مشكلة في توصيلات الثلاجة

[احلا خال]

سلام عليكم
مبارك عليكم الشهر
البارح مسافر من الرياض الى ينبع الصناعية وموصل سلك 1.5 مل من البطارية مباشر المشكلة ونا ماشي اطر اوقف واطفي السيارة عشان اعبي بنزين وبعده اكتشفت انو الثلاجة ماتشتغل :eek: ومطلعة كتابة على الشاشة غربية المهم حوالت اطفيها من الزر وماقدر :( فصلتها وشبكتها ثاني اشتغلت صارت معي مرتين علما لما اشبكها على الولاعة ماتصير هذه المشكلة وتشتغل من ابدع مايكونالموتر فورد f250 موديل 2008 والثلاجة باركو الطمرة 40 لتر
ابغا اعرف ايش المشكة

[لاتكب البيالة]

الولاعة اللي بالشنطة كم تحمل امبير
لانه بعض السيارات مصممه اصلا للثلاجة سلكه عريض ومباشره من البطارية ولا تحتاج تمد له سلك مجرد تغير مصدر الولاعة للبطارية الاضافية

[لاتكب البيالة]

المعذرة ما انتبهت ان موترك صندوق

[ابوحسام9]

اخوي احلا خال كيف تبي تشتغل الثلاجة ونت حاط سلك ملي ونصف
لازم تركب سلك 6 ملي ناعم من البطارية الى الثلاجة

[كاشت بالبر]

انا ما عندي خبرة بالثلاجات وتوصيلها

لكن ليش يا أخي تركب سلك صغير 1.5mm2 ؟؟

المفروض تركب سلك أقوى عشان يوصل الكهرباء بشكل ممتاز ويتحمل + فيوز برقم مناسب للحمايه من الإلتماس والإحتراق

ياليت تصوّر لنا كم تستهلك كهرباء وأمبير ( تلقاها مكتوبه على الثلاجه ) لأن من خلال الأرقام هذي تقدر تختار مقاس وحجم السلك المناسب والفيوز المناسب

[ابوحسام9]

اي ثلاجة سيارة لازم تحطلها سلك 6ملي ناعم اذا وضعت اقل من المقاس هذا تتعبك
ويمكن تحرق الثلاجة عليك السبب عدم وصول الكهرب المطلوب وايضا يسخن السلك ولايتحمل الكهرباء

[ابوسند9]

وعليكم السلام
زي ما ذكرو الشباب حط سلك من 4 الى 6 ملم
الشي الاخر شوف اسفل الثلاجة بجانب مشبك الكهرباء بالثلاجه فيه زر اسود فيه ثلاث اوضاع خليه دائم على وضع mid

[احلا خال]

شكرا لكم على التفاعل السريع بإذن الله سيتم تغير السلك بسلك 6ملم ناعم في اقرب فرصة اما بالنسبة للفيوز فانا حاط 15 على كلام مهندس في الوكالة يقول لاتحط اكثر من 15 لان فاز الثلاجة كمان 15

[ابن عكاش]

اخوي احلا خال كيف تبي تشتغل الثلاجة ونت حاط سلك ملي ونصف
لازم تركب سلك 6 ملي ناعم من البطارية الى الثلاجة
هذا الكلام من واقع تجربه :good: