اين اجد السله الخلفيه للسيارة يوكون شمال او شرق الرياض

[ابو وائل فهد]

جزاكم الله خير
وش تنصحوني فيه ووش النوعية الطيبه

[حسين السبيعي]

مرحبا اباوائل انا مثلك ادور سله خلفيه فيه ناس يمدحون سلة رفيق الدرب يقولون جيده بس سعرها مبالغ فيه

[ابوضيف الله]

مع اني اشوف ناس كثير يستعملونها لكن انا ماني مقتنع فيها لاسباب
١-لاتنسي انها بتنزل قفا السيارة وبترفع وجهها يعني في الليل بتعمي اللي قدامك بالنور واصطدام الهوا بالسيارة يعني صرفيه بنزين زيادة
٢-الوزن اللي بيكون فيها بيغير السيارة عليك في اللفات والمنعطفات لانك شايل وزن خارج محيط السيارة
هاذي قناعتي فيها وممكن تكون صح وممكن تكون خطاء مع اني ماقد استخدمتها

[الدبل الرابع]

سلة الرمايه خفيفه وقيمتها مناسبه

[Haz_1]

بالغرابي تلقى جميع الانواع حديد والمنيوم ورفيق الدرب .. وجميع السيارات.. موفق اخوي

[جرة قلم]

من تجربة، ويقولون: إسأل مجرب ولا تسأل طبيب.
سلة رفيق الدرب: لا يعلى عليها، ركبتها على سيارتي أرمادا،
وسافرت فيها لتركيا وسوريا ولبنان وصلالة،
وأكثر من مرة للدمام،
والعفش اللي فيها ليس شنط وملابس!!،
بل عزبة بر: مظلة الطرقية وثلاث فرشات جلوس، وشنطة عزبة،
وأرواق، وشواية بأدواتها، وجركل ماء ٦٠ لتر، وغيره غيره......
أوقات أمشي ١٦٠ لمسافة طويلة، راسية وثابتة ومنظرها حلو،
أما إنها ترفع وجهية السيارة: فهذا يعتمد على حجم عفشك،
أهديتها لأخوي بعد ما كدتها بالسفريات، وإلى ألآن معاه يسافر
فيها للطائف كل صيفية، بسبب شرائي (قلص).

إلا على طاري القلص: راح أركب له (شد)،
ومحتار بين السنيدي، وعروق الشمال، إيش تنصحوني فيه؟....