المساعد الشخصي الرقمي

مشاهدة النسخة كاملة : أصحاب الباث :: أحد جرب ها الحل لصوت الطقه الخلفية ؟


أبوناصر
07/10/2006, 09:43 PM
السلام عليكم ورحمة الله وبركاته


كل من معه باثفايندر يشتكي من صوت طقه في الخلف

طق حديد في حديد كأنه دبة غاز تضرب في حديد


وعلى كلام بعض الشباب قالوا لي المشكلة في جلد المقصات الخلفية اثنين على اليمين واثنين على اليسار واحد طويل وواحد قصير



الحل الي سمعته إنهم يغيرون ها الجلد بجلد باترول يقولون تركب مضبوط وأرخص ويروح الصوت


المشكلة مغييرها من قريب بحق الوكالة


فإذا فيه أحد جرب الحل وراح الصوت يعلمني والله على طول بغييرها ولو كانت غالية ما همني مليت من الصوت


تقريبا بعد ما شريته وكالة ب8شهور وهو طالع ها الصوت

يا شباب من جرب الحل لا يبخل علينا







====================

على طاري الصوت عندي صوت قدام على اليسار كنه تحت رجلي طقطقه مع المطبات واللفات وغيرت الأذرعة والركب ولا راح تتوقعون تكون الدودة ولا أوديه الوكالة وأريح عمري
المعمري
07/10/2006, 10:15 PM
اخوي - ابوناصر
بالنسبه لصوت الطقه اللي قدام على اليسار تطلع عندي على خفيف مع ان الموتر استعمال خفييف ولا ندري هل هو عيب مصنعي لايظهر الابعد الاستعمال كما هي العيوب الثانيه الى تشوفها في المنتدي
كم موديل السياره
ودمتم بود اخوكم-
نجد 1
07/10/2006, 11:09 PM
اخوي المعمري
نفس المشكله صارت معى فى الصوت فى الجهه اليسرى الاماميه
( وهى عباره عن صوت العمود داخل المساعد يطلع هذا الصوت لوجود فضاوه فيه لتأكل الربله،
واذا كنت متظايق من الصوت فعليك تغير المساعدات،
m1m
07/10/2006, 11:35 PM
أنا ما أعرف الطقطقة اللي تتكلم عنها .. لكن إذا كانت متكررة ( عند الملفات اللي فيها مطبات خفيفة ) يعني مو طقة وحدة وبصوت خفيف .. فهذي جلد البدي

وانصحك بالتوجه لميزان المجد .. في صناعية الرياض الكبيرة
imksa
08/10/2006, 01:27 AM
توي مطلع باث فايندر 2006 اول رمضان


وفعلا اسمع صوت على اليسار في الامام ؟؟؟


تتوقعون طبيعي ؟ باقول لهم في فحص 1000 كيلو عنه .



بس وين الوكاله اقرب فرع للوكاله في الشمال


فمان الله
أبوناصر
08/10/2006, 01:52 AM
حياكم الله جميع


أخوي المعمري موديل سيارتي 2003 ونشوف الشباب وتجاربهم


نجد1 والله ممكن على كلامك المساعد تراي لامني قمت ألعب بالموتر يمين ويسار وأنا مهدي بالحيل يطلع الصوت مع كل لفه طقه
يمكنه المساعد ليش لا

نفكه ونجرب


مشكور اخوي m1m (http://www.mekshat.com/vb/member.php?u=20222) ونمر الميزان ونسألهم



أخوي imksa (http://www.mekshat.com/vb/member.php?u=23828) لا أوصيك في الوكالة علعلبهم ولا ترحمهم ولايهمونك طلع حاجتك منهم بالقوه ولا جربت أنا موديل ولا عندي خلفيه عنه 2006


أقرب فرع وبالأصح الفروع الوحيده في مدينة الرياض على طريق خريص للشرق بعد الدائري واحد على اليمين جمب الجميح وواحد على اليسار بعد مسافه




إلا على طاري الوكالة والله قهر نيسان على كثر سيارتها ومحبينها ما لها صيانة في الرياض إلا 2 وفي نفس الشارع


وقطع الغيار الوكالة تنعد على الأصابع الي أعرفه

2 على خريص

1 شارع الأحساء

1 الصناعية القديمة

1 في ام الحمام


وبس ولا أظن فيه غيرها ولا راح تلقا القطعه كلها في جده أو الجهاز عطلان



الله لا يوفقه من وكيل مدمر سمعت نيسان



=====================================


يا شباب ما أحد جاوبني عن الصوت الي في الخلف

والزوار الي ما لهم يوزر في المنتدى هذا ايميلي ارسلوا لي الحل تكفون
qarenh@hotmail.com

في أمان الله
imksa
08/10/2006, 01:33 PM
جزاكم الله خير


وخاصة اخوي ابو ناصر الله يجازيك بكل خير ويعطيك من واسع فضله


فمان الله
ابو؟؟؟
08/10/2006, 03:26 PM
صح كلامك بابو ناصر انا سيارتي موديلها 2005 وتوني مغيرها والله انها احسن من حقت الواكالة غيرها وبتشوف الفرق من جد

واللي مو مقتنع يروح اقرب ورشة ويقولة شيك علي جلد المقصات الخلفية وهي 8 قطع

وشكرا
أبوناصر
09/10/2006, 01:23 AM
أخوي أبو؟؟؟ أنت الي أدورك من زمان ممكن تضيفني على المسنجر


وش بالضبط الي كنت تشتكي منه ؟؟

وش الحل الي سويته بالضبط ؟

ياليت كل التفاصيل الورشة سعر القطع وخلافه


بالتفصيل الممل الله لا يهينك
ابو؟؟؟
09/10/2006, 02:50 AM
ابوناصر كيف الحال

اضيفني عندك وابشر بعزك من الي ولا يهمك واذا تبي اي شي زود امر


هذا اميلي anm222@hotmail.com (اميليanm222@hotmail.com)

شكرا
عبدالرحمن السالم
09/10/2006, 01:01 PM
ياجماعه انا معي 2005 اذا سكرت الباب اسمع صوت بالصدام بالرغم ان مافيه ولا صدمه

بس يمكن مثل الصوت اللى تقولونه يسار .. وش الحل وش سويتو افيدونا تكفون ..

أبو ناصر تكفى وش سويت علمنا عشان نستفيد كلنا

تحياتي للجميع ،،،،،،،،،،،،،،،،،،،،،،،،،،،،،،،،،،،،،،،،،،،،،
أبوناصر
10/10/2006, 02:02 AM
إذا قصدك الصوت الي ورا على اليسار ورا الكفر مع صكت الباب فهذا عادي جدا لو تطل تحت بتلقا قطعه تفتح مع صكت الباب عشان تنسم لضغط الهوا الي في السيارة وللتأكد افتح الدرايش وسكر الباب


ما راح يطلع الصوت إلا إذا الدرايش مسكرة



هذا الي عندي اذا الشباب عندهم راي ثاني لا يبخلون علينا




اخوي ابو ؟؟؟؟ ما عليك أمر يا الطيب

لو ما تلاقينا على المسنجر لاختلاف الوقت فحط الجواب هنا عشان الشباب يستفيدون

وعلى المسنجر نلقا علومك الطيبه بحول الله
كيف النشاما
10/10/2006, 02:17 AM
انا صار عندي طقه وهي ضربة حديد بحديد

لكن الحمد لله صلحته
والطقه أن الشكمان يرتخي من الجهة الي تحت السواق لأان مابه شيالات ويرتكي على حديده الشاصي
فيبدا اذا اخذت مطب ضرب
وهذي عن تجربه
إبن فيصل
10/10/2006, 02:46 AM
السلام عليكم ورحمة الله وبركاته أبو ناصر وجميع الاخوة الاعزاء المشكلة هذه قد تحدث في كثير من السيارات وأسبابها عدة وتدوخ :confused: الرأس لكن أنا أبقول لكم تجربة صارت لي بس في سيارة ثانية وهي الشيروكي ....بتقولون وش جاب الشيروكي للباث فاندر لكن أنا أقول الخرابات تتشابه في معظم السيارات..المهم المشكلة عندي كانت طقة حديدXحديد وعجزت كلما دخلتها ميزان شيك عليها وقالي سيارتك زينه ما بها شي وحاولت كثير لكن لم أجد حلاً شيكت على الفرامل والاعمدة وكل شي لكن ما لقيت شيئ أيست :no: المشكلة أن الصوت ما يطلع دايم يطلع مع اللفات ومع الفرامل وكثير من قالي يا خي هذي العكوس حقت الدبل ما طول عليكم أخيراً مريت واحد راعي ميزان صدفة شكله ما يهيئ لكن قلت يمكن يطلع منه شي وفعلاً ناظر تحت ودور ولقا المشكلة حديدة تحت والله ما أدري وش عملها لكن مرتخية ولا فيه جلدة بينها وبين الحديدة الثانية قالي راعي الميزان رح للتربيط وربط السيارة وخله يربط أهم شي هذي المرتخية وفعلاً ربطتها وألحين راحت ولاعاد سمعتها ..أنا أعتقد أن المشكلة عند الاغلبية هي التربيط دورو محل تربيط ممتاز وربط السيارة وأعمل لها تشحيم إن كان لها تشحيم وبإذن الله بتزين.
والسلام عليكم ورحمة الله وبركانه.
وتقبلوا تحياتي..إبن فيصل،،،
عبدالرحمن السالم
10/10/2006, 11:55 AM
مشكور ابن فيصل ماقصرت

..............................

انا معي باث 2005 وش حليله الحمد الله ما اشتكيت منه ابد اللهم الصوت اللى قلت عنه بس اشوا طلع طبيعي

يالله بالتوفيق للجميع ..
أبوناصر
10/10/2006, 07:31 PM
الله يوفقك أخوي دحيم