ياهل السلقان افزعوا....

[صدى الهاوي]

السلام عليكم ورحمة الله وبركاته:
وبعد............بعد ما قريت المقالات عن الصيد بالسلق لرجاجيل شرواكم...ودي بطلب
الأرانب والوبران عندنا واجد يالله لك الحمد لكن ماعندنا الا الناري ولا السوجن الأمريكي و اذا اخربناها توصل
لابو عكفه ..البلى ماهو كذا ؟؟البلى كل ماحد ثور من العربان على ارنب ولا وبر الى الدورية واقفه عند الباب بتهمة امتلاك الأسلحة..

والله يالربع ودي باسلقة ولا ادري وين ديرتها بصراحة ما عندنا الا الذيابه والحصاني و الجعاري وما قد خبرت السلقه

الشاهد..
السلق هي تنباع ولا تنصاد ولا وش الدبره تكفون يالنشاما علموني؟؟وتكفى ترى تهز الرجاجيل ما تهز الفناجيل

ودمتم في كنف الله....




ياما من الخير ياما من الثرى
ياما من القيظ غير ما ترى

[هولوكس2005]

علمي علمك اخوي


كان لقيت شي لاتنساني اخوي (( يخو ساره ))

[@قرناص@]

والله تنصاد

[هاوي سلق]

صدى الهاوي ارسلي ايميلك على الخاص

[الفهد454]

هههههههههههههههه

اخاف انها تنصاد


يالربع افيدو الرجال انا عندي علوم كثيرة عنها بس اني ابفطر اللحين اعذروني ولاجيت بعدها باعلمكم

[صدى الهاوي]

مسا الخير .......
ياشباب ماشوف ردود لا يكون اني تكلفت ولا شي؟؟
بس علمونا ولا عليكم امر.

[حرف العين]

مساك الله بلنور

والله ياخوي سوالك غريب ولاكن راح افيدك

السلق تنهدى من الربع بينهم وبين بعض وشوفلك واحد من ربعك راعي سلق واطلبه وانشالله ماراح يقصر معاك او اذا ماعينت وانت مجبور شوف احدى الاسواق او العيادات البيطريه واشتريلك واحد من عندهم.

وشكرا

[طلو]

السلق تلقاهن بالجبال ما يطلعن الا بعد الفجر ويطيرن وما ينصادن الا بالرشاش علا غفله كرك ههههههههههههههههههههههههه امزح الشباب ما يقصرون