة ثم يفكه وينظفه ثم يرجع ويطبقه ويرجعه كما كانت انا رجعت كأنه جديده يعني وكاله انصح فيها بقوة

[تنومه1]

بالنسبه للمبات الي داخل الشمعه خل عنك الوكاله وخذها من عمهم المستورد الرئيس في محلات الجمله بالصناعيه بالرياض ومبلغ اقل من المعقول .
انا حصلت المبه الداخليه عند الوكاله لسيارتي الماني ب 50 ريال واخذتها من عند الجمله ب 10 ريال وانا بالخدمه.

[المنيعي1]

ياخي ﻻتغير وﻻشي
اذا ترميل من برا فقط سوله تلميع ب 30 ريال وترجع نفس الجديدة

[الدوسري2010]

اشكركم على المشاركه الانوار لمعتها كثير واللي يمسك خط الشرقيه الرياض يعرف السبب والحين مهما لمعتها ما اشوف فيه فايده الابسيطه وترجع في فتره وجيزه الا ماكانت عليه لكن اخونا هدد٩٠٠٧ قال فكرته وكذا واحد قالي نفس كلامه ابجربها والله يستر لا يدخل ماء وسط النور بعد الغسيل

[((ابوملاك))]

لا ياخوي ودها محلات التظليل العازل العالميه مثلا ٣ ام هذا يلمع النور ويسوي حمايه مستقبلا مع ضمان

[الدوسري2010]

جزاكم الله خير افدتوني وشكرا