بخصوص تبريز الكفرات وتظليل 01

[Tyer_shalwa]

بسم الله الرحمن الرحيم ..

السلام عليكم ورحمة الله وبركاتة ..

أسعد الله أوقاتكم بكل خير ..

إخواني عندي عدة أستفسارات عن بعض المخالفات ..

ثاني أيام رمضان خالفني عسكري من المهمات بنقطة تفتيش بـ تظليل مع أنة قال ازلها وأزلتها وجيتة الا كاتب المخالفة :D قلت ربي وربك الله

واليوم طالت اعماركم بالعز والتقوا

شايل التظليلة وأمشي بمان الله منتظم بقواعد المرور :)

الا أمر من عند خويني نفس التفتيش حق ربعنا اللي خالفوني قبل

ويسفطني على جنب أستغربت منة وش انا مسوي :)

ويجيكم الفيلسوف البروفسور الميكانيكي المش مهندس

يفتش الموتر من داخل وماحصل شيء :)

قال فك الكبوت وفكيتة وماعرف يفتحه :D وفتحتة له الله يفتح راسة

مسوي أنا اللي نظام وأعرف اللي يركب هدرز وفلتر :)

مالقا شيء وسكرة .. قلت الاستمارة يالطيب قال أقعد عند موترك أجيك ..

ويوم أخذت شوي ينادي الي يكتب المخالفات اسمي وجيتة ..

قال موترك باب أو بابين ؟ :D

الله يخلف عسكري ولا تدري لا والله ضعنا

قلت قدام كم باب ؟ قال اثنين قلت ورا كم باب ؟ قال بابين

قلت خلاص أربع ابوب .. قال موترك ربع " طبعاً موتري ربع باترول "

قلت واذا قال بابين ؟ قلت يولد وين بابين الوكاد الخبل يتفلسف وخليتة يقطع ويخسا

طبعاً قال خذ الا المرم كآتب مبرز الكفرات ..

قلت يولد والله ماركبت التبرزية ! قال ترا عليها حجز

قلت وين يارجل وين التبرزية قال الا مبرز شفة " انا مركب جنوط جيتي "

قلت هذول الجيتي وش اسوي بهن اطشهم ؟

قال ماعليشش اعذرني قلت ياولد ماهي هي قل غيرها

قال يالله توكل .. طبعاً ادور اسمة وكان شايلة

قلت ربي وربك الله محترم البدلة الي عليك واخسارة دولتنا واخذها وامشي

بس اسئلكم بالله ماهو ظلم ؟ واللي مايخاف الله ماحمل المسئولية والامانة

المهم بشكتي علية وابي اقابلة وابي اسمة كيف ؟

أروح لقسم الشرطة أو وين بالضبط ؟ أو ادق على رقم او شيء ؟
أو اروح المحكمة ؟ عارف ان شكيتة يبي يفزعون له اخوياه ابي اخذ حقي !

وللمعلومية الي قبل عشر ايام استعلمت مانزلت الى الان ..

وثاني شيء الباترول الربع بالاستمارة يكتب بابين أو اربع ابواب <-- لحس مخي الخبل

ووبالله وش رايكم بهالموضوع وياليت يكون للنقاش الجاد واللي عندة مثل هالسالفة يذكرها ولا همنتي الفلوس الله يجعلها سم ببطونهم بس همني انة يضلمني بأسم الدولة ..

والسلام عليكم ..

[((ابوملاك))]

هذا حاقد عليك مافيه اي شئ بالنظام انك ممنوع تركب كفرات عرضه او حتى تبريزه

هذا حاقد عليك يا انه هو كذال ماجاز له شكلك او واحد موصيه لا مريت من عنده

[Tyer_shalwa]

هذا حاقد عليك مافيه اي شئ بالنظام انك ممنوع تركب كفرات عرضه او حتى تبريزه

هذا حاقد عليك يا انه هو كذال ماجاز له شكلك او واحد موصيه لا مريت من عنده

يابعد حيي هالوجة يابن ديرتي انا من حايل :)

وكل هذا حصل بممشى الورود لاني دائماً امشي به بعد الفطور تخبر لازم نحرق

والله ياخوك مدري وكانة حاقد على اخوه المسلم فهذي مصيبة

المشكلة مدري وش اسوي هل هو انا اكمخه المشكلة رجل من الدولة

والله صراحة احترت لو بشتكي اخوياه يفزعون له ! وبعدين مخالفة التظليل عطانيها واحد غير عن الي عطاني على الجنوط !

للمعلومية لليلياً السطحات جاية ورايحة شايلين سيارات حجزززز الله لايوفقهم يبون يصرفون الدفتر غصب

[Abukhaled-503]

أنا يالغالي محمل حديد بالمموتر ومربط امه والله لو فيه إعصار ماطاح مريت من تفتيش طريق الدمام ويوقفن على جمب ويأخذ الاستمارة ويكتب عدم ربط الحمولة !! قلت شف الحبل قال ما أشوف شئ قلت له عساه بك وبعيالك قال تعال تعال ويكتب مخالفة ثانية تركيب كفرات خط!! والقط الجوال واصور فديو صورت المخالفات وصورت أني رابط الحمولة وسجلت اسمه بورقة وقلت له وعدنا مرور الناصرية وقام يترجاني امسح الفيديو قلت وعدنا بكرا قال شف المخالفات بشقهم الحين وقلت له ما أشوف شئ وأدق سلف وبكرا الساعة ٧ أنا بمرور الناصرية وادخل على عقيد من الجماعة سلام وعليكم السلام السالفة كيت وكيت وكيت وهذا الفيديو وهذا اسم العسكري قالي أبشر لتأخذ حقك الحين ويدق على النقطة وقالهم جايتكم دورية تستلم الرجال الفلاني وراحة الدورية وجابت الرجال ودخل على العقيد قال صدق اللي صائر قال لا قال كيف تقول لا وانت ماعرفت ليش جايبك وش الفائدة تمرمطت اعتذر للرجال ويجي يعتذر لي وانزل للكمبيوتر وامسح المخالفات

[((ابوملاك))]

ياجدي والله حاقد تعرف نظام العسكر عندنا بحائل يحلف ما يرجع الا مخلص اقل شئ دفتر

ادخل المدير حق المرور كله بحائل ما ادري منهو لكن يمكن الصانع ادخل عليه ويعرف حركات الجنود البايخه ويعرف وشلون يحشرهم

[Tyer_shalwa]

أنا يالغالي محمل حديد بالمموتر ومربط امه والله لو فيه إعصار ماطاح مريت من تفتيش طريق الدمام ويوقفن على جمب ويأخذ الاستمارة ويكتب عدم ربط الحمولة !! قلت شف الحبل قال ما أشوف شئ قلت له عساه بك وبعيالك قال تعال تعال ويكتب مخالفة ثانية تركيب كفرات خط!! والقط الجوال واصور فديو صورت المخالفات وصورت أني رابط الحمولة وسجلت اسمه بورقة وقلت له وعدنا مرور الناصرية وقام يترجاني امسح الفيديو قلت وعدنا بكرا قال شف المخالفات بشقهم الحين وقلت له ما أشوف شئ وأدق سلف وبكرا الساعة ٧ أنا بمرور الناصرية وادخل على عقيد من الجماعة سلام وعليكم السلام السالفة كيت وكيت وكيت وهذا الفيديو وهذا اسم العسكري قالي أبشر لتأخذ حقك الحين ويدق على النقطة وقالهم جايتكم دورية تستلم الرجال الفلاني وراحة الدورية وجابت الرجال ودخل على العقيد قال صدق اللي صائر قال لا قال كيف تقول لا وانت ماعرفت ليش جايبك وش الفائدة تمرمطت اعتذر للرجال ويجي يعتذر لي وانزل للكمبيوتر وامسح المخالفات


علي الحرام انك كفوووووووووووو

قسم بالله انك عارف لهم ياويلي كيف راحت علي لا اصور !!!!

والله يمدية يجي يترجاني ..

والله يوفقك ويقويك على من ضلمك

ياليت كل واحد يذكرر قصة له خلونا نستفيد

[Tyer_shalwa]

ياجدي والله حاقد تعرف نظام العسكر عندنا بحائل يحلف ما يرجع الا مخلص اقل شئ دفتر

ادخل المدير حق المرور كله بحائل ما ادري منهو لكن يمكن الصانع ادخل عليه ويعرف حركات الجنود البايخه ويعرف وشلون يحشرهم


والله يالغالي لو انا صورت فيديو مثل ماقال اخونا ابو خالد .. ومن بكرا مصبح المدير ومورية الفيديو والله يسحبونة مثل ال**** ..

تفطنو لها ياملا الغنيمة أي عسكري يستلكع عليكم عليكم بالكاميرا وأهم شيء تطلعون وجهة

قسم بالله تنضام وتنقهر ماتدري وش تسوي

جاي أمشي ووالحركة بركة ويدري اني ماني راعي حركات ومركب الجنوط للنفود معروفة حائل بس برمضان متعاجز اغيرهن ويشوف العزبة والبلاوي حقات الطلعات
بسس الحمدلله ماشاف السكين حقت المقناص :D

[Abo_Faisal_506]

التظليله لقزازه السواق والاماميه ممنوع وهم يظلولون
اما التبريز فهو عناد والعسكريين عندنا مزاجيه مافيه مظام يحميك
انا اذا شغت سكن ابلشوني ىكد مراه وقفني واحد مشغل كشافات وسكن تيوتا وقتلي ليه ماتشغل النور قلت انت اتبعكم يالنظامين وعصب ومقدر يعطيني مخالفه
ومرت سوالي واحد مشكله وجمع ثلاث فرق ليه عشان واقف اكلم خويي جنب بعض
ما اقول الى حسبي الله عليهم وعلى من عينه

[Tyer_shalwa]

التظليله لقزازه السواق والاماميه ممنوع وهم يظلولون
اما التبريز فهو عناد والعسكريين عندنا مزاجيه مافيه مظام يحميك
انا اذا شغت سكن ابلشوني ىكد مراه وقفني واحد مشغل كشافات وسكن تيوتا وقتلي ليه ماتشغل النور قلت انت اتبعكم يالنظامين وعصب ومقدر يعطيني مخالفه
ومرت سوالي واحد مشكله وجمع ثلاث فرق ليه عشان واقف اكلم خويي جنب بعض
ما اقول الى حسبي الله عليهم وعلى من عينه


ماهو ممنوع .. مسموح نسبة الشفافية 75% .. تظليلة الـ 01 نسبة الشفافية حول الـ 60 -70%

وانت عارف مع رمضان والحر وموتري مراتبة جلد وقلت له مثل ماتشوف الموتر جلد ورمضان وصيام قال رح لسيارتك <-- لاني ماترجيتة يبيني اترجاه الله لايحلة

المهم أخذتها وكالعادة ربنا وربك الله .. وبعدين بالعقل التظليلة ماخلوها ممنوعه الا لأن بعض الي يخالفون يخفون معالم وجهه داخل السيارة ...

طيب بالعقل لية ماياخذ رقم اللوحة ويشوف عنده هل علي بلاغ او شيء مشتبة ؟

اذا ماعلي خلني اروح وأكون ماركبتها الا عشان الحر والشمس .. آآخ بس

[بومالك]

على كيفه الدعوى . قله كيف تمنع شي مصرح من قبل وزارة التجاره ببيعه . عطن قرار بمنع بيع جنوط الجتي . او حدود

استعماله .

[((ابوملاك))]

هذي هي مافيه مخالفه اسمها تركيب جنوط جيتي اخل على مدير المرور وقله هالكلام ووره الجنوط ان حصل والمخالفه

[Tyer_shalwa]

بأذن الله بكرا موعدنا وأوافيكم بالتفااصيل

الورقة معي .. والجنوط مركبة ولا غيرت بها شيء ..

وبروح له وأخلية يجيب العسكري اللي خالفن وأخلية يشوف الموتر عشان مايقول غير به شيء ..

وأن أنكر وقال شال التبريزة يحلف يمين وأحلف يمين ..

وبأذن الله ينصرني على من ضلمني ..

[حسين السبيعي]

الله يكون في عونك

[aser25]

ياخي مايخاف الله اللي يظلم المسلمين؟؟؟
الظلم ظلمات يوم القيامه..
عموماً العسكر نفسيات الله لايبلانا!!

[خيال الغلبا]

ماعندنا نظام الدعوى مزاج

والضعيف يروح مادرى عنه احد

[التعـ King ـديل]

الهدرز والفلتر طالما مايسوي ازعاج ماعليه مخالفه

جنوط الجيتي ماعليها مخالفه قدم اعتراض ولا عليك من اسمه هم يجيبون العسكري لانه برقم المخالفه يطلع الدفتر عند مين راجع ادارته وقلهم الجنط شكله كذا وقلهم السالفه واذا مالقيت منهم رد ارفعها لديوان المظالم ولا ترا كل ماتمر من هالتفتيش بيطقونك بمخالفه

[Tyer_shalwa]

بأذن الله تعالى أن نوقفهم عند حدهم ..

صار العسكري اذا بيخلص الدفتر تجيه هستيريا يخالف على أي شيء وبدون أي حق !

أقسم بالله ماينسكت عنة ..

على العموم اليوم رحت للورشة وصورت فيديو وهو يفك الجنوط ويركبهن ومابهم اي تبرزية وبينت بالتصوير حجم الجنط قبل وبعد ..

واذا مارضا مدير المهمات بهالدليل يرسل معي احد الافراد نفكة وهو يشوف ..

وماقول الا كما قال نبي الله نوح


( إني مغلوب فأنتصر )

والله ماهمتني الفلوس همني الضلم والغبنة يخالفني على شيء مخترعه من راسة ..

وبأذن الله تعالى مايقصر معي مدير المهمات وياخذ حقي ..
(http://library.islamweb.net/newlibrary/display_book.php?idfrom=3815&idto=3815&bk_no=61&ID=3870#docu)

[ماء نوفا]

ترا التشديد باﻷمور هاذي بس في منطقة حائل فقط والمناطق اﻷخرى ارى انها عاديه جدآ شئ غريب فعلآ

[Tyer_shalwa]

ترا التشديد باﻷمور هاذي بس في منطقة حائل فقط والمناطق اﻷخرى ارى انها عاديه جدآ شئ غريب فعلآ


والله معك حق .

أنا مستغرب من شيء واحد ..

الدرباوية بحائل يسرحون ويمرحون .. مع انهم موذين

والنصب (اللي يغبرون سيارتهم ويضبطونها ) لو يمشي خطوتين على طول حمولة سطحة حجز !!!

مع العلم اني أشوف النصب كافين خيرهم وشرهم مع اني والله ماني معهم كلهم بس شيء غريب فعلاً

[الرحال الدولي]

يارجال وش مجلسك بحائل انقل

[900]

يارجال وش مجلسك بحائل انقل

ههههههههه

الظاهر ماتعرف حايل يابعدي


لا ضاق صدرك وزمانك تحداك
سير على حايل ويرتاح بالكـــ

[Tyer_shalwa]

بأذن الله تعالى أن نوقفهم عند حدهم ..

صار العسكري اذا بيخلص الدفتر تجيه هستيريا يخالف على أي شيء وبدون أي حق !

أقسم بالله ماينسكت عنة ..

على العموم اليوم رحت للورشة وصورت فيديو وهو يفك الجنوط ويركبهن ومابهم اي تبرزية وبينت بالتصوير حجم الجنط قبل وبعد ..

واذا مارضا مدير المهمات بهالدليل يرسل معي احد الافراد نفكة وهو يشوف ..

وماقول الا كما قال نبي الله نوح


( إني مغلوب فأنتصر )

والله ماهمتني الفلوس همني الضلم والغبنة يخالفني على شيء مخترعه من راسة ..

وبأذن الله تعالى مايقصر معي مدير المهمات وياخذ حقي ..







:D

أسعد الله مساكم

اليوم على ساس بروح المهمات بس سئل احد الاقارب قال مالهم دخل ..

ورحت يم المرور قسم " الفصل " حق المخالفات ..

وعلمتة بالسالفة وعطيتة الورقة :)

توقعو وش قال :rolleyes:



قال بعض الناس يركب جنوط كبر امس واليوم وهاذي عليها حجز وتغريم :eek:

قلت يالطيب الرجال كاتب لي تبريز كفر يعني مركب تباريز زيادة على الهوبات

قال عارف هالحركات قلت طيب لية يقول هلون وهو يتسذب

قال اذا نزلت المخالفة بأسمك تعال نجيبك أنت وياه واللي يحكم بينكم المدير قلت تمام التمام ماقصرت :good2:

وبأذذن الله تعالى أني غير اخذ حقي منة بس المشكلة يمكن مدير المرور يقول جنطك عريض ثم يتغداني المدير قبل اتعشاء اللي خالفن <- حللها :D

نصاااااايحكم يالربع والمشورة المشروة واذا مافاد فية حقوق الانسان لانزم نضع لتصرفاتهم حد

وبعدين غريبة مخالفة التظليل لها 13 يوم مانزلت !!! والموتر بسمي :confused:

[أوراق مبللة]

تحدد موقع المخالفة بالضبط تقاطع شارع إيش مع إيش والوقت ونوع السيارة وهل هي سرية أو لا.

لكن ما أنصحك تشتكي بيبطون تسبدك وأنت منت ماخذ حقك ذول ناس ما تخاف الله أبد ذممهم في خياش جاهزه!

المخالفة تتطلع بعد شهر من تاريخ المخالفة إذا كانت ورقه صفرا كنها ورقه مغسلة ملابس.

عموما لو بفتح لك سواليفي معهم عن ظلمهم كان مسكت راسك!

لكن نصيحه لوجه الله لا تعطي هالوجيه سبيل يمسكون عليك زلة عشانه ..

تحياتي..