ايهما افضل البطارية العادية او الالكترونية

[ابوشهد575]

﷽
الاخوان اعضاء مكشات الكرام
السلام عليكم ورحمة الله وبركاته
تحية طيبه للجميع وكل عام وانتم بخير






مثل ماهو موضح بالعنوان ماهو الافضل بين البطاريات السائلة اوالجافة
لسيارات البر اذا كانت للسياره بطاريه واحده وعليها بعض التجهيزات من ثلاجه ومحول وكنود وغيرها
ماهوالافضل من ناحية عمر البطاريه ومن ناحية قوة تحملها ؟
وماهو النوع الجيد والماركه المجربه؟

[صاحب بوعبود]

سيارتي لندكروزر جي عليها بعض التجهيزات من : ثلاجه-محول كهرب - لمبات الليد- وبطاريتي ايسي ديلكو ٩٠امبير لها ١٠شهور والحمد لله ماشتكيت منها من واقع تجربه.

[سعيد العقير]

من حكم تجربه للاند كروزر بشكل خاص وتويوتا بشكل عام بطاريه تويوتا السائله تشتريها من الوكاله ممتازه وعمرها اكثر من البطاريه الاتوماتيك مثل ايسي ديلكو او هنكوك فعمرها سنه كامله فقط بالضبط بل باليوم تنتهي ويلزم استبدالها
اما البطاريه العاديه تويوتا مجربها بنفسي تعيش اكثر من سنتين ولكن تحتاج لزياده الماء المقطر كل فتره يعني عند تغيير الزيت

[مطر وربيع]

العادية اطول عمر ممكن تعمر لك 3 سنوات لكن لازم متابعه لمستوى الماء
الالكترونية تريحك من الصيانة والمتابعه لكن حدها بالكثير سنتين وتطفي

[لاتكب البيالة]

مدام عندك تجهيزات وبطارية واحدة انصحك بالابتما ااضمن لكن حاول تشغل السيارة كل 3 ساعات لمدة 10 دقايق اضمن انه ما تفضى

[ابوشهد575]

الله لا يهينكم يالنشاما بيض الله وجيهكم على ها الاراء استنتج ان العاديه افضل مع الصيانه المستمره
تكون اطول عمر وفيها مجال للتعبئه بعكس الالكترونيه تطفي
فجأءه


شاكر ومقدر لكل من شارك ومن لديه رأي آخر يتحفنا


وشكراً للجميع

[الوووحيد99]

السلام عليكم

السيارة جيب علية ثلاجة وقارمن وجهاز مكالمات واكباس امام ولمبات جانبية

كنت مركب بطارية الكترونية وطفت فجاة وغيرتها بجديدة ونفس المشاكل بعد مرور شهرين

والحين مركب بكارية عادية والحمدلله لها لها 6 شهور من غير اي مشكلة مع العلم اني كل اسبوع بالبران والثلاجة شغالة والجهاز شغال ومافيه اي مشكلة

واحرص على اقل شي 90 امبير وابتعد كل البعد عن بطاريات هنكوك والبطاريات السعودية من واقع تجربة بعض الاصدقاء

ملاحظة : انظر تاريخ البطارية فلابد ان يكون لم يمر على تصنيعها اكثر من 3 شهور لان عمر البطارية الافتراضي هو سنة واحده .

[ابوشهد575]

الوحيد ٩٩

شكراً لمشاركتك القيمه
فعلاً مثل ماتفضلت انت والاخوان بان العاديه افضل

[ابوحسام9]

اشتر بطارية الجيب الشاص الوكالة ومراح تندم من واقع تجربة

[wafian]

البطارية العادية أفضل بكثير بشرط متابعة الماء فيها

[ابوشهد575]

شكراً لكل من مر هنا ولكل من شارك



تحياتي للجميع

[الحربي حاتم]

والله ماندري وش الزين كل الموجود الآن غشش * غشش

[اااالرااااكد]

العايدي افضل بس اهم شي ربطها زين عشان ماتنكب

[sulaiman.fj40]

عندك بطاريات اوبتيما امريكيه اومكسيكيه النوع الاصفر ويستخدمها الجيش الامريكي وتعمر اكثر من خمس سنوات وتتحمل ولا تحتاج تعبأه لان داخلها نوع من الجل ولا تهرب ولكن سعرها فوق الالف ريال/ استخدمت النوع الاحمر عندي على جيب ربع تويوتا 84 ويجلس بالقراج 9 اشهر واشغله كني مركبها اليوم/ الحمرا اقل امبير وسعرها بحدود 900 ريال وتستاهل لها 3 سنوات الان ماتغيرت قوتها.

[وهج الحياة]

العادية التي تعبأ أفضل للي عنده استعداد يتابع مويتها لأنها اقوى وتدوم اكثر
والالكترونية افضل اللي ما عنده استعداد للمتابعة وفي الغالب لا تتجاوز سنة وستة اشهر

[ابوشهد575]

بارك الله فيكم جميعاً

[محامي وراط]

مساكم الله بالخير جميعا

حبيت اطرح تجربتي مع البطاريات العاديه والالكترونيه

من بطاريات الغرابي ( اللي صارت كلها غش ٭ غش )


التعبئة لو تشوفه ببلاش انحش عنه

داااايم تفور وتملح ببعض السيارات باستمرار


الالكتروني افضل منه بكثيير لا تفور

ومامنها مشاكل غالبا ...

وللمعلوميه اغلب بطاريات

الوكالات + الغرابي + أم الحمام

صارت صناعتها محليه وجودتها ردئيه جدا

وعمر البطاريات ايا كان نوعها سنه او سنه وشهرين فقط

اهم شي احرص على الفاتورة + ضمان سنه

ولا تدفع على البطاريه اكثر من 200

لانه واجد عليها + احرص على 70-80 امبير


واذا تبي رايي على هالاضافات

تحتاج بطاريتين بــ 400 ريال

او اذا تقدر على بطارية اوبتيما الامريكيه افضل لك ...

وافضل نوع يمدحونه الشباب حاليا هانكوك الكوريه ...

[الوافي.]

البطارية العادية افضل عن تجربة ما ارتحت الا يوم غيرت من الالكترونية اليها ولكن عود روحك انك تشوفها كل اسبوع وتعبي النقص اذا حصل
ونصيحة اذا مرت عليها ستة اشهر فكها وفرغها من الاسيد واغسلها بالماء العادي واقلبها حتى تنشف بالمرة وخذها على محل البطاريات واطلب منه يعبيها مرة ثانية بملغ عشرة او خمسة عشرة ريالات
بكذا تعيش معك سنوات عديدة
معي للحين لها ثلات سنوات