السلق الذلول

[هاوي سلق]

السلام عليكم
في عندنا سلق عمره 8 شهور لكنه يخاف من اي واحد يجيه حتى من راعيه لانه كان راعيه الاولي يضربه من يوم عمره 5 شهور بدون سبب واخذه منه واحد ثاني لكنه حطه مع سلقه عقور ماخلت فيه مكان الا وجرحته فيه حتى صار يخاف من ظله
ابغاكم تعطوني ايش الحل معه مع انه توه جرو
ولا هنتوا

[هاوي سلق]

وين اهل الخبرة

[قناص الرمله]

هلا بك يا هاوي سلق
بصراحه العلاج بسيط جدآجدآجدآ

أولآ أذا جيت تعطي الجرو الاكل حط الأكل في يدك وخله ياكل من يدك الى أن يتعود عليك وكذا يحس بالأمان من قربك ثم أذا جيته أمسح على راسه وناده بأسمه وحاول أنك تلاعبه وبعد كذا شف وش يصير وعلمني


بــــــــــــــــــس
لاتضربه ولاتطقه بعصا حتى ولو أخطاء لأنه جرو مثل الطفل جاهل

ولاتصرخ ولاتصيح عليه بصوت عالي

وأن شاء الله أنه بيضبط معك

ترى الضرب هو اللي يخرب طبايع السلوقي الطيب

ومثل ماقلت لك شف وش يصير وردلي خبر

أخوك
قناص الرمله

[هاوي سلق]

مشكور ياخوي قناص الرملة
راح اسوي اللى قلتلي عليه وارد لك خبر انشاء الله

[حرف العين]

هلا وغلا

احب اضيف على كلام الغالي قناص الرمله

اذا عندك مجلس اربطه بقرب باب المجلس علشان يشوف العرب يمرون قدامه او اذا انت تجلس في دكه او استراحه مع الشباب خله قريب منكم وخل يشوف العرب يمرون قدامه.

لاتخليه يقرب او يشوف اي سلق في الفتره الحاليه علشان ينسى الخوف منهم .

وشكرا

[هاوي سلق]

باذن الله ياحرف العين ولا هنت

[طلو]

اربطه بسلسله كل ما جلست وخل معه جراه اصغر منه بواجد علشان يتجرا ويتقوى عليهن ويضهر له قلب

[هاوي سلق]

طيب طيب
وتسلم ياطلو على الرد

[الفهد454]

ما اقدر ازيد على كلام الربع اللي قبلي هم اخبر مني وان شاء الله تستفيد من الشي هذا

[هاوي سلق]

انشاء الله

[هاوي الجوف]

صح لسانكم ماقصرتو افتوه

[راعي قمره]

وانا اخوك عندي سلق نفس الطريقه جبته من واحد من الربع كان بس ينابح وخواف والله وحطيته مع سلقه بحوش طبعن السلقه طبعها ماعليه كلام كان انا ديها واحط الأكل عندي وهي تجي وهو جالس مرة مرتين مرة جاني واكل وامسح عليه واعكيه تمر واناديه بسمه والحين ماشاالله يوم ادخل الحوش الاقيه محضر عند الباب ويلعب معي ومن اسرع السلقان عندي ويسمع الكلام وتقبل مروري

[ريسو آلشمآل]

مشالله عليك يا راعي قمره من بسهل | اما بنسبه لك (هاوي سلق) افادوك الاخوان وحاول انك ما تتركه لحاله ايام كثيره حاول تمره ولاتحطه في مكان فيه ظلما ونشالله نشوف مقانيص واجد تقبل مرووري.

[هاوي بندق]

اخوي انا عندي
نفس المشكله
لاكن موب جرو الي عندي جتني كبيره
وتخاف من اي احد وتهج احيانن
وش سويت دليت اروح عنده كل يوم
واكله عضام بيدي واجلس ربع ساعه امسح على راسه
وامش واخليه تمشي معي اناديه لاجت تخاف تربض
على طول لاكن ماشالله عليه الحين
ماشالله اسبوع وصارت زي العسل:good2:

[هموس القلوب]

الحل سهل جدا

إاربط الجرو بسلشه واجلس عنده باليوم ثلالث ساعات أقل سي


وبهالفتره لاتغطيه أكل تعال بعد عشر دقائق وخله يجيك وياكل من يدك

بالتؤفيق أخوي

[جندي في الجيش]

سلام علي طاري الضرب واحد كان في حرتنا اطلع اقنص معه وعنده 3 سلقان والمهم اذا شاف حصني نزلنها وطردت الحصني واذا ماجبت الحصني يعون يمصطها با العصاا ويضربهااا قلت ليه تضربهاا قال عشان ثاني مره تمسك الحصني واذا مامسكت الحصني تدري ان وراهاا ضررررررررررب ؟ هل الكلام صحيح ولا غير صحيح ؟

[هاوي بندق]

لا ياخوي غلط كذا ان بتل يضربهن
بتجفل السلق منه

[رفيق الأمل]

هلا بك ياخوي هاوي سلق ( انت ادري بهذا والحل عندك) تعال عندي نشوفه وندرس حالته