عندي جهاز تعقب بسيارتي !!!

[nokrs]

السلام عليكم


كيف الحال اخواني انا متاكد ان في سيارتي جهاز تعقب وابغى افكه وسؤالي هل يوجد جهاز يكشف مكان جهاز التعقب ؟؟؟ واين اماكن وضعه ؟؟ وانا رجال ابغى افكه تتوقعون يطلعونه حقين الزينه تكفون افيدوني وجزاكم الله خير

[عز الرفيق]

اكيد فيك بلا ماحط جهاز التعقب الا فيك بونه

[111333]

اذا الموتر موترك من يبي يحط لك جهاز ؟؟

[دانفوس]

هذا السهر ومايسوي ههههههههههههه


امزح

[سعودي اول]

اكيد السيارة منتهي بالتاجير خخخخخخ

[ناصح]

السيارة شاريها مستعملة

ولا اجار ولا وشف السالفة ..؟؟؟

[nokrs]

اجار منتهي بالتملك

[بدوي502]

يمكن المدام شكت فيك هههههههههههههه امزح معك جرب روح محل الزينه

[التعـ King ـديل]

ايجار منتهي بالتمليك ولو فكيته ترا عليك مشكله من الشركه او البنك اللي مطلع السياره منه

لذلك تحمل لين ينتهي العقد ان شاء الله على خير ويفكونه هم

[ناصح]

هل كل وكالة السيارات تعمل النظام نفسه ..؟؟

[شنطة عده]

تحصله تحت الطبلون والا تحت كرسي السائق

[سيف نجد_]

في حالة ان سالفتك عقد ايجار منتهي بوعد التملك فعلاً

والعقد الي بينك وبين الشركة المؤجرة ما نص على هذا لشي ولا اخذوا موافقتك عليه نصيحتي لك ترفع شكوى لوزارة الداخلية مباشرة وتطلب التحقيق خصوصاً ان البنوك وشركتت التأجير المنتهي بوعد التملك ما لها حق التجسس! ولو انسرقت او صار الي صار هم مأمنين على السياره أولاً ثانياً الداخلية هي الجهة المسؤولة عن تحديد موقعك عداها مالهم اي حق بتحديد موقعك ولا متابعتك والتجسس عليك!!

والبنوك اكيد ذكية ومأمنه على عقودها يعني مهب عذر! انهم يتجسسون عليك

[ابوعقيل81]

في حالة ان سالفتك عقد ايجار منتهي بوعد التملك فعلاً

والعقد الي بينك وبين الشركة المؤجرة ما نص على هذا لشي ولا اخذوا موافقتك عليه نصيحتي لك ترفع شكوى لوزارة الداخلية مباشرة وتطلب التحقيق خصوصاً ان البنوك وشركتت التأجير المنتهي بوعد التملك ما لها حق التجسس! ولو انسرقت او صار الي صار هم مأمنين على السياره أولاً ثانياً الداخلية هي الجهة المسؤولة عن تحديد موقعك عداها مالهم اي حق بتحديد موقعك ولا متابعتك والتجسس عليك!!

والبنوك اكيد ذكية ومأمنه على عقودها يعني مهب عذر! انهم يتجسسون عليك

+++++++1111111

[البرقان]

أول مرة أسمع عن جهاز تعقب في سيارة مؤجرة !!!

[ممتر البران]

سعوديين والله ما نرفع شكوى ولا نحرك ساكن
واصلي والله معاكي !!!!

[ast1410]

انتبه لايكون فيه كاميرا بعد

تكشفك وأنت تفكه

المهم لو فكيته حطه بتريله وخلهم يتوهون وراها

[aboodi-aboodi]

إذا كانت سيارتك تويوتا
فتأكد 1000000% إن سيارتك فيها جهاز تعقب ، علشان إذا تأخرت بالتسديد يطفونها عليك .
وبعدين تضطر إنك تجيبها بسطحة للفرع اللي شريتها منه علشان يشغلونها لك
(عقاباً لتأخرك بتسديد القسط)

[ابونبيل]

انتبه لايكون فيه كاميرا بعد

تكشفك وأنت تفكه

المهم لو فكيته حطه بتريله وخلهم يتوهون وراها

هههههههـ:😂£ههههههه الله يسعدك ياشيخ :D

[sameer_1798]

وعليكم السلام ورحمة الله
ياخوي هذا حلال المسلمين وكل واحد له طريقه في ادارة املاكه مهما كانت ولو نشرنا طريقة معرفة اجهزة الاقمار او التعقب والغائها نضر المجتمع بهذه الطريقه ويستفيد منها القاصي والداني وقد تقع بايدي غير سويه .
لذلك الافضل خلص من التزاماتك مع الشركة وهم يفكون الجهاز بطريقتهم .

[ابوو زيد]

إذا كانت سيارتك تويوتا
فتأكد 1000000% إن سيارتك فيها جهاز تعقب ، علشان إذا تأخرت بالتسديد يطفونها عليك .
وبعدين تضطر إنك تجيبها بسطحة للفرع اللي شريتها منه علشان يشغلونها لك
(عقاباً لتأخرك بتسديد القسط)

نفس الكلام صار لواحد من الشباب ماخذها من تويوتا النوع كرولا

ارجال متاخر بالاقساط شهرين طفو عليه السياره

و الجهاز حاطينه عند الحزام حق السواق

[المميـز]

:

اذا كانت السيارة ايجار او ايجار منتهي بالتمليك
فهو من حق المالك المؤجر وضع جهاز تعقب في سيارته
ليس لمراقبتك بل عند الحاجه مثل التأخر بسداد الدين
او ايجار يومي وتأخرت في ارجاعها
واشوف الجهاز ايجابي من ناحية سرقة السيارة لاسمح الله
ايجادها يكون سهل بإذن الله تعالى


:

[ma_saad]

السلام عليكم ورحمة الله و بركاته


ياخوي كيف عرفت ان سيارتك بها جهاز تعقب

انا مطلع من عند عبداللطيف جميل سيارة و خلصت اقساطها وحولتها باسمي

لو كان فيها جهاز تعقب كان قالي روح الصيانه قبل ما نحول السيارة باسمك



لكن لكي يطمأن قلبك
فكك السيارة تحت الديكورات و البدي

واذا حصلته صوره لنا