تكفون يا اعظاء مكشات...

[اليورو تو]

إخواني الاعظاء كل عام وانتم بخير
استفسار الله يجزاكم خير عن قوة مكينة الهدد ال 6 سلندر لأني ناوي على 2013 وبصراحة كنت ابي اخذ ال 8 سلندر لكن ماهو موجود بالسوق اللي أبيه من اهل الخبرة هل ال 6 سلندر مع الجير التماتيك يكون ثقيل والا لا لانه مع الجير العايدي يمدحونه وأنا والله محتار . تكفون اللي عنده خبرة والا مجرب يفزعلي بالرأي والمشورة


علماً باني كان معي هدد 2007 جير عايدي كان عزمه مو بطال لكن يقولو ان المكينه من موديل 2012 صارت أقوى بالنسبة ل 6 سلندر

[دنيا بلا معنى]

انا معي هدد ٢٠١٣ قير عادي وعدد الاحصنه ٢٧١
وكان قبله معي هدد ٢٠١٠ قير عادي كان عدد الاحصنه اتوقع ٢٤١ او حولها
فاااا الي بقوله لك ان مكينه ٢٠١٢ و ٢٠١٣ غير
وبالنسبه للقير التوماتيك يقولون ماهو جيد بالسته سلندر ويمدحونه بالثمانيه سلندر
لكن لي انا بصفه شخصيه ما اعرف الى القير العادي آخوووووك غشيم سواقه ������������

[اليورو تو]

بيض الله وجهك أخوي ما قصرت

[sgl2002]

والله ياخوك ال٦ سلندر معروف بثقله وشلون لو كان تماتيك

اذا مره صامل ع الهدد خذ قير عايدي

[مدهوش]

سمعت من بعض الزملاء ان الهدد التماتيك 6 سلندر غير جيد ويعتبر احد اهم عوامل رفع الضغط لدى الكائن البشري ..

[اليورو تو]

سمعت من بعض الزملاء ان الهدد التماتيك 6 سلندر غير جيد ويعتبر احد اهم عوامل رفع الضغط لدى الكائن البشري ..



الله يجزاكم خير وهذا اللي انا خائف منه رفعة الضغط

[مدهوش]

انا مع اخوي sgl2002 قلبآ وقالبآ وترى فيه هدد عند اليحيى يجي 8 سرندل تماتيك ولو مافي او مخلص الان اصبر شوي وفك عمرك من الخساير وثق ان 6 سرندل ما راح يعجبك وحتى القير العايدي لك عليه واهله يقولون يمشي الحال وانا اعتقد انه يرجع الحال

[مدهوش]

الله يجزاكم خير وهذا اللي انا خائف منه رفعة الضغط


لا اجل ابشر برفعه الضغط الله لا يبلانا ولا يبلا كل مسلم انحش وانا اخوك عن 6 سلندر خير شر ولا تصوم وانا اخوك وتفطر على بصل !!

[بدوي جنوبي]

انا ما جربت
لكن خذ 8 سلندر افضل بكثير

[hightech]

انا عندي هدد 6 سرندل توماتيك 2011والصراحة ياخوي انه ثقيل شوي مقارنة بالثمانية سرندل

و في السفر صوت المكينة عالي تقول القير عيا يريح فنصيحتي لك خذ ثمانية سرندل إلا

اذا سواقتك سواقت شيبان توكل على الله واشتره بيصلح لك

[ابوسند9]

وانت با الف خير ,,,,,,,,تفضل ها الرابط يفيدك
http://www.mekshat.com/vb/showthread.php?t=382300&page=5

[اليورو تو]

أشكركم أصدقائي على التفاعل الغير مستغرب منكم ومن هنا أزف لكم البشرى بأنني بفضل من الله امتلكت جي اكس 8 سلندر من وكالة اليحي ببريدة اسأل الله ان يعطيني خيرة ويصرف عني شره

وانتم قليل بحقكم كلمة شكراً على تفاعلكم ونصائحكم التي بعد الله هي من أنارت لي طريق الصواب

[سعيد العقير]

مبارك عليك ان شاء الله الآن انت احسنت الاختيار
بس فيه سؤال بكم قيمته وهل هو جي اكس هدد ٨ سرندل او جي اكس ار

اتمنى الافاده

[اليورو تو]

هلابك أخوي هو gx 8 سلندر وقيمته دون التامين واللوحات ب ١٩٥٠٠٠

[الصخرة]

ممتاز سعره

على البركة اخوي ،،،،،، الله يعطيك من خيره ويكفيك شره

هل فيه ونش

[سعيد العقير]

ماشاء الله الله يبارك لك
اختيار موفق

[اليورو تو]

لا والله دون ونش ودون دفلوكوالله يبارك بحسناتكم يارب

[suliman92]

نصيحة أخ خذ لك 8 سلندر لان السته ما يمشي بالبر لا عادي ولا توماتيك لان العادي الجديد الدعسه و الكلتش الكترونيه يعني ما يفرق عن التوماتيك