........

[مخاوي الصقور]

حبيت اكتب لكم هالقصيده
وان شاء الله تنال اعجابكم


همي سرى من بعد ماشاب هالراس ....
وقلي ترى موعدك باكر تحــــــــراه
اعرف ترى موعده مع هجعة الناس ....
واعرف متى ياخذ قليبي لمســـــراه
مدري متى يقفي ترى الفكر منحاس ....
مدري وهمي شي ياخوك ماقــــــواه
ودي قبل لا يضرب الفاس فالراس ....
ينهض رباة العود ويشوف شكــــــواه
ودي يشوف الهم وش لون هو داس ....
على جريح يصيح محدن توقــــــــاه
ياسر ترى قلبي شكى هم مع باس ....
حملي ترى حملك وفعلك عرفنــــــــــاه
من يوم راح اللي معه عز مجــــلاس ....
رددت بأعلى الصــــــــوت اواه اواه
ابيك تشفيني وابي منك نومـــاس ....
ونفسي شكت لك ياهوى البـــــال ودواه
يلفي علي نجوس من جملة انجاس ....
ينشد عن الخافي يبي شي مابـــــــــاه
اقول له بيتن حفـظته مع الناس ....
واشـوف هو يقدر على فـك معـنـــــــــــاه
ان كان حله شفت له ثوب ولباس ....
وان كان لا والله تركته بدنيــــــــــــاه
يصير تايه يضرب اخماس بأسداس ....
ومن لا عرف لغزك يجي يوم ينساه]

[وضح النقا]

~


ومن لا عرف لغزك يجي يوم ينساه<<<<<<




مخاوي الصقور....


لاهنت... وبيض الله وجهك وصح لسانك..


قصيدن طيب من وجهن أطيب..


تقبل

إعجاب

وتحيات

أخوك

<<<<< وضح النقا

,,

[المسفهل]

مشكور كل الشكر أخي مخاوي الصقور على هذه الهدية الثمينة ..

أبيات حلوة ومعانٍ الجملة ..

[مخاوي الصقور]

اكبر فخر يوم ان مثلك وشرواك ......... يلفي على شيٍٍ كتبته بيمناي


سلمتوا يالغالين على تشجيعكم لي
ومالقيت الا هالبيت اللي من ضميري اهديتكم اياه
تحياتي,,,

[فهاد]

يحق لك تفخر بما خطته يمناك ....... يومن قريت الشعر حطيت مركاي
يامخاوي صقر سكن بين الافلاك...... ياللي كتبت الشعر يحفظك مولاي

[مخاوي الصقور]

.

[مخاوي الصقور]

انا اشهد انك قرم من يوم شفناك .... رديت عالموضوع وشفت شكواي
تاخرت في ردي وماني بشـــــكاك .... انك لمست الجرح في سر دنـــياي