بركب يايات استراليه ماهو المقاس المناسب للباترول 97

[الرجم النايف]

السلام عليكم
بركب ياي استرالي طقم بﻷمام والخلف ﻷن الموتر نازل شوي ومنظره لك عليه وكذلك بالبر مايساعدني ببعض اﻷرض الوعره الموتر استخدام بر اكثر شي ياليت الي ركب هاليايات يعلمني وش المقاس المناسب يعني مايكون رافع الموتر كثير يكون مناسب وماهي المساعدات الافضل مع الياي الاسترالي وشكرا للجميع ®©

[Abo_Faisal_506]

يايات 3سم
المساعدات في مورانو الصفرا زينه
واذا راعي مطامر ركب مساعدات الاستراليه غاز وزيت بحول ٨٥٠

[الرجم النايف]

الي جرب يعلمنا
مشكور اخوي على اﻷفاده

[ابوتركي83]

مثل ما قالك ابوفراس 3سنتيميتر افضل مقاس وبالنسبه للمساعدات حق الشاص2002 الامامي يركب على الباترول امامي وطيب افضل من حق البلد قوي شوي وسعرالمساعد الواحد تقريبا ب120 ريال

[الرجم النايف]

مثل ما قالك ابوفراس 3سنتيميتر افضل مقاس وبالنسبه للمساعدات حق الشاص2002 الامامي يركب على الباترول امامي وطيب افضل من حق البلد قوي شوي وسعرالمساعد الواحد تقريبا ب120 ريال

يابو تركي يعني لاجيت الرمايه اقول عطوني مقاس الوسط ؟

[abu-turki2009]

بالنسبة لي مركب ياي سترالي خلفي 3سم وأمامي بلد والمساعدات طقم شاص 2002

[ابوتركي83]

ايه اخوي قوله مقاس 3سم
ولو تركب خلفي مقاس 3سم وامامي نفس مقاس الوكاله افضل تصير وقفة الموتر ما شاءالله مره حلوه
للمعلوميه اليايات اللي راكبه على السياره الحين نازله لانها قديمه يعني الياي الاسترالي مقاس الوكاله يجي ارفع من اللي عندك والياي الخلفي خذ مقاس 3سم وزن 150كيلو وان شاءالله راح تعجبك
احنا ركبنا على باترول ربع خلفي مقاس 6سم وامامي مقاس 3سم وطلع مرفوع حيل وقره بالقير ونزلنا القير شوي وبعد فتره رجعنا وقصينا منها 3سم وزانت الامور

وسامحني على الاطاله.

[الرجم النايف]

ايه اخوي قوله مقاس 3سم
ولو تركب خلفي مقاس 3سم وامامي نفس مقاس الوكاله افضل تصير وقفة الموتر ما شاءالله مره حلوه
للمعلوميه اليايات اللي راكبه على السياره الحين نازله لانها قديمه يعني الياي الاسترالي مقاس الوكاله يجي ارفع من اللي عندك والياي الخلفي خذ مقاس 3سم وزن 150كيلو وان شاءالله راح تعجبك
احنا ركبنا على باترول ربع خلفي مقاس 6سم وامامي مقاس 3سم وطلع مرفوع حيل وقره بالقير ونزلنا القير شوي وبعد فتره رجعنا وقصينا منها 3سم وزانت الامور

وسامحني على الاطاله.

بيض الله وجهك يابو تركي كلامك وااافي وعلمك غانم ماقصرت يالغالي

[ابوتركي83]

بيض الله وجهك يابو تركي كلامك وااافي وعلمك غانم ماقصرت يالغالي

ووجهك ان شاءالله
الله يسهل لك امورك بس لاتنسى الجلد اللي تجي فوق اليايات احتمال تلقاها مو كويسه اذا قريب منك قطع نيسان تمام فك اليايات القديمه وشيك عليها اما اذا قطع نيسان بعيده عنك تفك اليايات وتتوهق احنا فكيناها وطلعت مقطوعه وخلينا الموتر معلق لين ما جبنا الجلود من قطع نيسان اللي يبعد عنا تقريبا 100 كيلو

[الرجم النايف]

ووجهك ان شاءالله
الله يسهل لك امورك بس لاتنسى الجلد اللي تجي فوق اليايات احتمال تلقاها مو كويسه اذا قريب منك قطع نيسان تمام فك اليايات القديمه وشيك عليها اما اذا قطع نيسان بعيده عنك تفك اليايات وتتوهق احنا فكيناها وطلعت مقطوعه وخلينا الموتر معلق لين ما جبنا الجلود من قطع نيسان اللي يبعد عنا تقريبا 100 كيلو

ابوتركي الجلد تكون ثابته بالبدي فوق اليايات ولا على اليايات القديمه ؟وهل اليايات الجديده يجي معاها هالجلد ؟
كذلك عندي تساؤل اذا ركبت الياي الاسترالي هل يلزم انزل القير ام لا ؟ ﻷن واحد من خوياي رافع موتره بالياي اكبر
مق
اس وفوقهن بعد كعكات وهربت معاه صوفت القير قالوا له بسبب العمود عليه ضغط وممتس حيل بس هو رافع موتره بشكل غير طبيعي رفع بزيااااده

[ابوتركي83]

بالنسبه للجلد تجي قطعه لوحدها وماهي ثابته تجي قطعه مثل اللستك اللي يركب داخل الكفر والياي ما يجي معاه جلد تشتريها لوحدها من قطع نيسان وبالنسبه لقرة القير اعتقد 3سم مايحتاج تنزل القير ان شاءالله ما يطلع صوت والكعكات ما انصحك تركبها خليك على الياي والجلده حق البلد واذا كانت الجلده كويسه ما يحتاج تغيرها. ... وسلامتك

[ابو صالح 77]

إذا كنت بالقصيم أو تقدر تجئ للقصيم
عند محل 4*4 في بريدة حي الضاحي
عنده مساعدات أسترالية أفضل من حقات الرماية
إضافة أنه يركب لك المقاس اللي تبي
بالتوفيق

[قناص مزاجي]

إذا كنت بالقصيم أو تقدر تجئ للقصيم
عند محل 4*4 في بريدة حي الضاحي
عنده مساعدات أسترالية أفضل من حقات الرماية
إضافة أنه يركب لك المقاس اللي تبي
بالتوفيق




عطنا رقمهم بلقصيم