افـزعولي ياأهــل الـتـزويـد والميكانيكا

[بعيد المساري]

السلام عليكم ورحمة الله وبركاته
أنا عندي سياره ذابحتني بصرفية البنزين وضعف العزم أو بالأصح ضعف قوة الجر ولاتسرع حدها140كيلو في الساعه
السياره من نوع تويوتا هايلكس
الموديل2000
غمارتين
قوة الماكينه2700
عددالسلندرات4سلندر
بصراحه لي مده وانا أعاني من هالمشكله
الكلبليتر توني مغيره وكاله
البواجي والاسلاك جديده
صفاية البنزين جديده
وجيت عدةورش تزويد نصحوني بأن أغير الماكينه الى6سلندر وقالو بيضبط عزمها وبتصيرF15
ولكن أنا بصراحه أخاف أركب مكينه6سلندر ويقوم القير ولا الدفرنش

وهل فيه مكينه6سلندرتركب على قير الوكاله
هل بتخف الصرفيه
وش نوع المكينه أمريكي ولا ياباني
بخاخ ولا كلبليتر
هل يحتاج تزويد مثل بساتم ستيل
هل يحتاج تيربو كبير ولا صغير
هل تحتاج كام كلبليتر هولي ولا فلايدبروك
أرجو منكم
مساعدتي لاني بصراحه بلشت مع هالعله اللي طاحت بكبدي
ودي أروح كل يوم عندأبلي لكن ماش البنزين يسحب الراتب والطعوس معذبتني كل شوي وانا مغرز وانسم الهواالى أقل من 10ولانفع الموتر مايجر ركبنا كفرات بوالين900الرجه ذبحتني كأني جالس في خضاضة لبن
وشكرآ لكم لسماع علتي المعلعله اللي أن شاءالله أنكم بتحلونها
أخوكم ومحبكم في الله
بـــعـــيـــدالـــمـــســـاري

[فلان بن عفتان]

؟؟؟؟؟؟؟؟؟؟؟؟؟؟

مكينه 6 سرندل على هايلكس = التكلفه 10000 ريال أو أكثر (كراسي جديده للمكينه - اكزوز كامل - المكينه - التركيب ) + سلملي على القير والدفرنسات ..
الحل انك تركب مكينة هايلكس بخاخ وترتاح ,,,,,,,,,,

وللعلم قير ودفرنسات الهايلكس ماتغيرت من موديل 98 حتى موديل 2005 ...

[عساف الضاري]

ياخوي كانت عندي نفس المشكله وكانت السياره بثلاث ارباع الدعسه تجيب 140 واذا دعست زياده ماتسرع وتزيد صرفيه البنزين ولا فيها عزم مره و صارت المشكله من عمود المكينه والجنزير
وتقبل تحياتي