لاصحاب الهايلوكسات الرجاء الدخول للضرورره ):

[سآآآرح]

بسم الله الرحمن الرحيم

السلام عليكم ورحمة الله وبركاتة

كيف حال الشباب ان شاء الله دوم بخير ..

عندي مشكلة بالهايلوكس انه مايجيب 190 بالخط :(

موتري غمارة طبعا 2011 الموتر مشيك عليه فحص مكينة 94%

بواجي مغيرها مفرغ شخالات يجيبها بس بالبلد اما بالمرسدس مايجيبها يجيب 184 كحد اقصى

الموتر مافيه شي بس ما ادري من وش المشكلة ومجرب اكثر من مره

فيه واحد باليوتيوب شايل الشخلات ومركب ماصوره بس ويقطع بالخامس ;) انا عجزت اجيب الفصله ومفرغ شخلات

ابي حل واقتراحاتكم من وش المشكلة وترى هواء الكفرات كلهن 30

غير كذا الموتر ماشاء الله يفحط الى الخامس مايقول لا << اذكرو الله ي الربع

ملاحظه: اللي يقول السرعة مابها خير انا عارف والله بس ربي مبتليني بمقاوم هالربوع والشيصان والهليات بالسريع لا جيت بسافر

وسلامتكم ..

[وااضح]

كنت املك هايلوكس غمارتين اسوء سيارة بالفرامل والثبات كيف تامن نفسك فيها
لو يضرب كفر ما تدري مفاجئت الطريق خذها نصيحة مني اترك المقاوم ماوراه الاعوار الراس

[سآآآرح]

والله ي الغالي تشوفني تقول كذا وش تقول بالارباع اللي يفصلون ويمشون فوق ال220 لا وكفرات بلد مو عراض

عموما الهلي معروف رد نمر وازهل الباقي وسلامتكك ..

[سآآآرح]

المشاهدات 110 ولافيه الا رد واجد وش ذا ):

[تربة الشمال]

اخي الحبيب الله يكفيك شر السرعه مافيه خير ومن سار على الطريق وصل

[بدوي جنوبي]

كان عند الوالد هايلكس 85 :redcar:
كنت احاول اوصله لل 160 ... لكن مو راضي مررره معيي :cool:
ووقتها دوبي تعلمت الميكانيكا ...:D

أشتغلت في شركة ستروين * في جده فترة من الزمن عام 1413تقريبا
بواجي السيارة هذه كان شكلها غريب لها 3 رؤؤس وتعجبت منها :eek:
تقريبا زي هذا http://www.mekshat.com/pix/upload05/images253/mk32037_99.jpeg

ففكرت قلت بجرب اركبها في مكينة الهايلكس ... بعد ما تأكد من فتحة البوجي
انها تركب وطبقت السنه .. وركبت تمام

وبعدها جربت السيارة كانت قومة السيارة قوية تحس فيه نشاط ووصلت العداد الى 170
ونزل الانمبير زيادة عن ال 170 ... :looney:

كانت تجربة مثيرة
فأنا أقترح عليك غير البواجي بشركة مثل بوش او ان جي كي


http://www.m5zn.com/uploads2/2012/1/4/photo/010412080155pdiof94tywe4al91zlr.jpg


http://store2.up-00.com/Dec11/Syb41726.jpg


http://i.imgur.com/yZXqK.jpg

http://mekshat.com/vb/showthread.php?p=9282729

* (ستروين شركة سيارات فرنسية من أفضل من صنع سيارات لكن ما أشتهرت كثير بسسبب تسويق الوكيل .. والسيارة مواصفاتها فاخرة وجودة في الصناعة .. وممكن تمشي على 3 كفرات أذا بنشرت مثلا )

[وااضح]

تاكد من حجم مكينة سيارتك لانها تجي نوعين 2700 و2000

[سآآآرح]

اخوي البواجي مالها دخل كان معنا 2011 غمارتين يجيب 190 وهو مرتاح وشاكر لكك ..

حجم المكينة 2700

[وااضح]

اكيد مرفوع وجه السيارة

[سآآآرح]

لا والله شد بلد

[وااضح]

لو مركب ماصورة نفس حجم الشكمان افضل عزم واقوى من التفريغ لان التفريغ صوت فقط
لاكن الماصورة عزم وصوت

[fate]

البواجي
فلتر االهواء
صفاية البنزين
اذا غيرتهن ولا تغير شي بيصير البلى من ضعف في طرمبة البنزين
وان كانك من اللي يمشون على الموتر ولمبة البنزين مولعة فترى البلى منها

[سيف وقلم]

يعني فرقت 6 كيلو, مشكلة كبيرة. :D
يفيدونك الشباب...

[abo naser 1]

ما أقول الا الله يهديك و يحفظك ويكفيك شر السرعة

تجرب لا بأس لآكن مقاوم ومطارد تسبب في كوارث وارواح لاسمح الله عوائل وكبار سن وسواقين نقل ثقيل
الخطوط تغيرت والكثافة والناس و المواتر

[سآآآرح]

بيض الله وجيهكم وماقصرتوا ..

[ابونبيل]

هواء سيارتك حطه ٣٥ او ٤٠ والموتر يصير خفيف
وكفرات البلد برجستون قاسيه تحط فيها ٣٠ كنها ٤٥
اما المرسدس وكفرات الخط لازم ترفع هواه افضل ممشا بالخط
وترا السرعه ما فيها خير وراك اهل

[بدوي جنوبي]

ما أقول الا الله يهديك و يحفظك ويكفيك شر السرعة

تجرب لا بأس لآكن مقاوم ومطارد تسبب في كوارث وارواح لاسمح الله عوائل وكبار سن وسواقين نقل ثقيل
الخطوط تغيرت والكثافة والناس و المواتر



جزاك الله خير يبو ناصر
طبعا احنا نحاول نساعد اى شخص يسئل او يبغي يوصل لمعلومة
يعنى ما نتجاهل من يسئل
وان شاء الله الاخ سارح عند حسن الظن

وكلامك صحيح ممنوع المطاردات او المقاومات في اماكن عامة :good:

[جنيفاوي 503]

جنوط المرسدس كم مقاس كفراتها

[قناص 28 عفيف]

المشكله من جنوط المرسيدس وعرض الكفرات

[جنيفاوي 503]

المشكله مهب من الجنوط المشكله من الكفرات لصار عرضها 225 او215 لانها تثقل
على الموتر

[العميد 1]

على طاري الهايلكس عندي ونيت 83م الدفرنس ملووح على اثر حادث قديم وسمكرتة على بالى الجربكس مابة شي سليم والان الدفرنس يحتاج تغيير حد منكم عندة موتر تشليح ولا موجود عندة دفرنس ولا فكرة محتاج فزعتكم يارجال

[أنصر نبيك]

اتق الله في نفسك 190 وعلى هايلوكس وغمارة !!!!!!!!!!!!!
لولكزس أو مرسيدس كان تنبلع نوعاً ما لكن هايلوكس غمارة
قال تعالى : ولا تلقوا بأيديكم إلى التهلكة

[يزدون]

احرص على الكفرات اهم شي قبل السرعة

[.. PATROL ..]

الهواء له دور كبير في ممشى السيارة

[GM_400]

السرعه مافيها خير وناخووووووووووك

والونيت خفيف الله يستر عليك

[النديمـ]

السرعه مافيها خير