سخان ماء فوري بدون انتظار بريق الفواح

[كاشت من زمــان]

بعد ماتنتهي من يوم حافل بنشاط .. من صيد وطبخ ونفخ وسواليف خاثره في البر
بتنام ... وانت حول ماتنوم .. او وانت نايم تقول :confused:
الله يعين لما اقوم .. واتوضاء واصلي الفجر ...اكيد المويه بتصير ثلج !!
واذا انت مع شباب .. تتمنى تقوم اخر واحد على شان تلقى المويه فايحه وجاهزه

على شان كذا قلت لازم اعلم اخواني وربعي اللي في المنتدى
واتمنى انها تعجبكم
لاكن .... مافية صور ... لاكن ..انشاء الله بعد الاختبارات تكون مدعم بصور

المكونات

1 - انابيب نحاس
مثل اللي يستخدمونه في المكيفات والثلاجات
2 - قز متوسط الحجم
3- تلحيم وتخريق

اذا فيه احد من اعضاء المنتدى شاف في سوريا ولا مصر اودول تستخدك الغاز كثير
راح يفهم الموضوع بسرعه ..!!
لان هذي الدول تسخن الموية اللي يتروشون فيها بنفس الطريقه ولاكن طريقتنا مصغره
وطريقتم
انهم شابكين الموية بجهاز عباره عن مجموعه انابيب مرتبة بطريقه متداخلة وتحتها
قز نار... واذا مر الموية ولع النار على الانابيب وطلع الموية حارة .. بشكل فوري
وفية حساس موجود في الجهاز .. كل ما زاد كمية الماء داخل الانابيب زاد كمية النار علية
والعكس صحيح ..


الطريقه الجديده والبسيطه للسخان البر
مستنسخ من الطريقه اللي شرحتها لكم
واصغر منه بكثير لان الجهاز اللي قلتلكم عليه كبير

الطريقة
طوي انبوب النحاس .. بطريقه معينه ولازم تحتاج تروح لصناعية على شان يسونها لك
وطيها تكون تحسب 10 سنتي متر وتطويه على تحت وتحسب 10 سنتي متر وتطويه على فوق
وهاكذا تحت وفوق ... تحت وفوق طبعا بيكون على مستوى واحد
وبعد ماتنتهي ,,, تاخذ طرف وتطويه بداخل ..مثل ماتطوي السجاده .. بعده بيكون شكله دائري
ومتعرج من الداخل مثل ما شرحت ..

بعد ماتخلص .. تشوف حجمه وتحاول تفصل عند اللحام شىء يسقط فيه
وتخرق له ثلاث فتحات :
1- فتحة للموية الداخله
2- فتحة للموية الخارجة
3- وفتحة للي الغاز
طبعا تحت الانابيب اللي شرحت طريقتها بيكون تحته قز مناسب لشكله
طبعا .. عملية الثبيت بيكون عند اللحام .. على شان يثبت كل شىء

النتائج:
مذهله !!! جدا لان الموية بتكون حاره خلال 3 ثواني
اذا بغيت مويه فايحه بامكانك تعلي على النار
اذا بغيت مويه وسط على شان تقدر تغسل او تتوضا منه توطي على النار
وهاكذا .... يعني حراره المويه بتكون على وزنيتك مع النار


الطريقة هذي يفضل يكون بصور ... وانشاء الله وبعونه قريبا ...
بس بعد الاختبارات .. ابشرو ...

اتمنى ان الفكره وصلت .. وااتمنى انشاء الله انها تعجبم
خصوصا انها ماتكلف !!! وتقدر تسويها بنفسك


اخوكم
كاشت من زمان

[راعي كيف]

الله يعطيك العافية عز الله إنه طريقة اكثر من رائعة فعلاً النحاس سريع الحرارة ويمسك الحرار بعد .
لاكن عندي سؤال بس لاتزعل;) ( عندك خبرة بالشعبان ):D :D :D





تحياتي واشواقي
ابو ناصر

[جاروود]

بسم الله الرحمن الرحيم


فكره حلوه وعلى العموم تراه موجوده وجاهزه تشتريها من بعض محلات مستلزمات الرحلات
ولاكن سعرها غالي شوي 110 هاذ السعر عند محل واحد انا شفتها عنده ومدري يمكن في أرخص من هاذا السعر


والله يعطيكم العافية

[مهارش]

فكره ممتازه جدا لكن صراحه تنفع اثناء الطبخ لما يبى الطباخ ماء حار وبسرعه او اثناء عمل الشاهى و القهوه اول ماتحولون من السياره توكم واصلين وخرمانين شاهى و قهوه . لكن بالنسبه للوضوء للصلاه افضل طريقه واسرع تلقى الماء قدامك من تطلع من الخيمه توك قايم من النوم هى انك قبل ما تنام تجيب الذرايه ( ذرايه الطبخ عن الهواء ) و تسدحها على مابقى من جمر ( لأنكم اكيد شابين نار ) ثم تحط بريق تفويح الماء بعد ملئه بالماء على الذرايه . ماتقوم من النوم الا والماء حار او دافى حسب الجمر وحسب عددكم و حسب كميه الماء فى البريق .

تحياتى

[الطبيب]

اذا تبي ما صاخن الصبح

عليك بالطريقه التاليه
قبل ما تنام حط البريق الكبير حق الما فى وسط النار ثم ادفن الباقي منها (الاطراف) واذا قمت الصبح شل البريق على طول تلقاه حار
ثم احرث النار وزد الحطب علشان تولع
لان النار مثل ما يقولون البدو ( الشي الوحيد اللي ليا شقيت قلبه حيا )

هذا والله اعلم

والسلام ختام

[مرووووق]

الفكره حلوه ..



ياريت يكون فيه صور