ارتفاع أسعار الـشــد عند السنيدي @ الله أكبر يالألماني !!!!!

[جرة قلم]

السلام عليكم
اليوم مريت السنيدي، ومعاي قلص،
مقاس الحوض: طول 170سم ، عرض 120 سم ،
صراحة كنت مبسوط ومستانس، أخيرًا أبركب شــد ،
-
دخلت على المسؤول، وقلت: أبي أركب عندكم شــد مع طبق،
بس بدون كهرباء ولا محول ولا شيء ثاني،
قال لي: السعر 4450 ريال :mad: ،
قلت: كيف كذا، متصل عليكم قبل شهرين، أول الإجازة وقلتوا لي:
تبدأ الأسعار من 2800 ريال، فليش السعر مرتفع،
قال: ارتفاع المواد وأيضًا العمالة أرتفعت أسعارهم،
-
فالله يعين، والله ما ندري وين نلقاها معه، كل شيء أرتفع،
إلا هالراتب ما هو راضي يرتفع ..

[س.س.التميمي]

لاحول ولا قوة الا بالله حنا وارتفاع هالاسعار الله يعينك

[صياد الجبل]

يارجال الله يعين

والله شي يفقع القلب

لارقابه ولا غيره وكل من جاء يرفع في الاسعار على كيفه

[الحربي حاتم]

لاحول ولاقوة إلا بالله
الله لايرزق كل متلاعب وغشاش يرفع الأسعار على المواطن المغلوب على أمره

[الوانيت1]

فصل علي مقاس حوض القلص شراع أو طربال بسحاب قوي مثل اللي يحطون به العفش ويحطونه فوق سلة السوبربانات أو الجيوب وحط أغراضك بداخله وهو مثل الجنطة الطربال وسكر السحاب ويفك أغراضك من المطر والغبار ومن طمع السارق لشاف الأغراض قدامة مكشوفة ودمت سالم أنت ومن يقرأ الموضوع ويعتبر هذا حل حسب قاعدة فن الممكن والمتاح لين ربك يفرجها ويسهل الأمور وسلامتك ...///.

[جرة قلم]

بس معقولة قلص صغير: بالسعر هذا،
أجل لو كان هايلوكس أو سييرا أو شاص: كم راح يكون ؟!!!.

[كثير السؤال]

#الراتب_مايكفي_الحاجة

[مخ سعودي]

فعلا السنيدي قام بزياده اسعاره دون مبرر

[محب الهيف]

حسبي الله ونعم الوكيل

[ابوعقيل81]

كان اول العامل ياخذ باليوم 100 ريال وتحصله بالشارع ينتظرك , الحين ما عاد تحصل عامل بالشارع كلهم مشو , تبي واحد ب200 ما تحصل .

[جي تي]

لاحول وش هل الطمره ولا وشد اي كلام الله يعين بس

طيب ما مريت عروق الشمال جودتهم ممتازه وسعرهم ارخص اخبر حق الهايلوكس غمارتين ب 2800 بدون اي شيء لا طبق ولا كهرب

[المتلولس]

فعلا السنيدي متغيرة اسعارهم بزيادة الله يهديهم بس

[سيف نجد_]

خلاص لا تشترون منه بسيطه كنا عايشين من غيره الله اكبر يا الصنف الي ماتقدرون تعيشون من غيره!

اذا غلا عليك شي اتركه ومرده ينزل مكسور خشمه لكن اذا كل واحد بيشتري ويسوقها انه انا ابي بس حبه لي وش علي بغيري جزاكم الله خير خربتوها!

الفرق في السعر انت اولى فيه منه هو راح يجمع الفروقات ويطق له موتر جديد يدرس عياله بمدارس احسن وخلافه اما انت يا مشتري بتحرم نفسك او عيالك!!!!!

وين المنطق!

[دانفوس]

يالربع دوى الغالي تركه،،،،،،

[السبيعي 503]

ماينلام يرفع السعر شف كم ارتفع سعر الاقامه للعامل من 800 الئ 4000


فرق كبير اكيد كل المحلات بترفع

[سيف نجد_]

ماينلام يرفع السعر شف كم ارتفع سعر الاقامه للعامل من 800 الئ 4000


فرق كبير اكيد كل المحلات بترفع

ماسمعت شي عن ارتفاع اسعار الإقامة والي في النطاق الاخضر امورهم تمام ولا تأثروا وبعدين من كثر رواتب عمالته!؟

والي بيرفع هو الي بياكلها محد مشتري منه!

[سيف نجد_]

ماسمعت شي عن ارتفاع اسعار الإقامة والي في النطاق الاخضر امورهم تمام ولا تأثروا وبعدين من كثر رواتب عمالته!؟

والي بيرفع هو الي بياكلها محد مشتري منه!

وبعدين اذا هو ورشه (برخصة بلدية) كل شي عنده ارخص حتى اشتراك البلدية! بدل ماهو 800 ريال السنة للمؤسسات (كحد ادنى) للورش والمطاعم ب300ريال السنه لا يسوقها!

[جرة قلم]

كان اول العامل ياخذ باليوم 100 ريال وتحصله بالشارع ينتظرك , الحين ما عاد تحصل عامل بالشارع كلهم مشو , تبي واحد ب200 ما تحصل .

علشان كذا، هو قال لي: إن أجرة العامل أرتفعت،
بس ليش يكون على حسابنا ..

[جرة قلم]

لاحول وش هل الطمره ولا وشد اي كلام الله يعين بس

طيب ما مريت عروق الشمال جودتهم ممتازه وسعرهم ارخص اخبر حق الهايلوكس غمارتين ب 2800 بدون اي شيء لا طبق ولا كهرب

أنا من سكان الرياض، وغريب في القصيم، ويا دوب دليت السنيدي،
وبصراحة الكثير نصحوني فيه، وقالوا: إن شغله أفضل ..

[جرة قلم]

خلاص لا تشترون منه بسيطه كنا عايشين من غيره الله اكبر يا الصنف الي ماتقدرون تعيشون من غيره!
اذا غلا عليك شي اتركه ومرده ينزل مكسور خشمه لكن اذا كل واحد بيشتري ويسوقها انه انا ابي بس حبه لي وش علي بغيري جزاكم الله خير خربتوها!
الفرق في السعر انت اولى فيه منه هو راح يجمع الفروقات ويطق له موتر جديد يدرس عياله بمدارس احسن وخلافه اما انت يا مشتري بتحرم نفسك او عيالك!!!!!
وين المنطق!

إذا كان معاك "قلص" وتحتاج تخليه دورين، لكثرة عزبة البر،
وش تسوي، لابد تضطر تركب الشد، وأنا لفيت أغلب ورش الرياض:
لتركيب هنقل، بس كلهم ما يسوون لك هنقل يفتح من الجوانب، بس من الخلف،
وبدون شراع ولا غيره، يعني حديد، وأسعارهم تبدأ من 2000 ريال،
أضف إلى أن شكله راح يكون بايخ، بعكس الشد،
عمومًا إضطريت إني أدفع المبلغ، لأني عانيت من الرياض، ولا أحب أرجع بخفي حنين ..

[جرة قلم]

معلومة ذكرها لي صاحب ورشة سوافي بالرياض:
إن السنيدي وعروق الشمال يسوون (الشد) في ورشة الوادي بالرس،
حديد بس، وهم أي السنيدي وعروق الشمال: يقومون بتلبيسة الشد ..

[ممتر البران]

خلاص لا تشترون منه بسيطه كنا عايشين من غيره الله اكبر يا الصنف الي ماتقدرون تعيشون من غيره!

اذا غلا عليك شي اتركه ومرده ينزل مكسور خشمه لكن اذا كل واحد بيشتري ويسوقها انه انا ابي بس حبه لي وش علي بغيري جزاكم الله خير خربتوها!

الفرق في السعر انت اولى فيه منه هو راح يجمع الفروقات ويطق له موتر جديد يدرس عياله بمدارس احسن وخلافه اما انت يا مشتري بتحرم نفسك او عيالك!!!!!

وين المنطق!

عساه صدق مير يد لحالها ما تصفق
صف معنا وخلهم يعيشون!!!!!

[راعي الرود]

يارجال كل شيء بيستمر بالزياده الا الرواتب ..

طمع في هالناس مدري نلقاها من الاجانب اللي لعبو في حسبه الديره ولا التجار اللي شفطونا شفط

اخوي لا صادفت اشياء زي كذا لا تتردد على طول بلغ وزارة التجاره تراها تشتغل على قدم وساق الوزير الربيعه ماقصر في التجار يتراعدون منه

هذا مزود 1650 ريال على الشد و العذر اقبح من الذنب

ماوده بعد ندفع رواتب العمال عنه ؟

[فتى الوادي]

أخوي " جرة قلم "
ممكن صور للشد اللي ركبته على القلص بعد التركيب .